• Download our app

Tuticorin

News May 10, 2024

மாணவர்களே வாய்ப்பை நழுவ விடாதீர்கள்

image

தூத்துக்குடியில் உள்ள அரசு பாலிடெக்னிக் கல்லூரியில் முதலாம் ஆண்டு பட்டய படிப்பில் சேர்வதற்கு இன்று முதல் விண்ணப்பிக்கலாம் என்று அறிவிக்கப்பட்டுள்ளது. இதில் பத்தாம் வகுப்பு தேர்ச்சி பெற்றவர்கள் முதலாம் ஆண்டு பட்டய படிப்பிலும் ,பிளஸ் டூ தேர்ச்சி பெற்றவர்கள் நேரடியாக 2 ஆம் ஆண்டு சேர்க்கையிலும் சேரலாம் என தெரிவிக்கப்பட்டுள்ளது.

News May 10, 2024

மருத்துவமனை அருகே சாக்கடை நீர்

image

திருச்செந்தூர் அரசு மருத்துவமனை பின்புறம் உள்ள சாலையில் கடந்த சில நாட்களாக பாதாள சாக்கடை நீர் ஆறாக ஓடிக்கொண்டிருக்கிறது. இதனால் சாலையில் செல்வோரும், மருத்துவமனையில் உள்ள நோயாளிகளும் துர்நாற்றத்தால் அவதி அடைந்து வருகின்றனர். மேலும் இந்த சாக்கடை நீரால் தொற்றுநோய் பரவும் அபாயமும் உள்ளதாக குற்றச்சாட்டு எழுந்துள்ளது. நகராட்சி அதிகாரிகள் நடவடிக்கை எடுக்க அப்பகுதி மக்கள் கோரிக்கை விடுத்துள்ளனர்.

News May 9, 2024

மாணவர்கள் சான்றிதழ்கள் பெற சிறப்பு ஏற்பாடு

image

பிளஸ் டூ தேர்வில் தேர்ச்சி அடைந்த மாணவர்கள் உயர் கல்வியில் சேர்வதற்கு வழிகாட்டும் நிகழ்ச்சியான கல்லூரி கனவு என்ற நிகழ்ச்சி மாவட்ட நிர்வாகம் சார்பில் நாளை மறுநாள் (11) தூத்துக்குடி மாணிக்க மஹாலில் வைத்து நடைபெற உள்ளது. இந்த நிகழ்ச்சியின் போது மாணவர்களுக்கு தேவையான வருவாய், இருப்பிட சான்றிதழ் போன்றவை பெறுவதற்கு சிறப்பு ஏற்பாடு செய்யப்பட்டுள்ளதாக ஆட்சியர் லட்சுமிபதி தெரிவித்துள்ளார்.

News May 9, 2024

புதைந்த உடலை தோண்டி எடுத்து விசாரணை

image

தூத்துக்குடி அருகே உள்ள ஐய்யனடைப்பை சேர்ந்தவர் ஆஷா பைரோஸ். இவர் தனது மகன் குலாம் காதருடன் வசித்து வந்தார். மனநலம் குன்றிய தாய் ஆஷா உயிரிழந்து 6 நாட்கள் ஆன நிலையில் அவரது சடலத்தை மகன் குலாம் தனது வீட்டிற்கு வெளியே புதைத்துள்ளார். இது குறித்து விசாரணை நடத்த போலீஸார் இன்று அவரது உடலை தோண்டி எடுத்து பிரேத பரிசோதனைக்காக அனுப்பி வைத்துள்ளனர்.

News May 9, 2024

தூத்துக்குடி மணப்பாடு கடற்கரை சிறப்பு

image

தூத்துக்குடியில் அமைந்துள்ளது மணவை என்றழைக்கப்படும் மணப்பாடு கடற்கரை. இந்த கடற்கரையில் 14 ஆம் நூற்றாண்டைச் சேர்ந்த சிலுவை உள்ளது. பழமையான கடற்கரையான இந்த இடத்தில் பண்டைய வர்த்தம் செய்யப்பட்டு வந்தது. தூத்துக்குடி துறைமுகம் கட்டப்பட்ட பிறகு வர்த்தகம் நிறுத்தப்பட்டது. இந்த கடற்கரைக்கு அருகில் கத்தோலிக்க கிறிஸ்துவ தேவாலயம் பழமையான தேவாலயமாகும்.

