India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 17, 2026
மயிலாடுதுறை மாவட்ட மக்களுக்கு எச்சரிக்கை
மயிலாடுதுறை மாவட்ட மக்கள், ‘பகுதி நேர வேலை வாய்ப்பு’ என உங்களது அலைபேசிக்கு வரும் அழைப்புகள் மற்றும் குறுஞ்செய்திகளை நம்பி ஏமாற வேண்டாம் என மாவட்ட காவல்துறை நிர்வாகம் எச்சரித்துள்ளது. இதன் மூலம் உங்களிடமிருந்து பணம் பறிக்க வாய்ப்புள்ளதாகவும், இதுபோன்ற சைபர் குற்றங்களை நீங்கள் எதிர்கொண்டால் உடனடியாக ‘1930’ என்ற எண்ணில் புகார் அளிக்க மாவட்ட காவல்துறை அறிவுறுத்தியுள்ளது.
News January 17, 2026
சிவகங்கை: காளை முட்டி 30 பேர் காயம்!
சிங்கம்புணரி பெரியகடை வீதியில் உள்ள சீரணி அரங்கத்தில், தை மாட்டுப் பொங்கல் விழாவை முன்னிட்டு மாபெரும் மஞ்சுவிரட்டு போட்டி நேற்று நடைபெற்றது. பல்வேறு பகுதிகளிலிருந்தும் கொண்டு வரப்பட்ட 300-க்கும் மேற்பட்ட காளைகள் கட்டு மாடுகளாக ஆங்காங்கே அவிழ்த்து விடப்பட்டன. இதில் சில காளைகள் ஆக்ரோஷமாக சீறிப்பாய்ந்து பார்வையாளர்கள் கூட்டத்திற்குள் புகுந்து முட்டித் தள்ளியதில், 30 பேர் காயமடைந்தனர்.
News January 17, 2026
ராம்நாடு: டூவீலர் விபத்தில் இளைஞர் பரிதாப பலி!
முதுகுளத்தூர் பகுதியை சேர்ந்தவர் திலீப் (24). இவர் நேற்று முதுகுளத்தூரில் இருந்து உத்திரகோசமங்கை கோயிலுக்கு சென்றுள்ளார். தேரிருவேலி அருகே சென்ற போது எதிரே வந்த டூவீலர் திலீப் டூவீலர் மீது மோதி விபத்து ஏற்பட்டது. இதில் படுகாயமடைந்த திலீப் மதுரை தனியார் மருத்துவமனை கொண்டு செல்லப்பட்டார். ஆனால், திலீப் மருத்துவமனை செல்லும் வழியில் பரிதாபமாக உயிரிழந்தார். விபத்து குறித்து தேரிருவேலி போலீசார் விசாரனை.
News January 17, 2026
திருவள்ளூர்: தலை நசுங்கி கொடூர பலி!
திருவள்ளூர்: மாதவரத்தை சேர்ந்தவர் வெற்றிவேல் (20). கல்லூரி மாணவரான இவர், நேற்று மதியம் பாடிக்குப்பம் சாலையில் டூவீலரில் சென்ற போது முன்னால் சென்ற தண்ணீர் லாரியை முந்திச்செல்ல முயன்றார். அப்போது லாரியின் மீது டூவீலர் உரசி நிலைதடுமாறி கீழே விழுந்ததில், லாரியின் சக்கரம் மாணவர் மீது ஏறி இறங்கியதில் தலை நசுங்கி உயிரிழந்தார். இது குறித்து போலீசார் விசாரணை மேற்கொண்டுள்ளனர்.
News January 17, 2026
காஞ்சிபுரத்தில் பயங்கர விபத்து!
படப்பை பகுதியில் வண்டலூர், வாலாஜாபாத் செல்லும் சாலையோரம் தயிர் ஏற்றி வந்த வேன் ஒன்று நேற்று முன் தினம் நின்று கொண்டிருந்தது. அப்போது, அந்த வழியாக தனியார் தொழிற்சாலை ஊழியர்களை ஏற்றிக்கொண்டு வந்த பஸ் வேன் மீது மோதியதில் பயங்கர விபத்து ஏற்பட்டது. நல்வாய்ப்பாக பஸ்ஸில் இருந்த 30 ஊழியர்கள் உயிர் தப்பினர். இதுகுறித்த விசாரணையில் பஸ் டிரைவர் போதையில் இருந்தது தெரிய வந்தது.
