India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tiruvannamalai
News June 8, 2024
தி.மலை: சன்னதி தெருவில் போக்குவரத்து பாதிப்பு
திருவண்ணாமலை சன்னதி வீதியில் விடுமுறை நாளான இன்று உள்ளூர் மற்றும் வெளியூர் புறங்களில் இருந்து அண்ணாமலையார் கோயிலுக்கு வருகை புரிந்ததை ஒட்டி பெரும் போக்குவரத்து பாதிப்பு ஏற்பட்டது. கார்கள் ஆட்டோக்கள் மற்றும் இரு சக்கர வாகனங்கள் வரிசையாக படையெடுத்து கொண்டு இருந்ததால் பெரும் கூட்டம் அலைமோதியது.
News June 8, 2024
தி.மலை: ஜூன் 10 முதல் குறைதீா் கூட்டம்
திருவண்ணாமலை மாவட்டத்தில் திங்கட்கிழமை (ஜூன் 10) முதல் மாவட்ட ஆட்சியா் அலுவலகம், ஆரணி, செய்யாறு கோட்டாட்சியா் அலுவலகங்களில் மக்கள் குறைதீா் கூட்டங்கள் நடைபெறும். இதேபோல, மனுநீதி நாள் முகாம்கள், விவசாயிகள் குறைதீா் கூட்டங்கள், மாற்றுத்திறனாளிகளுக்கான மருத்துவ முகாம்களும் வழக்கம்போல நடைபெறும். இக்கூட்டத்தில் பொதுமக்கள் கலந்து கொண்டு பயன்பெறலாம் என்று தி.மலை மாவட்ட நிர்வாகம் தெரிவித்துள்ளது.
News June 7, 2024
தி.மலையில் ஜமாபந்தி அறிவிப்பு
திருவண்ணாமலை மாவட்டத்தில் ஜூன் 19 முதல் 28 வரை ஜமாபந்தி நடைபெறும் என மாவட்ட ஆட்சியர் தெ.பாஸ்கர பாண்டியன் அறிவித்துள்ளார். திருவண்ணாமலை மாவட்டத்தில் உள்ள 12 வட்டங்களிலும் அந்தந்த வட்டாட்சியர் அலுவலகங்களில் நடைபெறும். இதில், அந்தப்பகுதி மக்கள் கலந்துகொண்டு பயன்பெறுமாறு அறிவுறுத்தப்பட்டுள்ளது.
News June 7, 2024
தி.மலை: கால அவகாசம் நீட்டிப்பு
திருவண்ணாமலை மாவட்டத்தில் உள்ள அரசு மற்றும் தனியார் தொழில் பயிற்சி நிலையங்களில் (ITI) பயிற்சியாளர் சேர்க்கைக்கு சேர விரும்பும் மாணவர்கள் இன்று ஜூன் 7 வரை விண்ணப்பம் செய்யலாம் என்று மாவட்ட நிர்வாகம் அறிவித்திருந்தது. அதை ஒட்டி மாணவர்கள் சேர்க்கையினை கருத்தில் கொண்டு ஜூன் 13 வரை விண்ணப்பிக்கலாம் என்று மாவட்ட நிர்வாகம் கால நீட்டிப்பு அவகாசம் வழங்கியது.
News June 7, 2024
தி.மலை: கலெக்டர் வெளியிட்ட அறவிப்பு
திருவண்ணாமலை மாவட்டத்தில் மே மாதம் நியாய விலைக் கடைகளில் பாமாயில், துவரம் பருப்பு பெற இயலாதவா்கள் அந்தப் பொருள்களை ஜூன் முதல் வாரத்தில் பெற்றுக்கொள்ளலாம் என்று மாவட்ட ஆட்சியர் பாஸ்கர பாண்டியன் தெரிவித்துள்ளார். குடும்ப அட்டைதாரா்கள் பொருள்களை பெறுவதற்கு ஏதுவாக கடைகளின் விற்பனை முனையக் கருவியில் தேவையான அனைத்து மாறுதல்களும் செய்யப்பட்டுள்ளதாக தெரிவித்தார்.
