India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 10, 2024
ADMK – BJP கூட்டணி: ஷாக் கொடுத்த இபிஎஸ்
பாஜகவுடன் கூட்டணி அமைப்பீர்களா என்ற கேள்விக்கு, தேர்தல் நெருங்கும்போது அரசியல் சூழலை பொறுத்து கூட்டணி அமைக்கப்படும் என்று இன்று பதிலளித்தார் இபிஎஸ். இது பாஜகவுடன் கூட்டணி அமைக்க வாய்ப்பு உள்ளது என்பதை மறைமுகமாக சொல்வதாக உள்ளது. விஜய்யால் அரசியல் களம் மாறியுள்ள நிலையில், திமுகவுக்கு எதிராக பலமான கூட்டணி அமைப்பேன் என்பதையே இபிஎஸ் அழுத்தமாக சொல்லி இருக்கிறார். அடித்து ஆடத் தொடங்கிவிட்டாரா இபிஎஸ்?
News November 10, 2024
WOW! இத மட்டும் செய்யுங்க… உங்களுக்கு ஹேப்பி தான்!
தினசரி காலையில் வழக்கமாக எழும் நேரத்தைவிட ஒரு மணிநேரம் முன்னதாக எழுந்திருப்பது மனச்சோர்வை 23% குறைப்பதாக அமெரிக்க, பிரிட்டன் பல்கலை. கள் நடத்திய ஆய்வில் உறுதியாகியுள்ளது. இரவில் நீண்டநேரம் விழித்திருப்பது சிலருக்கு மரபியல் ரீதியான காரணமாக இருந்தாலும், பெரும்பாலானோர் அதன் பாதிப்பை உணராமலேயே அப்படி செய்கின்றனராம். ஆகவே மக்களே, நாளை முதல் ஒரு மணிநேரம் முன்னதாகவே எழுந்திருக்க முயற்சிக்கலாமே!
News November 10, 2024
உதயநிதிக்கு ஏன் இவ்வளவு முக்கியத்துவம்? இபிஎஸ்
முதல்வர் தனது மகன் உதயநிதியை பற்றியே அதிகம் கவலை கொள்வதாக இபிஎஸ் விமர்சித்துள்ளார். உதயநிதி அமைச்சர் பணியில் சிறப்பாக செயல்பட்டு 100 மதிப்பெண் பெற்றுள்ளதாக முதல்வர் பெருமைப்படுவதாக குறிப்பிட்ட அவர், மற்ற அமைச்சர்கள் அனைவரும் பெயில் ஆகிவிட்டார்களா? எனக் கேள்வி எழுப்பியுள்ளார். சில நாள்கள் முன்பு பேசிய முதல்வர், உதயநிதி, அமைச்சர் பணியில் நூற்றுக்கு நூறு மதிப்பெண் பெற்றுள்ளதாக கூறியிருந்தார்.
News November 10, 2024
உங்கள் செல்போனை ஆஃப் செய்யுங்கள்
வாரம் ஒருமுறை, உங்கள் செல்போனை ஸ்விட்ச்-ஆப் செய்வது பல்வேறு நன்மைகளை தரும் என்கின்றனர் tech experts. ஆம், வாரம் ஒருமுறை, சில நிமிடங்கள் உங்கள் போனை ஆப் செய்து வைத்தால்: *போன் ஹேக் செய்யப்படுவதை, தகவல்கள் திருடப்படுவதையும் தடுக்க உதவும். *பேட்டரி ஆயுள் கூடும் *மெமரி லீக் கட்டுப்படும் *கனெக்டிவிடி பிரச்சனைகள் சீராகும் *கேஷ் மெமரி அழிவதால் ஸ்பீட் அதிகரிக்கும் *சில நிமிடங்கள் மனநிம்மதி கிடைக்கும்.
News November 10, 2024
கட்சி நிகழ்ச்சிக்கு காரில் வரக்கூடாது: ராமதாஸ்
கட்சி நிர்வாகிகள் மக்களோடு மக்களாக இணைந்து பணியாற்ற வேண்டும் என பாமக நிறுவனர் ராமதாஸ் கேட்டுக்கொண்டுள்ளார். கட்சியின் பொதுக்கூட்டங்கள், மாநாட்டுக்கு வரும் கட்சி நிர்வாகிகள், மாவட்ட செயலாளர்கள் காரில் வருவதை தவிர்க்க வேண்டும் எனவும் வலியுறுத்தியுள்ளார். நிர்வாகிகள், தொண்டர்களை அழைத்து வரும் வேன்கள் அல்லது பேருந்துகளில் அவர்களுடன் இணைந்து வர வேண்டும் எனவும் வலியறுத்தியுள்ளார்.