News January 17, 2026
குமரி: ஆட்டோ கவிழ்ந்து பரிதாப பலி
திட்டுவிளை பகுதியை சேர்ந்தவர் மாகின் (59). ஆட்டோ டிரைவரான இவர் ஆட்டோவில் நேற்று நாகர்கோவில் நோக்கி வந்து கொண்டிருந்தார். மேல புத்தேரி அருகே வரும்போது ஆட்டோ கட்டுப்பாட்டை இழந்து கவிழ்ந்தது. படுகாயம் அடைந்த மாகின் மருத்துவமனையில் அனுமதிக்கப்பட்டார். அங்கு அவர் சிகிச்சை பலனின்றி உயிரிழந்தார். இதுதொடர்பாக நாகர்கோவில் போக்குவரத்து போலீசார் வழக்குப் பதிந்து விசாரித்து வருகின்றனர்.
News January 17, 2026
விழுப்புரம்: வாலிபரை கத்தியால் குத்திய சிறுவன்!
விழுப்புரம்: பானாம்பட்டைச் சேர்ந்த ராஜா (36), நேற்று முன்தினம் தனது நண்பருடன் மது அருந்தி கொண்டிருந்தார். அப்போது அங்கு வந்த 16 வயது சிறுவன், ராஜாவிடம் பைக்கை கடனாக கேட்டுள்ளான். அதற்கு ராஜா மறுப்பு தெரிவித்த நிலையில், ஆத்திரமடைந்த சிறுவன் மற்றும் உடன் வந்த 2 பேர் ராஜாவை கத்தியால் குத்தி தாக்கினர். இந்த சம்பவத்தில் சிறுவன் உட்பட 3 பேர் மீதும் போலீசார் வழக்கு பதிவு செய்து விசாரித்து வருகின்றனர்.
News January 17, 2026
வேலூர்: கிணற்றில் சடலமாக மிதந்த முதியவர்!
வேலூர்: நீலகண்டபாளையத்தைச் சேர்ந்த கங்காதரன் (50), கடந்த சில நாட்களாக உடல் நலம் பாதிக்கப்பட்டு சிகிச்சை பெற்று வந்துள்ளார். இந்நிலையில் நேற்று முன்தினம் வெளியே சென்றவர் நீண்ட நேரமாகியும் வீடு திரும்பவில்லை. இதனால் அதிர்ச்சியடைந்த குடும்பத்தினர், பல்வேறு இடங்களில் தேடியுள்ளனர். அப்போது அருகில் இருந்த கிணற்றில் கங்காதரன் பிணமாக மிதந்தார்.
இந்த சம்பவம் குறித்து போலீசார் விசாரித்து வருகின்றனர்.
News January 17, 2026
தஞ்சை மாவட்ட கலெக்டர் அறிவிப்பு
தஞ்சாவூர் மாவட்ட ஆட்சியரகத்தில் ஓய்வூதியர் குறைதீர் கூட்டம் வரும் பிப்ரவரி 13 ஆம் தேதி காலை 10.30 மணியளவில் நடைபெற உள்ளது. இக்கூட்டத்தில் திருச்சி மண்டல இணை இயக்குநர் கலந்து கொள்கிறார். அரசு அலுவலகங்களில் பணியாற்றி ஓய்வு பெற்ற ஓய்வூதியர்கள், தங்களது ஓய்வூதியம் தொடர்பான குறைகளை கூட்டத்தில் நேரில் தெரிவித்து பயன்பெறலாம் என மாவட்ட ஆட்சியர் பிரியங்கா பங்கஜம் தெரிவித்துள்ளார்.
News January 17, 2026
தி.மலை: நடந்து சென்றவர் மயங்கி விழுந்து பலி!
ஆரணி, மாமண்டூர் அம்பேத்கர் நகர் பகுதியை சேர்ந்தவர் முனியம்மாள் (65). இவர் கடந்த 13ம் தேதி ஆரணி – செய்யாறு சாலையில் நடந்து சென்றபோது மயக்கம் ஏற்பட்டு கீழே விழுந்ததில் தலையில் பலத்த காயம் ஏற்பட்டது. சிகிச்சைக்காக வேலூர் அடுக்கம்பாறை அரசு மருத்துவமனையில் அனுமதிக்கப்பட்ட நிலையில் சிகிச்சை பலனின்றி உயிரிழந்தார். இதுகுறித்து நேற்று அவரது மருமகன் அளித்த புகாரின்பேரில், ஆரணி போலீசார் விசாரிக்கின்றனர்.
Featured News
Sorry, no posts matched your criteria.