• Download our app

Sivagangai

News April 11, 2024

கார் பள்ளத்தில் கவிழ்ந்து டாக்டர் பலி

image

தஞ்சாவூர் மாவட்டத்தை சேர்ந்த டாக்டர் முகிலன் நேற்று திருப்பத்தூர் அருகே சுண்ணாம்பிருப்பு விலக்கு பகுதியில் தனது காரில் வந்துகொண்டிருந்தார். அப்போது, கார் கட்டுப்பாட்டை இழந்து சாலையின் ஓரத்தில் இருந்த இரும்பு மின் கம்பியில் மோதி பள்ளத்தில் கவிழ்ந்தது. இதில் படுகாயமடைந்த முகிலன் சம்பவ இடத்திலேயே உயிரிழந்தார். இதுகுறித்து திருக்கோஷ்டியூர் போலீசார் விசாரித்து வருகின்றனர்.

News April 10, 2024

சிவகங்கை: கடும் நடவடிக்கை எடுக்கப்படும்

image

சிவகங்கையில் வனவிலங்குகள் வேட்டையாடுவதை தடுக்கும் விதமாக வனத்துறையினா் இரவு முழுவதும் தீவிர கண்காணிப்பு பணியில் ஈடுபட்டுள்ளனர். சிங்கம்புணரி பகுதிகளில் மான், முயல், மயில்கள் அதிக அளவில் வேட்டையாடப்படுவதை தடுக்கும் வகையில் மாவட்ட வன அலுவலா் பிரபா உத்தரவின்பேரில், 3 குழுக்கள் அமைக்கப்பட்டுள்ளன. மேலும், வனவிலங்குகளை வேட்டையாடினால் கடும் நடவடிக்கை எடுக்கப்படும் என எச்சரிக்கை விடுக்கப்பட்டுள்ளது.

News April 10, 2024

சிவகங்கை: கிரவல் குவாரியில் தீ விபத்து

image

சிவகங்கை அருகே காஞ்சிரங்கால் பகுதியை சேர்ந்தவர் குமணன்(33). இவர் நாலுகோட்டை பகுதியில் குவாரி நடத்தி வருகிறார். குவாரியில் வேலையாட்கள் பயன்பாட்டிற்காக கொட்டகை மற்றும் டேபிள், சேர் அமைக்கப்பட்டிருந்தது. இந்நிலையில், எதிர்பாராத விதமாக திடீரென தீப்பற்றி எரிந்து முழுவதும் சேதம் அடைந்தது. இதுகுறித்து குமணன் (33) கொடுத்த புகாரின் பெயரில் சிவகங்கை தாலுகா போலீசார் வழக்கு பதிந்து விசாரித்து வருகின்றனர்.

News April 10, 2024

மாற்று புகைப்பட அடையாளத்தை காண்பித்து ஓட்டு போடலாம்

image

மக்களவைத் தேர்தலை முன்னிட்டு, வாக்குப்பதிவு நாளான்று வாக்குச்சாவடி மையங்களில் வாக்காளர் அடையாள அட்டையை அளிக்க இயலாத வாக்காளர்கள், அவர்களின் அடையாளத்தை மெய்ப்பிப்பதற்காக இந்திய தேர்தல் ஆணையத்தினால் அனுமதிக்கப்பட்டுள்ள மாற்றுப் புகைப்பட அடையாள ஆவணங்களாக ஏதேனும் ஒன்றை காண்பித்து வாக்களிக்கலாம் என மாவட்ட ஆட்சியர் ஆஷா அஜித் அறிவித்துள்ளார்.

News April 10, 2024

முன் விரோதம் வாலிபர் மீது தாக்குதல்

image

சிங்கம்புணரியைச் சேர்ந்தவர் கலையரசன்(28). இவருக்கும் அதேபகுதியைச் சேர்ந்த சண்முகம் என்பவருக்கும் முன்விரோதம் இருந்து வந்ததாக கூறப்படுகிறது. இந்நிலையில் நேற்று (ஏப்.09) மது போதையில் தாக்கியதாக கலையரசன்(28) கொடுத்த புகாரின் பெயரில் சிங்கம்புணரி போலீசார் சண்முகம், அழகிரி, குணா ஆகியோர் மீது வழக்கு பதிவு செய்து விசாரணை மேற்கொண்டு வருகிறார்கள்.

