India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tiruchirappalli
News May 3, 2024
திருச்சியில் உச்சம் தொட்ட வெயில்
தமிழக முழுவதும் நாளுக்கு நாள் வெப்பம் அதிகரித்து மக்களை வாட்டி வதைத்து வருகிறது.இன்று அக்னி நட்சத்திரம் எனும் கத்தரி வெயில் தொடங்கியதன் தாக்கம் திருச்சியில் இந்த ஆண்டு 7 முதல் 10 டிகிரி வரை வெப்பம் அதிகரித்துள்ளது.நேற்றைய வெப்பநிலை 109.58 வெயில் பதிவானதாக வானிலை ஆய்வு மையம் தெரிவித்தது. முன்னெச்சரிக்கை நடவடிக்கை எடுக்காவிட்டால் நிலைமை மோசமாகிவிடும் என சமூக ஆர்வலர்கள் எச்சரித்துள்ளனர்.
News May 3, 2024
மதுவினால் நேர்ந்த விபரீதம்: தகராறில் ஒருவர் கைது
திருச்சி கருங்குளத்தை சேர்ந்த ரங்கசாமி, ஜஸ்டின் ஆகியோர் அருகே வசிப்பவர்கள். இவர்கள் இருவரும் நேற்றும் மது அருந்திவிட்டு வாய் தகராறில் ஈடுபட்டுள்ளனர். பிரச்சனை பெரிதாகவே இருவரும் ஒருவருக்கொருவர் தாக்கிக் கொண்டனர். அப்போது ஜஸ்டின், ரங்கசாமியை கடுமையாக கடித்துள்ளார். இதனை அடுத்து ரங்கசாமி அளித்த புகாரின் பேரில் போலீசார் ஜஸ்டினை நேற்று அதிரடியாக கைது செய்தனர்.
News May 3, 2024
திருச்சியின் புகழ்பெற்ற சமயபுரம் மாரியம்மன்!
திருச்சியில் உள்ள புகழ்பெற்ற சமயபுரம் மாரியம்மன் கோவில், காவேரியின் வடகரையிலிருந்து சுமார் 15 கிலோமீட்டர் தூரத்தில் அமைந்துள்ளது. இந்த ஊரின் புராண பெயர்களாக கண்ணபுரம், விக்ரமபுரம், மாகாளிபுரம் என்றழைக்கப்பட்டன. இக்கோயில் புராண கதை வரலாற்றைக் கொண்டது. 400 ஆண்டுகளுக்கு முந்தைய கோயிலாக இந்த சமயபுரம் மாரியம்மன் கோவில் கருதப்படுகிறது. மாரியம்மனுக்கு மாலை அணிந்து விரதமிருந்து வருவது சிறப்பானது.
News May 3, 2024
ஜமால் முகமது கல்லூரிக்கு புதிய முதல்வர்
திருச்சி ஜமால் முகமது கல்லூரியின் புதிய முதல்வராக ஜார்ஜ் அமலரத்தினம் நியமிக்கப்பட்டுள்ளார். இவர் இதே கல்லூரியில் 36 ஆண்டுகளாக கணினி அறிவியல் துறை இணை பேராசிரியராகவும், துணைத் தலைவராகவும் பணியாற்றியுள்ளார். புதிய முதல்வராக நியமிக்கப்பட்ட ஜார்ஜ் அமலரத்தினத்திற்கு கல்லூரியின் செயலாளரும் தாளாளருமான டாக்டர் ஏ கே காஜா நஜிமுதீன், பொருளாளர் எம்ஜிஆர் ஜமால் முகமது ஆகியோர் நேற்று வாழ்த்து தெரிவித்தனர்.
News May 2, 2024
திருச்சி ரயில்வே நிர்வாகத்தின் அறிவிப்பு
திருச்சி ரயில்வே செய்தி குறிப்பில் திருச்சி-தஞ்சை ரயில் திருவாரூர் வரை நீட்டிக்கப்பட்டுள்ளது.அதன்படி திருச்சி ரயில் நிலையத்தில் இருந்து மே 2 முதல் இரவு 8:25க்கு புறப்படும் தஞ்சை ரயில்,திருவாரூர் வரை நீடிக்கப்பட்டுள்ளது.இந்த ரயில் திருவாரூருக்கு இரவு 11.05க்கு சென்றடையும்.மேலும் மறு மார்க்கத்தில் மே 3முதல் திருவாரூரில் இருந்து காலை 4.45க்கு புறப்பட்டு 7 மணிக்கு திருச்சி வந்து சேரும்.
