India's largestHyperlocal short
news App
Get daily news updates that are tailored for you based on your preferred language & location.
download Way2News app now
Salem
News December 13, 2024
சேலத்தில் பெய்த மழை அளவு
நேற்று காலை 6 மணி முதல் இன்று காலை 6 மணி வரை சேலம் மாவட்டத்தில் பெய்த மழையின் அளவு குறித்து சேலம் மாவட்ட நிர்வாகம் சார்பில் அறிவிக்கப்பட்டுள்ளது. அதன்படி அதிகபட்சமாக ஆத்தூர் 67.6 மில்லி மீட்டர் மழையும், ஓமலூர் 14 மில்லி மீட்டர் மழையும் பதிவாகி உள்ளது. சேலம் சுற்று வட்டாரங்களான கொண்டநாயக்கம்பட்டி, அஸ்தம்பட்டி மாநகரம் உள்ளிட்ட அனைத்து பகுதிகளிலும் மழை தொடர்ந்து பெய்து கொண்டே இருக்கிறது.
News December 13, 2024
பள்ளிகளுக்கு மட்டும் இன்று விடுமுறை
கனமழை எச்சரிக்கை காரணமாக சேலம் மாவட்டத்தில் உள்ள பள்ளிகளுக்கு மட்டும் இன்று (டிச.13) விடுமுறை அளிக்கப்பட்டுள்ளது. வங்கக்கடலில் நிலை கொண்டுள்ள காற்றழுத்த தாழ்வு மண்டலம் காரணமாக, சேலம் மாவட்டத்தில் கடந்த 2 நாட்களாக கனமழை பெய்து வருகிறது. இதையடுத்து, வானிலை ஆய்வு மைய எச்சரிக்கையை கருத்தில் கொண்டு, பள்ளிகளுக்கு மட்டும் இன்று விடுமுறை அளித்து ஆட்சியர் உத்தரவிட்டுள்ளார். ஷேர் பண்ணுங்க
News December 13, 2024
சேலம் இரவு ரோந்து அதிகாரிகள் விவரம்
சேலம் மாவட்டத்தில் இரவு நேரங்களில் குற்ற செயல்கள் நடக்காமல் இருக்கவும், அசம்பாவிதங்களை தவிர்க்கவும், சேலம் மாவட்ட காவல்துறை, பல்வேறு நடவடிக்கைகளை எடுத்து வருகிறது. காவல்துறை உட்கோட்டத்திற்குட்பட்ட சேலம் ஊரகம், சங்ககிரி, ஆத்தூர், ஓமலூர், மேட்டூர், வாழப்பாடி, உட்பட்ட பகுதிகளில் காவல் அதிகாரிகள் ரோந்து பணியில் ஈடுபட்டு வருகின்றனர். இன்று இரவு ரோந்து அதிகாரிகள் விவரம் வெளியிடப்பட்டுள்ளது.
News December 12, 2024
சேலம் வழியாக செல்லும் முக்கிய ரயில் ரத்து!
சேலம் வழியாக இயக்கப்படும் தன்பாத்- கோவை வாராந்திர சிறப்பு ரயில் (03325) டிச.18 முதல் டிச.25 வரையிலும், கோவை- தன்பாத் வாராந்திர சிறப்பு ரயில் (03326) டிச.21 முதல் டிச.28 வரையிலும் ரத்துச் செய்யப்பட்டுள்ளது. ஏற்கனவே முன்பதிவு செய்துள்ள பயணிகளுக்கு கட்டணம் திருப்பி வழங்கப்படும். பயணிகள் மாற்று ரயில்களைப் பயன்படுத்தி கொள்ளுமாறு அழைப்பு விடுக்கப்பட்டுள்ளது.
News December 12, 2024
சேலம் அரசு பொறியியல் கல்லூரியில் ஏ.ஐ. ஆய்வகம்
தமிழ்நாட்டில் 11 அரசு பொறியியல் கல்லூரிகளில் ஆய்வகங்களை அமைக்க ரூபாய் 12.30 கோடி ஒதுக்கீடு செய்யப்பட்டு, அதற்கான அரசாணை வெளியிடப்பட்டுள்ளதாக உயர்கல்வித்துறை கோவி.செழியன் தெரிவித்துள்ளார். இதில் சேலம் அரசு பொறியியல் கல்லூரியில் ரூபாய் 1.31 கோடி மதிப்பீட்டில் செயற்கை நுண்ணறிவு மற்றும் எந்திரனியல் ஆய்வகம் அமையவுள்ளது.
