News May 6, 2024

IPL: மும்பை vs ஹைதராபாத் இன்று மோதல்

ஐபிஎல்லில் இன்று நடைபெறும் போட்டியில் மும்பை மற்றும் ஹைதராபாத் அணிகள் மோத உள்ளன. ஏற்கெனவே பிளே ஆஃப்க்கு முன்னேறும் வாய்ப்பை இழந்துள்ள MI அணிக்கு இன்றைய போட்டி சம்பிரதாய ஆட்டமாகவே இருக்கும். ஐபிஎல்லில் சிறப்பான ஆட்டத்தை வெளிப்படுத்தி வெளிப்படுத்திவரும் SRH அணி இந்த போட்டியில் வெற்றிபெற்றால் பட்டியலில் CSK அணியை பின்னுக்குத் தள்ளி 3ஆவது இடத்தைப் பிடிக்கும். இன்று எந்த அணி வெற்றிபெறும்?

News May 6, 2024

தேர்தலுக்காக விமானப்படை வீரர்கள் மீது தாக்குதல்

ஜம்மு காஷ்மீரின் பூஞ்ச் மாவட்டத்தில் நேற்றுமுன்தினம் தீவிரவாதிகள் நடத்திய தாக்குதலில் விமானப்படை வீரர் ஒருவர் உயிரிழந்தார். இந்நிலையில் இது தீவிரவாத தாக்குதல் அல்ல, தேர்தலுக்காக பாஜக நடத்தும் நாடகம் என பஞ்சாப் முன்னாள் முதல்வர் சரண்ஜித் சிங் சன்னி விமர்சித்துள்ளார். தேர்தல் நடைபெறும்போதெல்லாம் இத்தகைய நாடகத்தை பாஜக அரங்கேற்றிவருவதாகக் கூறிய அவர், இந்த தாக்குதலில் எந்த உண்மையும் இல்லை என்றார்.

News May 6, 2024

இன்றைய நல்ல நேரம்

▶மே – 6, சித்திரை – 23 ▶கிழமை – திங்கள் ▶நல்ல நேரம்: 9:00 AM – 10:30 AM, 4:30 PM – 5:30 PM ▶கெளரி நல்ல நேரம்: 1:30 AM – 2:30 AM, 7:30 PM – 8:30 PM ▶ராகு காலம்: 7:30 AM – 9:00 AM ▶எமகண்டம்: 10:30 AM – 12:00 PM ▶குளிகை நேரம்: 1:30 PM – 3:00 PM ▶பிறை: தேய்பிறை ▶சூலம்: கிழக்கு ▶பரிகாரம்: தயிர் ▶திதி: திதித்துவம்

News May 6, 2024

பாஜக 101% வெற்றிபெறும்

ரேவண்ணா கைது செய்யப்பட்டது கர்நாடக மக்களவைத் தேர்தலில் எதிரொலிக்காது என கர்நாடக முன்னாள் முதல்வரும் பாஜக பிரமுகருமான எடியூரப்பா கூறியுள்ளார். காங்கிரஸ் கட்சியில் பிரதமர் வேட்பாளர் இல்லாதது பெரும் பின்னடைவு எனக் கூறிய அவர், ராகுல் காந்தியின் பேச்சு பெரிதாக எடுபடவில்லை என்றார். மேலும், மக்களவைத் தேர்தலில் கர்நாடகாவில் பாஜக 101% வெற்றிபெறும் என்றும் நம்பிக்கை தெரிவித்துள்ளார்.

News May 6, 2024

விடுமுறையை முன்னிட்டு விமான சேவை அதிகரிப்பு

கோடை விடுமுறையில் மக்கள் பிற ஊர்களுக்கு பயணிப்பதற்கு ஏதுவாக தமிழ்நாட்டில் விமான சேவை அதிகரிக்கப்பட்டுள்ளது. இதன்படி சென்னையில் இருந்து கோவை, திருச்சி, தூத்துக்குடி, மதுரை ஆகிய விமான நிலையங்களுக்கு இடையே வழக்கமாக இயக்கப்படும் விமானங்களுடன் கூடுதல் விமானங்கள் இயக்கப்படுகின்றன. இதேபோல் பிற மாநிலங்களிலிருந்தும் சென்னைக்கு அதிக அளவில் விமானங்கள் இயக்கப்படுகின்றன.

