India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 23, 2024
சென்னையில் தங்கியிருந்த 2 ஐஎஸ் தீவிரவாதிகள்
பெங்களூரு குண்டுவெடிப்பில் தொடர்புடைய 2 ஐஎஸ் தீவிரவாதிகளும், சென்னையில் தங்கியிருந்தது கண்டுபிடிக்கப்பட்டுள்ளது. சிசிடிவி காட்சிகளில் தொப்பி அணிந்து நடமாடிய 2 தீவிரவாதிகளும், கர்நாடகத்தை சேர்ந்த ஷாகிப், தாஹா என்பது கண்டுபிடிக்கப்பட்டது. தொப்பியின் சீரியல் நம்பரை ஆய்வு செய்ததில், திருவல்லிகேணியில் அதை வாங்கியதும், ஜனவரி, பிப்ரவரி மாதங்கள் அவர்கள் அங்கு தங்கியிருந்ததும் கண்டுபிடிக்கப்பட்டுள்ளது.
News March 23, 2024
கொல்கத்தா- ஐதராபாத் அணிகள் இன்று மோதல்
கொல்கத்தா- ஐதராபாத் இடையேயான ஐபிஎல் போட்டி, இன்று இரவு 7.30 மணிக்கு ஈடன் கார்தான் மைதானத்தில் நடைபெற உள்ளது. இரு அணிகளும் இதுவரை 25 போட்டிகளில் நேருக்கு நேர் சந்தித்ததில், கொல்கத்தா- 16, ஐதராபாத்- 9 போட்டிகளில் வெற்றி பெற்றுள்ளன. பேட் கம்மின்ஸ் தலைமையிலான ஐதராபாத் அணியில் ஹென்ரிக்ஸ், மார்க்ரம், ரஷீத் கான் டிராவிஸ் ஹெட் உள்ளிட்டோர் உள்ளதால், கொல்கத்தா அணிக்கு கடுமையான போட்டியாக இருக்கும்.
News March 23, 2024
12ஆம் வகுப்பு மாணவர்களுக்கு கோடை விடுமுறை
தமிழக அரசு மற்றும் அரசு உதவிப் பெறும் பள்ளிகளில் பன்னிரண்டாம் வகுப்பு மாணவர்களுக்கான பொதுத் தேர்வுகள் நேற்றோடு (22.03.2024) நிறைவு பெற்றன. ஆகையால், இன்று முதலே அவர்களுக்கு கோடை விடுமுறை தொடங்குகிறது. பல பள்ளிகளில் மாணவர்களுக்கு ஜூனியர்களும் ஆசிரியர்களும் பிரியா விடை அளித்தனர். அடுத்த கட்டமாக 12ஆம் வகுப்பு மாணவர்கள் கல்லூரி படிப்புக்கு தயாராகவுள்ளனர்.
News March 23, 2024
இன்றைய தலைப்புச் செய்திகள்
➤ தமிழக உயர்கல்வித்துறை அமைச்சராக பொன்முடி மீண்டும் பதவியேற்றார். ➤ குடும்பத் தலைவிக்கு மாதம் ரூ.3,000 – அதிமுக தேர்தல் அறிக்கை வெளியீடு ➤ காஸாவில் உடனடிப் போர் நிறுத்தத்தை அமல்படுத்தக் கோரி ஐ.நா பாதுகாப்பு கவுன்சிலில் அமெரிக்கா தீர்மானம் . ➤ பிரிட்டன் இளவரசி கேத் மிடில்டனுக்கு புற்றுநோய் பாதிப்பு ➤ நடப்பு ஐ.பி.எல் சீசனை வெற்றியுடன் தொடங்கியது சென்னை சூப்பர் கிங்ஸ் அணி.
News March 23, 2024
இதுவரை ரூ.11.95 கோடி பணம், பொருட்கள் பறிமுதல்
தமிழகத்தில் தேர்தல் நடத்தை விதிகள் அமலுக்கு வந்ததில் இருந்து நேற்று வரை நடத்தப்பட்ட பறக்கும் படை, நிலையான கண்காணிப்பு குழு சோதனைகளில் ரூ.11.95 கோடி பறிமுதல் செய்யப்பட்டுள்ளது. அதில், ரூ.10.28 கோடி ரொக்கம், ரூ.0.68 கோடி மது பாட்டில்கள், ரூ.0.35 கோடி மதிப்புள்ள போதைப்பொருட்கள், 0.22 கோடி மதிப்புள்ள தங்கம் உள்ளிட்ட விலை உயர்ந்த பொருட்கள், ரூ.0.41 கோடி இலவச பரிசுப்பொருட்கள் அடங்கும்.
