India's largestHyperlocal short
news App
Get daily news updates that are tailored for you based on your preferred language & location.
download Way2News app now
Virudunagar
News May 15, 2024
விருதுநகர்: பீகார் வாலிபர் மீது தாக்குதல்
பீகாரை சேர்ந்தவர் அப்துல் ரகுமான்(29). இவர் விருதுநகரில் தங்கி வேலை பார்த்து வருகிறார். இவர் தங்கி உள்ள இடத்தின் அருகே உள்ள தொட்டிக்கு மே 13ஆம் தேதி காலை குளிக்க சென்ற போது கேரளாவைச் சேர்ந்த சபிக், சிகாப் , ரியாஸ் ஆகிய 3 பேர் அப்துல் ரகுமானை தகாத வார்த்தைகள் பேசி தாக்கியுள்ளனர். இது குறித்து அப்துல் ரகுமான் கொடுத்த புகாரின் அடிப்படையில் காவல்துறையினர் நேற்று 3 பேர் மீது வழக்கு பதிவு செய்தனர்.
News May 15, 2024
விருதுநகரில் தேர்வு குழு கூட்டம்
விருதுநகரில் 23-24 ஆம் ஆண்டிற்கான பசுமை முதன்மையாளர்கள் விருதுக்கு தகுதியானவர்கள் தேர்வு குழு கூட்டம் நேற்று நடைபெற்றது. இந்த கூட்டத்திற்கு ஆட்சியர் ஜெயசீலன் தலைமை தெரிவித்தார். சுற்றுச்சூழல் பாதுகாப்பில் அளப்பரிய பங்களிப்பை செய்த தனி நபர்கள், ஆலைகள், கல்வி நிறுவனங்கள் போன்றோருக்கு ஆண்டுதோறும் பசுமை முதன்மையாளர் விருது வழங்கப்பட்டு வருகிறது. இந்த ஆண்டு விருதுக்கு 3 பேர் தேர்வு செய்யப்பட்டுள்ளனர்
News May 15, 2024
விருதுநகர்: பாதுகாப்பு நடவடிக்கைகள் குறித்து கூட்டம்
விருதுநகர், ஆட்சியர் அலுவலகத்தில் நேற்று பட்டாசு தொழிற்சாலைகளில் மேற்கொள்ளப்பட வேண்டிய பாதுகாப்பு நடவடிக்கைகள் குறித்து மாவட்ட பாதுகாப்பு குழு கூட்டம் மாவட்ட ஆட்சித் தலைவர் முனைவர் ஜெயசீலன் தலைமையில் நடைபெற்றது. இந்த கூட்டத்தில் மாவட்ட வருவாய் அலுவலர் வருவாய் கோட்டாட்சியர் வட்டாட்சியர்கள் உள்ளிட்ட அரசு அதிகாரிகள் கலந்து கொண்டனர்.
News May 14, 2024
விருதுநகர்: நாளை கனமழைக்கு வாய்ப்பு
விருதுநகர் மாவட்டத்தில் நாளை (மே.15) இடி, மின்னல் மற்றும் பலத்த காற்றுடன் (மணிக்கு 40 கி.மீ முதல் 50 கி.மீ வரை) கனமழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. சமீபமாக தமிழகத்தில் ஆங்காங்கு மழைப் பொழிவு அதிகரித்து வருவது குறிப்பிடத்தக்கது.
News May 14, 2024
விருதுநகர்: I.N.D.I.A கூட்டணி ஆட்சி அமைக்கும்
விருதுநகரில் நேற்று பத்திரிகையாளர்களை சந்தித்த காங்கிரஸ் எம்.பி மாணிக்கம் தாகூர், பட்டாசு விபத்துக்கள் குறித்து மத்திய அரசு கவனம் செலுத்துவது இல்லை, காங்கிரஸ் மன்மோகன் சிங் பிரதமராக இருந்தபோது,விபத்து இல்லா பட்டாசு தொழில் என்ற திட்டம் கொண்டு வரப்பட்டது. ஆனால் இந்த திட்டத்தை மோடி கைவிட்டார். மேலும் தேர்தல் முடிவுகள் வெளியாகும் ஜூன் 4ஆம் தேதி இந்தியா கூட்டணி ஆட்சி அமைக்கும் என தெரிவித்தார்.
