India's largestHyperlocal short
news App
Get daily news updates that are tailored for you based on your preferred language & location.
download Way2News app now
Sivagangai
News September 17, 2024
மின்னணு பரிவர்த்தனை மூலம் வேளாண் இடுப்பொருட்களை பெறலாம்
வேளாண்மை விரிவாக்க மையங்களில் மின்னணு சாதன பரிவர்த்தனை மூலம் விவசாயிகள் இடுபொருள்களை வாங்கி செல்லலாம் இந்த இயந்திரங்கள் மானாமதுரை திருப்புவனம் இளையான்குடி காளையார் கோயில் கண்ணங்குடி,சிங்கம்புணரி, S புதூர், கல்லல், தேவகோட்டை சாக்கோட்டை பகுதிகளில் வழங்கப்பட்டுள்ளது. இங்கு மின்னணு பரிவர்த்தனை மூலம் விவசாயிகள் இடுபொருள் வாங்கிச் செல்லலாம் வேளாண்மை இணை இயக்குனர் லட்சுமி பிரபா தெரிவித்துள்ளார்.
News September 17, 2024
சிவகங்கையில் ரூ.4.5 கோடி நிதி முறைகேடு
சிவகங்கை மாவட்டத்தில் ஆதிதிராவிடர் நல மாணவர்கள் விடுதியில் தங்கி படிப்போருக்கு தமிழக அரசு உணவு & தேங்காய் எண்ணெய் உள்ளிட்டவை வாங்க 2017-23ஆம் ஆண்டு வரை ரூ.4.5 கோடி நிதி வழங்கி உள்ளது. அந்த நிதியை அப்போது இருந்த தாசில்தார் துணையுடன் அலுவலர்கள் முறைகேடாக நிதியை எடுத்துள்ளனர். இது தொடர்பாக ஆட்சியர் 3 தாசில்தார்களுக்கு குற்றப்பத்திரிக்கையில் சேர்க்க பரிந்துரை நோட்டீஸ் அனுப்பியுள்ளார்.
News September 17, 2024
மானாமதுரையில் ரயிலை கவிழ்க்க சதியா?
மானாமதுரை அருகே சூரியூர் ரயில் நிலையத்திலிருந்து பரமக்குடி செல்லும் ரயில்வே தண்டவாளத்தில் 120 மீட்டருக்கு பொருத்தப்பட்ட தண்டவாளங்கள் நகராமல் இருக்க கிளிப்புகள் அனைத்தும் கழண்டு கிடந்தன. அவ்வழியே ரோந்து சென்ற தண்டவாள பராமரிப்பாளர் செந்தில்குமார் இதைக்கண்டு அதிர்ச்சி அடைந்து உடனடியாக அதிகாரிகளுக்கு தகவல் தெரிவித்தார். மர்ம நபர்கள் ரயிலை கவிழ்க்க சதியா என்ற கோணத்தில் போலீசார் விசாரிக்கின்றனர்.
News September 17, 2024
மானாமதுரை: செப்.25ல் அகல ரயில் பாதை சோதனை ஓட்டம்
மானாமதுரை – அருப்புக்கோட்டை அகல ரயில் பாதையில் முதல்முறையாக செப்.25ஆம் தேதி அதிவேக ரயில் சோதனை ஓட்டம் நடைபெற உள்ளது. செப்.25ஆம் தேதி காலை 9 மணிக்கு நடைபெறவுள்ள இந்த சோதனை ஓட்டத்தில் 121 கி.மீ. வேகத்தில் ரயில்கள் இயக்கப்பட உள்ளன என தெரிவிக்கப்பட்டுள்ளது.
News September 17, 2024
முதல்வர் கோப்பை போட்டி; தேவகோட்டை பள்ளி வெற்றி
சிவகங்கை மாவட்டத்தில் முதல்வர் கோப்பைக்கான மாவட்ட அளவில் பள்ளி மாணவர்களுக்கு விளையாட்டு போட்டிகள் பல்வேறு இடங்களில் நடைபெற்று வருகின்றன. இந்நிலையில், தேவகோட்டை என்.எஸ்.எம்.வி.பி.எஸ். மேல்நிலைப் பள்ளி மாணவர்கள் வெற்றி பெற்றுள்ளனர். மேலும், வெற்றி பெற்ற மாணவர்களை தலைமையாசிரியர் வெங்கடாசலம் மற்றும் ஆசிரியர்கள் பாராட்டினர்.
