India's largestHyperlocal short
news App
Get daily news updates that are tailored for you based on your preferred language & location.
download Way2News app now
Sivagangai
News May 22, 2024
சிவகங்கை: மானாமதுரை இந்தியன் வங்கி கொள்ளையன் கைது
மானாமதுரையில் கடந்த மே.20 ஆம் தேதி இந்தியன் வங்கியின் பூட்டை உடைத்து கொள்ளை முயற்சி நடைபெற்றது. கொள்ளை முயற்சியில் ஈடுபட்ட மர்ம நபரை காவல்துறையினர் தேடி வந்த நிலையில் மானாமதுரை துணை கண்காணிப்பாளர் கண்ணன் உத்தரவின் பேரில் தனிப்படை காவல்துறையினர் மானாமதுரை மேட்டு தெருவை சேர்ந்த பிரசாந்த்(31) என்பவரை இன்று கைது செய்தனர்.
News May 22, 2024
சிவகங்கை: விடாமல் துரத்தும் நாய்கள்
காரைக்குடி வாட்டர் டேங்க் அருகே உள்ள பிள்ளையார் கோவில் தெப்பக்குளத்தை சுற்றி பொது மக்கள் காலை மாலை நடைபயிற்சி செய்வது வழக்கம். இங்கு சிறுவர்கள் விளையாட பூங்காவும் அமைந்துள்ளது. இங்கு சுற்றி தெரியும் தெரு நாய்களால் சிறுவர்களும் பெரியவர்களும் மிகவும் பாதிக்கப்படுகின்றனர். ஏதேனும் விபரீதம் நடக்கும் முன் நகராட்சி நடவடிக்கை எடுக்க வேண்டும் என பொதுமக்கள் கோரிக்கை வைத்துள்ளனர்.
News May 22, 2024
கனமழையில் சாய்ந்த வேப்பமரம்
திருக்கோஷ்டியூர் ஊராட்சி மன்ற அலுவலகம் எதிரே சிவகங்கை சாலையில் உள்ள வேப்பமரம் சாய்ந்தது. நேற்று பெய்த கனமழை காரணமாக இந்த வேப்ப மரம் வேரோடு சாய்ந்தது. இதனால் இப்பகுதியில் மின்சாரம் துண்டிக்கப்பட்டதோடு , போக்குவரத்தும் பல மணி நேரம் பாதிக்கப்பட்டது. பின்பு அதிகாரிகளுக்கு தகவல் தெரிவிக்கப்பட்டு, விரைந்து வந்த அதிகாரிகள் சாய்ந்த மரத்தை ஜேசிபி கொண்டு அகற்றி போக்குவரத்திற்கு வழிவகுத்தனர்.
News May 21, 2024
சிவகங்கை: மழை பாதிப்புகளை தெரிவிக்கலாம்
வானிலை ஆராய்ச்சி மையம் முன்னறிவிப்பின்படி, சிவகங்கை மாவட்டத்தில் கன முதல் மிக கனமழையும் பெய்யக் கூடும் என தெரிவிக்கப்பட்டுள்ளது. இந்த நிலையில், மழையால் பொதுமக்களுக்கு ஏற்படும் பாதிப்புகள் குறித்துத் தெரிவிக்க மாவட்ட ஆட்சியர் அலுவலகத்தில் கட்டணமில்லா உதவி தொலைபேசி எண் 1077, 04575 – 246233 ஆகிய எண்கள் மூலம் குறைகளை தெரிவிக்கலாம் என ஆட்சியர் இன்று தெரிவித்துள்ளார்.
News May 21, 2024
இளைஞர் கொலை வழக்கில் 6 பேர் கைது
சிவகங்கை அருகே உள்ள வேலுநாச்சியார் தெருவை சேர்ந்த நிதிஷ் (24) என்பவரை மர்ம கும்பல் சரமாரியாக வெட்டி கொலை செய்தனர். இச்சம்பவம் குறித்து போலீசார் விசாரணை செய்வதில் பாண்டி செல்வம், குமனேஸ்வரன் , பாலசுப்ரமணியன், அமர்நாத், 17 வயதான இரு சிறார்கள் என்பதும் மேலும் முதல்குற்றவாளியான சுகுமாறன் தலைமறைவாக இருப்பதும் தெரியவந்தது. பிறகு அவர்கள் அனைவரையும் கைது செய்து இன்று நீதிமன்றத்தில் ஆஜர்படுத்தினர்.
