India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tirunelveli
News February 8, 2025
மதம் அரசு நிறுவனமாக மாறி விடக்கூடாது – கனிமொழி
நெல்லை புத்தக திருவிழாவில் இன்று எம்பி கனிமொழி கலந்து கொண்டு பேசுகையில், வாசிப்பின் வழியாக உலகத்தைப் புரிந்து கொள்ள முடியும். மதம் என்பது அரசு நிறுவனமாக மாறிவிடக் கூடாது மக்களுக்கானதாக இருக்க வேண்டும். மதம் அரசின் கைக்குசென்றால் அது அதிகாரம் மிக்கதாக ஆகிவிடும். நாம் ஒவ்வொருவரும் அருகில் இருக்கும் மனிதர்களை நேசிக்க வேண்டும். அதுதான் அன்பான தமிழ் சமூகத்தை தக்கவைக்கும் என கூறினார்.
News February 8, 2025
திருநெல்வேலியில் 20 காவல் ஆய்வாளர்கள் பணியிட மாற்றம்
திருநெல்வேலி சரகத்தில் இன்று (பிப்.8) 20 காவல் துறை ஆய்வாளர்களை பணியிட மாற்றம் செய்து சரக டிஐஜி மூர்த்தி இன்று அறிக்கை வெளியிட்டுள்ளார். அதில் கோவில்பட்டி காவல் ஆய்வாளர் ராஜாராம் பணகுடி காவல் நிலையத்திற்கு மாற்றம் செய்யப்பட்டுள்ளார். இதேபோல் காவல் ஆய்வாளர்கள் திருநெல்வேலி சரகத்தில் மாற்றம் செய்யப்பட்டுள்ளனர். இவர்கள் விரைவில் பொறுப்பேற்கின்றனர்.
News February 8, 2025
தேசிய குடற்புழு நீக்க நாள் முகாம்
தேசிய குடற்புழு நீக்க தினத்தை முன்னிட்டு நெல்லையில் அரசு ஆரம்ப சுகாதார நிலையங்கள், அங்கன்வாடி மையங்கள், அரசு உதவி பெறும் பள்ளிகள் உள்ள்ளிட்ட இடங்களில் பிப்.10 அன்று குடற்புழு நீக்க மாத்திரைகள் வழங்கப்படுகின்றன. பள்ளிக்கு செல்லாத சிறார்கள், 20 முதல் 30 வயது வரை உள்ள மகளிர் பயனடையுமாறு கலெக்டர் சுகுமார் இன்று அறிவித்துள்ளார்.
News February 8, 2025
224-வது ஆட்சியராக பொறுப்பேற்றார்
நெல்லை மாவட்டத்தின் புதிய ஆட்சியராக மருத்துவர் இரா.சுகுமாரன் இன்று காலை பொறுப்பேற்றுக் கொண்டார். நெல்லை மாவட்ட ஆட்சியராக இருந்த மருத்துவர் கார்த்திகேயன் எல்காட் சேர்மனாக மாறுதலாகி சென்றதையடுத்து நெல்லையின் 224-வது ஆட்சியராக சுகுமாரன் பொறுப்பேற்றுக் கொண்டார். அவருக்கு அனைத்து துறை அதிகாரிகள் பூங்கொத்து கொடுத்து வாழ்த்து தெரிவித்தனர்
News February 8, 2025
பாளையில் குடிமைப் பணிகள் தேர்வு பலத்த பாதுகாப்பு
தமிழ்நாடு அரசு பணியாளர் தேர்வாணையம்: ஒருங்கிணைந்த குடிமைப் பணிகள் தேர்வு தொகுதி II, II A பதவிகளுக்கான முதன்மை எழுத்து தேர்வு பாளையங்கோட்டை தூய யோவான் கல்லூரியில் இன்று (பிப்-8) நடைபெறுகிறது. தேர்வு மையங்களுக்கு காலையிலேயே தேர்வர்கள் வந்திருந்தனர் அவர்களை பலத்த ஆய்வுக்கு பின்னர் தேர்வு எழுத அனுமதிக்கப்பட்டனர். தேர்வு மையத்தை பறக்கும் படையினர் கண்காணித்து வருகின்றனர்.
