India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 10, 2024
இன்றைய தலைப்புச் செய்திகள்
➤ சென்னையில் பிரதமர் மோடி வாகனப் பேரணி
➤ கெஜ்ரிவால் கைது சட்டவிரோதம் இல்லை – டெல்லி உயர்நீதிமன்றம்
➤திமுகவுக்கு மக்கள் மீது அக்கறை இல்லை – இபிஎஸ்
➤ தமிழ்நாட்டில் தாமரை மலர வாய்ப்பே இல்லை – முதல்வர் ஸ்டாலின்
➤ நடிகர் அமீர் மீண்டும் விசாரணைக்கு அழைப்பு
➤ டி20 உலகக்கோப்பையில் ரிஷப் பந்த் விளையாட வாய்ப்பு
News April 10, 2024
அரசு மரியாதையுடன் இறுதிச் சடங்கு நடத்த வேண்டும்
மறைந்த முன்னாள் அமைச்சர் ஆர்.எம்.வீரப்பனின் இறுதிச் சடங்கை அரசு மரியாதையுடன் நடத்த காங்., எம்பி திருநாவுக்கரசர் கோரிக்கை வைத்துள்ளார். ஆர்.எம்.வீரப்பன் மறைவிற்கு இரங்கல் தெரிவித்த அவர், அரசியல் உலகில் பலரை உருவாக்கிய பெருமைக்குரியவர். எந்த வித ஊழல் குற்றச்சாட்டுக்கு ஆளாகாத நேர்மையான மனிதர். மூத்த அரசியல்வாதியான அவரது இறுதிச் சடங்கை அரசு மரியாதையுடன் நடத்த வேண்டும் என கேட்டுக்கொண்டார்.
News April 9, 2024
திருமாவளவன் தங்கியிருந்த வீட்டில் ஐ.டி. சோதனை
விசிக தலைவர் திருமாவளவன் தங்கியிருந்த வீட்டில் வருமான வரித்துறை அதிகாரிகள் திடீரென சோதனை நடத்திய சம்பவம் பரபரப்பை ஏற்படுத்தியது. மக்களவைத் தேர்தலில் சிதம்பரம் தொகுதியில் போட்டியிடும் அவர், அந்தத் தொகுதி முழுவதும் பிரசாரம் செய்து வருகிறார். அதற்காக, தண்டேஸ்வரநல்லூரில் உள்ள நிர்வாகி ஒருவர் வீட்டில் கடந்த 2 நாட்களாக அவர் தங்கியிருந்த நிலையில், அங்கு ஐ.டி. அதிகாரிகள் சோதனை நடத்திச் சென்றனர்.
News April 9, 2024
மா.பொ.சி. படக்குழுவினரை விளாசிய மா.பொ.சி. பேத்தி
போஸ் வெங்கட் இயக்கத்தில் விமல் நடித்துள்ள மா.பொ.சி. படத்தை எடுப்பதற்கு முன்பு அனுமதி வாங்க வேண்டாமா என மா.பொ.சியின் பேத்தி பரமேசுவரி கேள்வி எழுப்பியுள்ளார். அவருடைய பெயரில் படத்தின் தலைப்பை வைத்துவிட்டு அது அவருடைய கதை இல்லை எனக் கூறுவதற்கு வெட்கமாக இல்லையா என கடுமையாக விளாசிய அவர், தமிழ் இயக்குநர்களுக்கு ஏன் இந்த கற்பனை வறட்சி எனத் தனக்கு தோன்றுவதாக கூறியுள்ளார்.
News April 9, 2024
ஐதராபாத் 2 ரன்னில் த்ரில் வெற்றி
பஞ்சாப் அணிக்கு எதிரான போட்டியில் ஐதராபாத் அணி 2 ரன்கள் வித்தியாசத்தில் வெற்றி பெற்றது. முதலில் ஆடிய ஐதராபாத் 182 ரன்கள் எடுத்தது. அந்த அணியின் நிதிஷ் ரெட்டி 64 ரன்கள் எடுத்தார். பின்னர் ஆடத்துவங்கிய பஞ்சாப் அணி 20 ஓவரில் 180 ரன்கள் எடுத்தது. சஷாங்க் சிங் 46, அசுதோஷ் சர்மா சர்மா 33 ரன்களும் எடுத்தனர். கடைசி ஓவரில் இருவரும் ருத்ர தாண்டவம் ஆடிய நிலையிலும், வெற்றி இலக்கை அவர்களால் எட்ட முடியவில்லை.
