India's largestHyperlocal short
news App
Get daily news updates that are tailored for you based on your preferred language & location.
download Way2News app now
Villupuram
News June 13, 2024
விழுப்புரம் கலெக்டர் தலைமையில் ஆய்வு கூட்டம்
விக்கிரவாண்டி சட்டமன்ற இடைத்தேர்தலை முன்னிட்டு, விழுப்புரம் மாவட்ட ஆட்சியர் அலுவலக கூட்டரங்கில், நியமன அலுவலர்களுக்கான ஆய்வுக்கூட்டம் மாவட்ட தேர்தல் அலுவலர்/மாவட்ட ஆட்சித்தலைவர் சி.பழனி, தலைமையில் இன்று நடைபெற்றது. உடன் திண்டிவனம் சார் ஆட்சியர் திவ்யான்ஷு நிகம், மாவட்ட ஆட்சியரின் நேர்முக உதவியாளர் (தேர்தல்) தமிழரசன், உட்பட பலர் உள்ளனர்.
News June 13, 2024
தேர்தல் கட்டுப்பாட்டு அறை ஆட்சியர் ஆய்வு
விழுப்புரம் மாவட்டம் விக்கிரவாண்டி சட்டமன்ற இடைத்தேர்தலை முன்னிட்டு, விழுப்புரம் மாவட்ட ஆட்சியர் அலுவலகத்தில், அமைக்கப்பட்டுள்ள தேர்தல் கட்டுப்பாட்டு அறையினை மாவட்ட தேர்தல் அலுவலர் மாவட்ட ஆட்சித்தலைவர் சி.பழனி, நேரில் பார்வையிட்டு ஆய்வு செய்தார். தொடர்ந்து விக்கிரவாண்டி சட்டமன்ற தொகுதி கண்காணிப்பில் இருந்து வருகிறது.
News June 13, 2024
விக்கிரவாண்டி இடைத்தேர்தல் பாஜக சார்பில் ஆலோசனை
விழுப்புரம் மாவட்டம், விக்கிரவாண்டி சட்டமன்ற தொகுதி இடைத்தேர்தல் குறித்த பாஜக செயல்வீரர்கள் ஆலோசனைக் கூட்டம் நாளை (ஜூன் 14) காலை 10 மணியளவில் விக்கிரவாண்டி சுபம் திருமண மண்டபத்தில், பாஜக மாநிலச் செயலாளரும், விழுப்புரம் பெருங்கோட்ட பொறுப்பாளருமான வினோஜ் பி.செல்வம் முன்னிலையில் நடைபெறும் என விழுப்புரம் தெற்கு மாவட்ட பாஜக மாவட்டத் தலைவர் கலிவரதன் அறிவித்துள்ளார்.
News June 13, 2024
விழுப்புரம்: மத்திய அமைச்சரை சந்தித்த தலைவர்
விழுப்புரம் தெற்கு மாவட்ட பாஜக தலைவரும், முன்னாள் சட்டமன்ற உறுப்பினருமான கலிவரதன் நேற்று (ஜூன் 12) டெல்லியில் மத்திய விவசாயம் மற்றும் விவசாயிகள் நலத்துறை அமைச்சராக பொறுப்பேற்ற சிவராஜ் சிங் சவுக்கானை சந்தித்து வாழ்த்து தெரிவித்தார். உடன் விழுப்புரம் மாவட்டத்தை சார்ந்த பாஜக நிர்வாகிகள் இருந்தனர்.
News June 12, 2024
தேர்தல் கட்டுப்பாட்டு அறை திறப்பு
விக்கிரவாண்டி இடைத்தேர்தல் ஜூலை மாதம் பத்தாம் தேதி நடைபெற இருப்பதால் விழுப்புரம் மாவட்ட ஆட்சியர் அலுவலகத்தில் அமைக்கப்பட்டுள்ள தேர்தல் கட்டுப்பட்டு அறையை மாவட்ட ஆட்சியர் பழனி பார்வையிட்டு ஆய்வு மேற்கொண்டார். ஒவ்வொரு நிகழ்வும் கணினி மூலமாக கண்காணிக்கப்படுவதாகவும் தெரிவித்தார். தொடர்ந்து தேர்தல் நடத்தை விதிமுறைகள் அமல்படுத்தப்பட்டுள்ளது.
