India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 28, 2026
திருவள்ளூரில் மாதம் ரூ.7,000! APPLY NOW
திருவள்ளூர் மாவட்ட மக்களே.., உங்கள் வீட்டு இல்லத்தரசிகள் வீட்டில் இருந்த படியே மாதம் ரூ.7000 சம்பாதிக்க ஓர் அரிய வாய்ப்பு. ‘எல்.ஐ.சி பீமா சகி யோஜனா’ திட்டத்தின் கீழ் அவர்களுக்கு 3 ஆண்டுகள் உதவித் தொகையுடன் பயிற்சி வழங்கப்படும். மேலும், பாலிசி விற்பனையின் மூலம் கமிஷனும் வழங்கப்படும். இந்தத் திட்டம் குறித்து விரிவான விவரங்கள் அறிய, விண்ணப்பிக்க <
News January 28, 2026
காஞ்சிபுரத்தில் அட்டூழியம் செய்த சகோதரர்கள்!
மாங்காடு அடுத்த முகலிவாக்கம் பகுதியைச் சேர்ந்தவர் முத்துராஜ்(25). ஆட்டோ டிரைவரான இவருக்கு பாலா எனும் நண்பர் உள்ளார். இந்நிலையில், இவரது தாயார், பாலாவிடம், ‘என் பையனுடன் ஏன் சேருகிறாய்?‘ எனத் திட்டியதில் தகராறு ஏற்பட்டு, பாலாவை முத்துராஜ் தாக்கினார். இதனால், ஆத்திரமடைந்த பாலா, நள்ளிரவில் முத்துராஜின் பைக், ஆட்டோவை தனது சகோதரருடன் சேர்ந்து தீ வைத்து எரித்தார். போலீசார் இருவரையும் தேடுகின்றனர்.
News January 28, 2026
கோவை: பெண்ணின் படத்தை ஆபாசமாக சித்தரித்தவர் கைது
சரவணம்பட்டியைச் சேர்ந்த மென்பொருள் நிறுவன ஊழியரின் புகைப்படங்களை ஆபாசமாகச் சித்தரித்து, சமூக வலைதளங்களில் பரப்பிய வசந்தராஜ் (36) என்பவரை கோவை சைபர் கிரைம் போலீஸார் நேற்று கைது செய்தனர். விசாரணையில், முன்விரோதம் காரணமாக இச்செயலில் ஈடுபட்டது விசாரணையில் தெரியவந்தது. மேலும், போலீசார் விசாரணை மேற்கொண்டு வருகின்றனர்.
News January 28, 2026
புதுவை: ஒரே பதிவு எண் கொண்ட வாகனம் பறிமுதல்
நாகப்பட்டினம் மாவட்டத்தைச் சேர்ந்த பத்மநாபன் என்பவருக்குச் சொந்தமான ஒரு வாகனத்தின் பதிவு எண்ணிலேயே, மற்றொரு போலி வாகனம் இயங்குவதைக் கண்டு அவர் அதிர்ச்சியடைந்து, அதிகாரிகளுக்குத் தகவல் அளித்துள்ளார். இதனைத் தொடர்ந்து, காரைக்கால் வட்டாரப் போக்குவரத்து அதிகாரிகள், அந்தப் போலி வாகனத்தைப் பறிமுதல் செய்து நகரப் போலீசாரிடம் ஒப்படைத்தனர். இது குறித்து நகர போலீசார் தீவிர விசாரணை மேற்கொண்டு வருகின்றனர்.
News January 28, 2026
சிவகங்கை: தாக்குதல் நடத்தியவர்கள் மீது வழக்கு
காளையார்கோவில் அருகே மாடுகம்மாய் பகுதியை சேர்ந்தவர் ஜெயபாலன். இவரது உறவினரான கல்பனா என்பவரிடம் அதே பகுதியை சேர்ந்த அஜித்குமார், செல்வராஜ் ஆகியோர் தகராறு செய்துள்ளனர். இதனைப் பார்த்த ஜெயபாலன் பெண்ணிடம் ஏன் இவ்வாறு தகராறு செய்கிறீர்கள் என தட்டி கேட்டுள்ளார். இதனால் ஆத்திரமடைந்த அஜித்குமார் (ம) செல்வராஜ் ஜெயபாலனை தாக்கியுள்ளனர். இச்சம்பவம் குறித்து காளையார்கோவில் போலீசார் 2 பேர் மீதும் வழக்குப்பதிவு.
