India's largestHyperlocal short
news App
Get daily news updates that are tailored for you based on your preferred language & location.
download Way2News app now
Pondicherry
News April 8, 2024
மீனவர்கள் 5-வது நாளாக வேலைநிறுத்தம்
இலங்கை சிறையில் உள்ள இரண்டு காரைக்கால் விசைப்படகு ஓட்டுனர்கள் (ம) தங்களின் விசைப்படகை விடுதலை செய்ய மத்திய மாநில அரசுகளை வலியுறுத்தி தொடர் வேலை நிறுத்த போராட்டத்தில் காரைக்கால் மாவட்ட மீனவர்கள் கடந்த 4ஆம் தேதி முதல் அறிவித்து வேலை நிறுத்த போராட்டத்தில் ஈடுபட்டு இன்றுடன் 5ஆம் நாள் வேலை நிறுத்த போராட்டத்தில் ஈடுபட்டுள்ளனர். இதனால் மீனவர்கள் படகுகளை பாதுகாப்பாக துறைமுகத்தில் நிறுத்தி வைத்துள்ளனர்.
News April 8, 2024
புதுச்சேரியில் பசுமை ஓட்டுச்சாவடி
புதுச்சேரியில் முழுக்க முழுக்க ஒரு ஓட்டுச்சாவடி பசுமை ஓட்டுச்சாவடியாக செயல்பட உள்ளது. இந்த பசுமை ஓட்டுச்சாவடி புதுச்சேரி மிஷன் வீதியில் உள்ள 138 ஆண்டுகள் பழமை வாய்ந்த ஹெரிட்டேஜ் கட்டிடமான வ.உ.சி., அரசு மேல்நிலைப்பள்ளியில் அமைக்கப்பட உள்ளது. ஓட்டுச்சாவடி வாயிலில் வாழை மரங்கள், இளநீர் கட்டப்பட்டு, பச்சை மா, தென்னங்கீற்று பந்தல், தோரணங்கள் கட்டப்படுகிறது.
News April 8, 2024
40 லிட்டர் சாராயம் பறிமுதல்: போலீஸ் விசாரணை
திருபுவனை சப்-இன்ஸ்பெக்டர் இளங்கோ தலைமையிலான போலீசார் நேற்று கலிதீர்த்தாள்குப்பம் திருபுவனை சாலையில் இன்று ரோந்து பணியில் ஈடுபட்டனர். அப்போது அங்குள்ள சுடுகாடு அருகே 20 லிட்டர் கொள்ளளவு கொண்ட 2 கேன்களில் 40 லிட்டர் சாராயம் இருந்தது. அதனை போலீசார் பறிமுதல் செய்தனர். மேலும், விற்பனை செய்ய சாராயம் பதுக்கி வைத்திருந்தது தெரியவந்தது. இதுகுறித்து போலீசார் விசாரணை செய்து வருகின்றனர்.
News April 8, 2024
தெரு நாய்கள் விஷம் வைத்து கொலை
புதுச்சேரி, அரியாங்குப்பம், மணவெளி பகுதியில் 10-க்கும் மேற்பட்ட தெரு நாய்கள் விஷம் வைத்து கொல்லப்பட்டுள்ளன. இந்த கொடூரச் செயலை செய்த நபர்கள் மீது கடும் நடவடிக்கை எடுக்க வலியுறுத்தி, வாய்ஸ் பார் வாய்ஸ்லஸ் அமைப்பு சார்பாக அரியாங்குப்பம் காவல் நிலையத்தில் புகார் கொடுக்கப்பட்டுள்ளது.
தினமும் உணவு அளித்து அந்த பகுதி மக்கள் நாய்களின் நிலை அறிந்து பெரும் துயரத்தில் ஆழ்ந்ததுள்ளனர்.
News April 8, 2024
புதுச்சேரி அருகே கோயிலில் கைவரிசை
புதுச்சேரி, நெட்டப்பாக்கம் அருகே பர்வதவர்த்தினி உடனுறை ராமலிங்கேஸ்வரர் கோயில் உள்ளது. இந்த கோயிலில் நேற்று முன்தினம்(ஏப்.6) அன்று பிரதோஷ பூஜைகள் நடைபெற்றது. இதை தொடர்ந்து, கோயில் காவலாளி வெளிப்புறக்கதவை திறந்து வைத்து சென்றுள்ளார். மறுநாள் காலை அரச்சகர் பூஜை செய்ய வந்தபோது அம்மன் கழுத்தில் இருந்த தங்க தாலி மாயமாகியிருந்தது. இது குறித்த புகாரில் பேரில் போலீசார் விசாரித்து வருகின்றனர்.