News June 12, 2024
விழுப்புரத்திற்கு கூடுதல் பேருந்துகள் இயக்கம்
சென்னை கிளாம்பாக்கம் பேருந்து நிலையத்திலிருந்து 450 சிறப்பு பேருந்துகள் இயக்கப்பட உள்ளது. அதன்படி, ஜூன் 14 ஆம் தேதி முதல் ஜூன் 17 வரை விழுப்புரம் கடலூர், திருவண்ணாமலை, சிதம்பரம், புதுச்சேரி உள்ளிட்ட பகுதிகளுக்கு கிளாம்பாக்கம் பேருந்து நிலையத்திலிருந்து 450 சிறப்பு பேருந்துகள் இயக்கப்பட இருக்கின்றன. இந்த தகவலை விழுப்புரம் அரசு போக்குவரத்து கழக மேலாண் இயக்குநர் இன்று தெரிவித்துள்ளார்.
News June 12, 2024
மஸ்தானை சந்தித்து வாழ்த்து பெற்ற திமுக பொறுப்பாளர்
விழுப்புரம் மாவட்டம், விழுப்புரம் தெற்கு மாவட்டம் பொறுப்பாளராக கள்ளக்குறிச்சி முன்னாள் நாடாளுமன்ற உறுப்பினர் பொன். கௌதமசிகாமணி நேற்று திமுக தலைமை சார்பில் நியமிக்கப்பட்டதை தொடர்ந்து, சென்னையில் தமிழக சிறுபான்மை நலத்துறை அமைச்சர் மஸ்தானை இன்று (ஜூன் 12) வாழ்த்தினார். உடன் அமைச்சர் நேரு உள்ளிட்டோர் இருந்தனர்
News June 12, 2024
இடைத்தேர்தல் குறித்து நாளை பாமக ஆலோசனை
விக்கிரவாண்டி சட்டமன்ற உறுப்பினராக இருந்த நா.புகழேந்தி மறைந்ததை தொடர்ந்து ஜூலை 10ஆம் தேதி இடைத்தேர்தல் நடக்குமென தேர்தல் ஆணையம் அறிவித்த நிலையில், விக்கிரவாண்டி இடைத்தேர்தலில் போட்டியிடுவதா வேண்டாமா என்பது குறித்து பாமக நாளை (ஜூன் 13) ஆலோசனை. இடைத்தேர்தலில் எப்போதும் போட்டி இல்லை என பாமக ஏற்கனவே கொள்கை முடிவு எடுத்துள்ளது, இதையடுத்து பாமக நிறுவனர் ராமதாஸ் நாளை ஆலோசனை நடத்த உள்ளார்.
News June 12, 2024
விக்கிரவாண்டி இடைத்தேர்தல்: நாம் தமிழரின் சின்னம் இதுவா?
விக்கிரவாண்டி சட்டமன்றத் தொகுதிக்கு இடைத்தேர்தல் ஜூலை 10ம் தேதி நடைபெறவுள்ளது. இதில், நாம் தமிழர் கட்சி தனித்துப் போட்டியிடப்போவதாக தகவல் வெளியாகியுள்ளது. இச்சூழலில் மக்களவைத் தேர்தலுக்குப் பிறகு மாநில அந்தஸ்து பெற்றுள்ள நாதக இந்த இடைத்தேர்தலில் கரும்பு விவசாயி சின்னத்தில் போட்டியிடுமா, மைக் சின்னத்தில் போட்டியிடுமா? அல்லது வேறு சின்னத்தை சீமான் தேர்வு செய்வாரா? என்ற கேள்வி எழுந்துள்ளது.
News June 12, 2024
விழுப்புரம் எம்பி உதயநிதியை சந்தித்து வாழ்த்து
விழுப்புரம் நாடாளுமன்ற உறுப்பினராக மீண்டும் போட்டியிட்டு வெற்றி பெற்றதை தொடர்ந்து, விடுதலை சிறுத்தைகள் கட்சியின் பொதுச்செயலாளர் ரவிக்குமார் எம்பி சென்னையில் நேற்று திமுக இளைஞரணி செயலாளர் உதயநிதி ஸ்டாலினை சந்தித்து வாழ்த்து பெற்றார். உடன் விசிக தலைவர் திருமாவளவன் எம்பி உள்ளிட்டோர் இருந்தனர்.
Featured News
Sorry, no posts matched your criteria.