News February 8, 2025
கணவரை கொலை செய்த மனைவிக்கு ஆயுள் தண்டனை
நெல்லை மாவட்டம் அம்பை அருகே உள்ள ஊர்க்காடு பகுதியை சேர்ந்த பேச்சிமுத்து (30)என்பவரை கடந்த 2022 ஆம் ஆண்டு அவரது மனைவி சுதா கழுத்தை நெரித்து கொலை செய்த வழக்கு நெல்லை நீதிமன்றத்தில் நேற்று விசாரணைக்கு வந்த போது கொலை செய்த சுதாவிற்கு ஆயுள் தண்டனை மற்றும் ரூ-1000 அபராதம் விதித்து நீதிபதி பன்னீர்செல்வம் தீர்ப்பளித்தார்.
News February 8, 2025
நெல்லையின் புதிய ஆட்சியர் இன்று காலை பொறுப்பேற்பு
நெல்லை மாவட்ட புதிய ஆட்சித் தலைவராக மருத்துவர். இரா.சுகுமார் நாளை காலை பொறுப்பேற்க உள்ளார் என மாவட்ட ஆட்சியர் அலுவலக செய்தி குறிப்பில் தெரிவிக்கப்பட்டுள்ளது. கடந்த சில தினங்களுக்கு முன்பு நெல்லை ஆட்சியர் மாற்றம் என்று அறிவிக்கப்பட்ட நிலையில் நெல்லையில் இரண்டு நாட்களாக முதல்வர் பங்கேற்ற அரசு நிகழ்ச்சிக்காக அவரது பதவியேற்பு நிகழ்வு தள்ளி வைக்கப்பட்டு இருந்தது குறிப்பிடத்தக்கது.
News February 7, 2025
நெகிழ்ச்சியுடன் விடைபெற்ற நெல்லை ஆட்சியர்
நெல்லை ஆட்சியர் கார்த்திகேயன் இடம் மாற்றம் செய்யப்பட்ட நிலையில் இன்றுடன் அவர் நெல்லையில் இருந்து விடைபெறுகிறார். இன்று அவர் வெளியிட்ட அறிக்கையில் அன்பின் நெல்லைக்கு, நெல்லையில் பணியினை நிறைவு செய்து இன்று விடைபெறுகிறேன். உங்கள் அனைவரின் அன்பாலும், பல துறை அலுவலர்களின் ஒத்துழைப்பாலும் பல தளங்களிலும் நம் மாவட்டம் தொடர்ந்து மேம்பாட்டு வருகிறது. ஒத்துழைப்பு வழங்கிய அனைவருக்கும் மனமார்ந்த நன்றி.
News February 7, 2025
நெல்லை மாநகர டவுன் காவல்துறை உதவி ஆணையர் பொறுப்பேற்பு
நெல்லை மாநகர டவுன் காவல்துறை உதவி ஆணையராக K.அஜிகுமார் இன்று பொறுப்பேற்றார். இதற்கு முன் இவர் பணகுடி காவல் நிலையத்தில் ஆய்வாளராக இருந்து பதவி உயர்வும் மூலம் காவல் உதவி ஆணையராக பொறுப்பேற்று இருக்கிறார் என்பது குறிப்பிடத்தக்கது. புதிதாகப் பொறுப்பேற்ற அவருக்கு பல்வேறு அரசியல் கட்சி பிரமுகர்கள், காவல்துறை அதிகாரிகள், காவலர்கள் வாழ்த்து தெரிவித்தனர்.
News February 7, 2025
நெல்லை மாவட்ட காவல்துறை சார்பில் விழிப்புணர்வு பதிவு
நெல்லை மாவட்ட காவல்துறை சார்பில் சமூக வலைதளங்களில் விழிப்புணர்வு பதிவு ஏற்படுத்தப்பட்டுள்ளது அதில் கீழ்கண்டவாறு குறிப்பிடப்பட்டுள்ளது.அதில் ஆன்லைன் விளையாட்டில் உங்களின் நேரத்தையும் பணத்தையும் இழக்காதீர்கள் என்றும்
நாளடைவில் இந்த பழக்கம் உங்களை அடிமையாக்கலாம்.
ஆகவே பொது மக்கள் விழிப்போடு செயல்பட்டு ஆன்லைன் விளையாட்டை தவிர்த்திடுவீர். என விழிப்புணர்வு பதிவிடப்பட்டுள்ளது
Featured News
Sorry, no posts matched your criteria.