India's largestHyperlocal short
news App
Get daily news updates that are tailored for you based on your preferred language & location.
download Way2News app now
Sivagangai
News June 4, 2024
இன்று வெற்றி பெறும் வேட்பாளர் யார்?
சிவகங்கை மக்களவை தொகுதி(31)ல் போட்டியிட்ட வேட்பாளரின் வாக்குகள் 6 தொகுதியில் 1873 வாக்குச்சாவடியில் 84 (இவிஎம்) இயந்திரத்தில் பதிவான வாக்குகள் எண்ணப்பட்டு வருகிறது. சிவகங்கை தொகுதிக்கான வெற்றி வேட்பாளர் யார்? என்று பொதுமக்கள் எதிர்பார்ப்பில் உள்ளனர். காங்கிரஸ் கட்சி பாஜக கூட்டணி கட்சி நாம் தமிழர் கட்சி ஆகியோரிடம் போட்டி நிலவுகிறது.
News June 4, 2024
சிவகங்கை: தொடங்கியது வாக்கு எண்ணிக்கை
நாடே எதிர்பார்க்கும் மக்களவைத் தேர்தலுக்கான வாக்கு எண்ணிக்கை சற்றுமுன் தொடங்கியது. அதன்படி, சிவகங்கை மாவட்டத்தில் பதிவான வாக்குகள் எண்ணப்பட்டு வருகின்றன. ஒவ்வொரு சுற்றுகளின் முடிவுக்காக அரசியல் கட்சி முகவர்கள், அரசியல் தலைவர்கள், தொண்டர்கள் ஆவலுடன் எதிர்பார்த்து காத்துக்கொண்டுள்ளனர். முதலில் தபால் வாக்குகள் எண்ணப்படுகின்றன.
News June 4, 2024
சிவகங்கையில் மகுடம் சூட்டுவது யார்?
2024 மக்களவைத் தேர்தலில் சிவகங்கை தொகுதியில் மொத்தம் 63.94 % வாக்குகள் பதிவாகி உள்ளது. வேட்பாளராக காங்கிரஸ் சார்பாக கார்த்தி சிதம்பரமும் , அதிமுக சார்பில் சேகர் தாஸும், பாஜக சார்பில் தேவநாதன் யாதவும் போட்டியிட்டுள்ளனர். இவர்களில் வெற்றி பெறப்போவது யார்? தேர்தல் முடிவுகளை உடனுக்குடன் தெரிந்துக்கொள்ள Way2News-னுடன் இணைந்திருங்கள்.
News June 3, 2024
மக்களுக்கு உபயோகமில்லாத ATM மிஷின்கள்
சிவகங்கை மாவட்டம் திருப்புவனத்தில் 10க்கும் மேற்பட்ட ATM மிஷின்கள் உள்ளன. கடந்த சில நாட்களாக இந்த ATM மிஷின்களால் மக்களுக்கு எந்தவித உபயோகமும் இல்லாமல் இருந்து வருகிறது. அனைத்து ATM மிஷின்களிலும் பணம் இல்லாமல் இருப்பதும் பழுதாகி இருப்பதாகவே உள்ளது. ஒவ்வொரு ATM மிஷனிலும் மக்கள் ஏறி இறங்கி பணம் இல்லாமல் ஏமாற்றத்துடன் வருகிறார்கள். வங்கியில் புகார் செய்தாலும் நடவடிக்கை இல்லை எனக் கூறப்படுகிறது.
News June 3, 2024
சிவகங்கை: அரசு மகளிர் கலைக் கல்லூரியில் கலந்தாய்வு
சிவகங்கை அரசு மகளிர் கலைக் கல்லூரியில், 2024-2025ம் கல்வியாண்டில் பொது பிரிவினருக்கான மாணவியர் சேர்க்கை கலந்தாய்வு நடைபெற உள்ளது. இளநிலை பட்டப் படிப்புகளுக்கான சேர்க்கையில் ஜூன் 10ம் தேதி இயற்பியல், வேதியியல், கணிதம், கணினி அறிவியல், தாவரவியல், விலங்கியல், மனையியல் ஆகியவை கலந்தாய்வு நடைபெறும் என்று கல்லூரி முதல்வர் சுடர்க்கொடி கண்ணன் தெரிவித்துள்ளார்.
