India's largestHyperlocal short
news App
Get daily news updates that are tailored for you based on your preferred language & location.
download Way2News app now
Thiruvarur
News January 28, 2025
திருவாரூரை நடுங்க வைத்த கொலை வழக்கு பாகம் – 2
திருவாரூர் அடுத்த பள்ளிவாரமங்கலம் பகுதியைச் சேர்ந்த சிவானந்தத்தின் இரண்டாவது மகன் தான் மகாராஜா. இவர் கடந்த 2020 – 2021 ஆம் ஆண்டில், திருவாரூர் மாவட்ட பகுதிகளில் கட்ட பஞ்சாயத்து செய்து தாதாவாக வலம் வந்தார் என கூறப்படுகிறது. அந்த காலகட்டத்தில் தான் அவர் ஒரு கொலை முயற்சி வழக்கில் சிக்கி சிறை சென்றார். இந்த சமயத்தில் மகாராஜாவை பழிதீர்க்க எதிர் தரப்பினர் தகுந்த காலத்திற்காக காத்திருந்தனர். தொடரும்
News January 28, 2025
மன்னார்குடி ராஜகோபால சுவாமி கோவில்- தல வரலாறு
16 கோபுரங்களுடன் 7 தூண்கள், 24 சன்னிதிகள், 7 மண்டபங்கள் மற்றும் 9 புனித தீர்த்தங்கள் கொண்டு வைணவ தலங்களில் மிகச் சிறப்பு வாய்ந்த தலமாக, மன்னார்குடி ஸ்ரீ ராஜகோபால சுவாமி கோயில் விளங்குகிறது. 23 ஏக்கர் பரப்பளவில் அமைந்துள்ள இந்த ஆலயத்தில் உறையும் ராஜகோபால சுவாமி, கிருஷ்ணரின் வடிவமாக அறியப்படுகிறது. இங்கு அருள்பாலிக்கும் மூலவர் மற்றும் உற்சவர் குறித்து அடுத்த பதிவில் காணலாம்.
News January 28, 2025
திருவாரூர்: விவசாயிகள் குறைதீர்க்கும் நாள் கூட்டம்
2025 ஜனவரி மாதத்திற்கான விவசாயிகள் குறைதீர்க்கும் நாள் கூட்டம் திருவாரூர் மாவட்ட ஆட்சியர் தலைமையில் மாவட்ட ஆட்சியர் கூட்ட அரங்கில் எதிர்வரும் 30.01.2025 வியாழக்கிழமை காலை 10.30 மணியளவில் நடைபெற உள்ளது. இக்கூட்டத்தில் விவசாயிகள் நேரில் கலந்து கொண்டு விவசாயம் தொடர்பான கோரிக்கைகளை மனு மூலம் தெரிவித்து பயன்பெறலாம் என ஆட்சியர் தெரிவித்துள்ளார்.
News January 27, 2025
திருவாரூரை நடுங்க வைத்த கொலை வழக்கு பாகம் -1
திருவாரூர் அடுத்த பள்ளிவாரமங்கலம் பகுதியைச் சேர்ந்த மகாராஜா என்பவர் கடந்த 2021 ஆம் ஆண்டு சிறையில் இருந்து வெளியே வந்த 10 ஆவது நாளில் முகம் சிதைக்கப்பட்டு படுகொலை செய்யப்பட்டது தான் திருவாரூரை அதிர வைத்த மற்றொரு படுகொலை ஆகும். அந்த காலகட்டத்தில் இவர் மீது கட்டப்பஞ்சாயத்து, கொலை முயற்சி உள்ளிட்ட பல்வேறு வழக்குகள் நிலுவையில் இருந்தது என்பது குறிப்பிடத்தக்கது. – தொடரும்
News January 27, 2025
மாற்றுத்திறனாளிகள் நலத்துறை சார்பில் தையல் இயந்திரம்
வாரந்தோறும் திங்கட்கிழமையன்று மாவட்ட ஆட்சியர் அலுவலகத்தில் பொதுமக்கள் குறைதீர் கூட்டம் நடைபெறுவது வழக்கம். அந்த வகையில் திருவாரூர் மாவட்ட ஆட்சியரகத்தில் இன்று நடைபெற்ற கூட்டத்தில் பல்வேறு நலத்திட்ட உதவிகள் வழங்கப்பட்டன. குறிப்பாக மாற்றுத்திறனாளிகள் நலத்துறை சார்பில் 10 நபர்களுக்கு ரூ.6,500 மதிப்பிலான தையல் இயந்திரங்களை மாவட்ட ஆட்சியர் சாரு ஸ்ரீ வழங்கினார்.
