India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tiruchirappalli
News August 30, 2024
மாணவியிடம் அத்துமீறிய நபர் கைது
திருச்சி என்ஐடி கல்லூரியில் மாணவியிடம் பாலியல் ரீதியாக அத்துமீறிய ஊழியர் கைது செய்யப்பட்டுள்ளதாக எஸ்.பி. வருண்குமார் தெரிவித்துள்ளார். இதுகுறித்து பேசிய அவர், “போராட்டம் நடத்திய மாணவர்களின் கோரிக்கைள் நிறைவேற்ற வலியுறுத்தியுள்ளனர். மாணவர்களும் தங்கள் பக்க நியாயங்களை எடுத்துரைத்தனர். உரிய முறையில் விசாரணை நடத்தப்பட்டு நடவடிக்கை மேற்கொள்ளப்படும்” என எஸ்.பி. தெரிவித்தார்.
News August 30, 2024
மன்னிப்பு கேட்ட வார்டன் – போராட்டம் வாபஸ்
திருவெறும்பூர் என்ஐடி மையத்தில் மாணவர்கள் நடத்திய போராட்டம் வாபஸ் பெறப்பட்டது. விடுதி காப்பாளர் பேபி மாணவிகளிடம் மன்னிப்பு கோரியதை தொடர்ந்து மாணவர்கள் வாபஸ் பெற்றனர். திருச்சி எஸ்.பி. வருண்குமார் மாணவர்கள் விடுதி நிர்வாகத்திடம் பேச்சுவார்த்தை நடத்தினார். அப்போது, பெண் ஆய்வாளர்கள், காவலர்கள் மூலம் மாணவிகளிடம் தனித்தனியாக மாணவிகளிடம் வாக்குமூலம் பெறுவதாக எஸ்.பி. உறுதியளித்தார்.
News August 30, 2024
திருச்சியில் சிறப்பு வேலைவாய்ப்பு முகாம்
திருச்சி கலையரங்கம் திருமண மண்டபத்தில் செப்.6ஆம் தேதி மண்டல அளவிளான மாற்றுத்திறனாளிகளுக்கான சிறப்பு வேலைவாய்ப்பு முகாம் நடைபெற உள்ளது. இந்த முகாமானது மாற்றுத்திறனாளிகள் நலத்துறை, மாவட்ட வேலை வாய்ப்பு மற்றும் தொழில்நெறி வழிகாட்டும் மையம் இணைந்து நடத்துகிறது. இதில் மாற்றுத்திறனாளிகள் கலந்துகொண்டு பயன்பெறலாம் என மாவட்ட ஆட்சியர் மா.பிரதீப்குமார் தெரிவித்துள்ளார்.
News August 30, 2024
வார்டன் மீது புகார் அளித்தால் நடவடிக்கை – ஆட்சியர்
என்ஐடி கல்லூரி விடுதியில் மாணவிக்கு ஒப்பந்த ஊழியர் கதிரேசன் என்பவர் பாலியல் தொல்லை கொடுத்ததாக கைது செய்யப்பட்டுள்ளார். மேலும், விடுதி வார்டன் மாணவி மீதே குற்றம்சாட்டி திட்டியதால் அவரை கண்டித்து மாணவர்கள் போராட்டத்தில் ஈடுபட்டு வருகின்றனர். இந்நிலையில், விடுதியின் பெண் வார்டன் மீது மாணவிகள் புகார் அளித்தால் நடவடிக்கை எடுக்கப்படும் என திருச்சி மாவட்ட ஆட்சியர் பிரதீப்குமார் அறிவித்துள்ளார்.
News August 30, 2024
மாநில மகளிர் ஆணையம் விசாரணை நடத்தும் – குமாரி
என்ஐடி கல்லூரி மாணவிக்கு நேர்ந்த கொடூரம் குறித்து மாநில மகளிர் ஆணையம் விசாரணை நடத்தும் என மகளிர் ஆணைய தலைவர் குமாரி தனியார் தொலைக்காட்சி வாயிலாக அறிவித்துள்ளார். தனது மகளுக்கு நேர்ந்தது போன்று உணர்கிறேன். பாதிக்கப்பட்ட மாணவி வார்டன் குற்றம் சுமத்தியது அதிர்ச்சியளிக்கிறது. பெண்ணுக்கு எதிராக பெண்ணே கேள்வி கேட்பது மாற வேண்டும் என அவர் தெரிவித்துள்ளார்.