News May 9, 2024

தூத்துக்குடியில் 144 தடை உத்தரவு

image

தூத்துக்குடி மாவட்டம் பாஞ்சாலங்குறிச்சியில் உள்ள வீரசக்கதேவி ஆலய திருவிழா நடைபெற உள்ளது. இதன் காரணமாக இன்று மாலை 6 மணி முதல் வரும் 12 ஆம் தேதி காலை 6 மணி வரை தூத்துக்குடி மாவட்டம் முழுவதும் 144 தடை உத்தரவு  அமலில் இருக்கும் என மாவட்ட ஆட்சியர் லட்சுமிபதி அறிவித்துள்ளார். இதன் காரணமாக அந்த சட்டத்தை மீறுபவர்கள் மீது அதிரடியாக நடவடிக்கை எடுக்கப்படும் என தெரிவிக்கப்பட்டுள்ளது.

News May 9, 2024

ஐயா கோவிலில் சித்திரை திருவிழா

image

சாத்தான்குளம் அருகே உள்ள சங்கரன்குடியிருப்பு ஐயா ஸ்ரீமன் நாராயணசாமி கோவிலில் சித்திரைத் திருவிழா கடந்த ஐந்தாம் தேதி முதல் நடைபெற்று வருகிறது. இத் திருவிழாவின் நிறைவு நாள் நிகழ்ச்சியான நேற்று சிறப்பு பணிவிடை உச்சி கால பணிவிடை மற்றும் ஐயா வீதி உலா வரும் நிகழ்வுகள் நடைபெற்றது. இதில் பக்தர்களுக்கு இனிமம் வழங்கும் நிகழ்ச்சி நடைபெற்றது.

News May 8, 2024

700 பெண்கள் கலந்து கொண்ட திருவிளக்கு பூஜை

image

தூத்துக்குடி மாவட்டம் குலசேகரப்பட்டினம் ஆலமரத்து இசக்கியம்மன் கோவில் கொடை விழா துவங்கி நடைபெற்று வந்தது. திருவிழாவின் முக்கிய நிகழ்ச்சியாக நேற்று இரவு அம்மனுக்கு நடைபெற்ற சிறப்பு அபிஷேகம் மற்றும் பூஜைகளுக்கு பின்னர் 700 சுமங்கலி பெண்கள் கலந்துகொண்டு திருவிளக்கு ஏற்றி அம்மன் பாடல்கள் பாடி அம்மனை வழிபட்டனர்.

News May 8, 2024

கோவில்பட்டியில் கல்லூரி கனவு நிகழ்ச்சி

image

12ஆம் வகுப்பு முடித்த மாணவர்களுக்கான ‘கல்லூரிக் கனவு’ நிகழ்ச்சி மே.11 அன்று கோவில்பட்டி நேஷனல் கல்லூரியில் நடைபெற உள்ளது. இந்நிகழ்வில் சிறந்த கல்வியாளர்கள் கலந்து கொண்டு 12ஆம் வகுப்பிற்கு பிறகு உயர்கல்வியியல், கலை அறிவியல், பொறியியல், அறிவியல் தொழில்நுட்ப பிரிவுகள் என்னென்ன படிப்புகள் உள்ளன என்பது தொடர்பாக விரிவான தகவல்களை மாணவ, மாணவியருக்கு வழங்க உள்ளனர்.

News May 8, 2024

தாயின் உடலை வீட்டிற்குள் புதைத்த மகன்

image

தூத்துக்குடி அருகே உள்ள ஐய்யனடைப்பை சேர்ந்தவர் ஆஷா பைரஸ். இவர் தனது மகன் குலாம் காதருடன் வசித்து வந்தார். இந்நிலையில் குலாம் காதர் வீட்டில் இருந்து துர்நாற்றம் வீசவே சிப்காட் போலீசார் விசாரணை நடத்திய போது கடந்த 2 ஆம் தேதி இறந்த தனது தாயின் உடலை உறவினர்கள் இல்லாததால் வீட்டருகே புதைத்து விட்டதாக குலாம் காதர் தெரிவித்தார். இதையடுத்து ஆஷா பைரஸ் உடலை மீட்டு போலீசார் விசாரணை நடத்தி வருகின்றனர்.

Featured News

Sorry, no posts matched your criteria.

↑