India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 23, 2026
சிவகங்கை அருகே விவசாயிக்கு அரிவாள் வெட்டு
சிவகங்கை அருகே மேலச்சாலுாரை சேர்ந்தவர் வெள்ளக்கண்ணு மகன் பூமிநாதன். அப்பகுதியில் விவசாயம் செய்து வரும் இவர் அருகே உள்ள கடையில் பொருட்கள் வாங்க சென்றுள்ளார். அப்போது அங்கு இருசக்கர வாகனத்தில் வந்த சிலர் அவரை அரிவாளால் பின்பக்க தலையில் வெட்டி விட்டு தப்பிச் சென்றுள்ளனர். இதைக் கண்டு அதிர்ச்சியடைந்த பொதுமக்கள் அவரை மீட்டு மருத்துவமனையில் அனுமதித்த நிலையில் அங்கு சிகிச்சை பெற்று வருகிறார்.
News January 23, 2026
புதுச்சேரியில் இன்று மின்தடை ஏற்படும் இடங்கள்
புதுச்சேரி வெங்கட்டா நகர் துணை நிலையத்திலிருந்து செல்லும் முத்தியால்பேட்டை மின் பாதையில் சில பரமரிப்பு கட்டுமானப் பணிகள் நடைபெற உள்ளது. இதன் காரணமாக இன்று (ஜன.23) காலை 09:30 மணி முதல் மதியம் 01:00 மணி வரை ரங்கவிலாஸ் தோட்டம், வசந்த் நகர், செந்தாமரை நகர், சாமிபிள்ளைத் தோட்டம், லூர்து நகர், கென்னடி கார்டன் ஆகிய பகுதிகளில் மின்தடை ஏற்படும் என அறிவிக்கப்பட்டுள்ளது.
News January 23, 2026
அரியலூர்: கள்ள சந்தையில் மது விற்றவர் கைது
அரியலூர் மாவட்டம் விக்கிரமங்கலம் போலீசார், குணமங்கலம் பகுதிகளில் ரோந்து பணியில் ஈடுபட்டிருந்தனர். அப்பொழுது கள்ள சந்தையில் மது விற்பதாக கிடைத்த ரகசியத் தகவலின் படி, குணமங்கலத்தைச் சேர்ந்த மணிகண்டன் என்பவரது வீட்டில் சோதனை செய்தனர். அப்பொழுது அவரது விட்டில் இருந்து விற்பனை செய்வதற்காக மறைத்து வைக்கப்பட்டிருந்த மது பாட்டில்களை பறிமுதல் செய்து, மணிகண்டனை போலீசார் கைது செய்தனர்.
News January 23, 2026
ராணிப்பேட்டை: கிணற்றில் மிதந்த ஆண் பிணம்!
சயனபுரத்தை சேர்ந்த பொறியியல் பட்டதாரி தினேஷ் (24). இவர் கடந்த 3 நாட்களுக்கு முன்பு வீட்டில் இருந்து காணாமல் போனார். அவரது தந்தை நேற்று (ஜன.22) நெமிலி காவல் நிலையத்தில் புகார் கொடுக்க இருந்த நிலையில் அங்குள்ள கிணற்றில் தினேஷ் சடலமாக மீட்கப்பட்டார். தகவலறிந்த போலீசார் உடலை மீட்டு பிரேத பரிசோதனைக்காக அரக்கோணம் அரசு மருத்துவமனைக்கு அனுப்பி வைத்தனர்.
News January 23, 2026
சேலம் வருகிறார் ஆளுநர் ஆர்.என்.ரவி!
