India's largestHyperlocal short
news App
Get daily news updates that are tailored for you based on your preferred language & location.
download Way2News app now
Thenilgiris
News December 27, 2024
லாரி கவிழ்ந்து போக்குவரத்து பாதிப்பு
கோத்தகிரி மேட்டுப்பாளையம் சாலையில் குஞ்சப்பனை பகுதியில் இரவில் கோத்தகிரி பகுதிக்கு சிமெண்ட் கலவை ஏற்றி வந்த லாரி திடீரென கட்டுப்பாட்டை இழந்து சாலையில் கவிழ்ந்தது. இதனால் சாலையில் வாகனம் செல்ல முடியாமல் போக்குவரத்து பாதிப்பு ஏற்பட்டது. காவல்துறையினர் கோத்தகிரிக்கு வழியாக வரும் வாகனத்தை குன்னூர் வழியாக அனுப்பி வைத்தனர். பல மணி நேரம் போக்குவரத்து பாதிப்பு பின்பு சாலையை சீர் செய்யப்பட்டது.
News December 27, 2024
உதகையில் இன்று மன்மோகன் சிங் மறைவுக்கு அஞ்சலி
முன்னாள் பாரத பிரதமர் மன்மோகன் சிங் அவர்களது மறைவுக்கு நீலகிரி காங்கிரஸ் கமிட்டி ஆழ்ந்த இரங்கலை தெரிவித்து கொள்கிறது. மேலும் உதகை, காபி ஹவுஸ் பகுதியில் இன்று முற்பகல் 11:45 மணியளவில் டாக்டர் மன்மோகன் சிங்கின் திருஉருவப்படத்திற்கு மலர் அஞ்சலி நிகழ்ச்சி நடைபெறுகிறது .இந்த தகவலை நீலகிரி மாவட்ட காங்கிரஸ் கமிட்டி தலைவர் ஆர்.கணேஷ் எம்.எல்.ஏ. தெரிவித்துள்ளார்.
News December 27, 2024
நீலகிரியில் புல்லட் யானை: வனத்துறை தகவல்
பந்தலூரில் புல்லட் என்ற காட்டு யானையை மயக்க ஊசி செலுத்தி பிடிக்க தமிழ்நாடு முதன்மை தலைமை வனப்பாதுகாவலர் உத்தரவிட்டுள்ளார். யானையின் நடமாட்டத்தை கண்காணிக்கும் பணியில் வனத்துறையினர் தீவிரமாக ஈடுபட்டு வருகின்றனர். மயக்க ஊசி செலுத்தி பிடிபடும் யானையை அடர்ந்த வனப்பகுதிக்குள் விடுவதா? அல்லது கும்கி பயிற்சி கொடுத்து முகாமில் பராமரிக்கப்படுமா? என பின்னர் முடிவு செய்யப்படும் என வனத்துறை தெரிவித்துள்ளது.
News December 27, 2024
நீலகிரி: ஒரேநாளில் படையெடுத்த 18,000 சுற்றுலாப் பயணிகள்
விடுமுறையையொட்டி நீலகிரியில் சுற்றுலா பயணிகள் குவிந்துவருகின்றனர். நேற்று ஒரேநாளில் 18,590 சுற்றுலாப் பயணிகள் சுற்றுலா தலங்களை கண்டுகளித்து பரவசமடைந்துள்ளனர். இது குறித்து வெளிவந்த தகவலின்படி தாவரவியல் பூங்காவை 12,477 பேரும், ரோஜா பூங்காவை 3,000 பேரும், குன்னூர் சிம்ஸ்ஸ் பார்க் பூங்காவில் 2,202 பேரும், தேயிலைப் பூங்காவை 409 பேரும், காட்டேரி பூங்காவை 412 பேரும், ஒரே நாளில் கண்டு ரசித்துள்ளனர்.
News December 27, 2024
நீலகிரி: கோர்ட்டில் துப்பாக்கி ஏந்திய போலீஸ் பாதுகாப்பு
நெல்லை கோர்ட்டில் வழக்கு விசாரணைக்கு வந்த மாயாண்டி என்ற வாலிபர் சில தினங்களுக்கு முன்னர் நீதிமன்றம் அருகே வெட்டி கொல்லப்பட்டார். இது குறித்து தானாக முன்வந்து விசாரிக்கும் சென்னை உயர் நீதிமன்றம் நீதிமன்றங்களில் துப்பாக்கி ஏந்திய போலீஸ் பாதுகாப்பு வழங்க வேண்டும் என உத்தரவிட்டது. இதையடுத்து கூடலூர்-மைசூரு சாலையில் அமைந்துள்ள கோர்ட்டில் துப்பாக்கி ஏந்திய போலீஸ் காவலுக்கு பணி அமர்த்தப்பட்டுள்ளனர்.
