India's largestHyperlocal short
news App
Get daily news updates that are tailored for you based on your preferred language & location.
download Way2News app now
Thiruvallur
News January 31, 2025
துணை ராணுவத்தில் டிரைவர் வேலை
மத்திய தொழில்துறை பாதுகாப்பு படையில் (CISF) காலியாக உள்ள கான்ஸ்டபிள் பணியிடங்கள் நிரப்பப்பட உள்ளன. டிரைவர் மற்றும் ஆப்பரேட்டர் பிரிவில் 1,124 காலிப்பணியிடங்கள் உள்ளன. 10ஆம் வகுப்பு தேர்ச்சி தகுதி போதும். ரூ.21,700 முதல் ரூ.69,100 வரை மாத சம்பளம் வழங்கப்படும். உடற்தகுதி தேர்வு, திறன் தேர்வு, எழுத்துத் தேர்வு, சான்றிதழ் சரிபார்ப்பு, மருத்துவ பரிசோதனை அடிப்படையில் தேர்வு செய்யப்படும். பிப்.3ஆம் தேதிக்கு மேல் விண்ணப்பிக்கலாம் <
News January 31, 2025
ஸ்கூட்டர் மீது லாரி மோதி பெண் பலி
கும்மிடிப்பூண்டி அருகே உள்ள பெரியசோழியம்பாக்கம் கிராமத்தைச் சேர்ந்தவர் தனலட்சுமி (30). இவர், நேற்று (ஜன.30) மதியம் குழந்தைகளுக்கு பள்ளியில் கல்வி கட்டணம் செலுத்த கணவர் சுரேன் உடன் ஸ்கூட்டரில் சென்று கொண்டிருந்தனர். அப்போது, ஸ்கூட்டர் மீது லாரி ஒன்று மோதிவிட்டு நிற்காமல் சென்றது. இதில் படுகாயம் அடைந்த தனலட்சுமி மருத்துவமனை கொண்டு செல்லும் வழியில் உயிரிழந்தார். போலீசார் விசாரணை நடத்தி வருகின்றனர்.
News January 31, 2025
CRIME STORY: தந்தை – மகள் சடலமாக மீட்பு 3/3
தந்தை, மகள் இருவரும் இறந்த அதிர்ச்சியில் செய்வதறியாமல் எபினேசர் திகைத்துபோய், வீட்டில் ஏ.சி.யை ஆன் செய்துவிட்டு கதவை பூட்டிவிட்டு எபினேசர் தனது சொந்த ஊரான காஞ்சிபுரத்திற்கு தப்பிச் சென்றுள்ளார். பிறகு தனது மீது சந்தேகம் வராமல் இருப்பதற்காக கடந்த 4 மாதங்களாக வீட்டு வாடகை செலுத்தி வந்துள்ளார். ஏ.சி. ஆன் பண்ணியே இருந்ததால், இறந்த இருவரது உடல்களும் அழுகுவதற்கு கால தாமதம் ஏற்பட்டுள்ளது.
News January 31, 2025
CRIME STORY: தந்தை – மகள் சடலமாக மீட்பு 2/3
சம்பவத்தன்று, சிந்தியாவின் தந்தை சாமுவேல் உடல்நலம் பாதிக்கப்பட்டு திடீரென உயிரிழந்தார். அந்த நேரத்தில் வெளிநாடு செல்வது பற்றி பேசியதால் எபினேசர் – சிந்தியா இடையே தகராறு ஏற்பட்டுள்ளது. சாமுவேல் சடலத்தை வைத்துக்கொண்டு இருவரும் சண்டை போட்டுள்ளனர். அப்போது ஆத்திரம் அடைந்த எபினேசர், சிந்தியாவை தாக்கி வேகமாக கீழே தள்ளிவிட்டுள்ளார். இதில், சிந்தியா சம்பவ இடத்திலேயே உயிரிழந்தார்.
News January 31, 2025
CRIME STORY: தந்தை – மகள் சடலமாக மீட்பு 1/3
வேலுரைச் சேர்ந்தவர்கள் சிந்தியா மற்றும் அவரது தந்தை சாமுவேல். சிந்தியாவுக்கு, திருமணமாகாத எபினேசர் என்பவர் உடன் இன்ஸ்டாகிராம் மூலம் பழக்கம் ஏற்பட்டது. தந்தை சாமுவேல் டயாலிசிஸ் நோயாளி என்பதால், சென்னைக்கு அடிக்கடி வருவதுண்டு. இதனால், சிந்தியாவுக்கும், எபினேசருக்கும் நெருக்கம் அதிகமானது. அடிக்கடி சென்னை வந்து செல்ல சிரமமானதால், கடந்தாண்டு செப்., மாதம் இருவரும் சென்னையில் வீடு எடுத்து தங்கினர்.
