India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tuticorin
News December 12, 2024
தூத்துக்குடி மாவட்டத்தில் பள்ளிகளுக்கு மட்டும் விடுமுறை!
வங்கக் கடலில் ஏற்பட்டுள்ள காற்றழுத்த தாழ்வு நிலை காரணமாக தூத்துக்குடி மாவட்டத்தில் இன்று(டிசம்பர் 12) அதிகாலை முதல் மழை பெய்து வருகிறது. இதை தொடர்ந்து சாலைகளில் மழை நீர் தேங்கியுள்ளதால் தூத்துக்குடி மாவட்டத்தில் உள்ள பள்ளிகளுக்கு மட்டும் இன்று விடுமுறை அளித்து மாவட்ட ஆட்சியர் இளம் பகவத் உத்தரவிட்டுள்ளார்.
News December 11, 2024
இரவு ரோந்து போலீஸ் அதிகாரிகள் விவரம் வெளியீடு
தூத்துக்குடி மாவட்ட காவல்துறை சார்பில் இரவு நேரங்களில் மாவட்டங்களில் அசம்பாவித சம்பவங்கள் நடைபெற்று விடாமல் தடுக்கும் வகையில் காவல்துறையினர் ரோந்து பணியில் ஈடுபட்டு வருகின்றனர். அந்த வகையில் இன்று இரவு ரோந்து பணியில் ஈடுபடும் காவல்துறையினரின் விவரங்களை மாவட்ட காவல் கண்காணிப்பாளர் அலுவலகம் சார்பில் வெளியிடப்பட்டுள்ளது.
News December 11, 2024
பாஞ்சாலங்குறிச்சி: வாகன நுழைவு கட்டணம் பல மடங்கு உயர்வு
பாஞ்சாலங்குறிச்சியில் வீரபாண்டிய கட்டபொம்மன் நினைவு கோட்டை உள்ளது. இதனை பார்வையிட வாகனங்களில் வருபவர்களுக்கு நாள் ஒன்றுக்கு பஸ் லாரிகளுக்கு 20 ரூபாயும், வேனுக்கு 10 ரூபாயும், கார்களுக்கு 5 ரூபாயும் இருந்தது. இந்நிலையில் தற்போது லாரி வாகனங்களுக்கு 100 ரூபாயும், வேனுக்கு 80 ரூபாயும் காருக்கு 50 ரூபாயும் என நிபந்தனையுடன் ஏல நடவடிக்கை மேற்கொள்ள மாவட்ட ஆட்சியர் உத்தரவிட்டுள்ளார்.
News December 11, 2024
தூத்துக்குடி: ரவுடி மணியாச்சி மணி சிறையில் அடைப்பு
தூத்துக்குடி மாவட்டம் ஓட்டப்பிடாரம் பகுதியை சேர்ந்த மணியாச்சி மணி(35) என்பவர் மீது கொலை, வெடிகுண்டு வீச்சு, அடிதடி உள்ளிட்ட பல்வேறு வழக்குகள் நிலுவையில் உள்ளன. இந்த நிலையில், இவர் நீதிமன்ற வழக்கு விசாரணைக்கு ஆஜராகாமல் இருந்ததாக கூறப்படும் நிலையில் மாவட்ட எஸ்பி ஆல்பர்ட் ஜான் உத்தரவின் பேரில் போலீசார் நேற்று(டிச.,10) மணியை கைது செய்து சிறையில் அடைத்தனர்.
News December 11, 2024
முண்டாசு கவி பாரதியின் பிறந்த நாள் இன்று!
“உச்சிமீது வானிடிந்து வீழுகின்ற போதினும் அச்சமில்லை அச்சமில்லை..” என்று மக்களிடையே தனது பாடல்கள் மூலம் சுதந்திர வேட்கையை பரப்பியவர் தூத்துக்குடி மாவட்டம் எட்டையாபுரத்தை சேர்ந்த மகாகவி பாரதியார். பாட்டு திறத்தாலே இவ்வையகத்தை பாலித்திட வந்த பாரதியின் 143வது பிறந்தநாள் இன்று. அவரின் புகழைப் பறைசாற்றும் வகையில் எட்டயபுரத்தில் அமைந்துள்ள அவரது மணிமண்டபத்தில் இன்று பிறந்தநாள் நிகழ்ச்சிகள் நடைபெறவுள்ளன.