News January 27, 2025
கொரடாச்சேரி: ஆற்றங்கரையில் கரை ஒதுங்கிய சடலம்
கொரடாச்சேரி அருகே வடபாதி கிராமத்தில் உள்ள ஓடம்போக்கி ஆற்றில் 40 வயது மதிக்கத்தக்க அடையாள தெரியாத ஆண் சடலம் மிதந்து கரை ஒதுங்கியுள்ளது. இதனைக் கண்டு அதிர்ச்சி அடைந்த அப்பகுதி மக்கள் போலீசாருக்கு தகவல் அளித்தனர். சம்பவ இடத்திற்கு விரைந்த கொரடாச்சேரி போலீசார் சடலத்தை கைப்பற்றி, திருவாரூர் அரசு மருத்துவக்கல்லூரி மருத்துவமனைக்கு அனுப்பி வைத்து இறந்தவர் யார்? என விசாரணை மேற்கொண்டு வருகின்றனர்.
News January 27, 2025
திருவாரூர்: 104 நிறுவனங்கள் மீது வழக்கு
திருவாரூர், நாகை, மயிலாடுதுறை ஆகிய மாவட்டங்களில் திருவாருர் தொழிலாளர் உதவி ஆணையர் வெங்கடேசன் தலைமையில் அலுவலர்கள் நேற்று (ஜன.26) திடீர் ஆய்வு மேற்கொண்டனர். அதில் குடியரசு தினத்தன்று ஊழியர்களுக்கு முறையாக விடுமுறை அல்லது இரட்டிப்பு ஊதியம் வழங்காத 60 கடைகள், 43 உணவு நிறுவனங்கள், ஒரு மோட்டார் நிறுவனம் என மொத்தம் 104 நிறுவனங்கள் மீது அதிரடியாக வழக்கு பதியப்பட்டு நடவடிக்கை மேற்கொள்ளப்பட்டது.
News January 26, 2025
அணிவகுப்பு மரியாதையை ஏற்றுக்கொண்ட ஆட்சியர்
நாட்டின் 76 ஆவது குடியரசு தினம் இன்று நாடு முழுவதும் வெகு விமர்சையாக கொண்டாடப்பட்டு வருகிறது. அதன் ஒரு பகுதியாக திருவாரூரில் மாவட்ட விளையாட்டு அரங்கில் மாவட்ட ஆட்சியர் சாரு ஸ்ரீ தேசியக்கொடியை ஏற்றி வைத்து காவலர்களின் அணிவகுப்பு மரியாதையை ஏற்றுக்கொண்டார். இந்நிகழ்வில் மாவட்ட காவல் கண்காணிப்பாளர் கருண் கரட் உடனிருந்தார்.
News January 26, 2025
திருவாரூரில் ரூ.20 லட்சம் மதிப்பிலான கோவில் நிலம் மீட்பு
திருவாரூர் விஜயபுரம் பழைய நாகை சாலையில், தங்கமுத்து மாரியம்மன் கோவிலுக்கு சொந்தமான இடத்தை தனிநபர் ஒருவர் ஆக்கிரமித்து வைத்திருந்தது அறநிலையத்துறைக்கு தெரியவந்தது. இதையடுத்து போலீசார் உதவியுடன் அங்கு சென்ற இந்து சமய அறநிலையத்துறை அதிகாரிகள் அந்த இடத்தினை அளவீடு செய்து மீட்டனர். அதன் சந்தை மதிப்பு ரூ.20 லட்சம் ஆகும் எனத் தெரிவிக்கப்பட்டது. இதனை அப்பகுதி மக்கள் வெகுவாக பாராட்டினர். SHARE NOW!
News January 25, 2025
தொழிற்பள்ளிகள் புதுப்பித்தல்: ஆட்சியர் அழைப்பு
திருவாரூரில் 2025 – 2026 ஆம் கல்வியாண்டிற்கு புதிய தொழிற்பள்ளிகள் துவங்குதல், அங்கீகாரம் புதுப்பித்தல், தொழிற்பள்ளிகளில் புதிய தொழிற்பிரிவுகள், கூடுதல் அலகுகள் துவங்குதல் ஆகியவற்றிற்கான விண்ணப்பங்கள் வரவேற்கப்படுகின்றன. இது குறித்த மேலும் தகவல்களுக்கு www.skilltraining.tn.gov.in என்கிற இணையதளத்தை தொடர்பு கொள்ளலாம் என மாவட்ட ஆட்சியர் சாரு ஸ்ரீ தெரிவித்துள்ளார். SHARE NOW !
Featured News
Sorry, no posts matched your criteria.