India's largestHyperlocal short
news App
Get daily news updates that are tailored for you based on your preferred language & location.
download Way2News app now
Villupuram
News June 11, 2024
முதல்வரை சந்தித்து வாழ்த்து பெற்ற திமுக பொறுப்பாளர்
விழுப்புரம் தெற்கு மாவட்ட பொறுப்பாளராக தேர்வு செய்யப்பட்டுள்ள, முன்னாள் நாடாளுமன்ற உறுப்பினர் பொன்கௌதமசிகாமணி இன்று முதலமைச்சர் ஸ்டாலினை அவரது முகாம் அலுவலகத்தில் சந்தித்து நன்றி தெரிவித்துக் கொண்டு வாழ்த்துக்களைப் பெற்றார். உடன் திமுக மூத்த அமைச்சர்கள் துரைமுருகன் உள்ளிட்ட நிர்வாகிகள் உடனிருந்தனர்.
News June 11, 2024
இடைத்தேர்தலை முன்னிட்டு ஆட்சியர் துவக்கி வைப்பு
விக்கிரவாண்டி இடைத்தேர்தலில் பண பட்டுவாடாவை தடுக்கும் வகையில் நிலையான கண்காணிப்பு குழு, மூன்று பறக்கும் படை அமைக்கப்பட்டு சுழற்சி முறையில் பணி செய்கின்றனர். இந்த நிலையில், பறக்கும் படை மற்றும் நிலையான கண்காணிப்பு குழு வாகனத்தை விழுப்புரம் ஆட்சியர் அலுவலகத்தில் ஆட்சியரும் தேர்தல் அலுவலருமான பழனி துவக்கி வைத்தார்.
News June 11, 2024
விழுப்புரம் தெற்கு மா.செ.வாக கௌதம் சிகாமணி நியமனம்
விழுப்புரம் தெற்கு மாவட்டக் கழகச் செயலாளராகப் பணியாற்றி வந்த நா.புகழேந்தி மறைவெய்திய நிலையில், கௌதம் சிகாமணி விழுப்புரம் தெற்கு மாவட்ட பொறுப்பாளராக நியமிக்கப்பட்டார்.
மேலும், ஏற்கனவே தேர்ந்தெடுக்கப்பட்ட மாவட்ட நிர்வாகிகள் இவருடன் இணைந்து பணியாற்றிட வேண்டுமென திமுக பொதுச்செயலாளர் துரைமுருகன் அறிவிப்பை வெளியிட்டார்.
News June 11, 2024
விக்கிரவாண்டி இடைத்தேர்தல்: திமுக வேட்பாளர் அறிவிப்பு!
விக்கிரவாண்டி திமுக வேட்பாளராக அன்னியூர் சிவா (மாநில விவசாய அணிச் செயலாளர்) அறிவிக்கப்பட்டுள்ளார். மற்றக் கட்சிகளை விட திமுக தேர்தல் பணியை வேகமாக முடுக்கிவிட்டுள்ளது. ஜெயலலிதா பாணியில் வேட்பாளர்களை முன்னதாகவே அறிவித்து திமுக தேர்தல் பணியில் உடனே இறங்கியுள்ளது. முன்னதாக விழுப்புரம் தெற்கு மாவட்ட செயலாளராக பொன்முடி மகன் கௌதம சிகாமணியை அறிவித்து திமுக அதிரடி காட்டியது குறிப்பிடத்தக்கது.
News June 11, 2024
அரசு பள்ளிக்கு பீரோ வழங்கிய நடிகர்
நடிகர் தாடி பாலாஜி அண்மைக் காலமாக பள்ளிக்கூடம் மற்றும் பொதுமக்களுக்கு பல்வேறு உதவிகளை செய்து வருகிறார். இந்தநிலையில், விழுப்புரம் மாவட்டத்தில் உள்ள அரசமங்கலம் ஊராட்சியில் இயங்கி வரும் அரசு ஊராட்சி பள்ளிக்கு தாடி பாலாஜி பீரோ ஒன்றை அன்பளிப்பாக அப்பள்ளியின் தலைமை ஆசிரியரிடம் இன்று (ஜூன் 11) வழங்கினார்.
