India's largestHyperlocal short
news App
Get daily news updates that are tailored for you based on your preferred language & location.
download Way2News app now
Salem
News November 29, 2024
இரவு ரோந்து பணி காவல் அதிகாரிகளின் விவரம்
சேலம் மாநகரில் இரவு நேரங்களில் குற்றச்செயல்கள் நடக்காமல் இருக்கவும் அசம்பாவிதங்களை தவிரவும் மாநகர காவல்துறை பல்வேறு நடவடிக்கைகளை எடுக்கப்பட்டு வருகிறது. அதன்படி மாநகர காவல் துறை காவல் நிலைய எல்லைக்குட்பட்ட பகுதிகளில் அந்தந்த காவல் அதிகாரிகள் ஆய்வு மேற்கொண்டு இரவு ரோந்து பணி ஈடுபட்டு வருகின்றனர். இன்றைய நவம்பர் 29 இரவு அதிகாரிகளின் விவரம் வெளியிடப்பட்டது.
News November 29, 2024
சேலம் புத்தகத் திருவிழாவில் கலை நிகழ்ச்சிகள்
சேலம் மத்திய பேருந்து நிலையம் அருகில் உள்ள மாநகராட்சித் திடலில், சேலம் மாவட்ட நிர்வாகம் சார்பில் ஏற்பாடு செய்யப்பட்டுள்ள ‘சேலம் புத்தக திருவிழா 2024’ சற்று நேரத்தில் தொடங்கவுள்ள நிலையில், தமிழ் பாரம்பரியத்தை பறைச்சாற்றும் வகையில் இசை மற்றும் கலை நிகழ்ச்சிகள் நடைபெற்று வருகின்றன. நிகழ்ச்சிகளை பொதுமக்கள், வாசகர்கள் ஆர்வமுடன் கண்டு ரசித்து வருகின்றனர்.
News November 29, 2024
பதக்கங்களுடன் ஊர் திரும்பிய வீரர்களுக்கு உற்சாக வரவேற்பு
பஹ்ரைன் நாட்டில் நவ.23 -நவ.27 வரை நடந்த உலக அளவிலான 1-வது பாரா டேக்வாண்டோ சாம்பியன்ஷிப் போட்டியில், சேலத்தைச் சேர்ந்த 8 பேர் உள்பட தமிழ்நாடு அணி சார்பில் 14 பேர் கலந்து கொண்டு, சிறப்பாக விளையாடி 7 பதக்கங்களை வென்றனர். இதில் சேலத்தைச் சேர்ந்த 5 வீரர்கள் 1 தங்கம், 2 வெள்ளி, 2 வெண்கலப் பதக்கங்களை வென்றனர். இந்நிலையில் இன்று ஊர் திரும்பிய வீரர்களுக்கு ரயில் நிலையத்தில் உற்சாக வரவேற்பு அளிக்கப்பட்டது.
News November 29, 2024
சேலம்: 200 சிறப்பு பேருந்துகள் இயக்கம்
சேலம் கோட்டம் சார்பில் வார இறுதி நாட்கள் மற்றும் பண்டிகை நாட்களில் சிறப்பு பஸ்கள் இயக்கப்பட்டு வருகின்றன. அந்த வகையில், வார இறுதி நாட்களை முன்னிட்டு சேலம் கோட்ட அரசு போக்குவரத்துக்கழகம் சார்பில் பல்வேறு வழித்தடங்களில் இன்று முதல் 2ஆம் தேதி வரை முக்கிய நகரங்களுக்கு 200 சிறப்பு பஸ்கள் இயக்கப்பட உள்ளன. சேலம் பஸ் நிலையங்களில் இருந்து முக்கிய ஊர்களுக்கு இந்த சிறப்பு பஸ்கள் இயக்கப்படுகின்றன.
News November 29, 2024
சேலம் மாவட்டத்தில் இன்று கடைகள் அடைப்பு
வணிக பயன்பாட்டுக்கு உள்ள கட்டடங்களுக்கு கொடுக்கும் வாடகையில் 18% ஜி.எஸ்.டி. வரி விதிக்கப்பட்டுள்ளது. அந்த வரியைத் திரும்பப் பெறக்கோரி, சேலம் மாவட்டத்தில் இன்று (நவ.29) முழு நேர கடையடைப்புப் போராட்டம் நடக்கிறது. இதற்கு மாவட்டத்தின் பல்வேறு வணிகர் சங்கங்கள் ஆதரவுத் தெரிவித்துள்ளன. தமிழகத்தில் பெரும்பாலான மாவட்டங்களிலும் இன்று கடையடைப்பு நடைபெறுகிறது என்பது குறிப்பிடத்தக்கது.
