India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 12, 2026
திருவண்ணாமலையில் துடிதுடித்து பலி!
போளூர் அருகே, மட்டபிறையூரிலிருந்து மொடையூர் கிராமத்திற்கு பைக்கில் திரும்பிக்கொண்டிருந்த நண்பர்கள் விஜய் (25) மற்றும் விக்னேஷ் (16) ஆகிய இருவர் மீது அடையாளம் தெரியாத வாகனம் மோதியது. இந்த விபத்தில் தூக்கி வீசப்பட்ட இருவரும் பலத்த காயமடைந்து சம்பவ இடத்திலேயே பரிதாபமாக உயிரிழந்தனர். தகவலறிந்து வந்த போளூர் போலீசார், உடல்களை மீட்டு பிரேத பரிசோதனைக்காக அனுப்பி வைத்தனர்.
News January 12, 2026
திருவள்ளூரில் ரயில் மோதி கொடூர பலி!
திருவள்ளூர் ரயில் நிலையம் அருகே நேற்று முன் தினம் சுமார் 45 வயது மதிக்கத்தக்க பெண் ஒருவர் தண்டவாளத்தைக் கடக்க முயன்ற போது ரயில் மோதி சம்பவ இடத்திலேயே உயிரிழந்தார். அந்தப் பெண் குறித்த விவரங்கள் தெரியாத நிலையில், ரயில்வே இருப்பு பாதை போலீசார் இதுகுறித்து வழக்கு பதிந்து, உடலை பிரேத பரிசோதனைக்கு அனுப்பி வைத்து விசாரணை மேற்கொண்டுள்ளனர்.
News January 12, 2026
மயிலாடுதுறை: மாவட்ட ஆட்சியர் முக்கிய அறிவிப்பு
திருநங்கைகள் தங்களுடைய சொந்த முயற்சியில் முன்னேறி, குறைந்தது 5 திருநங்கைகளுக்கு முன்னேற உதவி செய்து சாதனை படைத்தவர்களை கௌரவிக்கும் வகையில், திருநங்கைகள் தினமான ஏப்ரல் 15ஆம் தேதி திருநங்கையர்களுக்கான விருது, ரூ. 1லட்சம் காசோலையுடன் வழங்கப்படுகிறது. தகுதியுடைய திருநங்கைகள் தங்களது கருத்துருக்களை (awards.tn.gov.in) என்ற தமிழக அரசின் இணையதளத்தில் பிப்ரவரி 18ஆம் தேதிக்குள் பதிவேற்றம் செய்யலாம்.
News January 12, 2026
காஞ்சிபுரத்தில் தூக்கிட்டு தற்கொலை!
குன்றத்தூர், சடையாண்டீஸ்வரர் கோயில் தெருவைச் சேர்ந்தவர் ராஜா(35). தனியார் நிறுவனத்தில் வேலை செய்து வரும் இவர், ஆந்திராவைச் சேர்ந்த ரேவதி(33) என்பவரைக் கடந்த 2 ஆண்டுகளுக்கு முன்பு திருமணம் செய்து கொண்டார். கடந்த ஆண்டு கர்ப்பமான ரேவதிக்கு 4ஆவது மாதத்திலேயே கரு கலைந்ததால் கடும் மன உளைச்சலில் இருந்துள்ளார். இந்நிலையில், நேற்று(ஜன.11) அதிகாலை வீட்டில் தூக்கிட்டு தற்கொலை செய்துகொண்டார்.
News January 12, 2026
கள்ளக்குறிச்சியில் அதிரடி கைது!
சங்கராபுரம் இன்ஸ்பெக்டர் விநாயகமுருகன் தலைமையிலான போலீசார் நேற்று(ஜன.11) பரமநத்தம் பகுதியில் ரோந்து சென்றனர். அப்போது பஸ் நிறுத்தம் அருகே சந்தேகத்திற்கு இடமாக நின்றிருந்த நபரை போலீசார் விசாரித்தனர். அதில், அவர் தியாகதுருகம் அடுத்த திம்மலை கிராமத்தைச் சேர்ந்த முருகன்(37) என்பதும், பல்வேறு பெண்களிடம் சுமார் 11.5 சவரன் தங்க நகைகளைப் பறித்துச் சென்றதும் தெரிய வந்தது. இதையடுத்து, அவரைக் கைது செய்தனர்.
