India's largestHyperlocal short
news App
Get daily news updates that are tailored for you based on your preferred language & location.
download Way2News app now
Villupuram
News May 24, 2024
சப்-இன்ஸ்பெக்டரை கட்டையால் தாக்க முயன்ற ரவுடி கைது
கோட்டக்குப்பம் போலீஸ் எஸ்ஐ திவாகர் ஈ.சி.ஆர் சாலை பொம்மையார்பாளையத்தில் நேற்று போலீசாருடன் வாகன தணிக்கையில் ஈடுபட்டுக் கொண்டிருந்தார். அப்போது அங்கு வந்த பொம்மையார்பாளையத்தைச் சேர்ந்த பிரபல ரவுடி ரமேஷ் (50), போலீசாருடன் வாக்குவாதத்தில் ஈடுபட்டார். கோபத்தின் உச்சத்துக்கு சென்ற ரமேஷ் மரக்கட்டையை எடுத்து எஸ்ஐ திவாகரை தாக்க முயன்றார். இதையடுத்து போலீசார் ரமேஷை கைதுசெய்து சிறையில் அடைத்தனர்.
News May 23, 2024
கும்பாபிஷேக விழாவில் கலந்து கொண்ட அமைச்சர்
மயிலம் ஒன்றியம், வெங்கந்தூர் ஊராட்சியில் அமைந்துள்ள அருள்மிகு திருமகள் மலர்மகள் சமேத அருள்மிகு ஶ்ரீ சீனுவாசப் பெருமாள் திருக்கோயில் கும்பாபிஷேக விழா இன்று (மே 23) நடைபெற்றது. இதில் சிறுபான்மையினர் நலத்துறை அமைச்சர் கே.எஸ் மஸ்தான் கலந்து கொண்டார். உடன் ஒன்றிய செயலாளர் L.P.நெடுஞ்செழியன் மற்றும் திமுக நிர்வாகிகள் இருந்தனர்.
News May 23, 2024
விழுப்புரம் மாவட்ட ஆட்சியர் ஆய்வு
விழுப்புரம் (தனி) நாடாளுமன்ற தேர்தல் வாக்குப்பதிவு நடைபெற்று முடிந்ததை தொடர்ந்து, வாக்கு எண்ணும் மையமான விழுப்புரம் அறிஞர் அண்ணா அரசு கலை மற்றும் அறிவியல் கல்லூரியில் அமைக்கப்பட்டுள்ள பாதுகாப்பு அறையில் வைக்கப்பட்டுள்ள 06 சட்டமன்ற தொகுதிகளுக்குட்பட்ட வாக்குப்பதிவு இயந்திரங்கள் CCTV மூலம் கண்காணிக்கப்பட்டு வருகிறது. இதனை மாவட்ட ஆட்சித்தலைவர் சி.பழனி அவர்கள் இன்று ஆய்வு செய்தார்.
News May 23, 2024
விழுப்புரம்: ஆட்டோ டிரைவர் வீட்டில் திருட்டு
விழுப்புரம் மாவட்டம் மண்டகப்பட்டுவைச் சேர்ந்தவர் கன்னியப்பன் (34), ஆட்டோ டிரைவர். இவர் வழக்கம்போல் நேற்று ஆட்டோ ஓட்ட சென்றுவிட்டார். அவரது மனைவி விவசாய வேலைக்காக வீட்டை பூட்டி சாவியை படியில் மறைத்து வைத்துவிட்டுச் சென்றார் 3 மணியளவில் திரும்பிவந்து பார்த்தபோது வீட்டின் பின்பக்க கதவு திறந்து கிடந்தது. உள்ளே சென்று பார்த்தபோது, பெட்ரூமில் வைத்திருந்த ஆறரை சவரன் நகைகள் திருடுபோனது தெரியவந்தது.
News May 23, 2024
விழுப்புரம்: திமுக நிர்வாகி இல்ல விழாவில் அமைச்சர்
விழுப்புரம் மாவட்டம் மயிலம் சட்டமன்ற தொகுதிக்குட்பட்ட மயிலம் ஊராட்சியில் திமுக நிர்வாகி சந்தோஷ் இல்ல புதுமனை புகு விழாவில் நேற்று (மே 22) சிறுபான்மையினர் நலன் மற்றும் வெளிநாடுவாழ் தமிழர் நலத்துறை அமைச்சர் மஸ்தான் கலந்துகொண்டு வாழ்த்தினார். இந்த நிகழ்வில் மயிலம் திமுக ஒன்றிய செயலாளர் மணிமாறன் உள்ளிட்ட திமுகவினர் உடன் இருந்தனர்.