News September 16, 2024
உள்ளக குழு (IC) அமைக்காத நிறுவனங்களுக்கு அபராதம்
சிவகங்கை மாவட்டத்தில் பணிபுரியும் இடங்களில் பெண்களை பாதுகாக்க உள்ளக குழு (IC) அமைக்காத அரசு அலுவலகம், அரசு நிறுவனங்கள் மற்றும் தனியார் அலுவலகம், தனியார நிறுவனங்கள் மீது ரூ.50,000 வரை அபராதம் விதிக்கப்படும்.மேலும், குழு அமைத்த விபரத்தினை dswosvg@gmail.com என்ற மின்னஞ்சல் முகவரிக்கு அனுப்பி வைத்திட வேண்டும் என மாவட்ட ஆட்சித்தலைவர் ஆஷா அஜித் இன்று தெரிவித்துள்ளார்.
News September 16, 2024
மூன்று மாவட்டத்திற்கு வைகையில் தண்ணீர் திறப்பு
பெரியாறு அணையில் இருந்து நேற்று திண்டுக்கல், மதுரை, சிவகங்கை மாவட்ட விவசாயத்திற்கு தண்ணீர் திறக்கப்பட்டுள்ளது. இதனால், சிவகங்கை மாவட்டத்தில் 6039 ஏக்கர் பாசன பயன்பெறும். மேலும், குறுகிய கால பயிர்களை நடவு செய்து தண்ணீரை சிக்கனமாக செலவு செய்து அதிக மகசூல் பெற நீர்வளத் துறையுடன் ஒத்துழைக்குமாறு ந.அன்புச்செழியன் செயற்பொறியாளர் கேட்டுக்கொண்டுள்ளார்
News September 16, 2024
சிவகங்கை பாசனத்திற்கு பெரியாறு அணை நீர் அவசியம்
சிவகங்கை மாவட்டம் ஷீல்டு கால்வாய் பாசன விவசாய சங்க தலைவர் ஆர். மாரி, “பெரியார் அணையிலிருந்து சிவகங்கை மாவட்டத்திற்குரிய தண்ணீரை வழங்க கோரி பொதுப்பணிதுறை செயற்பொறியாளரை தொடர்ந்து வலியுறுத்த உள்ளோம்; முழுமையாக தண்ணீர் கிடைத்தால் தான் 136 கண்மாய்கள் நிரம்பி, ஒரு போக சாகுபடி எடுக்கலாம்; மேலும், நிலத்தடி நீர்மட்டமும் உயர்ந்து, குடிநீர் தட்டுப்பாடின்றி கிராம மக்கள் வசிக்க முடியும்” என தெரிவித்தார்.
News September 16, 2024
காளையார்கோவில் அருகே பழந்தமிழர் குறியீடுகள்
காளையார்கோவில் அருகே குண்டாக் குடை அய்யனார் கோயில் பகுதியில் கல் பாசி, பானை ஓடு குறியீடுகளை காரைக்குடி வரலாற்று ஆய்வாளர் பாலசுப்பிரமணியன் கண்டறிந்தார். இதுகுறித்து அவர், “குண்டாக்குடை பகுதி பழந்தமிழர்களின் வாழ்விடமாக இருந்துள்ளது; அதற்கு அடையாளமாக கருப்பு, சிவப்புநிற பானை ஓடுகள், வட்டச்சில்லுகள், ஜாடியின் புனல், பானை ஓடு குறியீடுகள் கிடைத்தன; இங்கு தொழிற்கூடம் இருந்திருக்கலாம்” என தெரிவித்தார்.
News September 16, 2024
சிவகங்கை மாவட்டத்தில் உயர்வுக்கு படி முகாம்
சிவகங்கை மாவட்டத்தில் நான் முதல்வன் திட்டத்தின் கீழ் வருகின்ற 18.09.2024 அன்று சிங்கம்புணரியிலும், 20.09.2024 அன்று காரைக்குடியிலும், உயர்வுக்கு படி முகாம் நடைபெற உள்ளது. எனவே, மாணாக்கர்கள் இதனைக் கருத்தில் கொண்டு, தரமான கல்வியை பெற்று வாழ்வில் உயர்ந்த நிலையை அடைய வேண்டும் என மாவட்ட ஆட்சியர் தெரிவித்துள்ளார்.
Featured News
Sorry, no posts matched your criteria.