News May 21, 2024
பாலிடெக்னிக் முதலாம் ஆண்டு மாணவர் சேர்க்கை துவக்கம்
சிவகங்கை அருகே அம்பலக்காரன்பட்டி அரசு பாலிடெக்னிக்கில் முதலாமாண்டு மாணவர் சேர்க்கைக்கு விண்ணப்பிக்கலாம் என அறிவிக்கப்பட்டுள்ளது. https://www. tnpoly. in என்ற இணையதளம் மூலம் 24.5.2024ம் தேதிக்குள் விண்ணப்பிக்க வேண்டும். இணையதளம் வாயிலாக விண்ணப்பிக்க இயலாதவர்கள் மாவட்ட சேவை மையங்கள் மூலம் விண்ணப்பிக்க வழிவகை செய்யப்பட்டுள்ளது. மாவட்ட ஆட்சியர் ஆஷா அஜித் நேற்று அறிவித்துள்ளார்..
News May 21, 2024
சிவகங்கை: மாணவர்களுடன் கலந்துரையாடல்
சிவகங்கை மாவட்டம் காரைக்குடி அருகே விசாலயன்கோட்டை சேது பாஸ்கரா வேளாண்மை மற்றும் ஆராய்ச்சி கல்லூரி நிறுவனத்திற்கு சிவகங்கை முன்னாள் எம்பியும் முன்னாள் மத்திய வணிகம் மற்றும் தொழில் துறை அமைச்சருமான சுதர்சன நாச்சியப்பன் கல்லூரிக்கு வருகை புரிந்தார். பின்னர் பேராசிரியர்கள் மற்றும் மாணவர்களுடன் வேளாண்மை குறித்து கலந்து உரையாடினார்.
News May 20, 2024
மாணவர் விடுதியில் சமையல் வேலை செய்பவர் தற்கொலை
சூரக்குடி பகுதியை சேர்ந்த சஞ்சய் பிரபாகரன் மனைவி அரிய செல்வி (30). சிவகங்கை பிற்படுத்தப்பட்டோர் மாணவர் விடுதியில் சமையலராக வேலை செய்து வருகிறார். இந்நிலையில் நேற்று கணவன் -மனைவி இடையே ஏற்பட்ட பிரச்சனையில் மனம் உடைந்த அரிய செல்வி வீட்டில் தூக்கிட்டு தற்கொலை செய்து கொண்டுள்ளார். இவரை மீட்ட உறவினர்கள் சிகிச்சைக்காக மருத்துவமனையில் சேர்த்தனர். ஆனால் சிகிச்சை பலனின்றி அரிய செல்வி இன்று உயிரிழந்தார்.
News May 20, 2024
சிவகங்கை: நாளை கனமழைக்கு வாய்ப்பு!
சிவகங்கை மாவட்டத்தில் நாளை (மே.21) கனமழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. அதன்படி, சிவகங்கையில் இடி மின்னல் மற்றும் பலத்த காற்றுடன் (மணிக்கு 30 கி.மீ முதல் 40 கி.மீ வரை) கனமழை பதிவாகக் கூடும். தென்தமிழக கடலோரப் பகுதிகளில் மேல் உள்ள வளிமண்டல கீழடுக்கு சுழற்சி காரணமாக கனமழைக்கு வாய்ப்புள்ளது.
News May 20, 2024
கல்வி கடன் குறித்து அறிந்து கொள்ளலாம் – ஆட்சியர் தகவல்
சிவகங்கை மாவட்டத்தில் 12 ஆம் வகுப்பு தேர்ச்சி பெற்ற மாணாக்கர்கள் உயர் கல்வி பயில்வதற்கு தாங்கள் தேர்ந்தெடுக்கும் பாடப்பிரிவுகளுக்கு ஏற்ப கல்வி கடன் வேறுபடும். மேலும் விபரங்களுக்கு https://www.vidyalakshmi.co.in/Students/ என்ற இணையதள முகவரி மூலம் மாணாக்கர்களுக்கு கல்வி கடன் குறித்து ஏற்படும் சந்தேகங்களை தெரிந்து கொள்ளலாம் என சிவகங்கை மாவட்ட ஆட்சியர் ஆஷா அஜித் இன்று தெரிவித்துள்ளார்.
Featured News
Sorry, no posts matched your criteria.