News January 12, 2026
செங்கை: பெண் தூக்கி வீசப்பட்டு துடிதுடித்து பலி!
ஊரப்பாக்கம் அருகே காரணைப்புதுச்சேரியைச் சேர்ந்த பூர்ணிமா (34), தனது கணவர் சரவணகுமாருடன் மோட்டார் சைக்கிளில் சினிமா பார்க்கச் சென்றார். அப்போது அவ்வழியாக வந்த லாரி மோதியதில், பின்னால் அமர்ந்திருந்த பூர்ணிமா தூக்கி வீசப்பட்டு தலையில் பலத்த காயமடைந்து சம்பவ இடத்திலேயே உயிரிழந்தார். இதுகுறித்து போலீசார் வழக்குப் பதிவு செய்து, லாரி ஓட்டுநர் நிரஞ்சனை கைது செய்து விசாரணை நடத்தி வருகின்றனர்.
News January 12, 2026
சென்னை: மாணவி தலை மீது பஸ் ஏறி பலி!
சைதாப்பேட்டையைச் சேர்ந்த கல்லூரி மாணவி தேவசேனா (21), நந்தனத்தில் உள்ள தனது தந்தையைப் பார்த்துவிட்டு மொபட்டில் வீடு திரும்பிக்கொண்டிருந்தார். அப்போது பின்னால் வந்த மாநகரப் பேருந்து மோதியதில், நிலைதடுமாறி கீழே விழுந்த அவர் மீது பேருந்து சக்கரம் ஏறியது. தலைக்கவசம் அணிந்திருந்தும், தலை நசுங்கி சம்பவ இடத்திலேயே அவர் பரிதாபமாக உயிரிழந்தார். இச்சம்பவம் குறித்து காவல்துறையினர் விசாரணை நடத்தி வருகின்றனர்.
News January 12, 2026
மோகனூரில் வசமாக சிக்கிய வாலிபர்!
நாமக்கல்: மோகார், கணவாய்பட்டி பகுதியில், போலீசார் வாகன சோதனையில் ஈடுபட்டிருந்தனர். அப்போது, அந்த வழியாக வந்த சரக்கு ஆட்டோவை சோதனை செய்தனர். ஆட்டோவில், சந்தேகத்திற்கு இடமான வகையில், சாக்கு மூட்டைகள் இருந்ததை கண்டுபிடித்தனர். சோதனையில், தமிழக அரசால் தடை செய்யப்பட்ட புகையிலை பொருட்கள் இருப்பது தெரியவந்தது. இதையடுத்து முகமது வாசிம் என்பவரை கைது செய்து 300 கிலோ புகையிலை பொருட்களையும் பறிமுதல் செய்தனர்.
News January 12, 2026
கரூரில் அருகே விபத்து: இளைஞர் பலி
கரூர் அருகே பைக்கில் சென்ற பிரகாஷ் (26) என்பவர், முன்னால் சென்ற லாரியை முந்தி செல்ல முயன்றபோது நிலைதடுமாறி கீழே விழுந்தார். இதில் தலை மற்றும் இடுப்பு பகுதியில் பலத்த காயமடைந்த அவர் சம்பவ இடத்திலேயே பரிதாபமாக உயிரிழந்தார். இச்சம்பவம் குறித்து தான்தோன்றிமலை போலீசார் நேற்று வழக்கு பதிவு செய்து விசாரணை நடத்தி வருகின்றனர்.
News January 12, 2026
கரூரில் அருகே விபத்து: இளைஞர் பலி
கரூர் அருகே பைக்கில் சென்ற பிரகாஷ் (26) என்பவர், முன்னால் சென்ற லாரியை முந்தி செல்ல முயன்றபோது நிலைதடுமாறி கீழே விழுந்தார். இதில் தலை மற்றும் இடுப்பு பகுதியில் பலத்த காயமடைந்த அவர் சம்பவ இடத்திலேயே பரிதாபமாக உயிரிழந்தார். இச்சம்பவம் குறித்து தான்தோன்றிமலை போலீசார் நேற்று வழக்கு பதிவு செய்து விசாரணை நடத்தி வருகின்றனர்.
Featured News
Sorry, no posts matched your criteria.