India's largestHyperlocal short
news App
Get daily news updates that are tailored for you based on your preferred language & location.
download Way2News app now
Theni
News April 4, 2024
தேனி தொகுதியில் 6074 வாக்குச்சாவடி அலுவலர்கள்
தேனி மக்களவை பொதுத்தேர்தல் வாக்குப்பதிவை முன்னிட்டு தேனி மாவட்டத்தில் மொத்தம் உள்ள 1225 வாக்குச்சாவடி மையங்களுக்கு 1469 தலைமை அலுவலர்களும், நிலை-1 வாக்குப்பதிவு அலுவலர்கள் 1469, நிலை-2 வாக்குப்பதிவு அலுவலர்கள் 1469, நிலை-3 வாக்குப்பதிவு அலுவலர்கள் 1469, நிலை-4 வாக்குப்பதிவு அலுவலர்கள் 198 நபர்கள் என மொத்தம் 6074 நபர்கள் வாக்குப்பதிவு பணியில் ஈடுபட உள்ளனர்.
News April 3, 2024
முதல்வர் வருகை: அமைச்சர் ஆய்வு
தேனி மக்களவை தொகுதி வேட்பாளர் தங்க தமிழ்செல்வனை ஆதரித்து தேனி மாவட்டம், லட்சுமிபுரம் பகுதியில் ஏப்ரல் 10ஆம் தேதி முதல்வர் ஸ்டாலின் பிரச்சாரம் மேற்கொள்கிறார். இது தொடர்பான பணிகள் நடைபெறுவதை ஊரக வளர்ச்சி துறை அமைச்சர் பெரியசாமி இன்று நேரில் சென்று பார்வையிட்டார். இந்நிகழ்வில் பெரியகுளம் சட்டமன்ற உறுப்பினர் சரவணக்குமார் உள்ளிட்ட பலர் உடன் இருந்தனர்.
News April 3, 2024
தேனியில் லட்சக்கணக்கில் பறிமுதல்
தேனி மாவட்டத்தில் தேர்தல் பறக்கும் படையினரால் கடந்த மார் 17-ம் தேதி முதல் நேற்று (ஏப்.2) வரை ஆண்டிபட்டி சட்டமன்ற தொகுதியில் ரூ.13,91,390, பெரியகுளம் சட்டமன்ற தொகுதியில் ரூ.12,06,900, போடி சட்டமன்ற தொகுதியில் ரூ.24,59,180, கம்பம் சட்டமன்ற தொகுதியில் ரூ.5,83,000 என மாவட்ட அளவில் மொத்தம் ரூ.56,40,470 ரொக்கம் பறிமுதல் செய்யப்பட்டுள்ளது என மாவட்டத் தேர்தல் நடத்தும் அலுவலர் அறிவித்துள்ளார்.
News April 3, 2024
மத்திய அமைச்சா் அமித்ஷா நாளை தேனி வருகை
தேனி பாராளுமன்ற தொகுதியில் போட்டியிடும் அமமுக வேட்பாளா் டி.டி.வி.தினகரனை ஆதரித்து, தேனியில் நாளை நடைபெற உள்ள வாகனப் பிரசார ஊா்வலத்தில் (ரோட் ஷோ) உள்துறை அமைச்சா் அமித்ஷா பங்கேற்கிறாா். நாளை 4 மணிக்கு தேனி வருகை புரியும் அவர் தேனி-பெரியகுளம் சாலை, பாரத ஸ்டேட் வங்கித் திடலிலிருந்து மதுரை சாலை வழியாக பங்களாமேடு திடல் வரை நடைபெறும் வாகனப் பிரசாரத்தில் பங்கேற்கிறாா்.இதனால் அங்கு போலீஸ் குவிப்பு
News April 3, 2024
தேனி:டிடிவி துணைவியார் தேர்தல் பரப்புரை
தேனி மாவட்டம் போடிநாயக்கனூர் ஒன்றியத்துக்கு உட்பட்ட கிராமங்களான மீனாட்சிபுரம் அடைக்கப்பட்டனர் பொட்டல் களம் வினோபாஜி காலனி சிலமலை கரட்டுப்பட்டி சில்ல மரத்துப் பட்டி ராசிங்காபுரம் நாகலாபுரம் பகுதிகளில் இன்று தேனி பாராளுமன்ற தொகுதிக்கான தேசிய ஜனநாயக கூட்டணி அம்மா மக்கள் முன்னேற்றக் கழக வேட்பாளர் டிடிவி தினகரனை ஆதரித்து அவரது துணைவியார் அனுராதா தினகரன் குக்கர் சின்னத்தில் வாக்கு சேகரித்தார்
News April 2, 2024
“துணிப்பை தூக்கத் துணிவோம் ” விழிப்புணர்வு
தேனி-அல்லிநகரம் நகராட்சி தென்றல் நகர் ஊராட்சி ஒன்றிய தொடக்கப்பள்ளியில் நன்செய் அறக்கட்டளை மற்றும் வாசவி கிளப் இணைந்து இன்று “துணிப்பை தூக்கத் துணிவோம் ” விழிப்புணர்வு நிகழ்வு நடைபெற்றது, இந்நிகழ்வில் தன்னார்வலர்கள் ஜீவிதா, லோகேஷ், ரிஷப், கலந்து கொண்டு மாணவ செல்வங்களுக்கு துணிப்பைகளையும் , புத்தகங்களையும் வழங்கினார்.
