India's largestHyperlocal short
news App
Get daily news updates that are tailored for you based on your preferred language & location.
download Way2News app now
Thenilgiris
News January 23, 2025
ஊட்டி பஸ் ஸ்டாண்டில் போராட்டம்
போக்குவரத்து துறையில் ஒப்பந்த முறையை கைவிட்டு, காலிப்பணியிடங்களை நிரப்ப வேண்டும், என்பன உட்பட பல்வேறு கோரிக்கைகளை வலியுறுத்தி, ஊட்டி பஸ் ஸ்டாண்டில், அரசு போக்குவரத்து கழக ஊழியர்கள் போராட்டத்தில் ஈடுபட்டனர். சி.ஐ.டி.யு., மாவட்ட தலைவர் சங்கரலிங்கம் துவக்கி வைத்தார். போக்குவரத்து சங்க மண்டல துணைத் தலைவர் சுந்தரம் தலைமை வகித்தார். மண்டல துணை பொதுச்செயலாளர் கணேசன் முன்னிலை வகித்தார்.
News January 22, 2025
ஜன.26 ஆம் தேதி கிராம சபை கூட்டம்; கலெக்டர் அறிவிப்பு
நீலகிரி மாவட்ட ஆட்சியர் லட்சுமி பவ்யா தண்ணீர் வெளியிட்டுள்ள அறிக்கையில் ”எதிர்வரும் 26 ஆம் தேதி குடியரசு தினத்தன்று நீலகிரி மாவட்டத்திற்கு உட்பட்ட அனைத்து ஊராட்சிகளிலும் கிராம சபை கூட்டம் நடைபெறும் என தெரிவித்துள்ளார். அன்றைய தினம் காலை 11 மணியளவில் துவங்கும் கிராம சபை கூட்டத்திற்கு பொதுமக்கள் திரளாக பங்கு கொள்ள வேண்டும் என கேட்டுக் கொண்டுள்ளார்.
News January 22, 2025
உதகையில் நடிகரின் ஹோட்டலுக்கு வெடிகுண்டு மிரட்டல்
உதகையில் இந்தி நடிகர் மிதுன் சக்கரவர்த்திக்கு சொந்தமான நட்சத்திர ஹோட்டல் உள்ளது. இந்த ஹோட்டலுக்கு இன்று காலை வெடிகுண்டு மிரட்டல் வந்துள்ளதாக தெரிகிறது. இது குறித்து ஓட்டல் நிர்வாகம் போலீசுக்கு தகவல் கொடுத்தனர். இதையடுத்து காவல்துறையினர், வெடிகுண்டு நிபுணர்கள் போலீசார் மோப்பநாயுடன் தீவிர சோதனை செய்து வருகின்றனர். இதனால் பெரும் பரபரப்பு ஏற்பட்டுள்ளது.
News January 22, 2025
குன்னூரில் தொடரும் ஆன்லைன் மோசடி
ஆன்லைன் வர்த்தகத்தில் முதலீடு செய்தால், லாபம் தருவதாக கூறி, குன்னூரை சேர்ந்த தனியார் பள்ளி ஆசிரியையிடம் ரூ.21 லட்சம் மோசடி செய்யப்பட்டுள்ளது. 53 வயதான ஆசிரியை தனது வாட்ஸ் அப்பில் வந்த குறுஞ்செய்தியை நம்பி, தனது நிலத்தை ரூ.8 லட்சத்திற்கு மற்றும் சக ஆசிரியர்களிடம் ரூ.7.50 லட்சம் கடனாக பெற்று ஆன்லைன் வர்த்தகத்தில் முதலீடு செய்து ஏமாற்றம் அடைந்ததால், ஊட்டி சைபர் கிரைம் போலீசில் புகார் அளித்துள்ளார்.
News January 21, 2025
கோத்தகிரியில் திமுக வீர வணக்க நாள் பொதுகூட்டம்
உதகையில் கலைஞர் அறிவாலயத்தில் மாவட்ட திமுக மாணவர் அணி அமைப்பாளர், துணை அமைப்பாளர்கள் கூட்டம் இன்று நடைபெற்றது. மாவட்ட திமுக செயலாளர் பா.மு.முபாரக் தலைமை தாங்கினார். மாவட்ட அமைப்பாளர் விவேகானந்தன் வரவேற்றார். கூட்டத்தில், மாணவர் அணி சார்பில் ஜனவரி 25ம் தேதி கோத்தகிரியில் நடைபெறும் “வீர வணக்க நாள்” பொதுக்கூட்டத்தை சிறப்பாக நடத்த முடிவு செய்யப்பட்டது .
