India's largestHyperlocal short
news App
Get daily news updates that are tailored for you based on your preferred language & location.
download Way2News app now
Salem
News February 28, 2025
சேலம் மாவட்டத்தில் மக்கள் நீதிமன்றம்
சேலம் மாவட்ட முதன்மை நீதிபதி சுமதி வெளியிட்டுள்ள அறிக்கையில், சேலம் ஒருங்கிணைந்த நீதிமன்ற வளாகம், சங்ககிரி, ஆத்தூர், மேட்டூர், ஓமலூர், இடைப்பாடி, வாழப்பாடி, ஏற்காடு நீதிமன்றங்களில், 2025ஆம் ஆண்டின் முதல் தேசிய மக்கள் நீதிமன்றம் மார்ச் 8ல் நடக்க உள்ளது. இது நீதிமன்றங்களில் நிலுவையில் உள்ள வழக்குகளை, விரைவாக, சமரச முறையில் தீர்வு காண உதவுகிறது.
News February 28, 2025
ரயில் சேவை நீட்டிப்பு
சேலம் வழியே இயக்கப்படும் சாம்பல்பூர்- ஈரோடு வாராந்திர சிறப்பு ரயில் (08311), ஈரோடு- சாம்பல்பூர் வாராந்திர சிறப்பு ரயில் (08312) சேவை வரும் மார்ச் முதல் வாரத்துடன் முடியவிருந்த நிலையில் மேலும் 2 மாதத்திற்கு அதாவது ஏப்ரல் கடைசி வரை நீட்டித்து ரயில்வே நிர்வாகம் அறிவித்துள்ளது. இந்த ரயில் சேலம் ரயில் நிலையத்தில் 3 நிமிடங்கள் நின்றுச் செல்லும் எனத் தெரிவிக்கப்பட்டுள்ளது.
News February 28, 2025
“நம்ம ஊர், நம்ம கோவில்”
வெண்ணங்கொடி முனியப்பன் சேலத்தின் காவல் தெய்வம் என்பார்கள். வெண்ணங்கொடி என்ற ஒரு வகை மரக்கொடி படர்ந்த பகுதியில் அமர்ந்து பக்தர்களுக்கு அருள்பாலிப்பதால் அப்பெயர் வந்தது. இக்கோவிலில் இன்னொரு அபூர்வ நம்பிக்கையுள்ளது. இக்கோவிலில் வேல் விளங்கு என்ற சிறிய இரும்புக் கம்பியைக் கொண்டு சாமிக்கு பூஜை செய்தால் தீய சக்திகள் விலங்கும் என்பது நம்பிக்கை. 24 மணி நேரமும் கோவில் திறந்து இருக்கும்.
News February 28, 2025
சிறப்பு பேருந்துகள் இயக்கம்
வார இறுதி நாட்கள், வளர்பிறை முகூர்த்தத்தினங்களை முன்னிட்டு அரசுப் போக்குவரத்துக் கழகத்தின் சேலம் கோட்டம் சார்பில் இன்று (பிப்.28) முதல் மார்ச் 03- ஆம் தேதி வரை 250 சிறப்பு பேருந்துகள் இயக்கப்படவுள்ளன. சேலத்தில் இருந்து சென்னை, பெங்களூரு, ஓசூரு, கோவை, திருப்பூர், திருவண்ணாமலை போன்ற நகரங்களுக்கும், மேற்கண்ட நகரங்களில் இருந்து சேலத்திற்கும் சிறப்பு பேருந்துகள் இயக்கப்படுகின்றன.
News February 28, 2025
சிறுமிக்கு பாலியல் தொல்லை: 10 ஆண்டு சிறை
சேலம், அன்னதானப்பட்டி பகுதியில் உள்ள மளிகை கடைக்கு வேலைக்கு சென்ற 17வயது சிறுமியை ஆசை வார்த்தை கூறி பாலியல் தொல்லை கொடுத்த கணேஷ் என்ற வாலிபர் போலீசார் கைது செய்தனர். இவ்வழக்கு சேலம் போக்சோ சிறப்பு நீதிமன்றத்தில் நேற்றது நடந்தது. அதில், 10 ஆண்டு சிறை தண்டனை விதித்து நீதிமன்றம் தீர்ப்பு வழங்கியது.
