India's largestHyperlocal short
news App
Get daily news updates that are tailored for you based on your preferred language & location.
download Way2News app now
Sivagangai
News September 12, 2024
ஜவுளி பூங்கா அமைக்க ஆலோசனை
சிவகங்கை கலெக்டர் ஆஷா அஜித் வெளியிட்டுள்ள செய்திக் குறிப்பில் கலெக்டர் அலுவலகத்தில் செப். 24 அன்று காலை 11:00 மணிக்கு சிறிய அளவிலான ஜவுளிப்பூங்கா அமைக்கும் திட்டம் குறித்த ஆலோசனை கூட்டம் நடைபெற உள்ளது. இதில் மாவட்ட அளவில் உள்ள அனைத்து தொழில் முனைவோர், ஜவுளி தொழில் சார்ந்த சங்கங்கள், வளரும் தொழில் முனைவோர் பங்கேற்று சிறிய அளவிலான ஜவுளி பூங்கா அமைக்கும் திட்டம் குறித்து ஆலோசனை வழங்கலாம் என்றார்.
News September 11, 2024
அங்கன்வாடி மைய பணியாளர் சமையலர் ஆகிய இருவர் பணியிடம் மாற்றம்
இளைஞர் நலன் மற்றும் விளையாட்டு மேம்பாடு சிறப்பு திட்ட செயலாக்கத் துறை அமைச்சர் உதயநிதி ஸ்டாலின் நேற்று மேற்கொண்ட ஆய்வில் சில அலுவலர்களிடம் காணப்பட்ட தொய்வான நடவடிக்கைகள் காரணமாக வழங்கிய அறிவுரைகளின் அடிப்படையில் சிவகங்கை மாவட்டத்தில் ஒரு வட்டார வளர்ச்சி அலுவலரும் தற்காலிக பணி நீக்கம் செய்யப்பட்டுள்ளார்.மேலும் அங்கன்வாடி மைய பணியாளர் ஒருவர், சமையலர் இருவர் உடனடியாக பணியிடம் மாற்றம் செய்யப்பட்டது.
News September 11, 2024
குரூப் 2 தேர்விற்கு 13,260 நபர்கள் விண்ணப்பித்துள்ளனர்
தமிழ்நாடு அரசுப்பணியாளர் தேர்வாணையத்தால் நடத்தப்பெறும் ஒருங்கிணைந்த குடிமைப்பணிகள் தேர்வு – II (தொகுதி- II மற்றும் தொகுதி- II A) தேர்விற்காக
சிவகங்கை மாவட்டத்தில் மொத்தம் 13,260 நபர்கள் விண்ணப்பித்துள்ளனர். தேர்வினை தேர்வாளர்கள் விதிமுறைகளை பின்பற்றி சிறந்த முறையில் எழுதிட வேண்டும் என மாவட்ட ஆட்சித்தலைவர் ஆஷா அஜித் இன்று தெரிவித்துள்ளார்.
News September 11, 2024
உயர்கல்விக்கு விண்ணப்பிக்க மாணவர்களுக்கு சிறப்பு முகாம்
சிவகங்கை மாவட்டத்தில் 2022-23 மற்றும் 2023 -24 ஆம் கல்வி ஆண்டில் 12 ஆம் வகுப்பு தேர்வு எழுதாத, தேர்வு எழுதி தேர்ச்சி பெறாத மற்றும் தேர்ச்சி பெற்ற மாணவர்களில் உயர்கல்வியில் இதுவரை சேராத மாணவர்களுக்கு உயர்வுக்குப் படி முதல் கட்ட முகாம் 13.09.2024 அன்று மருதுபாண்டியர் நகர் அரசு மேல்நிலைப் பள்ளி வளாக கூட்டரங்கில் நடைபெற உள்ளது என மாவட்ட ஆட்சியர் இன்று தெரிவித்துள்ளார்.
News September 11, 2024
சமுதாய அமைப்பாளர் பணிக்கு விண்ணப்பிக்க அழைப்பு
தமிழ்நாடு நகர்ப்புர வாழ்வாதார இயக்கத்தின் கீழ் தேவகோட்டை நகராட்சி, சிங்கம்புணரி பேரூராட்சி பகுதியில் சமுதாய அமைப்பாளர் பணியில் 2 இடங்கள் காலியாக உள்ளன. சமுதாய அமைப்பாளர் பணியிடத்திற்கு தேவகோட்டை நகராட்சி மற்றும் சிங்கம்புணரி பேரூராட்சி பகுதிகளைச் சார்ந்தவர்கள் மேலாளர், சிவகங்கை நகர்புர வாழ்வாதார மையம் (CLC) சிவகங்கை நகராட்சி என்ற முகவரியில் விண்ணப்பிக்கலாம் என ஆட்சியர் இன்று தெரிவித்துள்ளார்.
