• Download our app

Tirupathur

News April 10, 2024

ஆம்பூர் அருகே 2 பேர் கைது

image

ஆம்பூர் தாலுகா பகுதியில் கடந்த 3 நாட்களுக்கு முன்பு தேசிய நெடுஞ்சாலையில் செல்போனை பறித்து சென்ற  உதியேந்தரம் பகுதியை சேர்ந்த ஜெயசூர்யா (21), சந்தீப் (19) ஆகிய 2 பேரை ஆம்பூர் தாலுகா போலீசார் இன்று காலை கைது செய்து அவர்களிடம் இருந்து விலை உயர்ந்த 3 செல் போன்களை பறிமுதல் செய்தனர். 

News April 10, 2024

விடுமுறை அளிக்காத நிறுவனங்கள் மீது நடவடிக்கை – ஆட்சியர்

image

100% வாக்களிப்பை உறுதி செய்யும் வகையில் வணிக நிறுவனங்கள் ஐடி,ஐடிஸ்,பிபிஓ கடைகள், உணவு நிறுவனங்கள், பீடி, பொதுத்துறை நிறுவனங்கள் உள்ளிட்ட பல்வேறு நிறுவனங்களிலும் பணிபுரியும் தொழிலாளர்களுக்கு தேர்தல் நடைபெறும் நாளில் சம்பளத்துடன் கூடிய விடுமுறை அளிக்க வேண்டும் என அரசு வலியுறுத்தியுள்ளது. இவ்வாறு விடுமுறை அளிக்காத நிறுவனங்கள் மீது நடவடிக்கை எடுக்கப்படும் என ஆட்சியர் எச்சரிக்கை விடுத்துள்ளார்.

News April 10, 2024

திருப்பத்தூர்: விசில் தாத்தா மரணம்

image

வாணியம்பாடி அருகே வளையம்பட்டு காமராஜ் நகர் பகுதியை சேர்ந்த விசில் தாத்தா பாபு (89)
89 வயதிலும் தசைகள் தளர்ந்தாலும் , தன்னம்பிக்கை சற்றும் தளராமல், மன உறுதியோடு சுறுசுறுப்பாக வாணியம்பாடி பகுதியில் முழுவதும் மிதிவண்டியில் தனது வியாபாரம் செய்து வாழ்ந்து வந்தார். கடந்த சில தினங்களாக உடல் நலம் பாதிக்கப்பட்ட நிலையில் நேற்று உயிரிழந்தார்.

News April 9, 2024

தபால் ஓட்டும் போடும் பணி: ஆட்சியர் ஆய்வு

image

 85 வயதுக்கும் மேற்பட்ட வாக்காளர்கள் வாக்களிக்கும் விதமாக அவர்கள் வசிக்கும் வீடுகளுக்கே நேரடியாக சென்று அலுவலர்கள் தபால் வாக்கினை சேகரித்தனர். பின்னர், சீலிடப்பட்ட வாக்கு பெட்டியில் செலுத்தும் பணியினை இன்று ஆம்பூர் கஸ்பா புதுத்தெரு பகுதியில் மாவட்ட ஆட்சியர் தர்ப்பகராஜ் நேரில் ஆய்வு மேற்கொண்டார்.

News April 9, 2024

வாணியம்பாடி: நடவடிக்கை எடுக்குமா பறக்கும்படை

image

மக்களவை தேர்தலையொட்டி தேர்தல் விதிமுறைகள் அமுலுக்கு வந்த நிலையில் தமிழகம் முழுவதும் உள்ள கட்சி தலைவர்களின் சிலைகள் மற்றும் கட்சி கொடிகள் துணிகளை வைத்து மூடி வைக்கப்பட்டுள்ளது. இந்நிலையில் வாணியம்பாடி நகர பகுதியில் அதிமுக சின்னம் இரட்டை இலை திறந்த நிலையில் இருப்பதால் அவற்றை மூட தேர்தல் அதிகாரிகள் நடவடிக்கை எடுக்க கோரிக்கை எழுந்துள்ளது.