News April 2, 2024
தேனியில் மிதமான மழை
நடப்பாண்டில் கோடைகாலத்தில் வழக்கத்தை விட அதிக வெப்பம் பதிவாகும் சூழல் உள்ளது. இந்நிலையில், தேனி மாவட்டத்தில் அடுத்த 3 மணி நேரத்திற்கு இடி, மின்னலுடன் கூடிய மிதமான மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. ஆண்டிபட்டி, தேனி, தேவாரம் உள்ளிட்ட பகுதிகளில் மிதமானது முதல் லேசான மழைக்கு வாய்ப்புள்ளது.
News April 2, 2024
முல்லைப் பெரியாறு அணையின் நீர்மட்டம் தொடர் சரிவு
முல்லைப்பெரியாறு அணை நீர்பிடிப்பு பகுதியில் கடந்த சில நாட்களாக மழை இன்மை காரணமாக அணைக்கு நீர்வரத்து முற்றிலும் நின்று போனது. இதன் காரணமாக அணையின் நீர்மட்டமும் குறைந்து வருகிறது. இன்று காலை நிலவரப்படி பெரியாறு அணை நீர்மட்டம் 116.20 அடியாக இருந்தது. அணைக்கு நீர் வரத்து முற்றிலும் இல்லை. அணையில் இருந்து தமிழகப் பகுதிக்கு வினாடிக்கு 511 கனஅடி தண்ணீர் மட்டும் திறந்து விடப்படுகிறது.
News April 2, 2024
வைகை ஆறு வறண்டதால் குடிநீர் தட்டுப்பாடு அபாயம்
வெள்ளிமலை வனப்பகுதியில் மழையின்மை மற்றும் வெயில் தாக்கம் காரணமாக வைகை ஆறு வறண்டு போனது. தொடர்ந்து வெயிலின் தாக்கம் அதிகரித்து வருவதால் குடிநீருக்காக வைகை ஆற்றை சார்ந்துள்ள கடமலை – மயிலை ஒன்றியத்தை சேர்ந்த 150 க்கும் மேற்பட்ட கிராமங்களுக்கு குடிநீர் தட்டுப்பாடு அபாயம் ஏற்பட்டுள்ளது. அதிகாரிகள் முன்னெச்சரிக்கை நடவடிக்கை எடுத்து குடிநீர் தட்டுப்பாடு அபாயத்தை போக்க பொதுமக்கள் கோரிக்கை விடுத்துள்ளனர்.
News April 2, 2024
கம்பம் அருகே விபத்து: ஒருவர் காயம்
லட்சுமி நாயக்கன்பட்டியைச் சேர்ந்தவர் ஜெயபிரபு. கொத்தமல்லித்தழை வியாபாரம் செய்து வரும் இவர் நேற்று கூடலூர் சென்று ஒரு தோட்டத்தில் கொத்தமல்லிக்கு அட்வான்ஸ் கொடுத்துவிட்டு தனது டூவீலரில் வீடு திரும்பி கொண்டிருந்தார். அப்போது கம்பம் பைபாஸ் ரோட்டில் வந்த போது எதிரே வந்த ஜீப் மோதியது. ஜெயபிரபு தலையில் பலத்த காயமடைந்து மருத்துவக் கல்லூரியில் அனுமதிக்கப்பட்டுள்ளார். போலீசார் விசாரித்து வருகின்றனர்.
Featured News
Sorry, no posts matched your criteria.