News August 30, 2024
காப்பாளர்கள் மன்னிப்பு கேட்க வலியுறுத்தல்
என்ஐடி கல்லூரி மாணவி பாலியல் தொல்லை தொடர்பாக போராட்டம் நடந்து வரும் நிலையில் மாணவிகள் பல கோரிக்கைகளை முன்வைத்துள்ளனர். அதில், 1, விடுதி காப்பாளர்களை மாற்ற வேண்டும். 2, அவதூறாக பேசிய 3 காப்பாளர்களும் மன்னிப்பு கேட்க வலியுறுத்தல். 3, வெளி ஊழியர்கள் பணிக்கு வரும்பாது, விடுதி காப்பாளர் உடன் இருக்க வேண்டும். மாணவி தனியாக இருக்கும் போது பாதுகாப்பை உறுதி செய்ய வேண்டும் என கூறியுள்ளனர்.
News August 30, 2024
மாணவியை தரக்குறைவாக பேசிய வார்டன்
திருச்சி என்ஐடி மாணவியிடம் பாலியல் அத்துமீறலில் ஈடுபட்ட ஒப்பந்த ஊழியரை கண்டித்து மாணவ, மாணவிகள் தொடர் போராட்டத்தில் ஈடுபட்டுள்ளனர். விடுதி அறைக்கு WIFI பிரச்னையை சரிசெய்ய வந்த ஒப்பந்த ஊழியர் மாணவியிடம் அத்துமீறலில் ஈடுபட்டுள்ளார். மேலும், இப்படி ஆடை அணிந்தால், அப்படித்தான் நடக்கும் என்ற ரீதியில் வார்டன் பேசியதால் மாணவிகள் அதிருப்தியடைந்துள்ளனர்.
News August 30, 2024
மாணவியின் ஆடை குறித்து பேசிய வார்டன்
திருச்சி என்ஐடி கல்லூரி விடுதியில் கல்லூரி மாணவிக்கு ஒப்பந்த ஊழியர் பாலியல் தொல்லை அளித்த சம்பவம் அதிர்ச்சியை ஏற்படுத்தியுள்ளது. இந்நிலையில், விடுதி காப்பாளர் அத்துமீறலில் ஈடுபட்ட நபரை மரியாதையாகவும், பாதிக்கப்பட்ட மாணவியை தரக்குறைவாகவும் நடத்தியதாக மாணவிகள் ஆதங்கம் தெரிவித்தனர். மேலும், காவல் நிலையத்தில் மாணவியின் ஆடை குறித்தும் வார்டன் விமர்சித்துள்ளதாக மாணவிகள் வேதனையுடன் தெரிவித்தனர்.
News August 30, 2024
என்ஐடி மாணவர்கள் தொடர் போராட்டம்
திருச்சி அருகே உள்ள துவாக்குடியில் என்ஐடி கல்லூரி உள்ளது. இங்கு விடுதியில் தங்கி படிக்கும் மாணவி ஒருவருக்கு வியாழக்கிழமை அன்று அங்கு பணிபுரியும் ஒப்பந்த தொழிலாளர் ஒருவர் பாலியல் தொல்லை கொடுத்துள்ளார்
இதனால் அதிர்ச்சி அடைந்த மாணவ மாணவிகள் நேற்று இரவு போராட்டத்தில் ஈடுபட்டனர்
இங்கு வந்த காவல்துறை அதிகாரிகள் சம்பந்தப்பட்ட நபரை கைது செய்து விசாரித்து வருகின்றனர்
News August 30, 2024
திருச்சியில் ரூ.11,000 கோடி செலவில் மெட்ரோ
திருச்சி மெட்ரோ ரயில் திட்டங்கள் குறித்து CRML நேற்று விரிவான அறிக்கை வெளியிட்டுள்ளது. இதில் வழி – 1 சமயபுரம் முதல் வயலூர் மத்தியிலான 19 கி.மீ வழித்தடத்தில் சுமார் 19 நிறுத்தங்கள் உடனும், வழி – 2 துவாக்குடி முதல் பஞ்சப்பூர் வரையிலான 26 கி.மீ வழித்தடத்தில் 26 நிறுத்தங்கள் என மொத்தம் 45 நிறுத்தங்கள் உடன் சுமார் 11000 கோடி ரூபாய் செலவில் செயல்படுத்தப்படும் என்று தெரிவித்துள்ளது.
Featured News
Sorry, no posts matched your criteria.