India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 17, 2026
மாமல்லபுரம்: பொங்கல் நாளில் பெரும் சோகம்!
மாமல்லபுரத்தில், நேற்று (ஜன.16), கல்லூரி மாணவர்கள் இருவர் சுற்றுலா வந்த நிலையில் மாலை, கடற்கரையில் குளிக்க சென்றனர். அப்போது மாணவர்கள் இருவரும் எதிர்பாரத விதமாக ராட்சத அலையில் சிக்கி மாயமாகினர். இதனையடுத்து ஒருவரின் உடல் கரை ஒதுங்கிய நிலையில், மற்றொரு மாணவரை தேடும் பணியில் தீயணைப்பு துறையினர் ஈடுபட்டுள்ளனர். இது அந்த பகுதியில் பெரும் சோகத்தை ஏற்படுத்தியுள்ளது.
News January 17, 2026
பழனி அருகே பயங்கரம் 9 பேர் படுகாயம்!
பழனி அருகே தும்பலப்பட்டி பகுதியை சேர்ந்த கிராம மக்கள் அருகிலுள்ள குட்டையில் மாடுகளைக் குளிப்பாட்டச் சென்றனர். அப்போது திடீரென அங்குள்ள பாறையில் இருந்து கலைந்து வந்த கதம்ப வண்டுகள் கிராம மக்களை விரட்டி விரட்டி கடித்தன.இதில் சிறுமிகள் உட்பட 9 பேர் காயமடைந்து மருத்துவமனையில் அனுமதிக்கப்பட்டனர்.தகவலறிந்த அமைச்சர் சக்கரபாணி நேரில் சென்று ஆறுதல் கூறி, அவர்களுக்குத் தீவிர சிகிச்சை அளிக்க உத்தரவிட்டார்
News January 17, 2026
திருவாரூரில் குரூப் 4 தேர்வுக்கு இலவச பயிற்சி
தமிழ்நாடு அரசுப் பணியாளர் தேர்வாணையம் நடத்தும் குரூப் 4 தேர்வு எழுத விருப்பமுள்ள நபர்களுக்கு இலவச பயிற்சி வகுப்பு திருவாரூரில் இம்மாதம் 20-ம் தேதி முதல் தொடங்க உள்ளது. குறைந்தபட்சம் பத்தாம் வகுப்பு தேர்ச்சி பெற்றிருக்க வேண்டும். தேர்வில் பங்கேற்க உள்ளவர்கள் தேர்வுக்கு விண்ணப்பம் செய்த நகல், குடும்ப அட்டை, ஆதார் அட்டை நகல்களுடன் திருவாரூர் மாவட்ட வேலைவாய்ப்பு அலுவலகத்தை நேரில் அணுகி பயன்பெறலாம்.
News January 17, 2026
பெரம்பலூர்: ஆசிரியர் குடும்பத்திற்கு ரூ.1 கோடி?
பெரம்பலூர் மாவட்டத்தைச் சேர்ந்தவர் அரசு பள்ளியின் பகுதிநேர உடற்கல்வி ஆசிரியர் கண்ணன் (50). இவர் சென்னையில் நடந்த போராட்டத்தின் போது தற்கொலை முயற்சி செய்து, கடந்த 14-ம் தேதி உயிரிழந்தார். இந்த நிலையில், தற்கொலை செய்துகொண்ட பகுதிநேர ஆசிரியர் கண்ணனின் குடும்பத்திற்கு ரூ.1 கோடி நிதி உதவி வழங்க வேண்டும், என்று தமிழக அரசுக்கு பகுதிநேர ஆசிரியர்கள் சங்கங்களின் கூட்டு இயக்கத்தினர் கோரிக்கை விடுத்துள்ளனர்.
News January 17, 2026
தஞ்சை: 44 இன்ஸ்பெக்டர் பணியிட மாற்றம்
ஒருங்கிணைந்த தஞ்சை மாவட்டத்தில், நிர்வாக காரணங்களுக்காக 44 காவல் நிலைய ஆய்வாளர்கள் ஜன.14-ஆம் தேதி பணியிட மாற்றம் செய்யப்பட்டுள்ளனர். தஞ்சாவூர் சரக காவல்துறை துணை தலைவர் ஜியாவுல் ஹக், இந்த உத்தரவை பிறப்பித்துள்ளார். ஆய்வாளர்கள் தாங்கள் பணிபுரிந்த இடத்திலிருந்து வேறு பகுதிக்கு அதிரடியாக மாற்றப்பட்டுள்ளனர். இந்த திடீர் பணியிட மாற்றத்திற்கான காரணம் இதுவரை தெரியவில்லை.
