India's largestHyperlocal short
news App
Get daily news updates that are tailored for you based on your preferred language & location.
download Way2News app now
Salem
News February 4, 2025
சேலம் மாநகர இரவு ரோந்து காவலர்கள் விவரம்
சேலம் மாநகரில் இரவு நேரங்களில் குற்றச்செயல்கள் நடக்காமல் இருக்கவும், அசம்பாவிதங்களை தவிர்க்கவும் மாநகர காவல்துறை, பல்வேறு நடவடிக்கைகளை எடுத்து வருகிறது. அதன்படி மாநகர காவல் துறை காவல் நிலைய எல்லைக்குட்பட்ட பகுதிகளில், அந்தந்த காவல் அதிகாரிகள் ஆய்வு மேற்கொண்டு இரவு ரோந்து பணியில் ஈடுபட்டு வருகின்றனர். இந்நிலையில் இன்றைய (பிப்ரவரி 3) இரவு ரோந்து காவலர்கள் விவரம் வெளியிடப்பட்டுள்ளது.
News February 3, 2025
விசாரணையில் கையும், களவுமாக சிக்கிய பெண்
எடப்பாடி அருகே கணவன் உயிரோடு இருக்கும் போதே சொத்திற்காக ஆசைப்பட்ட மனைவி, கணவர் இறந்துவிட்டதாக இறப்பு சான்றிதழ் போலியாக பெற்று, வாரிசு சான்றிதழ் வாங்க எடப்பாடி வருவாய்த்துறையிடம் மனு அளித்த போது, வருவாய்த்துறை விசாரணையில் கணவர் விஜயகுமார் உயிரோடு இருப்பது தெரியவந்தது. இதனை அடுத்து மனு அளித்த மனைவியை கையும், களவுமாகப் பிடித்து, எடப்பாடி காவல்துறையினரிடம் ஒப்படைத்த சம்பவத்தால் பரபரப்பு ஏற்பட்டுள்ளது.
News February 3, 2025
சேலம் ரயில் பயணிகளின் கவனத்திற்கு!
கோவை வடக்கு ரயில்வே யார்டில் பராமரிப்புப் பணிகள் நிறைவடைந்த நிலையில், சேலம் வழியாக இயக்கப்படும் ஆலப்புழா-தன்பாத் எக்ஸ்பிரஸ் ரயில் (13352), எர்ணாகுளம்- கேஎஸ்ஆர் பெங்களூரு எக்ஸ்பிரஸ் ரயில் (12678) ஆகிய ரயில்கள் நாளை (பிப்.04) வழக்கமான பாதையில் இயக்கப்படும் என்று சேலம் ரயில்வே கோட்டம் தனது அதிகாரப்பூர்வ ட்விட்டர் பக்கத்தில் அறிவித்துள்ளது.
News February 3, 2025
சேலம் பூ வியாபாரி கழுத்து அறுத்து கொலை
வீராணம், துளசி மணியூர் பகுதியைச் சேர்ந்த பூ வியாபாரியான குமரன் (வயது 30), நேற்றிரவு தனது நண்பர்களுடன் சேர்ந்து ஓடைப்பகுதியில் மது அருந்திக் கொண்டிருந்தார். அப்போது அங்கு வந்த 3 பேர் குமரனை கழுத்தை அறுத்து கொலை செய்து விட்டு அங்கிருந்து தப்பி ஓடினர். தகவலறிந்து விரைந்து வந்த வீராணம் காவல் நிலைய போலீசார், சடலத்தை மீட்டு வழக்குப்பதிவு செய்து விசாரணை மேற்கொண்டு வருகின்றனர்.
News February 3, 2025
பெரியார் பல்கலை.யில் புதிய கல்வி கொள்கையா?
புதிய கல்விக் கொள்கையை தமிழக அரசு ஏற்க மறுக்கும் நிலையில், சேலம் பெரியார் பல்கலைக்கழகம் யுசிஜி அறிவிப்பை சுட்டிக்காட்டி பிஹெச்டிக்கான கல்வி தகுதியை நிர்ணயம் செய்து அறிவித்துள்ளதால் சர்ச்சை. 4 ஆண்டுகள் இளநிலை படித்திருந்தாலும் பிஹெச்டிக்கு விண்ணப்பிக்கலாம் என்ற அறிவிப்புக்கு இந்திய மாணவர் சங்கம் கண்டனம்!.
