• Download our app

Ramanathapuram

News April 17, 2024

குப்பை வண்டியில் மதுபானம் கடத்திய இருவர் கைது

image

ராமநாதபுரம் கிழக்கு கடற்கரை சாலையில் கேணிக்கரை போலீசார் இன்று வாகன சோதனையில் ஈடுபட்டிருந்தனர். அந்த வழியாக வந்த பட்டினம்காத்தான் ஊராட்சி குப்பை வண்டியை சோதனையிட்டனர். அதில் 60 மது பாட்டில்கள் பதுக்கி வைத்து இருந்தது தெரிந்தது. அதை பறிமுதல் செய்த போலீசார் ஊராட்சி தற்காலிக பணியாளர்கள் சக்கரக்கோட்டை மேல சோத்தூரணி முனீஸ்வரன் (33), டிரைவர் மகாத்மா காந்தி நகர் மதன்ராஜ் (33) ஆகியோரை கைது செய்தனர்.

News April 16, 2024

ராம்நாடு: அடுத்த 3 மணி நேரத்திற்கு மழைக்கு வாய்ப்பு

image

தமிழகத்தில் நாளுக்கு நாள் வெயிலின் தாக்கம் அதிகரித்து வருகிறது. இந்த நிலையில், ராமநாதபுரம், திருநெல்வேலி, தென்காசி, மற்றும் கன்னியாகுமரி ஆகிய மாவட்டங்களில் அடுத்த 3 மணி நேரத்திற்கு (இன்று மாலை 7 மணி வரை) லேசானது முதல் மிதமான மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

News April 16, 2024

ஓபிஎஸ்ஸுக்கு ஆதரவு திரட்டிய ஜே.பி.நட்டா!

image

ராமநாதபுரம் மக்களவைத் தொகுதியில் பாஜக தலைமையிலான தேசிய ஜனநாயகக் கூட்டணி சார்பில் சுயேச்சை வேட்பாளராகப் போட்டியிடும் முன்னாள் முதலமைச்சர் ஓ.பன்னீர்செல்வத்தை ஆதரித்து பாஜக தேசிய தலைவர் ஜே.பி.நட்டா பரமக்குடியில் இன்று (ஏப்ரல் 16) பிரச்சாரம் மேற்கொண்டார். பாஜக மாவட்ட தலைவர் தரணி முருகேசன், மாநில பாஜக செயற்குழு உறுப்பினர் கதிரவன் உள்ளிட்டோர் உடனிருந்தனர்.

News April 16, 2024

OPS-க்கு வேல் வழங்கி வரவேற்ற கவுன்சிலர்

image

ராமநாதபுரம் நாடாளுமன்ற தொகுதியில் பாஜக தலைமையிலான தேசிய ஜனநாயகக் கூட்டணி சார்பில் சுயேச்சை வேட்பாளராகப் போட்டியிடும் முன்னாள் முதலமைச்சர் ஓ.பன்னீர்செல்வம் நேற்று (ஏப்ரல் 15) ராமநாதபுரம் அரண்மனை முன்பு தீவிர வாக்கு சேகரிப்பில் ஈடுபட்டார். அப்போது அவருக்கு அமமுக மாவட்ட வர்த்தக அணி செயலாளர் டாக்டர் ஜே.ஆர்.பி.மணிகண்டன், அமமுக நகராட்சி கவுன்சிலர் தனபாண்டியம்மாள் ஆகியோர் வேல் வழங்கி வரவேற்பளித்தனர்.

News April 16, 2024

ஜே.பி.நட்டாவை வரவேற்ற ஓபிஎஸ்

image

ராமநாதபுரம் பாராளுமன்ற தொகுதியில் தேசிய ஜனநாயக கூட்டணியில் போட்டியிடும் முன்னாள் முதலமைச்சர் ஓ.பன்னீர்செல்வத்தை ஆதரித்து இன்று பரமக்குடியில் பாஜக தேசிய தலைவர் ஜே.பி.நட்டா ஹெலிகாப்டர் மூலம் வருகை தந்தார். அவரை முன்னாள் முதலமைச்சர் ஓ.பன்னீர்செல்வம் சால்வை அணிவித்து வரவேற்றார். உடன் பாஜக மாவட்ட தலைவர் தரணி முருகேசன் மற்றும் கட்சி நிர்வாகிகள் இருந்தனர்.