News May 2, 2024
திருச்சியில் அண்ணா சிலைக்கு காவி சாயம்
திருச்சி பொன்மலை மேல கல்கண்டார் கோட்டை கடைவீதியில் உள்ள அண்ணா சிலை மீது மர்ம நபர்கள் இன்று காலை காவி சாயம் பூசி பரபரப்பை ஏற்படுத்தி உள்ளனர்.அண்ணா சிலைக்கு காவி சாயம் பூசிய மர்ம நபர்களை பொன்மலை போலீசார் தேடி வருகின்றனர். அதே நேரம் அண்ணா சிலைக்கு காவி சாயம் பூசிய விவகாரம் திருச்சியில் பரபரப்பை ஏற்படுத்தி இருக்கின்றது.சமீப காலமாக காவி சாயம் பூசும் மர்ம நபர்கள் அதிகரித்துக் கொண்டுதான் இருக்கின்றனர்.
News May 2, 2024
திருச்சி மாவட்டத்திற்கு மஞ்சள் அலர்ட்!
வடமாநிலங்களுக்கு மட்டுமே கொடுக்கப்பட்டு வந்த வெப்ப அலைக்கான மஞ்சள் அலர்ட் தற்போது முதன்முதலாக தமிழகத்தில் விடுக்கப்பட்டுள்ளது. அதன்படி திருச்சிக்கு இன்று (மே.02) ஆரஞ்சு அலர்ட் விடுக்கப்பட்டுள்ளது. இன்றும் நாளையும் வெப்ப அலை வீசக்கூடும் என வானிலை ஆய்வு மையம் தெரிவித்துள்ளது. இதனால் மக்கள் கூடுதல் கவனத்துடன் இருக்க வேண்டும் என அறிவுறுத்தப்படுகின்றனர்.
News May 2, 2024
திருச்சி அருகே மூன்று பேர் அதிரடி கைது
மண்ணச்சநல்லூர் காவல் நிலைய எஸ்ஐ சங்கர் தலைமையிலான குழுவினர் நேற்று சோதனையில் ஈடுபட்டுக் கொண்டிருந்தனர். அப்போது பாலாஜி நகர் பகுதியில் ஜவகர், தங்கதமிழ்செல்வன் , சரவணகுமார் ஆகிய மூன்று பேர் பணம் வைத்து சூதாட்டத்தில் ஈடுபட்டுக் கொண்டிருந்தது தெரிய வந்தது. இதனை அடுத்து போலீசார் அவர்கள் மூன்று பேரையும் கைது செய்து அவர்களிடம் இருந்த பணத்தை பறிமுதல் செய்தனர்.
News May 2, 2024
திருச்சி:மாநில ஒருங்கிணைப்பாளர் ஆய்வு.
இல்லம் தேடி கல்வி மாநில ஒருங்கிணைப்பாளர் திருச்சி கீழரசன் சாலையில் உள்ள மாநகராட்சி தொடக்கப் பள்ளியில் நேற்று ஆய்வு நடத்தினார். அப்போது பள்ளியில் நடைபெறும் இ கே ஒய் சி பணியில் சந்தித்த சிரமங்கள் குறித்து தன்னார்வலர்களிடம் கேட்டறிந்தார். தொடர்ந்து காலை உணவு திட்டம் குறித்து மாணவர்களிடம் கலந்துரையாடினார்.இந்த திட்டத்தில் பணியாற்றும் தன்னார்வலர்களையும் ஆசிரியர்களையும் பாராட்டினார்.
News May 1, 2024
உழைப்பாளர் சிலையாக மாறிய மாணவர்கள்
மே தினத்தையொட்டி தொழிலாளர்களின் உழைப்பை போற்றும் வகையில், உழைப்பாளர் சிலை போல் திருச்சி சமயபுரம் நம்பர் ஒன் டோல்கேட் அருகே மாணவர்கள் நின்றனர். உழைப்பவர்களால் தான் இந்த தேசம் வலிமையாக மாறிக்கொண்டிருக்கிறது. ஒவ்வொரு சிலைக்கும் ஒவ்வொரு சிறப்பு இருக்கும் ஆனால் உழைப்பாளர் சிலைக்கு தனி சிறப்பு உள்ளது என்பதை வலியுறுத்தும் விதமாக மாணவர்கள் நின்றனர்.
Featured News
Sorry, no posts matched your criteria.