News January 17, 2026
புதுச்சேரி கடற்கரையில் கலை நிகழ்ச்சிகள் அறிவிப்பு
புதுச்சேரி சுற்றுலாத்துறை சார்பில் பொங்கல் விழாவை முன்னிட்டு இன்று (ஜன.17) மாலை 6 மணி முதல் இரவு 9 மணி வரை புதுச்சேரி கடற்கரைச் சாலையில் கலை நிகழ்ச்சிகள் நடத்தப்படவுள்ளது. இதில் மெல்லிசை இசை, பறையாட்டம், சிலம்பாட்டம், பரதநாட்டியம், மல்லர் கம்பம், வாத்திய இசை மற்றும் கிராமிய கலை நிகழ்ச்சிகள் இடம்பெறுகின்றன. எனவே பொதுமக்கள் மற்றும் சுற்றுலாப் பயணிகள் கலந்துகொள்ள அழைப்பு விடுக்கப்பட்டுள்ளது.
News January 17, 2026
புதுக்கோட்டை: மது விற்ற இரண்டு பேர் கைது!
விராலிமலை பேருந்து நிலையம் அருகே அனுமதி இன்றி மது விற்கப்படுவதாக விராலிமலை காவல் நிலையத்திற்கு கிடைத்த தகவல் எடுத்து அப்பகுதியில் சென்று கண்காணிக்க பணியில் ஈடுபட்ட போது டாஸ்மார்க் அருகே மணமேடு பகுதியைச் சேர்ந்த சுப்பிரமணியன் (52), மாதிரிபட்டி டாஸ்மார்க் கடை அருகே மதுவிற்ற திருநல்லூர் ராமலிங்கம் (31) ஆகிய இரண்டு பேரை கைது செய்து, அவர்களிடமிருந்து 106 மதுபாட்டில்களைப் பறிமுதல் செய்தனர்.
News January 17, 2026
மேட்டூர் அருகே கர்ப்பிணியான 11-ம் வகுப்பு மாணவி!
சேலம்: மேட்டூர் அருகே உள்ள கொளத்தூர் காவேரிபுரத்தைச் சேர்ந்த ராஜா(25), 11-ம் வகுப்பு மாணவியைக் காதலித்து திருமணம் செய்தார். தற்போது கர்ப்பிணியான அந்த மாணவிக்கு காய்ச்சல் ஏற்படவே, மேட்டூர் அரசு மருத்துவமனைக்கு அழைத்துச் சென்றனர். மாணவிக்கு 17 வயதே ஆவதை அறிந்த மருத்துவர்கள் போலீசாருக்குத் தகவல் அளித்தனர். இதனையடுத்து விசாரணை மேற்கொண்ட போலீசார் ராஜாவை போக்சோ சட்டத்தில் கைது செய்தனர்.
News January 17, 2026
காங்கயம்: 6 வயது சிறுவன் உயிரிழப்பு
ஈரோட்டை சேர்ந்த லோகநாதன், காங்கயம் நாட்டார்பாளையத்தில் தங்கித் தேங்காய் களத்தில் வேலை செய்து வருகிறார். இவரது 6 வயது மகன் அஸ்வித், கடந்த சில நாட்களாக உடல்நலமின்றி இருந்த நிலையில், திடீரென மூச்சுத்திணறல் ஏற்பட்டது. காங்கயம் GHக்குக் கொண்டு சென்றும், சிறுவன் ஏற்கனவே உயிரிழந்துவிட்டதாக மருத்துவர்கள் தெரிவித்தனர். இச்சம்பவம் குறித்து காங்கயம் போலீசார் வழக்குப் பதிவு செய்து விசாரித்து வருகின்றனர்.
News January 17, 2026
தருமபுரி: உழவர் சந்தையின் விலை நிலவரம்!
தருமபுரி உழவர் சந்தையில் இன்றைய (ஜன.17) காய்கறி விலை நிலவரம் வெளியாகியுள்ளது. அதன்படி (1 கிலோ) தக்காளி: ரூ.26, கத்தரிக்காய்: ரூ.20, வெண்டைக்காய்: ரூ.30, முள்ளங்கி: ரூ.10, அவரைக்காய்: ரூ.20, கொத்தவரை: ரூ.45, பச்சைமிளகாய்: ரூ.36, பப்பாளி: ரூ.30, கொய்யா: ரூ.50 மற்றும் முருங்கைக்கீரை (50-கிராம்) ரூ.15 என விற்பனை செய்யப்படுகின்றன.
Featured News
Sorry, no posts matched your criteria.