News March 23, 2024
இன்று பஞ்சாப் – டெல்லி அணிகள் மோதல்
ஐ.பி.எல் கிரிக்கெட் தொடரில் இன்று நடைபெறும் 2ஆவது லீக் ஆட்டத்தில் பஞ்சாப் கிங்ஸ் அணி, டெல்லி கேப்பிடல் அணியை எதிர்கொள்கிறது. பஞ்சாப்பின் முல்லாப்பூரில் இன்று மாலை 3.30 மணிக்கு தொடங்கும் போட்டியில், விபத்தில் இருந்து மீண்டு வந்த ரிஷப் பண்ட், டெல்லி அணியின் கேப்டனாக கிரிக்கெட் களத்திற்கு வருகிறார். இதுவரை இரு அணிகளும் 32 முறை நேருக்கு நேர் மோதியுள்ளன. அதில் தலா 16 வெற்றியுடன் சமநிலை வகிக்கின்றன.
News March 23, 2024
இன்றைய நல்ல நேரம்!
▶ மார்ச் 23 ▶ பங்குனி – 10 ▶ கிழமை: சனி ▶ திதி: சதுர்த்தசி ▶ நல்ல நேரம்: காலை 07.30 – 08.30, மாலை 05.00 – 06.00 ▶ கெளரி நேரம்: காலை 10.30 – 11.30, மாலை 09.30 – 10.30 ▶ ராகு காலம்: காலை 09.00 – 10.30 ▶ எமகண்டம்: பிற்பகல் 01.30 – 03.00 ▶ குளிகை: காலை 06.00 – 07.30 ▶ சூலம்: கிழக்கு ▶ பரிகாரம்: தயிர்.
News March 23, 2024
கவிதை எழுதியவருக்கு 7 ஆண்டு சிறை
ரஷ்யாவில் போருக்கு எதிராக கவிதை எழுதிய ஆசிரியருக்கு 7 ஆண்டுகள் சிறைத்தண்டனை விதித்து அந்நாட்டின் ராணுவ நீதிமன்றம் தீர்ப்பளித்துள்ளது. உக்ரைன் போர் குறித்து பேசுவோருக்கு ரஷ்யா சிறைத்தண்டனை விதிப்பது தொடர்ந்து வருகிறது. அந்த வகையில், உக்ரைன் போருக்கு எதிராக கவிதை எழுதிய லுதூனியாவில் வசிக்கும் ஆசிரியர் அலெக்சாண்டர் பைவ்ஷேவ், பயங்கரவாத நடவடிக்கைக்கு மக்களை அழைத்ததாக தண்டனை விதிக்கப்பட்டுள்ளது.
News March 23, 2024
8 தொகுதிகளில் நேரடியாக மோதும் பாஜக – காங்கிரஸ்
மக்களவைத் தேர்தலில் தேசிய கட்சிகளான பாஜக – காங்கிரஸ் 8 தொகுதிகளில் நேரடியாக மோதுகின்றன. அதில் திருவள்ளூர்(தனி), கிருஷ்ணகிரி, கரூர், விருதுநகர், நெல்லை, கன்னியாகுமரி, புதுச்சேரி தொகுதிகளுடன், சிவகங்கையில் காங்கிரஸை எதிர்த்து பாஜக கூட்டணியில் உள்ள இமகமுகவின் தேவநாதன் தாமரை சின்னத்தில் போட்டியிடுகிறார். இதுதவிர விளவங்கோடு இடைத்தேர்தலிலும், இரு தேசிய கட்சிகளும் நேரடியாக மல்லுக்கட்டுகின்றன.
News March 23, 2024
ரத்த சோகையை போக்க இப்படி சாப்பிடுங்க!
ரத்த சோகை ஏற்படுவதற்கு பல காரணங்கள் உள்ளன. பெரும்பாலும் இரும்புச் சத்து பற்றாக்குறையால் ரத்த சோகை உண்டாகிறது. கீரைகள், பேரிச்சம் பழம், பால், இறைச்சி போன்ற உணவுகளில் இரும்புச்சத்து அதிகமுள்ளது. கீரைகள், மீன், இறைச்சி போன்றவற்றை உண்ணும்போது அவற்றுடன் எலுமிச்சை, நெல்லி போன்ற வைட்டமின் – சி போன்ற உணவுகளை உட்கொண்டால், நாம் உண்ணும் உணவில் உள்ள இரும்புச்சத்து உடலால் அதிகம் உறிஞ்சப்படும்.
Featured News
Sorry, no posts matched your criteria.