News December 12, 2024
சேலம்: 33 ஆண்டுகளுக்கு பின் மீண்டும் ‘தளபதி’
நடிகர் ரஜினிகாந்த் இன்று அவரது 74வது பிறந்தநாளை கொண்டாடுகிறார். இந்நிலையை, 33 ஆண்டுகளுக்கு பிறகு இன்று (டிச.12) மீண்டும் ‘தளபதி’ திரைப்படம், சேலம் ஆஸ்கர் திரையரங்கத்தில் வெளியானது. இந்த திரைப்படத்தைக் காண வந்த ரஜினி ரசிகர்களுக்கு, இனிப்புகள் வழங்கப்பட்டது. இந்நிகழ்ச்சியில் ரஜினி தலைமை நற்பணி மன்றத்தின் நிர்வாகிகள், ரசிகர்கள் கலந்து கொண்டனர்.
News December 12, 2024
சேலம் மாம்பழத்துக்கு புவிசார் குறியீடு வேண்டும்
டெல்லியில் நேற்று (டிச.11) மத்திய வர்த்தகம், தொழில்துறை அமைச்சர் பியூஷ் கோயலை நேரில் சந்தித்த மயிலாடுதுறை எம்.பி. சுதா, கும்பகோணம் வெற்றிலை, வீரமான்குடி அச்சுவெல்லம், பேராவூரணி தேங்காய், சேலம் மாம்பழம், தூத்துக்குடி மக்ரூன் உள்ளிட்ட பொருட்களுக்கு புவிசார் குறியீடு பெறுவதற்கான கோரிக்கை நீண்ட நாட்கள் நிலுவையில் இருப்பதை நினைவூட்டி மனு அளித்தார்.
News December 12, 2024
சேலத்திலும் தேர்வுகள் ஒத்திவைப்பு
தொடர் மழையின் காரணமாக தமிழகத்தின் பல பகுதிகளில் பள்ளி கல்லூரிகளுக்கு விடுமுறை விடப்பட்டுள்ளது. அதன்படி சேலம் மாவட்டத்திலும் பள்ளிகளுக்கு விடுமுறை விடப்பட்டுள்ளது. அரசு உத்தரவின்படி நடைபெறவிருந்த அரையாண்டு பொதுத் தேர்வுகள் அரசு அறிவிக்கும் மறு தேதியில் நடைபெறும் என்று மாவட்ட கல்வி அலுவலர் கபீர் தெரிவித்துள்ளார்.
News December 12, 2024
மழையால் மக்கள் சந்திப்பு முகாம் ஒத்திவைப்பு
சேலம், ஆத்தூர் வட்டம் கொத்தாம்பாடி கிராமத்தில் தமிழக அரசு உத்தரவின்படி மக்கள் சந்திப்பு முகாம் இன்று வியாழக்கிழமை நடைபெறும் என்று அறிவிக்கப்பட்டிருந்தது. ஆனால் தொடர் மழையின் காரணமாக மக்களுக்கு சிரமம் ஏற்படும் என்பதால் அந்த முகாமானது மறு தேதி குறிப்பிடாமல் ஒத்திவைக்கப்பட்டுள்ளது என்று மாவட்ட நிர்வாக சார்பில் அறிவிக்கப்பட்டது.
News December 12, 2024
சேலம் மாவட்ட பள்ளிகளுக்கு விடுமுறை
சேலம் மாவட்டத்தில் பெய்து வரும் தொடர் கனமழையின் காரணமாக இன்று (டிச.12) பள்ளிகளுக்கு விடுமுறை அறிவித்து ஆட்சியர் உத்தரவிட்டுள்ளார். தமிழகத்தில் பெய்து வரும் தொடர் கனமழை காரணமாக தஞ்சை, மயிலாடுதுறை, புதுக்கோட்டையை தொடர்ந்து சேலம் மாவட்ட பள்ளிகளுக்கு இன்று விடுமுறை அறிவிக்கப்பட்டுள்ளது. எனவே மக்கள் அனைவரும் எச்சரிக்கையுடன் இருக்கும்படி அறிவுறுத்தப்படுகிறது. ஷேர் செய்யவும்
Featured News
Sorry, no posts matched your criteria.