India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tiruvannamalai
News April 17, 2024
சிறப்பு கட்டண சேவை ரத்து
திருவண்ணாமலையில் உள்ள அருணாச்சலேஸ்வரர் திருக்கோவிலில் வரும் 23 ஆம் தேதி அதிகாலை 4.16 மணிக்கு தொடங்கி மறுநாள் 24 ஆம் தேதி அதிகாலை 5.47 மணி வரை சித்திரா பௌர்ணமி கிரிவலம் செல்லலாம் என கோவில் நிர்வாகம் அறிவித்துள்ளது. எனவே அன்று
கட்டணமில்லாமல் பக்தர்கள் சுவாமியை தரிசிக்க ஏற்பாடு செய்யப்பட்டுள்ளது. மேலும் ரூ.50 சிறப்பு கட்டண சேவை ரத்து செய்யப்பட்டுள்ளது என மாவட்ட ஆட்சியர் தெரிவித்துள்ளார்.
News April 17, 2024
சித்ரா பௌர்ணமி கிரிவலம்
திருவண்ணாமலையில் பிரசித்தி பெற்ற சித்ரா பௌர்ணமி விழா வரும் 23ஆம் தேதி நடைபெற உள்ளது. இதனையொட்டி சித்ரா பெளர்ணமி கிரிவலம் செல்ல உகந்த நேரம் ஏப்ரல் 23ஆம் தேதி அதிகாலை 4 மணி முதல் ஏப்ரல் 24ஆம் தேதி அதிகாலை 05.47 மணி வரை கிரிவலம் வர உகந்த நேரம் என கோயில் நிர்வாகம் அறிவித்துள்ளது.
News April 17, 2024
48 வெளி மாநில மதுபாட்டில்கள் பறிமுதல்
திருவண்ணாமலை மாவட்டம் போளூரை அடுத்த செங்குணம் சாலையில் ஒன்றியப் பொறியாளா் ஜெயந்தி தலைமையிலான தோ்தல் பறக்கும் படையினா் நேற்று வாகனத் தணிக்கையில் ஈடுபட்டனா். அப்போது அவ்வழியாக வந்த காரை நிறுத்தி சோதனை செய்ததில் அதில் 48 வெளி மாநில மதுபாட்டில்கள் கடத்தப்பட்டது தெரியவந்தது. இதையடுத்து கார் ஓட்டுநர் காமராஜை (48) போலீசார் கைது செய்த நிலையில் காா்,மதுபாட்டில்களை அதிகாரிகள் பறிமுதல் செய்தனர்.
News April 17, 2024
வாக்கு எண்ணும் மையங்களில் கேமரா
திருவண்ணாமலை, ஆரணி மக்களவைத் தொகுதிகளின் வாக்கு எண்ணும் மையங்களில் நடைபெற்று வரும் கண்காணிப்புக் கேமராக்கள் பொருத்தும் பணி, எல்இடி டிவி மூலம் கண்காணிக்கும் கட்டுப்பாட்டு அறை அமைக்கும் பணிகளை மாவட்ட தோ்தல் நடத்தும் அலுவலரும், ஆட்சியருமான தெ.பாஸ்கர பாண்டியன் நேற்று நேரில் பாா்வையிட்டு ஆய்வு செய்தாா். உடன் அரசு அலுவலர்கள் உள்ளிட்ட பலர் கலந்து கொண்டனர்.
News April 16, 2024
தி.மலையில் 102.2 டிகிரி பாரன்ஹீட்
கோடை காலம் தொடங்கியுள்ள நிலையில் திருவண்ணாமலை மாவட்டத்தில் வெயிலின் தாக்கம் அதிகரித்துள்ளது. இதனால் பொதுமக்கள் வீட்டை விட்டு வெளியே வர அஞ்சுகின்றனர். இந்நிலையில், இன்றைய அதிகபட்ச வெப்பநிலை 102. 2டிகிரி பாரன்ஹீட், 38 டிகிரி செல்சியஸ் பதிவாகியுள்ளது.
