News March 16, 2024

தண்ணீர் பஞ்சத்தால் IT ஊழியர்களுக்கு ‘WFH’

image

பெங்களூருவில் கடுமையான தண்ணீர் தட்டுப்பாடு நிலவுவதால், IT ஊழியர்கள் Work From Home வாங்கிக் கொண்டு சொந்த ஊருக்கு படையெடுத்து வருகின்றனர். தண்ணீர் பஞ்சத்தால் மக்கள் அல்லாடி வரும் சூழலில் அடுக்குமாடி குடியிருப்பில் வசிப்பவர்கள் இயற்கை உபாதையை கழிக்க அருகிலுள்ள மால்களை தேடிச் செல்லும் அவல நிலை ஏற்பட்டுள்ளது. இதனால், நிலைமை சரியாகும் வரை வீட்டிலிருந்து பணிபுரிய ஐடி ஊழியர்கள் முடிவு செய்துள்ளனர்.

News March 16, 2024

வாய் துர்நாற்றம் வரவே வராது

image

இந்த 6 வழிமுறைகளை கடைபிடியுங்கள், வாழ்நாளில் வாய் துர்நாற்றம் நெருங்கவே நெருங்காது. 1) தினமும் காலை, இரவு என 2 முறை கட்டாயம் பல் துலக்குங்கள் 2) ஒவ்வொரு முறை சாப்பிட்ட பிறகும் பல் துலக்குங்கள் 3) நாக்கை தினமும் சுத்தப்படுத்துங்கள் 4) சரியான உணவு முறையை கடைபிடியுங்கள் 5) குறிப்பிட்ட நாள் இடைவெளியில் பிரஷ்ஷை மாற்றுங்கள் 6) பல் மருத்துவரிடம் குறிப்பிட்ட இடைவெளியில் பரிசோதனை செய்யுங்கள்.

News March 16, 2024

இஸ்ரேல் விமானத் தாக்குதலில் 36 பேர் பலி

image

காசாவில் இஸ்ரேல் விமானப்படை நடத்திய தாக்குதலில் 36 பேர் பலியாகியுள்ளனர். காசாவுக்குள் புகுந்து இஸ்ரேல் நடத்தி வரும் தாக்குதலில் இதுவரை 31,533 பேர் பலியாகியுள்ளனர். மேலும் 73,546 பேர் காயமடைந்துள்ளனர். இந்நிலையில் காசாவின் நசீரத் நகரில் இஸ்ரேல் விமானப்படை திடீர் தாக்குதல் நடத்தியுள்ளது. அதில் பாலஸ்தீனியர்கள் 36 பேர் பலியானதுடன், பலர் காயமடைந்தனர்.

News March 16, 2024

சனியால் இந்த ராசிகளுக்கு சிக்கல்

image

நவகிரகங்களில் சக்தி வாய்ந்தவரான சனி பகவானின் உக்கிர பார்வை தற்போது கடகம், விருச்சிகம், மகரம், கும்ப ராசியினர் மீது விழுகிறது. இதனால் பல்வேறு சிக்கல்களை இந்த 4 ராசியினரும் எதிர்கொள்ள உள்ளனர். குறிப்பாக, ஆரோக்கியத்தில் குறைபாடு, தொழில், வியாபாரத்தில் மந்த நிலை, திட்டமிட்ட காரியங்கள் தள்ளிப் போவது, வேலை பார்க்கும் இடத்தில் பிரச்சினை போன்ற பல இன்னல்களை மேற்கண்ட ராசியினர் சந்திக்க உள்ளனர்.

News March 16, 2024

அஷ்வினுக்கு ரூ.1 கோடி பரிசளித்து கெளரவிப்பு

image

இந்திய அணி சுழற்பந்துவீச்சாளர் அஷ்வினுக்கு ரூ.1 கோடி பரிசு வழங்கி தமிழ்நாடு கிரிக்கெட் சங்கம் கெளரவித்துள்ளது. இங்கிலாந்துக்கு எதிராக அண்மையில் நடைபெற்ற டெஸ்ட் தொடரில் அஷ்வின், 500ஆவது விக்கெட்டை வீழ்த்தி அசத்தினார். இதேபோல் டெஸ்டில் 100வது போட்டியையும் அவர் நிறைவு செய்தார். இதையடுத்து அவருக்கு ரூ.1 கோடி பரிசு அளித்து தமிழ்நாடு கிரிக்கெட் சங்கம் கெளரவித்தது.

