India's largestHyperlocal short
news App
Get daily news updates that are tailored for you based on your preferred language & location.
download Way2News app now
Virudunagar
News February 27, 2025
விருதுநகர் மக்களே..! அடுத்த மூன்று நாட்கள் கவனம்.
தமிழகத்தில் இன்று(பிப்.27) முதல் வரும் ஞாயிறு வரை தென் தமிழகத்தில் கன முதல் மிக கனமழையும், குறிப்பாக தூத்துக்குடி, கன்னியாகுமரி, திருநெல்வேலி,தென்காசி, விருதுநகர், ராமநாதபுரம் மாவட்டங்களில் வெள்ளிக்கிழமை முதல் மழை தீவிரமடையும் எனவும் தெரிவித்துள்ளனர். ஆகவே விருதுநகர் மக்கள் 3 நாட்கள் முன்னெச்சரிக்கையுடன் இருக்க வேண்டும் என அறிவுறுத்தப்பட்டுள்ளது.
News February 26, 2025
மாவட்டத்தில் 98 மையங்களில் பிளஸ் 2 தேர்வு
தமிழகம் முழுவதும் பிளஸ் 2 பொதுத் தேர்வு வருகின்ற மார்ச் மூன்றாம் தேதி தொடங்குகிறது. இந்த தேர்வை மாவட்டம் முழுவதும் உள்ள 222 பள்ளிகளைச் சேர்ந்த 22,313 மாணவர்கள் தேர்வு எழுத உள்ளனர். இவர்களுக்கு 98 தேர்வு மையங்கள் ஆயத்த நிலையில் வைக்கப்பட்டுள்ளன. மேலும் 137 மாற்றுத்திறனாளிகள் தேர்வுகளை எழுதுகின்றனர். மேலும் பிளஸ் 1 தேர்வில் 22,023 மாணவர்கள் தேர்வு எழுதுகின்றனர்.
News February 26, 2025
விருதுநகரில் உதவி தொகை பெற விண்ணப்பிக்கலாம்
பட்டாசு தொழிற்சாலை விபத்துகளில் உயிரிழக்கின்ற தொழிலாளர்களின் குழந்தைகளுடைய கல்வி செலவுகளை அரசே ஏற்கும் என்ற அறிவிப்பினை தொடர்ந்து ரூ.5 கோடி நிதி ஒதுக்கீடு செய்து உத்தரவிடப்பட்டுள்ளது.10.11.2024-க்கு முன் நிகழ்ந்த விபத்துகள், 10.11.2024-க்கு பிந்தைய விபத்துகளில் உயிரிழந்தவர்களின் குழந்தைகள் 18 வயது நிறைவடையாதவர்களாக இருக்க வேண்டும். மேலும் விவரங்களுக்கு 9865958876, 93447 45064 தொடர்பு கொள்ளலாம்.
News February 26, 2025
கொதிக்கும் நெய்யில் வெறும் கையால் அப்பம் சுடும் மூதாட்டி
ஸ்ரீவி முதலியார்பட்டித் தெருவில் பத்ரகாளியம்மன் கோவில் உள்ளது. இக்கோவிலில் கடந்த 100 ஆண்டுகளாக சிவராத்திரி அன்று நள்ளிரவில் வெறும் கையினால் கொதிக்கும் நெய்யில் அப்பம் சுடும் நிகழ்ச்சி நடைபெறுவது வழக்கம். இந்நிலையில் இன்று இரவு இந்த பகுதியில் வசிக்கும் முத்தம்மாள் என்ற 91 வயது மூதாட்டி 52 வது ஆண்டுகளாக கொதிக்கும் நெய்யில் அப்பத்தை கையால் எடுத்து பக்தர்களுக்கு பிரசாதம் வழங்குவார்.
News February 26, 2025
படகு சவாரியில் எழுந்தருளிய முத்துமாரியம்மன்
சிவகாசி காய்கறி சந்தை அருகே உள்ள பிரசித்தி பெற்ற ஸ்ரீ முத்துமாரியம்மன் கோவில் மாசி திருவிழா வெகு விமர்சையாக நடைபெற்று வருகிறது. ஒவ்வொரு நாளும் முத்துமாரியம்மன் வெவ்வேறு அலங்காரங்களில் எழுந்தருளி பக்தர்களுக்கு அருள் பாலித்து வருகிறார். அந்த வகையில் 8ம் நாளான இன்று ஆனந்த கோலத்தில் படகு சவாரியில் எழுந்தருளி பக்தர்களுக்கு அருள் பாலித்தார். இதைத் தொடர்ந்து அம்மனை மனம் உருக வழிபட்டனர்.