News December 11, 2024
தூத்துக்குடி மாவட்டம் இன்றைய (11) நிகழ்வுகள்
தூத்துக்குடி எஸ்.பி அலுவலகத்தில் காலை 10 மணிக்கு மக்கள் குறை தீர்ப்பு நாள் கூட்டம் நடைபெறுகிறது. மகாகவி பாரதியாரின் பிறந்த நாளை முன்னிட்டு எட்டையாபுர மணிமண்டபத்தில் உள்ள அவரது சிலைக்கு பல்வேறு தரப்பினர் மாலை அணிவித்து மரியாதை செலுத்தும் நிகழ்ச்சி நாளை காலை நடைபெறுகிறது. தூத்துக்குடி மாநகராட்சி மக்கள் குறை தீர்ப்பு நாள் கூட்டம் நாளை காலை 10 மணிக்கு மேற்கு மண்டல அலுவலகத்தில் நடைபெறுகிறது
News December 11, 2024
தூத்துக்குடி மாவட்ட இரவு ரோந்து பணி அதிகாரிகள் விவரம்
தூத்துக்குடி மாவட்டத்தில் இன்று (10.12.2024) இரவு 10 மணி முதல் நாளை காலை 6 மணி வரை இரவு ரோந்து பணிக்கு விளாத்திகுளம் கோவில்பட்டி திருச்செந்தூர் சாத்தான்குளம் ஆகிய பகுதிகளில் நியமிக்கப்பட்ட அதிகாரிகள் அவசர காலத்திற்கு அழைக்கப்படலாம். மேலும் 100 அல்லது தூத்துக்குடி மாவட்ட ஹலோ போலீஸ் 95141 44100 எண்ணை தொடர்பு கொள்ளலாம் என மாவட்ட காவல் கண்காணிப்பாளர் அறிவித்துள்ளார்.
News December 10, 2024
எட்டையாபுரத்தில் மகாகவிக்கு நாளை மரியாதை
“என்று தணியும் எங்கள் சுதந்திர தாகம்” என சுதந்திர தீயை மக்கள் மனதில் பூட்டிய மகாகவி பாரதியாரின் 143 ஆவது பிறந்தநாள் நாளை (11) கொண்டாடப்படுகிறது. இதனை ஒட்டி அவரது சொந்த ஊரான எட்டையாபுரத்தில் அமைந்துள்ள மணிமண்டபத்தில் இருக்கும் அவரது சிலைக்கு நாளை மாவட்ட ஆட்சியர் உட்பட பல்வேறு அரசியல் கட்சியினர் பொதுமக்கள் மாலை அணிவித்து மரியாதை செலுத்துகின்றனர்.
News December 10, 2024
தூத்துக்குடி மாவட்டத்தில் நாளை குறைத்தீர் கூட்டம்
தூத்துக்குடி மாவட்ட காவல்துறை சார்பில் வாரம் தோறும் புதன்கிழமை பொதுமக்களிடம் பல்வேறு காவல் நிலையங்களில் புகார் அளித்து நிலுவையில் உள்ள வழக்குகள் சம்பந்தமாக குறைதீர்ப்பு நாள் கூட்டம் நடத்தப்படுவது வழக்கம். அந்த வகையில் நாளை (டிச.11) கோரம்பள்ளத்தில் உள்ள மாவட்ட காவல் கண்காணிப்பாளர்கள் குறைதீர்க்கும் நாள் கூட்டம் நடைபெற உள்ளதாக மாவட்ட காவல் கண்காணிப்பாளர் ஆல்பர்ட் ஜான் தெரிவித்துள்ளார்.
News December 10, 2024
சாத்தான்குளம் அருகே புறா முட்டை சேகரிக்க சென்ற பலி
சாத்தான்குளம் அருகே பழனியப்பபுரம் பகுதியை சேர்ந்த செல்வகுமார் (30) என்பவர் இன்று மாலை அங்குள்ள கிணற்றில் புறா முட்டைகளை சேகரிக்க இறங்கிய போது தவறி கிணற்றில் விழுந்துள்ளார். இவரை காப்பாற்ற சென்ற அவரது தந்தை பாண்டி மற்றும் தம்பி தினேஷ் ஆகியோரும் உள்ளே இறங்கியுள்ளனர். இதில் செல்வகுமார் உயிரிழந்தார். மற்ற இருவரும் உயிர் தப்பினர்.
Featured News
Sorry, no posts matched your criteria.