News November 10, 2024
திடீரென தோன்றும் மச்சம்… கவனம் அவசியம்!
மச்சம் என்பது எப்போது வேண்டுமானாலும் வரலாம். திடீரென மச்சம் வந்தால் அதைப் பார்த்து பயப்படத் தேவையில்லை. அதே சமயம், எல்லா மச்சங்களையும் அப்படி அணுகக் கூடாது என சருமநல மருத்துவர்கள் கூறுகின்றனர். ஒரு மச்சம் திடீரென அளவில் பெரியதாகிக் கொண்டே போனாலோ, அதிலிருந்து நீர்க்கசிவு போன்ற ஏதேனும் இருந்தாலோ அல்லது புண்ணாகிப் போனாலோ அது குறித்து கவனித்து உடனே மருத்துவரை அணுக வேண்டும் என்கின்றனர்.
News November 10, 2024
நல்லவர்கள் அதிமுகவோடு வருவார்கள்: வேலுமணி
மக்கள் நலனில் அக்கறையுள்ள கட்சிகள் இபிஎஸ்-ஐ தேடி வருவார்கள் முன்னாள் அமைச்சர் வேலுமணி தெரிவித்துள்ளார். கரூரில் நடைபெற்ற அதிமுக செயல் வீரர்கள் கூட்டத்தில் பேசிய அவர், கடந்த 3 வருட திமுக ஆட்சியில், தமிழகம் அனைத்து துறைகளிலும் தோல்வி அடைந்துள்ளதாக குற்றஞ்சாட்டினார். கூட்டணியை பற்றி நிர்வாகிகள் கவலை கொள்ள தேவையில்லை என்றும், வெற்றி கூட்டணியை இபிஎஸ் அமைப்பார் எனவும் நம்பிக்கை தெரிவித்தார்.
News November 10, 2024
சனி – சுக்கிரன் சேர்க்கை: 5 நட்சத்திரங்களுக்கு ஜாலி!
சனியும் சுக்கிரனும் இந்தாண்டு இறுதியில் கும்பத்தில் சேர்வதால் பலன் பெறும் நட்சத்திரங்கள் • அஸ்வினி: அதிர்ஷ்டம், வெற்றி தேடி வரும். பதவி உயர்வு உண்டு. • ரோகிணி: திருமண தடங்கல் நீங்கும். குடும்பத்தில் மகிழ்ச்சி. • உத்திரம்: நல்ல வேலை கிடைக்கும். மகிழ்ச்சி கொட்டும். • சித்திரை: புதிய தொழில் தொடங்கும் நேரம். சாதனை செய்வீர்கள். • உத்திராடம்: எல்லா முயற்சியும் வெற்றியடையும். தொட்டதெல்லாம் துலங்கும்.
News November 10, 2024
திரைத்துறைக்கு பேரிழப்பு: இயக்குநர்கள் சங்கம்
நடிகர் டெல்லி கணேஷ் மறைவுக்கு தமிழ்நாடு திரைப்பட இயக்குநர்கள் சங்கம் இரங்கல் தெரிவித்துள்ளது. தமிழ், தெலுங்கு என 400 படங்களில் முத்திரை பதித்துள்ளார் என குறிப்பிட்டுள்ள அச்சங்கம், இந்த நூற்றாண்டின் மிகச்சிறந்த நடிகரை தமிழ் திரையுலகம் இழந்துள்ளதாக வேதனை தெரிவித்துள்ளது. டெல்லி கணேஷை இழந்துவாடும் உறவினர்களுக்கும், நண்பர்களுக்கு ஆழ்ந்த இரங்கலையும் இயக்குநர்கள் சங்கம் கூறியுள்ளது.
News November 10, 2024
தொடரை கைப்பற்றுமா இந்திய அணி
இந்திய அணிக்கு எதிரான 2வது டி20 போட்டியில் தெ.ஆப்பிக்க அணி பந்து வீச்சு தேர்வு செய்துள்ளது. முதல் போட்டியில் வெற்றி பெற்ற இந்திய அணி இந்தப் போட்டியை வென்றால் தொடரை கைப்பற்றும் என்பதால் விறுவிறுப்புக்கு பஞ்சம் இருக்காது. இந்திய அணி; சாம்சன் (wk), அபிசேக் சர்மா, சூர்யகுமார் யாதவ் (c), திலக் வர்மா, ஹிருத்திக் பாண்டியா, ரிங்கு சிங், அஷர் படேல், அர்ஷ்தீப் சிங், ரவி பிஷ்னோய், ஆவேஷ் கான், வருண்.
Featured News
Sorry, no posts matched your criteria.