News April 10, 2024

ஃபேஷன் ஷோ கூட நடத்தட்டும் ஓட்டு விழாது: கார்த்தி சிதம்பரம்

image

சிவகங்கை நாடாளுமன்ற தொகுதி காங்கிரஸ் வேட்பாளரான கார்த்தி சிதம்பரத்திடம் ரோடு ஷோ குறித்து கேள்வி எழுப்பப்பட்டது.
அதற்கு பதிலளித்த கார்த்தி சிதம்பரம், ‘மோடி ரோடு ஷோ என்ன,  பேஷன் ஷோ கூட நடத்தட்டும். அதையும் வேடிக்கை பார்க்கிறவர்கள் பார்ப்பார்கள். ஆனால் ஓட்டுப்போடுவது என்பது திமுகவுக்கும், காங்கிரஸ் கூட்டணிக்கும் தான்’ என கிண்டலாக பதிலளித்தார்.

News April 9, 2024

சிவகங்கை: எம்எல்ஏ காரில் 514 தொப்பிகள் பறிமுதல்

image

ராமநாதபுரம் மாவட்டம் பார்த்திபனூர் அருகே மாவட்ட எல்லையான மருச்சுக்கட்டி காவல் சோதனை சாவடியில் நேற்று தேர்தல் பறக்கும் படை அதிகாரிகள் வாகன சோதனையில் ஈடுபட்டனர். அப்போது அந்த வழியே வந்த மானாமதுரை திமுக எம்எல்ஏ தமிழரசி காரை தடுத்து நிறுத்தி சோதனை செய்தனர். அப்போது, காரில் இருந்த கருப்பு, சிவப்பு நிற 514 தொப்பிகளை பறிமுதல் செய்தனர்.

News April 9, 2024

சிவகங்கை: 160 வாக்குச்சாவடிகள் பதற்றமானவை

image

தமிழகத்தில் ஏப்ரல் 19ஆம் தேதி மக்களவைத் தேர்தல் நடைபெறுகிறது. இந்த நிலையில், சிவகங்கை மக்களவைத் தொகுதியிலுள்ள 1,873 வாக்குச்சாவடிகளில் 160 வாக்குச்சாவடிகள் பதற்றமானவை, 2 வாக்குச்சாவடிகள் மிகவும் பதற்றமானவை எனக் கண்டறியப்பட்டுள்ளதாக மாவட்ட ஆட்சியரும், தோ்தல் அலுவலருமான ஆஷா அஜித் தெரிவித்துள்ளார்.

News April 9, 2024

பழமை மாறாத புரவி எடுப்பு திருவிழா

image

தேவகோட்டை அருகே நல்லாங்குடி கிராமத்தில் ஸ்ரீ வேம்புடைய அய்யனார் கோவில் புரவி எடுப்பு திருவிழா இன்று தேவகோட்டை நகரில் இருந்து ஒத்தக்கடை, வெளிமுத்தி விளக்கு வழியாக மண்ணால் செய்யப்பட்ட 100க்கும் மேற்பட்ட குதிரைகள், காளைகள் ஊர்வலமாக கோவிலுக்கு எடுத்துச் சென்று பக்தர்கள் நேர்த்திக்கடனை செலுத்தினர். குதிரை வரும் வழியில் பெண்கள் ஆரத்தி எடுத்து வரவேற்றனர். இதில் ஆயிரத்துக்கும் மேற்பட்டோர் பங்கேற்றனர்.

News April 8, 2024

மானாமதுரை அருகே பெண் ரயிலில் அடிப்பட்டு பலி

image

ராமநாதபுரம் மாவட்டம் பரமக்குடி சூடியூர் ரயில் நிலையங்கள் இடையே கீழப்பெருங்கரை ரயில் தண்டவாளத்துக்கு இடையே நேற்று (07/02024) 70 வயதுக்குட்பட்ட பெண் ஒருவர் அடிபட்டு கிடப்பதாக மானாமதுரை இருப்புபாதை காவல் நிலையத்திற்கு தகவல் கிடைத்தது. விரைந்து சென்ற சார்பு ஆய்வாளர் தனுஷ்கோடி தலைமையிலான காவல்துறையினர் உடலை கைப்பற்றி விசாரணை மேற்க்கொண்டு வருகின்றனர்.

Featured News

Sorry, no posts matched your criteria.

↑