India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tuticorin
News September 24, 2024
தூத்துக்குடியில் 11 டாஸ்மாக் கடைகளுக்கு விடுமுறை
திருச்செந்தூர் வட்டம் அம்மன் புரத்தைச் சேர்ந்த வெங்கடேச பண்ணையாரின் 21வது நினைவு தினம் வரும் 26ஆம் தேதி அனுசரிக்கப்படுகிறது. இதில் ஏராளமானோர் கலந்து கொள்வார்கள் என்பதால் சட்டம் ஒழுங்கை பாதுகாக்கும் வகையில் சாத்தான்குளம், ஸ்ரீவைகுண்டம், தூத்துக்குடி, திருச்செந்தூர் ஆகிய பகுதிகளில் உள்ள 11 மதுபான கடைகளுக்கு மட்டும் அன்று விடுமுறை அளிக்கப்படுவதாக மாவட்ட ஆட்சியர் இளம் பகவத் தெரிவித்துள்ளார்.
News September 24, 2024
தூத்துக்குடியில் நாளை பொதுமக்கள் குறைதீர் முகாம்
தூத்துக்குடி மாநகராட்சியில் உள்ள தெற்கு மண்டல அலுவலகத்தில் நாளை (செப்.25) காலை 10 மணிக்கு தெற்கு மண்டலத்திற்குட்பட்ட (வார்டு எண்கள் 43,45,48 முதல் 60) ஆகிய பகுதிகளில் வசிக்கும் பொதுமக்களிடம் இருந்து கோரிக்கை மனுக்கள் பெறப்பட உள்ளது. மேற்படி முகாமில் பொதுமக்கள் கலந்து கொண்டு தங்களின் குறைகளை நிவர்த்தி செய்யுமாறு தூத்துக்குடி மாநகராட்சி ஆணையர் மதுபாலன் இன்று (செப்.24) தகவல் தெரிவித்துள்ளார்.
News September 24, 2024
கல்வி உதவி தொகைக்கு விண்ணப்பிக்க அழைப்பு
முன்னாள் படைவீரர்களின் சிறார்களுக்கு வழங்கப்படும் பிரதம மந்திரியின் கல்வி உதவித்தொகை திட்டத்தில் இந்த ஆண்டிற்கான அலுவலர் பதவிக்கு கீழ் பணியாற்றிய முன்னாள் படைவீரர்களின் சிறார்களுக்கு நடப்பு கல்வி ஆண்டிற்கு கல்வி உதவித்தொகை வேண்டி வரும் 30ஆம் தேதிக்குள் www.ksb.gov.in என்ற இணையதள முகவரியில் விண்ணப்பிக்கலாம் என்று தூத்துக்குடி மாவட்ட ஆட்சியர் இளம் பகவத் இன்று (செப்.24) தகவல் தெரிவித்துள்ளார்.
News September 24, 2024
தசரா பண்டிகைக்காக சிறப்பு ரயில்களை இயக்க வலியுறுத்தல்
உலக பிரசித்தி பெற்ற அமைந்துள்ள அருள்மிகு முத்தாரம்மன் திருக்கோவிலில் ஆண்டுதோறும் தசரா பண்டிகையானது சிறப்பாக நடைபெற்று வருகிறது. அடுத்த மாதம் நடைபெற உள்ள இந்த திருவிழாவிற்காக, தமிழகம் மட்டுமல்லாமல் வெளி மாநிலங்களிலிருந்தும் ஏராளமான பக்தர்கள் வந்து தரிசனம் செய்வர். இந்நிலையில் இந்த தசரா பண்டிகை முன்னிட்டு, சென்னையில் இருந்து திருச்செந்தூருக்கு சிறப்பு பகல் ரயில் இயக்க பக்தர்கள் வலியுறுத்தியுள்ளனர்.
News September 24, 2024
கோவில்பட்டியில் 25ஆம் தேதி உயர்வுக்கு படி நிகழ்ச்சி
தமிழ்நாடு திறன் மேம்பாட்டு கழகம் சார்பில் நான் முதல்வன் திட்டத்தின் கீழ் உயர்வுக்கு படி என்ற நிகழ்ச்சி நடத்தப்பட்டு வருகிறது. பன்னிரண்டாம் வகுப்பு தேர்ச்சி பெறாத இடைநின்ற மாணவர்களை ஊக்குவிக்கும் வகையில் நடத்தப்படும் இந்த நிகழ்ச்சி வரும் 25ஆம் தேதி கோவில்பட்டி நேஷனல் பொறியியல் கல்லூரியில் வைத்து நடைபெற உள்ளதாக மாவட்ட ஆட்சியர் இளம் பகவத் தெரிவித்துள்ளார்.