News June 2, 2024
ஊராட்சி மன்ற தலைவர் மீது புகார்
சிவகங்கை அன்னியேந்தல் ஊராட்சியில் மத்திய, மாநில அரசின் பணம் நூதன முறையில் கொள்ளை அடிக்கப்படுவதாக ஊராட்சி மன்ற தலைவர் மாயாண்டிச்சாமி மீது வேல்முருகன் என்பவர் குற்றம்சாட்டியுள்ளார். இது சம்பந்தமாக பல புகார்கள் மானாமதுரை வட்டார வளர்ச்சி அலுவலரிடம் கொடுத்தும் எந்தவித நடவடிக்கையும் எடுக்காததால் மதுரை உயர்நீதிமன்றத்தில் வழக்கு தொடுக்க போவதாக கூறியுள்ளார்.
News June 2, 2024
சிவகங்கை: வாக்கு எண்ணும் மையத்தில் கலெக்டர்
சிவகங்கை மாவட்டத்தில் ஜூன்.4ஆம் தேதி காரைக்குடி அழகப்ப செட்டியார் பொறியியல் கல்லூரி மற்றும் பாலிடெக்னிக் கல்லூரி வளாகத்தில் நடைபெற உள்ளது. இதனையொட்டி, வாக்கு எண்ணிக்கை தொடர்பான முன்னேற்பாடு பணிகள் குறித்து, வாக்கு எண்ணும் மையத்தில் இன்று மாவட்ட தேர்தல் அலுவலர் ஆஷா அஜித் மற்றும் தேர்தல் பொது பார்வையாளர் ஹரிஸ் ஆய்வு மேற்கொண்டனர். இதில், உதவி தேர்தல் நடத்தும் அலுவலர்கள் உட்பட பலர் கலந்து கொண்டனர்.
News June 2, 2024
சிவகங்கை: குழந்தையை தீ வைத்துக் கொன்ற தாய் தற்கொலை
திருபுவனம், தவத்தாரேந்தல், வலையப்பட்டியை சேர்ந்த முருகன் -அழகு மீனாள் தம்பதியினருக்கு வேதாஸ்ரீ என்ற குழந்தை உள்ள நிலையில் இந்த குழந்தைக்கு உடல்நிலை சரியில்லாத காரணத்தால் மனவிரத்தியில் நேற்று அழகுமீனாள் குழந்தையையும் தன்னையும் பெட்ரோல் ஊற்றி தீ வைத்துக் கொண்டார். பின் மருத்துவமனைக்கு கொண்டு சென்ற போது குழந்தை இறந்து விட்டது. அழகு மீனாளை மேல் சிகிச்சைக்காக மதுரை கொண்டு சென்றபோது அவரும் இறந்தார்.
News June 2, 2024
36 நிறுவனங்களுக்கு அபராதம்
சிவகங்கை மாவட்டத்தில் தொழிலாளா்கள் நலன், திறன் மேம்பாட்டுத்துறை அதிகாரிகள், வணிக நிறுவனங்களில் நடத்திய சோதனையில் 36 நிறுவனங்களில் இருந்து முத்திரையிடப்படாத மின்னணு தராசுகள், எடைக் கற்கள் பறிமுதல் செய்யப்பட்டு நேற்று அபராதம் விதிக்கப்பட்டது.
மூட்டைகளை எடை போடும் ‘பிளாட்பாா்ம் ‘ தராசுகளுக்கு ஆண்டுக்கு ஒரு முறையும் கட்டாயம் மறு முத்திரை இட வேண்டும் தொழிலாளா் நலன், ஆணையா் முத்து கூறினார்
News June 1, 2024
கல்லில் உலகப் புகையிலை எதிர்ப்பு தின விழா
சிவகங்கை மாவட்ட அளவிலான பள்ளி மற்றும் கல்லூரி மாணவர்களுக்கான உலகப் புகையிலை எதிர்ப்பு தினத்தை முன்னிட்டு தமிழ்நாடு அறிவியல் இயக்கம் மற்றும் தமிழ்நாடு அரசு மற்றும் காவல்துறையின் வழிகாட்டுதலின் பேரில் செயல்பட்டு வரும் மாணவ, மாணவியர் குழு இணைந்து புகையிலை விழிப்புணர்வு குறித்த சுவரொட்டி தயாரித்தல் மற்றும் கட்டுரைப் போட்டியை கல்லல் முருகப்பா மேல்நிலைப் பள்ளியில் இன்று நடைபெற்றது.
Featured News
Sorry, no posts matched your criteria.