India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tirupathur
News May 12, 2024
திருப்பத்தூர்: ஓடும் ரயிலில் மயங்கியவர் மரணம்
கர்நாடக மாநில பெங்களூர் ரயில் நிலையத்தில் இருந்து கேரளா மாநிலம் கொல்லம் வரை செல்லும் எக்ஸ்பிரஸ் ரயிலில் பொது பெட்டியில் பயணம் செய்த கேரளா மாநிலத்தை சேர்ந்தவர் சும்சுதீன் சலீம் (49). இவர் இன்று ரயிலில் பயணம் செய்த போது திருப்பத்தூர் அருகே திடீரென மயங்கி கிடந்தார். ஜோலார்பேட்டை ரயில்வே போலீசார் சிகிச்சைக்காக திருப்பத்தூர் அரசு மருத்துவமனைக்கு கொண்டு சென்ற போது அவர் ஏற்கனவே இறந்ததாக தெரிவித்தனர்.
News May 12, 2024
பொன்னேரி வேடியப்பன் கோயில் திருவிழா
ஜோலார்பேட்டை அருகே பொன்னேரி கிராமத்தில் அமைந்துள்ள வேடியப்பன் கோயில் திருவிழா மே 22ஆம் தேதி முதல் 25ஆம் தேதி வரை நடைபெறவுள்ளது. இதனையொட்டி இன்று வேடியப்பன் கோயில் ஆலயத்தில் கொடியேற்றத்துடன் கோயில் திருவிழா தொடங்கியது. இவ்விழாவில் பொன்னேரி மற்றும் அதனைச் சுற்றியுள்ள பல்வேறு பகுதிகளில் இருந்து ஏராளமான பொதுமக்கள் கலந்து கொண்டு சாமி தரிசனம் செய்தனர்.
News May 12, 2024
ஆம்பூர் அருகே கார் மோதியதில் ஒருவர் பலி
திருப்பத்தூர் மாவட்டம் ஆம்பூர் தாலுகா மின்னூர் ஊராட்சி அம்பேத்கர் நகர் பகுதியை சேர்ந்தவர் சின்னான் மகன் ரங்கநாதன் (55). இவர் நேற்று (மே.11) இரவு தேசிய நெடுஞ்சாலையை கடக்கும் போது கார் மோதி தூக்கி வீசப்பட்டு சம்பவ இடத்திலேயே உயிரிழந்தார். இது குறித்து ஆம்பூர் தாலுகா போலீசார் சம்பவ இடத்திற்கு விரைந்து சென்று உடலை கைப்பற்றி பிரேத பரிசோதனைக்காக அனுப்பி வைத்து விசாரணை நடத்தி வருகின்றனர்.
News May 11, 2024
திருப்பத்தூர் மாவட்ட மக்களின் கவனத்திற்கு
ஆம்பூர் பகுதியில் உள்ள தேசிய நெடுஞ்சாலையில் பாலம் அமைக்கும் பணிகள் மீண்டும் தொடங்கியுள்ள நிலையில் சென்னை- பெங்களூர் மற்றும் கிருஷ்ணகிரி செல்லும் வாகன ஓட்டிகள் தங்களது பயணத்தை சிரமமின்றி சாலை விதிகளை பின்பற்றி பயணிக்குமாறு மாவட்ட காவல்துறை அறிவுறுத்தியுள்ளது.
News May 11, 2024
ஜோலார்பேட்டை அருகே ஆட்சியர் ஆய்வு
ஜோலார்பேட்டை ஒன்றியம் சின்ன மோட்டூர் பகுதியில் அரசு மருத்துவக் கல்லூரி அமைக்க தேர்வு செய்யப்பட்டுள்ள இடத்தை இன்று திருப்பத்தூர் மாவட்ட ஆட்சியர் தர்ப்பகராஜ் பார்வையிட்டு ஆய்வு மேற்கொண்டார். இந்த ஆய்வின் போது வருவாய் கோட்டாட்சியர் ராஜசேகரன் நாட்டறம்பள்ளி தாசில்தார் சம்பத் வருவாய் ஆய்வாளர் அன்னலட்சுமி ஊராட்சி மன்ற தலைவர் ஜி.ஜி.ஆனந்தன், கிராம நிர்வாக அலுவலர் சந்தீப் ஆகியோர் உடனிருந்தனர்.