News April 9, 2024
ஆதங்கத்தை கொட்டிய பா.ரஞ்சித்
தேவர் மகன், சின்ன கவுண்டர் படங்கள் வெளியான போது சாதிய படம் என்ற கேள்வி எழாதது ஏன் என பா.ரஞ்சித் கேள்வி எழுப்பியுள்ளார். சென்னையில் நடைபெற்ற PK ரோஸி திரைப்பட விழாவில் பேசிய அவர், “1990 காலக்கட்டத்தில் தமிழ் சினிமா மொத்தமாக மாறியிருந்தது. ஏராளமான சாதியப் படங்கள் வெளியாகின. சாதிகளை வெளிப்படையாக பேசிய படங்கள் வந்தன. அவை விவாதத்திற்கு உள்ளாக்கப்பட்டதா?” போன்ற கேள்விகளை முன்வைத்தார்.
News April 9, 2024
தமிழ் கலாசாரத்திற்கு பாஜக மரியாதை அளிக்கிறது
தமிழ் கலாசாரத்திற்கு பாஜக என்றும் மரியாதை அளிக்கிறது என பிரதமர் மோடி மகிழ்ச்சி தெரிவித்துள்ளார். சென்னையில் இன்று வாகனப் பேரணியில் கலந்துகொண்டது குறித்து X தளத்தில் பதிவிட்டுள்ள அவர், சென்னையில் காணப்படும் இந்த உற்சாகம், தமிழ்நாடு NDA கூட்டணிக்கு பெரிய அளவில் ஆதரவளிக்கத் தயாராக உள்ளது என்பதைக் காட்டுகிறது. இந்த நகரத்திற்காக நமது அரசு தொடர்ந்து பாடுபடும் என உறுதியளிக்கிறேன் என குறிப்பிட்டுள்ளார்.
News April 9, 2024
குபேரனாகப் போகும் ராசிகள்
ஜோதிட சாஸ்திரத்தின்படி, ஒவ்வொரு கிரகங்கள், ஒவ்வொரு ராசியில் பெயர்ச்சி அடையும்போது சில ராசிகளுக்கு நன்மை, தீமைகள் ஏற்படும். அந்த வகையில் தற்போது நவ கிரகங்களில் ஏற்பட்டுள்ள பெயர்ச்சியால் சிம்மம், விருச்சிகம், மகரம், கும்ப ராசியினருக்கு குபேர யோகம் காத்திருக்கிறது. இவர்கள் தொட்டதெல்லம் இனி பொன்னாகும். ஒரு மடங்கு முதலீடு செய்தால் 10 மடங்கு லாபம் கொழிக்கும். பண வரவு தேவைக்கும் அதிகமாக கொட்டும்.
News April 9, 2024
தமிழ்நாடு என்ன சரணாலயமா?
வாக்கு கேட்டு மட்டும் வந்து செல்ல தமிழ்நாடு என்ன சரணாலயமா என முதல்வர் ஸ்டாலின் கேள்வி எழுப்பியுள்ளார். சென்னையில் பாஜக வேட்பாளர்களை ஆதரித்து பிரதமர் மோடி இன்று வாகனப் பேரணி சென்றார். அதனை சுட்டிக்காட்டிய முதல்வர், தேர்தலின்போது மட்டும் சந்திக்க தமிழக மக்கள் என்ன 2ஆம் தர குடிமக்களா? என வினவினார். மேலும், சமூக நீதி மீது அக்கறையுள்ள பிரதமரையே மக்கள் தேர்வு செய்ய வேண்டும் என அவர் கேட்டுக் கொண்டார்.
News April 9, 2024
தாய்க்காக சாய் பாபா கோயில் கட்டிய நடிகர் விஜய்
தாய் ஷோபனாவுக்காக நடிகர் விஜய், சாய் பாபா கோயில் கட்டிய நிகழ்வு ரசிகர்களை நெகிழ்ச்சியில் ஆழ்த்தியுள்ளது. சாய் பாபா கோயிலில் விஜய் இருப்பது போன்ற புகைப்படம் நேற்று வைரலானது. அந்தக் கோயில் சென்னை கொரட்டூரில் 8 கிரவுண்ட் நிலத்தில், நடிகர் விஜய் கட்டியது எனத் தெரியவந்துள்ளது. ஷோபா தீவிர சாய் பாபா பக்தை என்பதால், அவரது ஆசைக்காக 8 கிரவுண்ட் நிலத்தில் விஜய் இந்தக் கோயிலை கட்டிக் கொடுத்துள்ளார்.
Featured News
Sorry, no posts matched your criteria.