News January 28, 2026
பெரியகுளம் அருகே கார்கள் மோதி விபத்து
பெரியகுளம் பகுதியை சேர்ந்த விஜயகுமார் நேற்று முன் தினம் பெரியகுளத்திலிருந்து குடும்பத்துடன் காரில் திருப்பூருக்கு சென்று கொண்டிருந்தார். காட்ரோடு முனிஸ்வரன் கோயில் அருகே சென்றபோது எதிரே வந்த கார் மோதி நிலைதடுமாறிய விஜயகுமார் கார் எதிரே வந்த லாரி மீது மோதியது. இதில் காயமடைந்த விஜயகுமார் உள்பட 6 பேர் சிகிச்சைக்காக GH-ல் அனுமதிக்கப்பட்டனர். இதுகுறித்து தேவதானப்பட்டி போலீசார் வழக்குப்பதிந்து விசாரணை.
News January 28, 2026
குமரியில் ஒருவர் தூக்கிட்டு தற்கொலை
புதுக்கடை அருகே மணியாரங்குன்று பகுதியை சேர்ந்தவர் ஜெயக்குமார். இவருக்கு மது அருந்தும் பழக்கம் இருந்து வந்தது. இதனால் கடந்த 2 மாதங்களாக வேலைக்குச் செல்லாமல் மது அருந்தி வந்தார். இந்நிலையில் அவரது மனைவி நேற்று வேலைக்கு சென்று விட்டு வீட்டிற்கு திரும்பி வந்தபோது ஜெயக்குமார் தூக்கில் தொங்கிய நிலையில் இறந்து கிடந்தார். இதுகுறித்து புதுக்கடை போலீசார் வழக்குப்பதிந்து விசாரணை மேற்கொண்டு வருகின்றனர்.
News January 28, 2026
தூத்துக்குடி: அழுகிய நிலையில் ஆண் சடலம் மீட்பு
தூத்துக்குடி விக்டோரியா தெருவைச் சேர்ந்த ஜூடு பிரீஸ் (53) பழைய துறைமுகத்தில் தோணியில் வேலை பார்த்து வந்தார். திருமணமாகாத இவர் தனியாக வசித்து வந்த நிலையில் இன்று காலை இவரது வீட்டில் இருந்து துர்நாற்றம் வீசுவதாக மத்திய பாகம் போலீசாருக்கு தகவல் கிடைத்துள்ளது. இதையடுத்து போலீசார் வீட்டின் கதவை உடைத்து உள்ளே சென்ற போது அவர் அழுகிய நிலையில் சடலமாக கிடந்த நிலையில் உடலை மீட்டு விசாரித்து வருகின்றனர்.
News January 28, 2026
மதுரை தெப்ப திருவிழா பணிகள் தீவிரம்
மதுரை, தெப்பத் திருவிழாவின் முக்கிய நிகழ்ச்சியான சுவாமி, அம்மன் தெப்பத்தில் வலம் வரும் தெப்போத்ஸவம் வருகிற ஞாயிற்றுக்கிழமை நடைபெற உள்ளது. இதையொட்டி, தெப்பக்குளத்தில் மிதவை தெப்பம் அமைக்கும் பணிகள் நடைபெற்று வருகின்றன. 300க்கும் அதிகமான தகர உருளைகள், நூற்றுக்கணக்கான கம்புகளைக் கொண்டு மிதவைத் தெப்பம் அமைக்கப்பட்டு வருகிறது. சுமாா் 30 பணியாளா்கள் இந்தப் பணியை தொடா்ந்து செய்து வருகின்றனர்.
News January 28, 2026
சென்னையில் 1 மாத குழந்தை ரூ.3 லட்சம்- அதிர்ச்சி!
சென்னையில் ஒரு மாத குழந்தையை விற்பனை செய்த பெற்றோர் உட்பட 8 பேர் இன்று கைது செய்யப்பட்டுள்ளனர். சென்னை காசிமேட்டில் ஒரு மாத ஆண் குழந்தையை 3.80 லட்சத்திற்கு விற்பனை செய்த பெற்றோர்கள் திலகாவதி-
சகாயராஜ் தம்பதியினர் முயற்சி செய்துள்ளனர். மேலும், ஏற்கனவே 3 குழந்தை உள்ளதால் விற்பனை செய்தோம் என வாக்குமூலம் அளித்துள்ளனர்.
Featured News
Sorry, no posts matched your criteria.