News December 26, 2024
நீலகிரி: இன்றைய தலைப்புச் செய்திகள்!
➤ புதிய மருத்துவ கல்லுாரி மருத்துவமனை புத்தாண்டில் திறப்பு ➤ யானையை விரட்ட கோரி சேரன்கோட்டில் பொதுமக்கள் ஆர்ப்பாட்டம் ➤ ஜெகதளா அருகே ரைபிள் ரேஞ்ச் பகுதியில் காட்டுத் தீ ➤ புல்லட் யானையை மயக்க ஊசி செலுத்தி பிடிக்க உத்தரவு ➤ உதகையில் நாளை அதிமுக கண்டன ஆர்ப்பாட்டம் ➤ நீலகிரியில் லாட்டரி சீட்டுகள் விற்பனை அதிகரிப்பு ➤ குன்னூர் சுற்று வட்டார பகுதியில் மழை ➤ கோத்தகிரி நூலகத்தில் பேச்சு போட்டி
News December 26, 2024
நீலகிரியில் மீண்டும் அட்டாக்: அச்சுறுத்தும் புல்லட்!
சேரங்கோடு ஊராட்சிக்குட்பட்ட பகுதியில் வீடுகளை சேதப்படுத்திய புல்லட் யானையை பிடிக்க பொதுமக்கள் நடத்திய போராட்டத்தின் அடிப்படையில் இந்த யானையை பிடிப்பதற்காக கும்கி யானைகள், வனத்துறையினர் 24 மணி நேரமும் கண்காணிப்பில் இருப்பார்கள், இனி எந்த பாதிப்பும் ஏற்படாது என்று வனத்துறை அறிவித்த நிலையில் நேற்று இரவு காவயல் என்ற பகுதியில் 2 வீடுகளை புல்லட் யானை சேதப்படுத்தியால் மக்கள் அச்சம் அடைந்துள்ளனர்.
News December 26, 2024
புதிய மருத்துவ கல்லுாரி மருத்துவமனை புத்தாண்டில் திறப்பு
ஊட்டியில், புதிய மருத்துவ கல்லூரி மருத்துவமனைக்கான கட்டுமானம் உள்ளிட்ட அனைத்து பணிகளும் இறுதி கட்டத்தை எட்டியுள்ள நிலையில், புத்தாண்டில் திறப்பு விழா நடத்த முடிவு செய்யப்பட்டுள்ளது. மத்திய, மாநில அரசுகளின் பங்களிப்போடு, ரூ.447 கோடி மதிப்பீட்டில் பணிகள் துவக்கப்பட்டன. பொதுப்பணித்துறை செயற்பொறியாளர் ரமேஷ் கூறுகையில், ”பொது பணித்துறை சார்பில், 95% பணிகள் முடிக்கப்பட்டுள்ளன” என்றார் மகிழ்ச்சியுடன்.
News December 25, 2024
மாவட்டம் முழவதும் உறைபனி தாக்கம் அதிகரிப்பு
நீலகிரி மாவட்டம் முழுவதும் இரவில் உறைபனி தாக்கம் நிலவுகிறது. மேலும், உதகையில் சில பகுதிகளில் ஜீரோ டிகிரி செல்சியஸ் வெப்பநிலை பதிவாகியுள்ளது. இதனால் கடுங்குளிர் நிலவியது. உதகை மற்றும் குன்னூர் பகுதியில் வழக்கத்துக்கு மாறாக உறைபனி நிலவியது. மேலும், வாகனங்கள் மீது உப்பு தூவியதுபோல் உறைபனி கிடந்தன. இந்நிலையில், நீலகிரியில் உறைபனி தாக்கம் மேலும் அதிகரிக்கும் என எதிர்பார்க்கப்படுகிறது.
News December 25, 2024
ஊட்டியில் 3 நாள் குறும்பட விழா
நீலகிரி மாவட்ட வியாபாரிகள் சங்க பேரமைப்பு தலைவர், குறும்பட விழா ஒருங்கிணைப்பாளர் முகமது பாரூக் கூறுகையில், ‘ஊட்டியில் வரும் 27ஆம் தேதி துவங்கி 3 நாள் நடைபெறும் குறும்பட விழாவில் சிறந்த 23 நடுவர்கள் கலந்து கொள்கின்றனர். 50 நாடுகளை சேர்ந்த 550 குறும்படங்கள் இடம் பெறுகிறது. இதில் தேர்வு செய்யப்படும் சிறந்த குறும்படம் ஜெர்மனி நாட்டில் நடக்கும் குறும்பட விழாவில் திரையிடப்படும்’ எனத் தெரிவித்தார்.
Featured News
Sorry, no posts matched your criteria.