News March 16, 2024

2047ஆம் ஆண்டு தேர்தலுக்கு திட்டமிடுகிறேன்

image

2047ஆம் ஆண்டு தேர்தலுக்கு திட்டமிட்டு வருவதாக பிரதமர் மோடி தெரிவித்துள்ளார். தொடர்ந்து 3வது முறையாக அவரையே முன்னிறுத்தி 2024 மக்களவைத் தேர்தலிலும் பாஜக போட்டியிடுகிறது. இந்நிலையில், இந்தியா டுடே இதழ் கருத்தரங்கில் பங்கேற்ற அவரிடம், 2029 மக்களவைத் தேர்தல் பணியை தொடங்கி வீட்டீர்களா? என கேட்கப்பட்டது. அதற்கு, “2029ல் நீங்கள் சிக்கியுள்ளீர்கள். நான் 2047 தேர்தலுக்கு திட்டமிடுகிறேன்” என்றார்.

News March 16, 2024

125 வயது ஆமை இறந்து போனது

image

ஐதராபாத்தின் நேரு உயிரியல் பூங்காவில் வாழ்ந்துவந்த 125 வயது ஆண் ஆமை இன்று உயிரிழந்தது. வயோதிகம் காரணமாக உறுப்புகள் செயலிழந்து ஆமை மரணித்ததாக பூங்கா மருத்துவர் தெரிவித்திருக்கிறார். கடந்த 10 நாட்களாக உணவருந்தாமல் அவதியுற்றுவந்த ஆமை இன்று உயிரிழந்தது. இந்த ஆமையுடன் 95 வயதான மற்றொரு ஆமையும் வசித்து வந்தது குறிப்பிடத்தக்கது.

News March 16, 2024

தேர்தலில் போட்டியிட, வாக்களிக்க முடியாதவர்கள்

image

1.தேர்தலில் போட்டியிட முடியாதவர்கள்…
*25 வயதை நிரம்பாதவர்கள்.
*வாக்காளர்கள் பட்டியலில் பெயரில்லாதவர்கள்.
*ஜாமினில் இருப்பவர்கள்.
*நீதிமன்றத்தால் தடை விதிக்கப்பட்டவர்கள்.
2.வாக்களிக்க முடியாதவர்கள்…
*இந்திய குடியுரிமை அல்லாதோர்.
*பிறநாட்டு குடியுரிமை பெற்ற வெளிநாடு வாழ் இந்தியர்கள். *தண்டனைக் குற்றவாளிகள். *பல வாக்காளர் பட்டியல்களில் பெயர் உள்ளவர்கள். *மனநலம் குன்றியவர்கள்.

News March 16, 2024

அனைத்துலக முத்தமிழ் முருகன் மாநாடு

image

பழநி கோயில் சார்பில் நடத்தப்படவுள்ள ‘அனைத்துலக முத்தமிழ் முருகன்’ மாநாட்டுக்கு சேகர் பாபு தலைமையில் குழு உருவாக்கப்பட்டுள்ளது. முருகனின் பெருமையை உலகிலுள்ள பக்தர்கள் அறியும் வகையில், அறநிலையத்துறை சார்பில் முத்தமிழ் முருகன் மாநாடு நடத்தப்பட உள்ளது. இந்த ஆண்டு நடக்கும் மாநாட்டில் ஆன்மிக பெரியோர்கள் உள்பட பலர் பங்கேற்க உள்ளதால் அதற்கான ஏற்பாடுகளை மேற்கொள்ள 20 பேர் கொண்ட குழு உருவாக்கப்பட்டுள்ளது.

News March 16, 2024

ஐபிஎல் போட்டிகள் வெளிநாட்டுக்கு மாற்றமில்லை

image

ஐபிஎல் போட்டிகள் ஐக்கிய அரபு அமீரகத்துக்கு மாற்றப்பட இருப்பதாக வெளியான செய்திகளை பிசிசிஐ செயலாளர் ஜெய்ஷா மறுத்துள்ளார். மக்களவைத் தேர்தல் 7 கட்டங்களாக விரைவில் நடைபெறவுள்ளது. இதனால் போட்டிகள், இந்தியாவில் இருந்து ஐக்கிய அரபு அமீரகத்துக்கு மாற்றப்படலாம் என செய்திகள் வெளியாகின. இதுகுறித்து ஜெய் ஷா அளித்துள்ள பேட்டியில், “ஐபிஎல் போட்டிகள், வெளிநாட்டுக்கு மாற்றப்படாது” எனக் கூறியுள்ளார்.

error: Content is protected !!