News February 26, 2025
நீர்ப்பறவைகள் கணக்கெடுப்பில் பங்கேற்க அழைப்பு
தமிழகத்தில் வடகிழக்கு பருவமழை முடிந்த பின்பு ஆண்டுதோறும் பறவைகள் கணக்கெடுப்பு நடைபெறும். அதில் விருதுநகர் மாவட்டத்தில் மார்ச்.8,9 அன்று ராஜபாளையம் ஆறாவது மைல் நீர்த்தேக்கம், ஸ்ரீவி ஆத்திக்குளம், பெரியகுளம், செங்குளம் உள்ளிட்ட 23 ஈர நிலங்களில் கணக்கெடுப்பு நடைபெற உள்ளது. இதில் பறவை ஆர்வலர்கள், கல்லூரி மாணவர்கள் பங்கேற்கலாம். ஆர்வமுள்ளவர்கள் அருகில் உள்ள வனத்துறையினரை தொடர்பு கொள்ளலாம். SHARE IT
News February 25, 2025
சிவகாசியில் பட்டாசு ஆலைகளுக்கு விடுமுறை
மஹா சிவராத்திரி விழாவை முன்னிட்டு பொதுமக்கள் தங்களது குல தெய்வ வழிபாடு நடத்துவது வழக்கம். குல தெய்வ வழிபாட்டிற்கு சென்று வருவதற்காக சிவகாசியில் நாளை முதல் 3 நாட்களுக்கு பட்டாசு மற்றும் அச்சக தொழிற்சாலைகளுக்கு விடுமுறை அளிக்கப்பட உள்ளது. குல தெய்வ வழிபாட்டிற்காக குடும்பத்துடன் சென்று வர ஏதுவாக தொழிலாளர்களுக்கு விடுமுறை அளிக்கப்படுவதாக உற்பத்தியாளர்கள் தெரிவிக்கின்றனர்.
News February 25, 2025
விருதுநகரில் 3 நாட்களுக்கு மழைக்கு வாய்ப்பு
தமிழ்நாட்டில் வெயில் சுட்டெரித்து வரும் நிலையில் நடப்பாண்டுக்கான முதல் கோடை மழை பிப்.28 அன்று தொடங்க உள்ளதாக வானிலை ஆய்வாளர்கள் தெரிவித்துள்ளனர். பிப்.28 முதல் மார்ச்.2 வரை 3 நாட்களுக்கு நெல்லை, விருதுநகர், குமரி, தூத்துக்குடி, தென்காசி, மதுரை, தேனி, சிவகங்கை, தென்காசி உள்ளிட்ட மாவட்டங்களில் அனேக இடங்களில் மிதமான மழையும், சில இடங்களில் கனமழையும் பெய்யக்கூடும் என தெரிவிக்கப்பட்டுள்ளது.
News February 25, 2025
விருதுநகருக்கு ரூ.3 கோடி பரிசு
சுகாதாரம் மற்றும் ஊட்டச்சத்தில் முன்னோடியாக விருதுநகர் மாவட்டம் திகழ்வதாக கூறி மாவட்டத்திற்கு ரூ.3 கோடி பரிசுத்தொகையை நிதி ஆயோக் அறிவித்துள்ளது. பெண்கள் மற்றும் குழந்தைகள் சுகாதாரம் தொடங்கி, ஊட்டச்சத்து குறைபாட்டை எதிர்கொள்வது என பொது சுகாதாரத்தில் மக்களின் கூட்டு முயற்சியுடன் திறம்பட செயல்பட்டதாக நிதி ஆயோக் தனது X தளத்தில் பாராட்டு தெரிவித்துள்ளது. உங்களது வாழ்த்துகளை கமெண்டில் தெரிவிக்கலாம்.
News February 25, 2025
அருப்புக்கோட்டை தபால் நிலையத்தில் ரூ.5 கோடி கையாடல்
அருப்புக்கோட்டை தலைமை தபால் அலுவலகத்தில் பணியாற்றிய அமர்நாத் என்பவர் கணிணி தொழில்நுட்பத்தை முறைகேடாக பயன்படுத்தி அஞ்சலக பணம் ரூ.5 கோடியை அவரது தனிநபர் வங்கி சேமிப்பு கணக்கிற்கு வரவு வைத்து முறைகேடு செய்ததாக 18.5.2024 அன்று வழங்கு பதியப்பட்டது. இதில் 9 மாதமாக தலைமறைவாக இருந்த இவரை நேற்று பந்தல்குடி தனியார் விடுதியில் பதுங்கி இருந்த போது தனிப்படை போலீசார் கைது செய்து ரூ.4,58,90,068 மீட்டுள்ளனர்.
Featured News
Sorry, no posts matched your criteria.