News April 16, 2024

ராமநாதபுரம்: திராட்சை பன்னீர்செல்வம் மீது வழக்கு

image

ராமநாதபுரம் தொகுதியில் சுயேச்சை வேட்பாளராகப் போட்டியிடும் மதுரை சோலை அழகுபுரத்தைச் சேர்ந்த ஒய்யா என்பவரது மகன் பன்னீர்செல்வத்திற்கு ஆதரவாக தேவிபட்டினம் ரோட்டில் அனுமதியின்றி சுவரொட்டிகள் ஒட்டியிருந்தனர். சுவரொட்டிகளை அகற்றிய தேர்தல் பறக்கும் படை அலுவலர் ஸ்ரீதரன் மாணிக்கம் கேணிக்கரை போலீசில் புகாரளித்தார். சப் இன்ஸ்பெக்டர் தினேஷ் பாபு தலைமையிலான போலீசார் வழக்குப்பதிந்து விசாரித்து வருகின்றனர்.

News April 16, 2024

ராமநாதபுரத்தில் அடுத்த 3 மணிநேரத்தில் மழை

image

ராமநாதபுரம் உள்ளிட்ட சில மாவட்டங்களில் அடுத்த 3 மணி நேரத்தில் இடி, மின்னலுடன் கூடிய கனமழை பெய்யும் என சென்னை வானிலை ஆய்வு மையம் சற்றுமுன் அறிவித்துள்ளது. எனவே பொதுமக்கள் முன்னெச்சரிக்கையுடன் பாதுகாப்பாக இருக்கும்படி கேட்டுக்கொள்ளப்பட்டுள்ளது. சில இடங்களில் மழைநீர் தேங்கி போக்குவரத்து பாதிக்கப்படலாம் எனத் தெரிவிக்கப்பட்டுள்ளது.

News April 15, 2024

ராம்நாடு மாவட்ட ஆட்சியர் ஆய்வு

image

ராமநாதபுரம் பாராளுமன்ற தொகுதிக்குட்பட்ட முதுகுளத்தூர் சோனை மீனாள் கலை மற்றும் அறிவியல் கல்லூரியில் இன்று (15.04.2024) மூன்றாம் கட்ட பயிற்சியினை மாவட்ட தேர்தல் அலுவலர்/ மாவட்ட ஆட்சித்தலைவர் விஷ்ணு சந்திரன் பார்வையிட்டு ஆய்வு செய்தார். அப்போது தேர்தலில் அனைவரும் சிறப்பாக பணிகள் மேற்கொள்ள வேண்டும் என அறிவுறுத்தினார்.

News April 15, 2024

அரசு பேருந்தில் ரூ.10 லட்சம் பறிமுதல்

image

ராமநாதபுரம் மாவட்டம் மண்டபம் அருகே உள்ள குஞ்சார்வலசை போலீஸ் செக்போஸ்டில், தேர்தல் கண்காணிப்பு குழு அதிகாரி கீழக்கரை குடிமைப் பொருள் தாசில்தார் ராமமூர்த்தி தலைமையிலான குழுவினர், இன்று வாகன சோதனையில் ஈடுபட்டனர். அப்போது திருச்சி – ராமேஸ்வரம் சென்ற அரசு பேருந்தை சோதனை செய்ததில், தெற்கு அந்தமான் போர்ட்பிளேரை சேர்ந்த சக்திவேல் உரிய ஆவணமின்றி எடுத்து வந்த 10 லட்சம் ரூபாய் பறிமுதல் செய்தனர்.

News April 15, 2024

வாக்கு எண்ணும் மையத்தில் 250 கேமராக்கள்

image

ராமநாதபுரம் பாராளுமன்ற தொகுதியில் பதிவாகும் வாக்குகள் அண்ணா பல்கலை. பொறியியல் கல்லூரியில் வைத்து எண்ணப்படுகின்றன. இதற்காக ஏப்ரல் 19ஆம் தேதி வாக்குப்பதிவு முடிந்தவுடன் வாக்குப்பதிவு எந்திரங்கள் அனைத்தும் பொறியியல் கல்லூரி வளாகத்தில் வைக்கப்பட உள்ளன. இதை ஒட்டி பலத்த பாதுகாப்பு ஏற்பாடுகள் செய்யும் வகையில் பல்கலைக்கழக வளாகம் முழுவதும் 250-க்கும் மேற்பட்ட கேமராக்கள் பொருத்தம் பணி நடைபெற்றுவருகிறது.

Featured News

Sorry, no posts matched your criteria.

↑