News June 11, 2024
விழுப்புரம்: திருமண விழாவில் மாநில நிர்வாகி பங்கேற்பு
விழுப்புரம் மாவட்டம் திருவெண்ணெய்நல்லூர் மேற்கு ஒன்றிய பொருளாளரும், மேலமங்கலம் மு.ஊராட்சி மன்ற தலைவருமான எம்.ஜே.கிருஷ்ணமூர்த்தியின் இல்ல திருமண விழாவில், மாநில ஆதிதிராவிடர் நலக்குழு இணைச்செயலாளர் செ.புஷ்பராஜ் கலந்துகொண்டார். தொடர்ந்து மணமக்கள் நித்யானந்தன்-கீதா இருவரையும் வாழ்த்தினார். உடன் திமுக நிர்வாகிகள் கலந்து கொண்டனர்.
News June 11, 2024
விழுப்புரம்: தொண்டர் வீட்டு விழாவில் பேரூராட்சி தலைவர்
விழுப்புரம் மாவட்டம், மயிலம் அடுத்த, ஒலக்கூர் மேற்கு ஒன்றியம், ஊரல் திமுக கிளைச் செயலாளர் நந்தகோபால் இல்ல மஞ்சள் நீராட்டு விழாவில் செஞ்சி சிறப்பு நிலை பேரூராட்சி மன்றத் தலைவர் மொக்தியார் மஸ்தான் கலந்து கொண்டார். உடன் ஒலக்கூர் மேற்கு ஒன்றியச் செயலாளர் இராசாராம் மற்றும் திமுக நிர்வாகிகள் பலர் கலந்து கொண்டனர்.
News June 10, 2024
விக்கிரவாண்டி இடைத்தேர்தலையொட்டி மாவட்ட ஆட்சியர் ஆய்வு
ஜூலை 10ஆம் தேதி விக்கிரவாண்டி தொகுதிக்கு இடைத்தேர்தல் நடைபெறும் என தேர்தல் ஆணையம் அறிவித்துள்ளது. அதனைத் தொடர்ந்து விக்கிரவாண்டி வட்டாட்சியர் அலுவலகத்தில் விழுப்புரம் மாவட்ட ஆட்சியர் பழனி தேர்தல் நடத்துவது தொடர்பாகவும், வாக்கு இயந்திரங்களை பாதுகாப்பாக வைப்பது தொடர்பாகவும் ஆய்வு மேற்கொண்டார்.
News June 10, 2024
மாணவர்களுக்கு இனிப்பு கொடுத்து வரவேற்ற அமைச்சர்
உயர்கல்வித்துறை அமைச்சர் பொன்முடி, மாவட்ட ஆட்சித்தலைவர் பழனி தலைமையில், முகையூர் ஊராட்சி ஒன்றியம், சென்னகுணம் ஊராட்சி ஒன்றிய துவக்கப்பள்ளியில், 2024 -2025ஆம் ஆண்டிற்கு பள்ளிகள் திறக்கப்பட்டதையடுத்து , மாணவ, மாணவியர்களுக்கு இனிப்பு வழங்கி வரவேற்றனர். பின்னர் விலையில்லா பாடப்புத்தகங்களை இன்று வழங்கி விழாப் பேரூரையாற்றினார்.
News June 10, 2024
விக்கிரவாண்டிக்கு ஜூலை 10இல் இடைத்தேர்தல்
விழுப்புரம் மாவட்டம் விக்கிரவாண்டி சட்டமன்ற தொகுதி எம்எல்ஏ புகழேந்தி மறைவையடுத்து அந்த சட்டமன்றத் தொகுதி காலியானது. இந்நிலையில் இந்தத் தொகுதிக்கு ஜூலை 10ஆம் தேதி இடைத்தேர்தல் நடைபெறும் எனத் தேர்தல் ஆணையம் அறிவித்துள்ளது. ஜூன் 14ஆம் தேதி வேட்புமனுத் தாக்கல், கடைசி நாள் ஜூன் 21. ஜூலை 10ல் வாக்குப்பதிவு, ஜூலை 13இல் வாக்குகள் எண்ணப்படும். இன்று முதல் தேர்தல் விதிகள் நடைமுறைக்கு வந்தன.
Featured News
Sorry, no posts matched your criteria.