சேலம்; கருப்பூர் அருகே அமைந்துள்ள பெரியார் பல்கலைக்கழகத்தின் 24-வது பட்டமளிப்பு விழா வரும் பிப்ரவரி மாதம் 5-ஆம் தேதி நடைபெற உள்ளது. இதில் பல்கலைக்கழக வேந்தரும், தமிழக ஆளுநருமான ஆர்.என்.ரவி தலைமை தாங்கி, இளங்கலை, முதுகலை மற்றும் ஆராய்ச்சி படிப்புகளை முடித்த மாணவ, மாணவிகளுக்குப் பட்டங்களையும், பதக்கங்களையும் வழங்க உள்ளார். இதற்கான விரிவான ஏற்பாடுகளைப் பல்கலைக்கழக நிர்வாகம் மேற்கொண்டு வருகிறது
News January 23, 2026
தென்காசி: இளைஞர் உட்பட 3 பேர் மீது குண்டர் சட்டம்
ஊத்துமலை காவல் நிலைய கஞ்சா மற்றும் ஆயுத சட்டம் வழக்கில் கைது செய்யப்பட்ட குற்றவாளிகளான சசிகுமார்(46), கடையம் கல்யாணிபுரம் பாலமுருகன் (35) மற்றும் மகேஷ் (22) ஆகியோர் மீது பிரிவு 14 தமிழ்நாடு குண்டர் தடுப்பு காவல் சட்டத்தின் கீழ் நடவடிக்கை எடுக்க தென்காசி மாவட்ட காவல் கண்காணிப்பாளர் மாதவன் பரிந்துரை செய்தார். அதன் பேரில், ஆட்சித் தலைவர் கமல் கிஷோர் உத்தரவின் பேரில் குண்டாஸில் கைது செய்யப்பட்டனர்.
News January 23, 2026
விழுப்புரத்தில் குறைதீர் முகாம்
விழுப்புரம் மாவட்டத்தில் பொது விநியோகத் திட்ட சேவைகளை மக்கள் எளிதில் பெறும் வகையில், (24.01.26) அனைத்து வட்டாட்சியர் அலுவலகங்களிலும் குறைதீர் முகாம் நடைபெற உள்ளது. இம்முகாம்களில் குடும்ப அட்டையில் பெயர் சேர்த்தல், நீக்கம், முகவரி மாற்றம் மற்றும் புதிய அட்டை கோருதல் போன்ற விண்ணப்பங்களை பொதுமக்கள் நேரில் வழங்கித் தீர்வு காணலாம். எனவே இதில் பொதுமக்கள் பங்குபெற்று பயபெற்றுக்கொள்ளவும்.
News January 23, 2026
சென்னையில் பாலியல் தொழில் – அதிரடி கைது
சென்னை பெருநகர காவல், விபச்சார தடுப்புப் பிரிவு – 2 குழுவினர், ஜாபர்கான்பேட்டை, காசி எஸ்டேட் 3வது தெருவில் உள்ள வீட்டை கண்காணித்தனர். அங்கு பாலியல் தொழில் நடப்பது உறுதி செய்யப்பட்டதால், சோதனை நடத்தினர். இதில், சம்சுதீன் மற்றும் முகம்மது சையது ஆகியோர் நேற்று கைது செய்யப்பட்டனர். பாலியல் தொழிலில் ஈடுபடுத்தப்பட்ட 2 பெண்கள் மீட்கப்பட்டனர்.
News January 23, 2026
மதுராந்தகம்: ஆட்சியர் புதிய அறிவிப்பு!
மதுராந்தகம் தனியார் ஓட்டல் எதிரே பொதுக்கூட்டம் நடைபெற இருக்கிறது. இந்த கூட்டத்தில் பிரதமர் கலந்து கொள்ள உள்ளதால் இன்று 23.1.26 காலை 7:00 மணி முதல் மாலை 7 மணி வரை GST சாலை வழியாக செல்லும் கனரக வாகனங்கள் மற்றும் போக்குவரத்து வாகனங்கள் மாற்று பாதையில் செல்ல அறிவிக்கப்பட்டுள்ளது. பள்ளி, கல்லூரி மற்றும் அவசரக்கால ஊர்திகள் வழக்கம்போல் அதே பாதையில் செல்லலாம் என மாவட்ட ஆட்சியர் சினேகா தெரிவித்துள்ளார்.
News January 23, 2026
தேனி மாவட்ட அரசு தேர்வர்கள் கவனத்திற்கு!
டி.என்.பி.எஸ்.சி குரூப் II மற்றும் II-A முதன்மைத் தேர்விற்கு சிறந்த வல்லுநர்கள் மூலம் வினாத்தாள்கள் தயாரிக்கப்பட்டு, மாநில அளவிலான இலவச முழுமாதிரி தேர்வுகள் 24.01.2026 மற்றும் 31.01.2026 ஆகிய தேதிகளில் காலை 10 முதல் பிற்பகல் 1 மணி வரை தேனி மாவட்ட வேலைவாய்ப்பு மைய வளாகத்தில் டி.என்.பி.எஸ்.சி தரத்தில் நடைபெற உள்ளது என மாவட்ட நிர்வாகம் அறிவிப்பு. *தேவை படுவோருக்கு ஷேர் செய்யுங்கள்
Featured News
Sorry, no posts matched your criteria.