News April 9, 2024

அனுமதியின்றி கொண்டு செல்லப்பட்ட துண்டு பிரசுரங்கள்

image

திருப்பத்தூர் மாவட்டம் ஆம்பூா் பச்சகுப்பம் தேசிய நெடுஞ்சாலை மேம்பால பகுதியில் நேற்று தோ்தல் பறக்கும் படையினா் வாகன தணிக்கையில் ஈடுபட்டிருந்தனா். அப்போது அவ்வழியாக வந்த ஆட்டோவை நிறுத்தி சோதனையிட்டதில் பாஜக கட்சியின் 15300 தோ்தல் துண்டுப் பிரசுரங்கள் அனுமதியின்றி கொண்டு சென்றது தெரியவந்தது. அதை பறிமுதல் செய்த பறக்கும் படையினர் உதவி தேர்தல் நடத்தும் அலுவலர் பெலிக்ஸ் ராஜாவிடம் ஒப்படைத்தனர்.

News April 9, 2024

குறைந்த வாடகை கட்டணத்தில் டிராக்டர்

image

ஜோலார்பேட்டை அடுத்த கேத்தாண்டப்பட்டி பகுதியில் வசித்து வரும் விவசாயிகள் தங்களது பகுதியில் உள்ள விவசாய நிலத்தில் விவசாயம் செய்ய டிராக்டரை மிகவும் குறைந்த வாடகை கட்டணத்தில் பயன்படுத்த
கேத்தாண்டப்பட்டி தொடக்க வேளாண்மை கூட்டுறவு கடன் சங்கம் அலுவலகத்தில் செயலாளரை தொடர்பு கொண்டு இன்று முதல் குறைந்த வாடகையில் டிராக்டரை எடுத்து செல்லலாம் என செயலாளர் அறிவித்துள்ளார்.

News April 8, 2024

வாணியம்பாடி: தனியார் வங்கி பணம் பறிமுதல்

image

 திருப்பத்தூர் மாவட்டத்தில் தேர்தல் பறக்கும் படையினர் பல்வேறு பகுதிகளில் வாகன சோதனை செய்து வருகின்றனர். இந்நிலையில் இன்று இரவு தேர்தல் பறக்கும் படையினர் வாணியம்பாடி பகுதியில் வாகன சோதனை செய்யும் போது உரிய ஆவணங்கள் இன்றி ஏடிஎம்மில் பணம் நிரப்ப கொண்டு சென்ற பல லட்சம் ரூபாய் பறிமுதல் செய்யப்பட்ட சம்பவம் பரபரப்பை ஏற்படுத்தியுள்ளது. 

News April 8, 2024

வாணியம்பாடி: கால்வாயில் சிக்கிய வாகனம்

image

வாணியம்பாடி நகராட்சி குப்பை கிடங்கில் உள்ள திடக்கழிவு கட்டடத்தில் இன்று திடிரென தீ விபத்து ஏற்பட்டது.  உடனடியாக வாணியம்பாடி தீயணைப்பு துறையினருக்கு பொதுமக்கள் தகவல் தெரிவித்தனர். தகவலின் பேரில் விரைந்து சென்ற தீயணைப்பு வாகனம் சாலையோரம் உள்ள கழிவுநீர் கால்வாயில் சிக்கி கொண்டது. தீயை அணைக்க முடியாத நிலையில்,  அப்பகுதியில் பெரும் புகை மூட்டம் காணப்பட்டது.

News April 8, 2024

வாக்காளர் குடும்பங்களுக்கு அஞ்சல் அட்டை

image

திருப்பத்தூர் மாவட்டத்தில் மக்களவை தேர்தலையொட்டி பொது மக்களிடையே விழிப்புணர்வு ஏற்படுத்தும் விதமாக ஆட்சியர் தர்ப்பகராஜ் முதற்கட்டமாக 1000 வாக்காளர்களின் குடும்பங்களுக்கு விழிப்புணர்வு அஞ்சல் அட்டைகள் அனுப்பும் பணியினை மேற்கொண்டார்.

Featured News

Sorry, no posts matched your criteria.

↑