News January 21, 2025
ஊட்டியின் உண்மையான பெயர் தெரியுமா?
உதகமண்டலத்தின் உண்மையான பெயர் – ‘ஒற்றைக்கல் மந்து’ என்பதாகும். இதனை உச்சரிக்க முடியாத வெள்ளையர்கள் ‘உடகமண்ட்’ எனக் குழறினார்கள். நாளடைவில் உடகமண்ட் நிலைத்து அதற்கு உதகமண்டலம் என்ற தமிழ் வடிவம் ஏற்பட்டது. ஆங்கிலேயர் உச்சரித்த உடகமண்ட் என்பதின் சுருக்கமே ஊட்டி.
News January 21, 2025
ஹெத்தையம்மன் திருவிழாவில் நடிகை சாய்பல்லவி
நீலகிரி படுகர் இன மக்களின் குலதெய்வமான ஹெத்தையம்மன் திருவிழா நேற்று கோத்தகிரி அருகே பேரகணி கோயிலில் நடந்தது. இதில் பிரபல சினிமா நடிகை சாய்பல்லவி பங்கேற்று காணிக்கை செலுத்தி தரிசனம் செய்தார். இவரை இவரது அணையட்டி வீட்டில் பாஜகவைச் சேர்ந்த சபிதா போஜன் (HUDCO) இயக்குநர் நேரில் சந்தித்து பொன்னாடை போர்த்தி பாராட்டினார்.
News January 21, 2025
காவல் நிலையத்தில் வாகன பாகங்கள் திருட்டு
நீலகிரி மாவட்டம் உதகை புதுமந்து காவல் நிலையத்தில், கோக்கால் கிராமத்தை சேர்ந்த நாகராஜ் என்பவரின் பிக்கப் வாகனம், சாராய வழக்கு சம்பந்தமாக 2020-ல் பறிமுதல் செய்யப்பட்டு, காவல் நிலைய வளாகத்தில் நிறுத்தி வைக்கப்பட்டிருந்தது. பின்னர், ரூ.17,110 கட்டி வாகனத்தை எடுக்க சென்றபோது கியர் பாக்ஸ், உதிரி பாகங்கள் களவாடப்பட்டிருந்தன. இந்நிலையில் இதுகுறித்து அவர் எஸ்பி மற்றும் கலெக்டரிடம் புகார் கொடுத்துள்ளார்.
News January 20, 2025
நீலகிரி மாவட்ட இரவு ரோந்து பணி விபரம்
நீலகிரி மாவட்டத்தில் இன்று (20.01.2025) இரவு ரோந்து பணிக்கு நியமிக்கப்பட்ட அதிகாரிகள் மற்றும் தொடர்பு கொள்ள வேண்டிய உதவி எண்கள் உதகை நகரம் ஊரக உட்கோட்டம், குன்னூர் உட்கோட்டம், கூடலூர் மற்றும் தேவாலா உட்கோட்டம் ஆகிய காவல் நிலைய அதிகாரிகளின் தொடர்பு எண்கள் நீலகிரி மாவட்ட காவல்துறையால் வெளியிடப்பட்டுள்ளது.
News January 20, 2025
உதகை தொட்டபெட்டா சாலையில் அருகே சரிந்த சிற்றுந்து
உதகை தொட்டபெட்டா காட்சி முனைக்கு ஏராளமான சுற்றுலாப் பயணிகள் தங்கள் வாகனங்களில் சென்று வருகின்றனர். இந்நிலையில் சமவெளி பகுதியில் இருந்து வந்திருந்த சிற்றுந்து சாலையின் அருகே நிலை தடுமாறி சரிந்தது மேலும் பயணிகள் யாரும் இந்த சிற்றுந்தில் இல்லாததால் விபத்து தவிர்க்கப்பட்டது.
Featured News
Sorry, no posts matched your criteria.