India's largestHyperlocal short
news App
Get daily news updates that are tailored for you based on your preferred language & location.
download Way2News app now
Thiruvallur
News February 20, 2025
உடனே பணியில் சேர கலெக்டர் எச்சரிக்கை
திருவள்ளூர் மாவட்டத்தில் வட்டாட்சியர்கள் அதிரடி மாற்றம் செய்யப்பட்ட நிலையில், புதிய பணியிடத்தில் உடனடியாக சேர வேண்டும் என்றும் காலதாமதம் செய்தால் கடுமையான ஒழுங்கு நடவடிக்கை எடுக்கப்படும் என்றும் கலெக்டர் மு.பிரதாப் எச்சரிக்கை விடுத்துள்ளார். மாவட்ட வருவாய் அலகில் வட்டாட்சியர் பணி அமைப்பில் நிர்வாக நலன் கருதி நேற்று முன்தினம் (பிப்.18) மாறுதல்கள் மற்றும் நியமனம் செய்து கலெக்டர் உத்தரவிட்டார்.
News February 19, 2025
7 ம் வகுப்பு படிக்கும் மாணவி தூக்கிட்டு தற்கொலை
பொன்னேரி அடுத்த அகரம் கிராமத்தைசேர்ந்தவர்கள் ரம்யா ராஜசேகர்,இவர்களது மகள் தமிழ் செல்வி (12) இவர்அருகில் உள்ள பள்ளிபாளையம் நடுநிலைப் பள்ளியில் 7 ம் வகுப்பு படித்து வந்த நிலையில் நேற்று (பிப்.18) மாலை பள்ளியில் இருந்து வீட்டிற்கு வந்த சிறிது நேரத்தில் தூக்கு மாட்டியுள்ளார். உடனே அவரை மருத்துவமனைக்கு தூக்கி சென்று பரிசோதித்ததில் உயிரிழந்தது தெரியவந்தது. இது குறித்து திருப்பாலைவனம் போலீசார் விசாரணை.
News February 19, 2025
குடிபோதையில் படுத்து தூங்கியவர் இறப்பு
பொன்னேரி பழைய பேருந்து நிலையம் பகுதியைச் சேர்ந்தவர் சமிரான் (56) இவர் கடந்த இரண்டு நாட்களாக வீட்டிற்கு செல்லாமல் குடிபோதையில் பொன்னேரி குண்ண மஞ்சேரி சாலை அருகில் படுத்து தூங்கியவரை எழுப்பியபோது இறந்து கிடப்பது தெரிய வந்தது. இது குறித்து பொன்னேரி காவல் நிலையத்திற்கு கொடுத்த தகவலின் பேரில் போலீசார் உடனே கைப்பற்றி அரசு மருத்துவமனைக்கு அனுப்பி வைத்து விசாரித்து வருகின்றனர்.
News February 19, 2025
மனதால் நினைக்கும் பாவத்தை கூட போக்கும் வீரராகவர் கோவில்
திருவள்ளூர் மாவட்டத்தில் அமைத்திருக்கும் அருள்மிகு வீரராகவர் கோவிலின் மூலவராக வீரராகவ பெருமாள் இருக்கிறார். இங்கு மூலவருக்கு சந்தன தைலத்தால் மட்டுமே அபிஷகம் நடைபெறும். இத்தலத்தின் ஹிருதபதணி தீர்த்தம் கங்கையை விட புனிதமானது. இந்த குளத்த்தில் குளித்தல் மனதால் நினைக்கும் பாவங்கள் கூட விலகும் என்பது நம்பிக்கை. எங்கேனும் புனித பயணம் மேற்கொள்ள நினைப்பவர்கள் ஒரு முறை இந்த கோவிலுக்கு சென்று வாருங்கள்
News February 19, 2025
வாகனங்கள் அடுத்தடுத்து ஏறியதில் முற்றிலும் சிதைந்த உடல்
கும்மிடிப்பூண்டி அடுத்த எளாவூர் பகுதியில் உள்ள நெடுஞ்சாலையில், நேற்று (பிப்.18) ஆண் ஒருவர் நடந்து சென்றுக் கொண்டிருந்தார். அப்போது, அவர் மீது அடையாளம் தெரியாத வாகனம் ஒன்று மோதியதில் சம்பவ இடத்தில் உயிரிழந்தார். சாலையில் அவரது உடல் இருப்பது தெரியாமல், அடுத்தடுத்து வாகனங்கள் ஏறி இறங்கியதில் அவரது உடல் முற்றிலும் சிதைந்துபோனது. ஆரம்பாக்கம் போலீசார், உடலை கைப்பற்றி பிரேத பரிசோதனைக்கு அனுப்பி வைத்தனர்.