News January 31, 2025
தந்தை, மகள் மர்ம மரணம்: 4 மாதங்களுக்கு பிறகு மீட்பு
திருமுல்லைவாயல் பகுதியில் தந்தை, மகள் மர்மமான முறையில் உயிரிழந்திருப்பது பேரதிர்ச்சியை ஏற்படுத்தியுள்ளது. இது தொடர்பாக ஓமியோபதி மருத்துவரிடம் விசாரணை நடைபெற்று வருகிறது. பூட்டியிருந்த வீட்டுக்குள் 4 மாதங்களாக கிடந்த தந்தை சாமுவேல், மகள் விந்தியா உடல்களை போலீசார் கைப்பற்றினர். விந்தியாவுக்கு இன்ஸ்டாகிராம் மூலம் அறிமுகமான ஓமியோபதி மருத்துவர் எபிநேசரிடம் போலீசார் விசாரணை நடத்தி வருகின்றனர்.
News January 30, 2025
திருவள்ளூர் இரவு ரோந்து போலீசார் விவரங்கள் வெளியீடு
திருவள்ளூர் மாவட்டத்தில் இன்று இரவு 11.00 மணி முதல் காலை 6.00 மணி வரை இரவு ரோந்து பணிக்கு அதிகாரிகள் நியமிக்கப்பட்டுள்ளனர். பொதுமக்கள் தங்களுக்கு அருகில் உள்ள உங்கள் உட்கோட்ட பகுதியில் ரோந்து பணியில் உள்ள அலுவலர்களை அவசர காலத்திற்கு அழைக்கலாம். இரவு ரோந்து பணியில் ஈடுபடும் அதிகாரிகளின் தொலைபேசி எண்கள் மேலே கொடுக்கப்பட்டுள்ளன.
News January 30, 2025
சிப்காட் தொழிற்பேட்டை சுற்றுச்சூழல் ஒப்புதல் நிறுத்தம்
திருவள்ளூர் மாவட்டம் மணலூரில் சிப்காட் தொழிற்பேட்டை அமைக்க வழங்கப்பட்ட சுற்றுச்சூழல் ஒப்புதல் நிறுத்தப்பட்டுள்ளது. இந்த ஒப்புதலை ரத்து செய்யக்கோரி வழக்கும் தொடரப்பட்டிருந்த நிலையில், தென்மண்டல தேசிய பசுமை தீர்ப்பாயம் இந்த உத்தரவை வழங்கியுள்ளது. மீண்டும் முழுமையான ஆய்வு நடத்த உத்தரவிட்டு, 2024-ல் வழங்கப்பட்ட ஒப்புதலை தீர்ப்பாயம் நிறுத்திவைத்துள்ளது.
News January 30, 2025
EPS முன்னிலையில் அதிமுகவில் இணைந்த 500 பேர்
அதிமுக பொதுச்செயலாளரும், எதிர்க்கட்சி தலைவருமான எடப்பாடி பழனிச்சாமியை, பசுமை வழிச்சாலையில் உள்ள அவரது இல்லத்தில் சென்று சந்தித்து, முன்னாள் அரக்கோணம் நாடாளுமன்ற உறுப்பினர் திருத்தணி கோ.அரி தலைமையில், திருத்தணி சட்டமன்றத் தொகுதிக்குட்பட்ட திருத்தணி, ஆர்.கே.பேட்டை, திருத்தணி நகரம், பள்ளிப்பட்டு ஆகிய ஒன்றியங்களைச் சேர்ந்த பல்வேறு மாற்று கட்சியைச் சேர்ந்த 500 பேர் நேற்று (ஜன.29) அதிமுகவில் இணைந்தனர்.
News January 30, 2025
மெட்ரோவில் பெண் பொறியாளர்களுக்கு வேலை
சென்னை மெட்ரோ ரயில் நிறுவனத்தில் பெண் பொறியாளர்கள் (சிவில்) உதவி மேலாளர் பணியிடங்களுக்கு விண்ணப்பிக்கலாம். குறைந்தபட்சம் 2 வருடங்கள் அனுபவம் கொண்ட 30 வயதுக்கு உட்பட்டவர்கள் வரும் பிப்.10ஆம் தேதிக்குள் chennaimetrorail.org என்ற இணையதளத்தில் விண்ணப்பிக்கலாம். மாதம் ரூ.62,000 சம்பளம். இந்த முயற்சி, பொறியியல் பணியாளர்களிடையே பெண்களின் பிரதிநிதித்துவத்தை மேம்படுத்தும். ஷேர் பண்ணுங்க
Featured News
Sorry, no posts matched your criteria.