News September 11, 2024
1607 பயனாளிகளுக்கு ரூ34.5 கோடியில் நலத்திட்ட உதவிகள்
காரைக்குடி அழகப்பா பல்கலைக்கழகத்தில் பட்டமளிப்பு விழாவில் பங்கேற்ற அமைச்சா் உதயநிதி ஸ்டாலின் சிவகங்கை, ராமநாதபுரம் மாவட்டங்களிலுள்ள 874 ஊராட்சிகளுக்கு 997 விளையாட்டு உபகரணங்கள், பல்வேறு துறைகளின் சாா்பில் 1,607 பயனாளிகளுக்கு ரூ. 34.95 கோடி மதிப்பீட்டில் நலத் திட்ட உதவிகளை வழங்கினார். மேலும் ரூ.13.14 கோடியில் நிறைவுற்ற 18 திட்ட பணிகளை பயன்பாட்டிற்கு திறந்து வைத்தாா்.
News September 11, 2024
சிவகங்கை: டிடிவி தினகரன் கண்டனம்
சிவகங்கை மாவட்டத்தில் விளையாட்டுத் துறை அமைச்சர் உதயநிதி பங்கேற்கும் நிகழ்ச்சிக்காக, மாவட்ட விளையாட்டு மைதானத்தை சுத்தம் செய்யும் பணியில் விடுதி மாணவர்கள் ஈடுபடுத்தப்பட்டிருப்பது போன்று வெளியாகியிருக்கும் காட்சிகள் அதிர்ச்சியை ஏற்படுத்தியது. பள்ளி, கல்லூரி மாணவர்களை எந்த வேலைக்கும் பயன்படுத்தக் கூடாது. இச்செயல் கண்டனத்திற்குரியது என டிடிவி தினகரன் அறிக்கை வெளியிட்டுள்ளார்.
News September 11, 2024
இன்று பள்ளி, கல்லூரிகளுக்கு விடுமுறை
இராமநாதபுரம் மாவட்டம், பரமக்குடியில் நடைபெறவுள்ள இமானுவேல் சேகரன் 67வது நினைவு தின நிகழ்ச்சியினை முன்னிட்டு, இன்று(செப்.11) சிவகங்கை மாவட்டத்தில் உள்ள சிவகங்கை, திருப்புவனம், மானாமதுரை, இளையான்குடி வட்டங்கள்/ஒன்றியங்களில் உள்ள பள்ளிகளுக்கு/ கல்லூரிகளுக்கு/இதர கல்வி நிறுவனங்களுக்கு விடுமுறை அளிக்கப்படவுள்ளது என மாவட்ட ஆட்சியர் ஆஷா ஆஜித் தெரிவித்துள்ளார்.
News September 11, 2024
நகராட்சியுடன் கிராமங்களை இணைக்க மக்கள் எதிர்ப்பு
மானாமதுரை அருகே மாங்குளம் ஊராட்சிக்குட்பட்ட கீழ் மாங்குளம், சித்தலகுண்டு, ஆலங்குளம், சீகன்குளம், பனிக்கனேந்தல், மூங்கில் ஊரணி காளீஸ்வரி நகர் ஆகிய பகுதிகள் மானாமதுரை நகராட்சி எல்லை பகுதிகளுக்கு அருகில் உள்ளது. இப்பகுதிகளை நகராட்சியுடன் இணைக்க முயற்சிகள் நடந்து வருகின்றன. இதனை இணைத்தால் 100 நாள் வேலைத்திட்டம் கிடைக்காது என கூறி அதனை இணைக்க வேண்டாம் என்று கிராம மக்கள் கோரிக்கை விடுத்துள்ளனர்.
News September 11, 2024
30 குண்டுகள் முழங்க மரியாதை
திருப்புத்துார் அருகே குருவாடிப்பட்டி ஆரோக்கியசாமி மகன் செபஸ்டின்ஆண்டனி (29). இவர் புதுக்கோட்டை ஆயுதப்படை பிரிவில் போலீசாக இருந்தார். இவர் நேற்று கல்லலில் நடந்த உறவினரின் திருமணத்திற்கு சென்றுவிட்டு, டூவீலரில் புதுக்கோட்டை நோக்கி வந்தார். திருமயம் அருகே சென்ற போது, எதிரே வந்த வாகனம் மோதியதில் சம்பவ இடத்திலேயே போலீசார் பலியானார். இவரது உடலுக்கு 30 குண்டுகள் முழங்க மரியாதை செலுத்தப்பட்டது.
Featured News
Sorry, no posts matched your criteria.