News May 11, 2024
திருப்பத்தூரில் இருந்து மேல்மலையனூருக்கு 80 பேருந்து
விழுப்புரம் மாவட்டம் மேல்மலையனூர் பகுதியில் உள்ள உலக புகழ்பெற்ற ஸ்ரீ அங்காள பரமேஸ்வரி திருக்கோவிலில் நாளை சித்திரை மாதம் அமாவாசை தினத்தை முன்னிட்டு பக்தர்களின் வசதிக்காக திருப்பத்தூர் மாவட்டம் திருப்பத்தூர் புதிய பேருந்து நிலையத்திலிருந்து தமிழ்நாடு அரசு போக்குவரத்து கழகம் 80 சிறப்பு பேருந்துகள்
News May 11, 2024
திருப்பத்தூர்: 1.74 லட்சம் பேர் பயன்!
தமிழக அரசு செயல்படுத்தி வரும் கலைஞர் மகளிர் உரிமைத் தொகை திட்டத்தில் 1.15 கோடி குடும்பத் தலைவிகளுக்கு உரிய விதிமுறைகளை பின்பற்றி மாதந்தோறும் ரூ.1000 வழங்கப்பட்டு வருகிறது. இந்நிலையில், திருப்பத்தூர் மாவட்டத்தில் இந்த திட்டத்தின் மூலம் 1,74,787 குடும்பத் தலைவிகள் பயன் பெற்று வருகின்றனர். இந்த தொகை தங்களுக்கு பெரும் உதவியாக உள்ளது என்று அப்பகுதி பெண்கள் கூறி வருகின்றனர்.
News May 11, 2024
ஜோலார்பேட்டை : ரயிலில் அடிபட்டு பலி
கிருஷ்ணகிரி மாவட்டம் வேப்பனப்பள்ளியை சேர்ந்த செல்வராஜ் (34). இவர் அதே பகுதியில் கம்ப்யூட்டர் சென்டர் நடத்தி வருகிறார். இன்று ஜோலார்பேட்டை அருகே சோமநாயக்கன்பட்டி பச்சூர் ரயில் நிலையங்களுக்கு இடையே தண்டவாளத்தை கடக்க முயன்ற போது அவ்வழியாக வந்த பெங்களூர் எக்ஸ்பிரஸ் ரயிலில் அடிபட்டு பலியானார். இதுகுறித்து போலீசார் விசாரித்து வருகின்றனர்.
News May 11, 2024
வாணியம்பாடி அருகே விபத்து: ஒருவர் பலி
வாணியம்பாடி அடுத்த ஜின்னா சாலையில் இன்று மாலை 5 மணியளவில் முன்னாள் சென்ற இருசக்கர வாகனம் மீது அரசு பேருந்து மோதியதில் ஜீவா நகரை சேர்ந்த அஸ்லாம் பாஷா படுகாயம் அடைந்தார். 108 வாகனத்தில் வாணியம்பாடி அரசு மருத்துவமனைக்கு செல்லும் வழியில் அவர் உயிரிழந்தார். இதுகுறித்து போலீசார் விசாரித்து வருகின்றனர்.
News May 11, 2024
ஜூலை 2இல் துணைத் தேர்வு?
10ஆம் வகுப்பு பொதுத்தேர்வு முடிவுகள் நேற்று வெளியானது. இந்நிலையில், தேர்வில் தேர்ச்சி பெறாத, தேர்வு எழுதாத மாணவர்களின் எதிர்கால நலன் கருதி 10ஆம் வகுப்பு துணைத் தேர்வை ஜூலை 2ஆம் தேதி நடத்தத் திட்டமிடப்பட்டுள்ளது. இதில் தேர்ச்சி பெறுபவர்கள் இந்தக் கல்வியாண்டிலேயே உயர் கல்வி பயிலத் தகுதியுடையோராவார். இதற்கான தேர்வு அட்டவணை இன்று (மே 11) வெளியிடப்படும் எனத் தெரிகிறது.
Featured News
Sorry, no posts matched your criteria.