News April 16, 2024
தி.மலை அருகே விபத்து; பலி
போளூர் அடுத்த கேளூர் கிராமத்தைச் சேர்ந்தவர் சம்பத். இவர் உடல் நலக்குறைவால் சேத்துப்பட்டு தனியார் மருத்துவமனையில் அனுமதிக்கப்பட்டார். இந்நிலையில், நேற்று மாலை சிகிச்சை முடிந்து இரு சக்கர வாகனத்தில் வீட்டிற்கு சென்றபோது, தச்சாம்பாடி பேருந்து நிலையம் அருகே குறுக்கே நாய் வந்ததால் நிலை தடுமாறி கீழே விழுந்தார். மீண்டும் மருத்துவமனையில் அனுமதித்த நிலையில் உயிரிழந்த சம்பவம் சோகத்தை ஏற்படுத்தியது.
News April 16, 2024
விபத்தில் ஒருவர் பலி
திருவண்ணாமலை மாவட்டம் சேத்துப்பட்டு வெங்கடாஜலபதி தெருவை சேர்ந்தவர் புருஷோத்தமன். இவர் மேஸ்திரி வேலை செய்து வருகிறார். இவர் நேற்று இரவு சேத்துப்பட்டு கண்ணனூர் சாலை ஏரிக்கரை ஓரம் சைக்கிளில் சென்ற போது எதிரே வந்த அடையாளம் தெரியாத வாகனம் மோதியதில் படுகாயமடைந்தார். சிகிச்சைக்காக மருத்துவமனைக்கு கொண்டு சென்ற போது அங்கு இவர் உயிரிழந்தார். இது குறித்து சேத்துப்பட்டு போலீஸார் விசாரணை நடத்தி வருகின்றனர்.
News April 16, 2024
வெடிகுண்டு நிபுணர்கள் தீவிர சோதனை
அமைச்சர் ராஜ்நாத் சிங் வருகையையொட்டி திருவண்ணாமலையில் வெடிகுண்டு நிபுணர்கள் தீவிர சோதனையில் ஈடுபட்டு வருகின்றனர்.தேரடி வீதியில் 20 க்கும் மேற்பட்ட வெடிகுண்டு நிபுணர்கள், மோப்ப நாய் உதவியுடன் தீவிர சோதனை. ராஜ்நாத் சிங் வந்திறங்கும் ஹெலிகாப்டர் இறங்கு தளத்திலும் வெடிகுண்டு நிபுணர்கள் தீவிர சோதனையில் ஈடுபட்டு வருகின்றனர்.
News April 16, 2024
ரூ.32 கோடியில் வளர்ச்சி பணிகள் – எ.வ.வேலு
செங்கம் மக்களின் அடிப்படை தேவைகளுக்கு திமுக ஆட்சியில் ரூ.32 கோடி நிதி ஒதுக்கப்பட்டு பணிகள் நடைபெற்றுள்ளதாக அமைச்சா் எ.வ.வேலு தெரிவித்தாா். திருவண்ணாமலை தொகுதி திமுக வேட்பாளா் அண்ணாதுரையை ஆதரித்து அமைச்சா் எ.வ.வேலு செங்கம் புதிய பேருந்து நிலையத்தில் நேற்று பிரச்சாரத்தில் ஈடுபட்டார். அதில் செங்கம் பகுதியில் கடந்த மூன்று ஆண்டுகளில் ரூ.32 கோடி நிதி ஒதுக்கப்பட்டு பணிகள் நடைபெற்றுள்ளது எனக் கூறினார்.
News April 16, 2024
பொம்மை பூ கொட்டும் நிகழ்ச்சி
திருவண்ணாமலை மாவட்டத்தில் உள்ள அருணாச்சலேஸ்வரர் திருக்கோவிலில் நேற்று சித்திரை வசந்த உற்சவத்தின் 2 ஆம் நாள் அண்ணாமலையாருக்கு பொம்மை பூ கொட்டும் நிகழ்ச்சி நடைபெற்றது. இதில் ஏராளாமான பக்தர்கள் கலந்து கொண்டு சாமி தரிசனம் செய்தனர். இதில் கலந்து கொண்ட பக்தர்களுக்கு அன்னதானம் வழங்கப்பட்டது.
Featured News
Sorry, no posts matched your criteria.