News February 19, 2025
பேருந்து – கனரக வாகனம் மோதி விபத்து
பூந்தமல்லி அடுத்த புதுச்சத்திரம் ஆஞ்சநேயர் கோயில் அருகே இன்று (பிப்.19) காலை கனரக வாகனமும் தனியார் பேருந்தும் மோதிக்கொண்டன. இதனால் பெரும் பரபரப்பு ஏற்பட்டது. இந்த விபத்தில், தனியார் பேருந்து ஓட்டுநருக்கு பலத்த காயம் ஏற்பட்டது. இந்த விபத்தினால் அந்தப் பகுதியில் சுமார் 1 கிலோ மீட்டர் தூரத்திற்கு போக்குவரத்து நெரிசல் ஏற்பட்டுள்ளது. தகவலறிந்த போக்குவரத்து போலீசார், போக்குவரத்தை சரி செய்து வருகின்றனர்.
News February 19, 2025
அறிகுறிகள் இருந்தால் உடனே பரிசோதை செய்யுங்க
திருவள்ளூரில், இன்ஃப்ளூயன்ஸா தொற்று பரவி வருகிறது. இருமல், தொண்டை அலா்ஜி, காய்ச்சல், உடல் சோா்வு, உடல் வலி, தலைவலி, சளி, வாந்தி மற்றும் வயிற்றுப்போக்கு உள்ளிட்ட அறிகுறிகள் ஏற்பட்டால் உடனே பரிசோதனை செய்ய வேண்டும். அறிகுறிகள் மற்றும் நோயின் தீவிரத்தைப் பொருத்து சிகிச்சையளிக்க வேண்டும். தீவிர பாதிப்புள்ள 65 வயதுக்கு மேற்பட்டவா்கள், 5 வயதுக்கு குறைவான குழந்தைகள் தடுப்பூசிகளை செலுத்திக் கொள்ளலாம்.
News February 19, 2025
விபத்தில் மனைவி கண்முன்னே கணவர் பலி
அம்பத்துார் பகுதியில் வசித்தவர் செல்வராஜ். தனியார் நிறுவன மேலாளரான இவர் தனது மனைவி சரசு உடன் சென்னை – கொல்கத்தா தேசிய நெடுஞ்சாலையில் உள்ள கவரைப்பேட்டையில் இருந்து சென்னை நோக்கி பைக்கில் சென்றுக் கொண்டிருந்தனர். அப்போது, முன்னால் சென்றுக் கொண்டிருந்த லாரியின் பின்னால் பைக் மோதியது. இந்த விபத்தில், சம்பவ இடத்திலேயே செல்வராஜ் உயிரிழந்தார். படுகாயம் அடைந்த அவரது மனைவி சரசு சிகிச்சை பெற்று வருகிறார்.
News February 19, 2025
பள்ளி ஆசிரியர்களுக்கான மாபெரும் வேலைவாய்ப்பு
மதுரவாயல், ஆலப்பாக்கத்தில் உள்ள வேலம்மாள் வித்யாலயா பள்ளியில், தனியார் பள்ளி ஆசிரியர்களுக்கான மாபெரும் வேலைவாய்ப்பு முகாம் வாரும் 22ஆம் தேதி நடக்கிறது. தமிழ், ஆங்கிலம், இயற்பியல், வேதியியல், கணிதம், பொருளாதாரம், வரலாறு, இந்தி, அறிவியல் என 10,000 ஆசிரியர்கள் நியமிக்கப்பட உள்ளனர். தொடர்புக்கு – 8248470862, 9442568675, 8015343462. இந்த வேலைவாய்ப்பு முகாம் காலை 9 மணி முதல் மாலை 4 மணி வரை நடக்கிறது.
News February 19, 2025
TVK இளைஞரணி அலுவலக கட்டிடம் இடிப்பு
நடிகர் விஜய்யின் TVK கட்சி சார்பில் திருவள்ளூரில் கட்டப்பட்டு இருந்த இளைஞரணி அலுவலக கட்டிடத்தை அதிகாரிகள் நேற்று (பிப்.18) இடித்து அகற்றினர். சென்னை- திருப்பதி நெடுஞ்சாலையை ஆக்கிரமித்து TVK கட்டிடம் கட்டப்பட்டுள்ளதாகச் சொல்லி, அதிகாரிகள் இடித்தனர். இதனால் அங்குச் சிறிது பரபரப்பு ஏற்பட்டது. TVK அலுவலகம் ஆக்கிரமிப்பு என முன்கூட்டியே நோட்டீஸ் வழங்கப்பட்டது. அதைத் தொடர்ந்தே இடித்து அகற்றப்பட்டது.
Featured News
Sorry, no posts matched your criteria.