News May 14, 2024
விருதுநகர்: அரசு பள்ளி தேர்ச்சி விகிதத்தில் 8ஆவது இடம்
11ஆம் வகுப்பு பொதுத்தேர்வு முடிவில், அரசு பள்ளிகளின் தேர்ச்சி விகிதத்தில் விருதுநகர் மாவட்டம் 8ஆவது இடத்தைப் பிடித்துள்ளது. மாவட்டத்தில் மொத்தமாக 90.46% தேர்ச்சி பதிவாகியுள்ளது. இதில் மாணவர்கள் 85.60 சதவீதத்தில் தேர்ச்சி அடைந்துள்ளனர். மாணவியர் 94.68 சதவீதத்தில் தேர்ச்சி அடைந்துள்ளனர்.
News May 14, 2024
+1 RESULT: விருதுநகரில் 95.06 % தேர்ச்சி!
தமிழ்நாட்டில் 11ஆம் வகுப்பு மாணவர்களுக்கான பொதுத்தேர்வு முடிவுகள் இன்று (மே 14) வெளியாகியுள்ளன. அதன்படி விருதுநகர் மாவட்டத்தில் மாணவர்கள் 92.48% பேரும், மாணவியர் 97.32% பேரும் தேர்ச்சி அடைந்துள்ளனர். மாவட்டத்தில் ஒட்டுமொத்தமாக 95.06% தேர்ச்சி விகிதம் பதிவாகியுள்ளது. மாணவர்கள் www.tnresults.nic.in, www.dge.tn.gov.in ஆகிய இணையதளங்கள் மூலம் தேர்வு முடிகளை அறிந்து கொள்ளலாம்.
News May 14, 2024
விருதுநகர் மாவட்டத்தில் மழை
குமரிக்கடல் பகுதிகளின் மேல் வளிமண்டல கீழடுக்கு சுழற்சி காரணமாக தமிழகத்தில் பரவலாக மழைக்கு வாய்ப்புள்ளதாக தனியார் வானிலை ஆய்வாளர் பிரதீப் ஜான் தெரிவித்துள்ளார். அதன்படி இன்று காலை 10 மணி வரை விருதுநகர் உள்ளிட்ட 7 மாவட்டத்தில் இடியுடன் கூடிய மிதமான மழை பெய்யக்கூடும் என தெரிவிக்கப்பட்டுள்ளது.
News May 14, 2024
விருதுநகரில் பெண் சடலமாக மீட்பு
தென்காசியை சேர்ந்தவர் ராஜம்மாள்(56). கணவர் 14 ஆண்டுகளுக்கு முன் இறந்த நிலையில் குழந்தை இல்லாததால் விருதுநகர் அருகே பாண்டியன் நகர் பகுதியில் வசித்து வருகிறார். நேற்று முன்தினம் ராஜம்மாள் வீட்டில் இறந்த நிலையில் கிடந்துள்ளார். இதுகுறித்து விருதுநகர் ஊரக போலீசார் ராஜம்மாளின் உடலை மீட்டு பிரேத பரிசோதனைக்காக மருத்துவமனை அனுப்பி வைத்தனர். மேலும் இது தொடர்பாக இன்று வழக்கு பதிவு செய்துள்ளனர்.
News May 13, 2024
விருதுநகர் மாவட்டத்தில் மழை
குமரிக்கடல் பகுதிகளின் மேல் வளிமண்டல கீழடுக்கு சுழற்சி காரணமாக தமிழகத்தில் பரவலாக மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. அதன்படி இரவு 10 மணி வரை விருதுநகர் மாவட்டத்தில் இடியுடன் கூடிய மிதமான மழை பெய்யக்கூடும் என தெரிவிக்கப்பட்டுள்ளது.
Featured News
Sorry, no posts matched your criteria.