News May 22, 2024
விழுப்புரம் மழைக்கு வாய்ப்பு!
விழுப்புரம் மாவட்டத்தில் இன்று (மே.22) மாலை 4 மணி வரை மழை பெய்ய வாய்ப்பு உள்ளது என சென்னை வானிலை ஆய்வு மையம் தெரிவித்துள்ளது. தென்தமிழக கடலோரப் பகுதிகளில் மேல் உள்ள வளிமண்டல கீழடுக்கு சுழற்சி காரணமாக மழைக்கு வாய்ப்புள்ளது. விழுப்புரம் மாவட்டத்தின் ஒருசில பகுதிகளில் பரவலாக மழை பெய்து வருவது குறிப்பிடத்தக்கது.
News May 22, 2024
மறு உடற்கூராய்வு நிறைவு: விரைவில் அறிக்கை
விழுப்புரத்தில் டாஸ்மாக் கேண்டீன் ஊழியர் ராஜா என்பவர் கடந்த மாதம் போலீஸ் சித்திரவதையால் கொல்லப்பட்டதாக அவரது மனைவி தாக்கல் செய்த மனுவில், சென்னை உயர்நீதிமன்றம் அவரது உடலை மறு கூராய்வு செய்ய உத்தரவிட்டிருந்தது. அந்த வகையில் இன்று சென்னை மதுரையைச் சேர்ந்த மருத்துவர்களை கொண்டு விழுப்புரத்தில் உடல் கூராய்வு நடைபெற்றது. ஆட்சியர் பழனி நீதித்துறை நடுவர் முன்னிலையில் நடத்தப்பட்டது. அறிக்கை விரைவில்…
News May 22, 2024
விழுப்புரத்தில் லாக்கப் மரணம்? சற்றுமுன் உடற்கூராய்வு தொடக்கம்
கடந்த 40 நாட்களுக்கு முன்பு விழுப்புரம் தாலுகா காவல் நிலையத்தில் விசாரணைக்காக அழைத்துச் செல்லப்பட்ட ராஜா கொடும் சித்திரவதை செய்யப்பட்டு உயிரிழந்ததாக அவரது மனைவி சென்னை உயர்நீதிமன்றத்தில் மனு தாக்கல் செய்திருந்தார். இந்த மனுவின் அடிப்படையில் அவரது உடலை மறு உடற்கூராய்வு செய்ய சென்னை உயர் நீதிமன்றம் உத்தரவிட்டது. அதன்படி, இன்று (மே 22) மறு உடற்கூராய்வு தொடங்கியது.
News May 21, 2024
ஒன்றுகூடி தேர் இழுத்த பக்தர்கள்
விழுப்புரம் மாவட்டம் செஞ்சி கோட்டை மலையின் மீது அமைந்துள்ள ஸ்ரீ கமலக்கண்ணி அம்மன் எம்.ஜி.ஆர் நகர் மகா மாரியம்மன் ஆலய ரத உற்சவ திருவிழா நடைபெற்றது. இதில் இன்று முக்கிய நிகழ்வான திருத்தேர் திருவிழா நடைபெற்றது. இதில் பல்லாயிரக்கணக்கான பக்தர்கள் ஒன்று கூடி திருத்தேர் வடம் பிடித்து இழுத்தனர். இதில் கிராம பொதுமக்கள் கலந்து கொண்டு சுவாமி தரிசனம் செய்தனர்.
News May 21, 2024
செஞ்சி சுற்று வட்டார பகுதிகளில் மிதமான மழை
செஞ்சி மற்றும் அதன் சுற்று வட்டார பகுதிகளில் காலையிலிருந்து வானம் மேகமூட்டத்துடன் காணப்பட்டது. மதியம் சுமார் 2.00 மணி அளவில் சூறைக்காற்றுடன் கூடிய மிதமான மழை பெய்து வருகிறது. இதனால் செஞ்சி சுற்று வட்டார கிராம பொதுமக்கள் மகிழ்ச்சி அடைந்தனர். அதே சமயம் இன்று செஞ்சி ஶ்ரீ கமலக்கன்னியம்மன் தேர் திருவிழா நடைபெற்றுக் கொண்டிருக்கிறது.
Featured News
Sorry, no posts matched your criteria.