புதிய கல்வி கொள்கை தொடர்பான அறிவிப்பை நாங்கள் வெளியிடவில்லை என துணைவேந்தர் விளக்கம்.
News February 3, 2025
சேலத்தில் அதிரடிக்கு பெயர்போன இயக்குநர் பேட்டி!
“டிக்கெட் கட்டணம் 100 ரூபாயில் 30 ரூபாயை வரியாகச் செலுத்துகிறோம். படத்துக்கு ஒரு கோடி ரூபாய் வசூலானால் தயாரிப்பாளருக்கு ரூபாய் 40 லட்சம் மட்டும் கிடைக்கிறது. இந்த வரியை குறைத்தால் தமிழகத்தில் சினிமா தொழில் வளரும். பெண்கள் படிக்கும் கல்லூரியில் சிசிடிவி கேமரா வைத்து கண்காணித்தால் குற்றங்கள் குறையும்” என சேலத்தில் திரௌபதி பட இயக்குனர் மோகன் ஜி பேட்டி அளித்துள்ளார்.
News February 3, 2025
அஞ்சல் துறையில் ஓட்டுநர் வேலை
அஞ்சல் துறையில் தமிழ்நாட்டில் உள்ள 25 ஓட்டுநர் பணியிடங்களுக்கான அறிவிப்பு வெளியாகியுள்ளது. இதில் சேலத்தில் உள்ள காலிப்பணியிடங்கள் நிரப்பப்டவுள்ளது. இதற்காக https://www.indiapost.gov.in என்ற இணையதளத்தில் கொடுக்கப்பட்டுள்ள விண்ணப்ப படிவத்தை பூர்த்தி செய்தும், The Senior Manager, Mail Motor Service, No.37, Greams Road, Chennai 600006 முகவரிக்கு தபால் வழியாகவும் அனுப்பலாம். கடைசி தேதி 8.2.2025.
News February 3, 2025
சேலம்: இன்றைய முக்கிய நிகழ்வுகள்
சேலத்தில் இன்றைய முக்கிய நிகழ்வுகள்: 1)காலை 9 மணி மறைந்த முன்னாள் முதல்வர் அண்ணா நினைவு நாள் திமுகவினர் சிலைக்கு மாலை அணிவித்து மரியாதை. 2) காலை 10 அதிமுகவினர் அண்ணா சிலைக்கு மாலை அணிவித்து மரியாதை. 3) காலை 10 வாராந்திர குறைத்தீர் நாள் கூட்டம் 4)காலை 10 மணி கஞ்சமலை அடிவாரத்தில் புதிய ஈஸ்வரன் கோவில் அடிக்கல் நாட்டு விழா.5) அண்ணா நினைவு நாளை ஒட்டி மாரியம்மன் கோவில் ஈசன் கோவில் பொது விருந்து
News February 3, 2025
‘விடாமுயற்சி’ சேலத்தில் டிக்கெட் முன்பதிவு விறுவிறு
மகிழ் திருமேனி இயக்கத்தில் நடிகர் அஜித்குமாரின் ‘விடாமுயற்சி’ திரைப்படம் வரும் பிப்ரவரி 6ஆம் தேதி வெளியாக உள்ள நிலையில் திரைப்படத்திற்கான முன்பதிவு தற்போது தொடங்கியுள்ளது. சேலத்தில் உள்ள திரையரங்குகளில் விடாமுயற்சி படம் வெளியாகவுள்ள நிலையில், இப்படத்திற்கான ஆன்லைன் முன்பதிவு விறுவிறுப்பாக நடைபெற்றது.
News February 3, 2025
இந்திய மகளிர் அணிக்கு இ.பி.எஸ். வாழ்த்து
“மலேசியாவில் நடைபெற்ற 19 வயதுக்குட்பட்ட பெண்களுக்கான 20 ஓவர் கிரிக்கெட் உலகக்கோப்பைப் போட்டியில் வாகை சூடியுள்ள நம் இந்திய இளம் வீராங்கனைகளுக்கு நெஞ்சம் நிறைந்த வாழ்த்துகள். தொடர்ந்து 2- வது முறையாக உலகக் கோப்பையை வென்றுள்ள நம் இளம் வீராங்கனைப் படை, இன்னும் பல வெற்றிகளைக் குவித்திட வாழ்த்துகிறேன்”- அ.தி.மு.க. பொதுச்செயலாளர் எடப்பாடி பழனிசாமி ட்வீட
Featured News
Sorry, no posts matched your criteria.