News May 6, 2024

புத்தர் பொன்மொழிகள்

* சில சமயம் கட்டாயம் நடக்கும் என்று நினைப்பது நடப்பதில்லை. நிச்சயமாக நடக்காது என்று நினைப்பது நடந்துவிடும். ஆண், பெண்களின் மகிழ்ச்சி அவர்களின் எதிர்பார்ப்புகளைச் சார்ந்திருப்பதில்லை.

* ஒருவன் எவரையும், எங்கும், எதற்கும் குறை கூறவோ வெறுக்கவோ கூடாது. கோபத்தினாலோ போட்டியினாலோ பிறருக்கு வேதனை உண்டாக்க விரும்ப வேண்டாம்.

News May 6, 2024

லக்னோ அணி மோசமான சாதனை

கொல்கத்தா அணிக்கெதிரான ஐபிஎல் போட்டியில் 98 ரன்கள் வித்தியாசத்தில் தோல்வியடைந்த லக்னோ அணி மிக மோசமான சாதனை ஒன்றைப் படைத்துள்ளது. ஐபிஎல்லில் LSG மிக அதிக ரன்கள் வித்தியாசத்தில் தோல்வியடைந்த போட்டி இதுவாகும். இதற்கு முன்னதாக கடந்த ஆண்டு சென்னை அணிக்கு எதிராக 81 ரன்கள் வித்தியாசத்தில் தோல்வியடைந்ததே LSG அணியின் மிகப்பெரிய தோல்வியாக இருந்தது.

News May 6, 2024

காலையில் காஃபி குடிப்பவர்கள் கவனிக்க

வெறும் வயிற்றில் காஃபி அருந்துவது ஆரோக்கியத்திற்கு நல்லதல்ல. இயல்பாகவே நாம் சாப்பிடும்போதோ அல்லது உணவை நினைக்கும்போதோ வயிற்றில் ஹைட்ரோகுளோரிக் அமிலம் சுரக்கும். அப்படி காலையில் எழுந்து வெறும் வயிற்றில் காஃபி அருந்தும்போது ஹைட்ரோகுளோரிக் அமிலத்தின் செயல்பாட்டை பாதிக்கும். இதனால் வயிற்று உப்புசம், வாயுத்தொல்லை பிரச்னைகள் ஏற்படும். நாளாக நாளாக பெரிய பிரச்னைகளுக்கும் வித்திடும்.

News May 6, 2024

மக்களுக்கு சேவை செய்வதே எனது தர்மம்

அடுத்த ஆயிரம் ஆண்டுகளுக்கு இந்தியா வலுவாக இருப்பதற்காக தான் உழைத்து வருவதாக பிரதமர் மோடி கூறியுள்ளார். உத்தர பிரதேசத்தில் நடைபெற்ற தேர்தல் பிரசாரத்தில் பேசிய அவர், காங்கிரஸ் கட்சியினர் தங்கள் குழந்தைகளுக்காக உழைத்து வருவதாகவும், தான் மக்களின் குழந்தைகளுக்காக உழைத்து வருவதாகவும் கூறினார். மேலும், மக்களுக்கு சேவை செய்வதையே தர்மமாகக் கொண்டு உழைத்து வருவதாக பெருமிதம் தெரிவித்தார்.

News May 6, 2024

வரலாற்றில் இன்று: மே 6

➤1854 – இந்தியாவில் முதல் அஞ்சல் தலை வெளியிடப்பட்டது.
➤1861 – இந்திய தேசிய காங்கிரஸ் தலைவர் மோதிலால் நேரு பிறந்த நாள்
➤1945 – இரண்டாம் உலகப் போர்: கிழக்கு ஐரோப்பாவின் கடைசிப் பெரும் சமர் பிராகா நகரில் ஆரம்பமானது.
➤1967 – சாகிர் உசேன் இந்தியாவின் முதல் முஸ்லிம் குடியரசுத் தலைவரானார்.
➤2021 – தமிழ் திரைப்பட காமெடி நடிகர் பாண்டு நினைவு தினம்