News June 7, 2024
தி.மலை: மேம்பாலம் கட்ட கோரிக்கை
திருவண்ணாமலை மாவட்டத்தில் அவலூர்பேட்டை ரிங் ரோடு செல்லும் வழித்தடம் என்பதால் ரயில்வே கேட் இரு திசைகளிலும் வாகனங்கள் அணிவகுத்து நிற்கும் ஒவ்வொரு முறையும் ரயில்வே கேட் மூடப்படும் போது ஏற்படும் போக்குவரத்து பாதிப்பில் இருந்து மீண்டு வருவதற்கு 30 நிமிடங்கள் ஆகிறது. ரயில்வே கேட் பகுதியில் மேம்பாலம் கட்டி தர வேண்டும் என்று பொதுமக்கள் அரசாங்க நிர்வாகத்திடம் கோரிக்கை வைத்தனர்.
News June 7, 2024
தி.மலை மாவட்டத்தில் மழை நிலவரம்
திருவண்ணாமலை மாவட்டத்தில் ஜூன் 5 முதல் நேற்று மாலை வரை அதிகபட்சமாக தண்டராம்பட்டில் 42.8 மி.மீ. மழை பதிவானது. இதுதவிர, திருவண்ணாமலையில் 5, செங்கத்தில் 4.2, போளூரில் 10, ஜமுனாமரத்தூரில் 1.6, கலசப்பாக்கத்தில் 17, ஆரணியில் 4.8, வந்தவாசியில் 10, கீழ்பென்னாத்தூரில் 7.2 மில்லி மீட்டா் மழை பதிவானது. மாவட்டத்தில் தொடா்ந்து வரும் மழையால் விவசாயிகள், பொதுமக்கள் மகிழ்ச்சி அடைந்துள்ளனா்.
News June 7, 2024
மூளை சாவு அடைந்த மாணவனின் உடல் உறுப்புகள் தானம்
கலசப்பாக்கம், பர்வதமலை , கல்லூரி மாணவர் புவனேஷ் மே-2 பைக்கில் சென்றபோது டிராக்டர் மோதி விபத்துக்குள்ளானார். தி.மலை அரசு மருத்துவமனையில் சேர்க்கப்பட்டு, மேல் சிகிச்சைக்காக சென்னை ராஜீவ்காந்தி மருத்துவமனையில் சேர்க்கப்பட்டு இன்று மூளை சாவு அடைந்தார். பெற்றோர் அனுமதியுடன் சிறுநீரகம், கல்லீரல், கண்விழி தானமாகதரப்பட்டது . மாணவன் உடலுக்கு டீன் தேரணிராஜன் தலைமையில் இறுதி மரியாதை செலுத்தப்பட்டது.
News June 6, 2024
கோயம்பேட்டில் இருந்து திருவண்ணாமலைக்கு 15 பேருந்துகள் இயக்கப்படும்
திருவண்ணாமலை மாவட்டத்தில் வார இறுதி நாட்களை முன்னிட்டு சென்னை கோயம்பேடு பேருந்து நிலையத்திலிருந்து திருவண்ணாமலைக்கு நாளையும் நாளை மறு தினமும் தலா 15 பேருந்துகள் இயக்கப்படும் என்று அரசு போக்குவரத்துக் கழக மேலாண் இயக்குனர் தகவல் அளித்துள்ளார். ஏராளமான பொதுமக்கள் வெளியூர் சென்று விட்டு உள்ளூர் வரும் காரணத்தால் பேருந்துகள் இயக்கப்படுகின்றது.
News June 6, 2024
திமுக வெற்றி வேட்பாளருக்கு வாழ்த்து
திருவண்ணாமலை மக்களவைத் தொகுதி I.N.D.I.A கூட்டணியின், திமுக வேட்பாளர் சி. என். அண்ணாதுரை, வெற்றி பெற்றதை முன்னிட்டு, இன்று (06.06.2024) திமுக மாநில மருத்துவர் அணி துணைத் தலைவரும், போளூர் சட்டமன்றத் தொகுதி பொறுப்பாளருமான மருத்துவர் எ. வ. வே. கம்பனை நேரில் சந்தித்து சால்வை அணிவித்து வாழ்த்து பெற்றார்.
Featured News
Sorry, no posts matched your criteria.