News November 29, 2024
சேலம் வழியாக செல்லும் ரயிலில் எல்எச்பி பெட்டிகள்
பயணிகளின் பாதுகாப்பை மேம்படுத்தவும், வசதியான பயணத்தை உறுதி செய்யவும், சேலம் வழியாக இயக்கப்படும் எம்ஜிஆர் சென்னை சென்ட்ரல் – மேட்டுப்பாளையம், நீலகிரி சூப்பர்பாஸ்ட் எக்ஸ்பிரஸ் ரயிலில் (12671/ 12672) எல்.எச்.பி. என்னும் நவீன பெட்டிகளாக மாற்றம் செய்யப்படும் என்றும், வரும் மார்ச் 3ஆம் தேதி நடைமுறைக்கு வரும் என்றும் அறிவிக்கப்பட்டுள்ளது. இந்த ரயில் சேலம் ரயில் நிலையத்தில் 3 நிமிடங்கள் நின்று செல்லும்.
News November 29, 2024
11 நாட்கள் நடைபெறும் சேலம் புத்தக கண்காட்சி
சேலத்தில் நாளை முதல் புத்தகக் கண்காட்சி துவங்குகிறது. இந்த கண்காட்சி வருகின்ற (9.12.24) வரை 11 நாட்கள் நடைபெறுகிறது. 11 நாட்களும் கருத்தரங்கம், பயிலரங்கம், ஆவண படங்கள் குறித்த அட்டவணைகளும், இந்நிகழ்ச்சியில் கலந்து கொள்ளும் சிறப்பு விருந்தினர்கள் பெயர்களும் மாவட்ட நிர்வாகத்தின் சார்பில் வெளியிடப்பட்டுள்ளன. அதன்படி பிரபல எழுத்தாளர்களும் கலந்து கொள்ள உள்ளனர் என்பது குறிப்பிடத்தக்கது.
News November 28, 2024
அதிமுக புறநகர், மாநகர் கள ஆய்வு கூட்டம்
சேலம் மாவட்டம் ஓமலூர் பகுதியில் உள்ள அதிமுக மாவட்ட அலுவலகத்தில், நாளை மாவட்ட கள ஆய்வு கூட்டம் நடைபெறுகிறது. மாவட்ட செயலாளர்கள் இளங்கோவன் வெங்கடாசலம் தலைமையில் நடைபெறும் கூட்டத்தில், சிறப்பு அழைப்பாளராக அதிமுக பொதுச் செயலாளர் எடப்பாடி பழனிசாமி கலந்து கொள்கிறார். மேலும், முன்னாள் அமைச்சர்கள் திண்டுக்கல் சீனிவாசன், தங்கமணி ஆகியோர் கலந்து கொள்வதாக சேலம் அதிமுக சார்பில் இன்று தெரிவிக்கப்பட்டுள்ளது.
News November 28, 2024
சேலத்தில் இன்றைய இரவு ரோந்து அலுவலர்கள் விவரம்
சேலம் மாநகரில் இரவு நேரங்களில் குற்றச்செயல்கள் நடக்காமல் இருக்கவும் அசம்பாவிதங்களை தவிர்க்கவும், மாநகர காவல்துறை பல்வேறு நடவடிக்கைகளை எடுத்து வருகிறது. அதன்படி, மாநகர காவல் துறை காவல் நிலைய எல்லைக்குட்பட்ட பகுதிகளில், அந்தந்த காவல் அதிகாரிகள் இரவு ரோந்து பணியில் ஈடுபட்டு வருகின்றனர். இந்நிலையில் இன்றைய (நவம்பர் 28) இரவு ரோந்து அதிகாரிகளின் விவரம் வெளியிடப்பட்டது.
News November 28, 2024
மத்திய அமைச்சருடன் தமிழக அமைச்சர் சந்திப்பு
சேலம் வடக்கு தொகுதி எம்.எல்.ஏ.வும், தமிழ்நாடு சுற்றுலாத்துறை அமைச்சருமான ராஜேந்திரன் இன்று (நவ.28) டெல்லியில் மத்திய கலாச்சாரத்துறை அமைச்சர் கஜேந்திர சிங் செகாவத்தை நேரில் சந்தித்து, சுற்றுலாத்துறை சார்ந்த கோரிக்கைகள் அடங்கிய மனுவை வழங்கினார். இச்சந்திப்பின் போது, தமிழ்நாடு அரசின் சிறப்பு பிரதிநிதி ஏ.கே.எஸ்.விஜயன், தி.மு.க. எம்.பி. திருச்சி சிவா, தமிழ்நாடு அரசு அதிகாரிகள் உடனிருந்தனர்.
Featured News
Sorry, no posts matched your criteria.