News September 23, 2024
செந்தூர் எக்ஸ்பிரஸ் ரயில் தாமதமாக புறப்படும்
தென்னக ரயில்வே மதுரை கோட்டம் வெளியிட்டுள்ள செய்தி குறிப்பில் திருச்சி ரயில்வே கோட்டத்தில் ரயில் பாதை பராமரிப்பு பணிகள் நடைபெற்று வருகிறது. இதன் காரணமாக திருச்செந்தூர் – சென்னை எழும்பூர் செந்தூர் எக்ஸ்பிரஸ் (20606) திருச்செந்தூரிலிருந்து இன்று இரவு 08.25 மணிக்கு புறப்படுவதற்கு பதிலாக இரவு 10.35 மணிக்கு புறப்படும் என அறிவிக்கப்பட்டுள்ளது.
News September 23, 2024
திமுகவில் இணைந்த பாஜகவினர் – அமைச்சருக்கு பாஜக கண்டனம்
பாஜக கல்வியாளர் பிரிவு செயலாளர் கல்யாணசுந்தரம் தலைமையில் சுமார் 30 பேர் அமைச்சர் கீதாஜீவன் முன்னிலையில் நேற்று திமுகவில் இணைந்தனர். இந்நிலையில், பாஜக வடக்கு மாவட்ட செயலாளர் வேல் ராஜ் அறிக்கை வெளியிட்டுள்ளார். அதில், கல்யாணசுந்தரம் என்பவர் பாஜகவில் எந்த பொறுப்பிலும் கிடையாது. 200 ரூபாய் கொடுத்து ஆள் சேர்க்கும் வேலையை செய்ய வேண்டாம் என அமைச்சர் கீதாஜீவனுக்கு கண்டனம் தெரிவித்துள்ளார்.
News September 23, 2024
தூத்துக்குடியில் நெய்தல் திருவிழா மற்றும் புத்தகக் காட்சி
தூத்துக்குடியில் இன்று (செப்.23) நடைபெறவிருக்கும் நெய்தல் திருவிழா மற்றும் புத்தகக் கண்காட்சி குறித்த துண்டுப் பிரசுரங்களை கழக துணைப் பொதுச்செயலாளரும் தூத்துக்குடி பாராளுமன்ற உறுப்பினருமான கனிமொழி எம்.பி பேருந்துகளில் ஒட்டினார். உடன் தமிழ்நாடு சமூக நலன் மற்றும் மகளிர் துறை அமைச்சர் கீதா ஜீவன் கலந்து கொண்டனர்.
News September 23, 2024
கனிமொழி எம்பி பங்கேற்கும் இன்றைய நிகழ்ச்சிகள்
தூத்துக்குடி பாராளுமன்ற உறுப்பினர் கனிமொழி இன்று (செப்.23) திருச்செந்தூர் தொகுதி கீரனூரில் பயணிகள் நிழற்குடையும், திருச்செந்தூரில் நியாய விலை கடையையும், தோப்பூரில் பூங்காவினையும், நங்கை மொழியில் மேல்நிலை நீர்த்தேக்க தொட்டியையும், பிச்சி விலையில் ஊராட்சி மன்ற கட்டிடத்தையும் திறந்து வைக்க உள்ளதாக தூத்துக்குடி தெற்கு மாவட்ட செயலாளர் அமைச்சர் அனிதா ராதாகிருஷ்ணன் தெரிவித்துள்ளார்.
News September 23, 2024
திமுக பொறியாளர் அணி பொறுப்புக்கு விண்ணப்பிக்கலாம்
தூத்துக்குடியின் வடக்கு மாவட்டத்தில் திமுக சார்பில் நகர, ஒன்றிய, பகுதி, பேரூர், கழக அளவில் திமுக பொறியாளர் அணியின் பொறுப்புகளுக்கு விருப்பமுள்ளவர்கள் விண்ணப்பிக்கலாம் என்று வடக்கு மாவட்டச் செயலாளர் அமைச்சர் கீதாஜீவன் நேற்று (செப்.22) அறிவித்துள்ளார். அதற்கென பிரத்தியேக QR CODE உருவாக்கப்பட்டு வடக்கு மாவட்ட கழக அலுவலகத்திலும், அந்தந்த நகர, ஒன்றிய கழக அலுவலகங்களிலும் உள்ளது என்று தெரிவித்தார்.
Featured News
Sorry, no posts matched your criteria.