News February 28, 2025
ஆசிரியர்கள் மீது ஒழுங்கு நடவடிக்கை
ஆத்துாரில் மாணவிக்கு, 3 மாணவர்கள் பாலியல் தொல்லை கொடுத்தனர். இதுகுறித்து போலீசார் வழக்குப்பதிந்து, 3 பேரை கைது செய்தனர். இவ்விவகாரத்தை மறைத்ததாக, HM முத்துராமன், ஆசிரியை பானுப்ரியா, ஆசிரியர் ராஜேந்திரன் மீது நடவடிக்கை எடுக்க, மாவட்ட கல்வி அலுவலர் பரிந்துரைத்தார். அதன்படி முத்துராமன், பானுப்பிரியா பணியிடம் மாற்றப்பட்டனர். ராஜேந்திரன் மீது, ’17பி’ விதிமுறையில், ஒழுங்கு நடவடிக்கை எடுக்கப்பட்டுள்ளது.
News February 28, 2025
சேலம் இன்றைய முக்கிய நிகழ்வுகள்
சேலம் (பிப்.28) இன்றைய முக்கிய நிகழ்வுகள். 1)காலை 9:30 மணி மறைந்த முன்னாள் முதல்வர் ஜெயலலிதா பிறந்தநாளையொட்டி ரத்ததான முகாம். 2) காலை 10 மணி கொண்டப்பநாயக்கன்பட்டி ஊராட்சி ஒன்றிய பள்ளியில் அறிவியல் தினம் கொண்டாட்டம். 3)காலை 10 மணி விவேகானந்தா மருத்துவமனையில் இலவச காது மூக்கு தொண்டை பரிசோதனை முகாம் நடைபெறவுள்ளது.
News February 28, 2025
சேலம் மாவட்ட இரவு ரோந்து போலீசார் விவரம் வெளியீடு
சேலம் ஊரகம், வாழப்பாடி, ஆத்தூர், தலைவாசல், கருமந்துறை, எடப்பாடி, சங்ககிரி, ஓமலூர்,மேட்டூர் ஆகிய பகுதிகளில் இரவு நேரங்களில் குற்றச்செயல்கள் நடக்காமல் தடுத்திடவும், இயற்கை இடர்பாடுகளில் சிக்கும் பொது மக்களை காத்திடவும், அந்தந்த பகுதியில் உள்ள காவல்துறை அதிகாரிகள் இரவு நேரங்களில் முழு ரோந்து பணியில் ஈடுபடுவது வழக்கம். அதன்படி இன்று பிப்ரவரி 27 இரவு பணியில் ஈடுபடும் அதிகாரிகள் குறித்த விவரங்கள்.
News February 27, 2025
சேலம் ரயில்வே கோட்டத்தின் அறிவிப்பு
ரயில் தண்டவாளத்தில் பராமரிப்புப் பணிகள் காரணமாக, திருச்சி- பாலக்காடு டவுன் எக்ஸ்பிரஸ் ரயில் (16843) வரும் மார்ச் 01- ஆம் தேதி மதியம் 01.00 மணிக்கு புறப்பட்டு இருகூர் வரை மட்டுமே இயக்கப்படும். பராமரிப்பு பணிகள் நிறைவடைந்ததும் இருகூர் முதல் பாலக்காடு டவுன் வரை இயக்கப்படும் என சேலம் ரயில்வே கோட்டம் தனது அதிகாரப்பூர்வ ட்விட்டர் பக்கத்தில் அறிவித்துள்ளது.
News February 27, 2025
“விதிகளை மீறி முந்திச் செல்ல வேண்டாம்” போலீசார் அறிவுறை
சேலம் மாவட்ட காவல்துறை சார்பாக தினமும் விழிப்புணர்வு புகைப்படம் வெளியிடப்பட்டு வருகிறது. அந்த வகையில், இன்று (பிப். 27) விதிகளை மீறி ஆபத்தான முறையில் வாகனங்களை முந்திச் செல்ல வேண்டாம். சாலை விதிகளை மதிப்பீர், என்ற வாசகம் பொருந்திய விழிப்புணர்வு புகைப்படத்தை காவல் துறை சார்பாக தனது சமூக வலைதளப் பக்கத்தில் வெளியிடப்பட்டுள்ளது.
Featured News
Sorry, no posts matched your criteria.