News April 8, 2024
வாக்குப்பதிவை வலியுறுத்தி விழிப்புணர்வு மாரத்தான்
புதுச்சேரி தொழில்நுட்ப பல்கலைக்கழகத்தின் போதைப்பொருள் தடுப்பு பிரிவு, நாட்டு நலப்பணித்திட்டம் சார்பில் ‘100 சதவீதம் வாக்குப்பதிவை உறுதி செய்வோம் மற்றும் போதைப்பொருள் உபயோகத்தை தவிர்ப்போம்’ என்ற தலைப்பில் விழிப்புணர்வு மாரத்தான் போட்டி கடற்கரை சாலையில் நேற்று (7-4-2024) நடைபெற்றது. இந்த போட்டியை தொழில்நுட்ப பல்கலைக்கழக துணைவேந்தர் மோகன் தொடங்கி வைத்தார். இதில் 500-க்கும் மேற்பட்டோர் கலந்துகொண்டனர்.
News April 7, 2024
புதுவை வன்னியர் பாதுகாப்பு பேரியக்கம் சார்பில் கூட்டம்
புதுவை வன்னியர் பாதுகாப்பு பேரியக்கம் சார்பில் அறிமுக கூட்டம் வில்லியனுர் கோபால்சாமி நாயக்கர் தனியார் திருமண மண்டபத்தில் இன்று நடந்தது. இந்நிகழ்ச்சியில் பாராளுமன்ற உறுப்பினர் நமச்சிவாயம் கலந்து கொண்டு தாமரை சின்னத்தில் வாக்களிக்குமாறு கேட்டுக் கொண்டார். முன்னதாக இயக்கத்தின் நிறுவனர் செந்தில் கவுண்டர் தனது ஆதரவை நமச்சிவாயத்திற்கு தெரிவித்தார்.
News April 7, 2024
புதுவையில் ரேஷன் கடைகளை மூடியது திமுக
புதுவை தொகுதியில் போட்டியிடும் அதிமுக வேட்பாளர் தமிழ்வேந்தனை ஆதரித்து இன்று அரியாங்குப்பத்தில் அதிமுக செயலாளர் அன்பழகன் பிரச்சாரம் செய்தார். அப்போது பேசிய அவர், புதுவையில் ரேஷன் கடைகளை கடந்த திமுக, காங் கூட்டணி முதல்வர் நாராயணசாமி மூடினார். பாஜக ஆட்சிக்கு வந்த பிறகு 3 ஆண்டுகளாக ரேஷன் கடைகளை திறக்கவில்லை. ரேஷன் கடை திறப்பதில் தேசிய கட்சிகளும் உலக மகா பொய்யை கூறி கொண்டிருக்கிறது என்று பேசினார்.
News April 7, 2024
புதுவையில் கணவனை கொன்ற மனைவி
கோரிமேடைச் சேர்ந்த பாஸ்கர், அவருக்கு நெஞ்சுவலி என மனைவி ஷர்மிளா நேற்று அரசு மருத்துவமனையில் சிகிச்சைக்காக சேர்த்தார். பரிசோதித்த டாக்டர் அவர் ஏற்கனவே இறந்துவிட்டதாக கூறினார். தொடர்ந்து நடைபெற்ற உடற்கூறாய்வில் அவரது கழுத்து நெரிக்கப்பட்டிருப்பது தெரியவந்தது. இதுகுறித்து கோரிமேடு போலீசார் நடத்திய விசாரணையில் திருமணம் மீறிய உறவால் அவரது மனைவி ஷர்மிளாவே பாஸ்கரை கொலை செய்தது தெரியவந்தது.
News April 7, 2024
புதுச்சேரி: உங்கள் தொகுதி வேட்பாளர் பற்றி தெரியுமா?
உங்கள் தொகுதியில் போட்டியிடும் நட்சத்திர வேட்பாளர் முதல் சுயேட்சை வேட்பாளர்கள் வரை அவர்களுடைய தனிப்பட்ட தகவல்கள், குற்றவழக்குகள், சொத்துமதிப்பு, கல்வித்தகுதி,வழங்கப்பட்ட குற்றத்தண்டனை போன்ற முழுதகவல்களையும் தெரிந்து கொள்ள https://affidavit.eci.gov.in/ என்ற தேர்தல் ஆணையத்தின் இணையதளத்தில் சென்று பதிவிறக்கம் செய்து தெரிந்துகொள்ளலாம். அல்லது ப்ளே ஸ்டோரில் KYC என்ற செயலி மூலமும் தெரிந்து கொள்ளலாம்.
Featured News
Sorry, no posts matched your criteria.