India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 30, 2026
தைப்பூசத்தை முன்னிட்டு தாம்பரம் – தூத்துக்குடி சிறப்பு ரயில்
தைப்பூச திருவிழாவை முன்னிட்டு தாம்பரம் – தூத்துக்குடி இடையே சிறப்பு ரயில் இயக்கப்படுவதாக தெற்கு ரயில்வே அறிவித்துள்ளது. அதன்படி வண்டி எண்: (06003) தாம்பரத்திலிருந்து வரும் ஜன.31 ந்தேதி இரவு 11:50 மணிக்கு புறப்பட்டு மறுநாள் காலை 11 மணிக்கு தூத்துக்குடி சென்றடையும். மேலும் இந்த ரயிலில் படுக்கை வசதி இல்லை என்றும் முழுவதும் அமர்ந்து செல்லும் வகையிலானது என்று தெரிவிக்கப்பட்டுள்ளது.
News January 30, 2026
இராம்நாடு: விடுமுறை அறிவித்த கலெக்டர்
வருகின்ற பிப்.1ம் தேதி வடலூர் இராமலிங்க அடிகள் நினைவு தினத்தை முன்னிட்டு அன்று ஒரு நாள் மட்டும் இராமநாதபுரத்தில் இயங்கி வரும் அனைத்து அரசு மதுபான கடைகளும், அனைத்து எப்.எல்., 2, எப்.எல்.3 உரிமம் பெற்ற மதுபான கடைகளுக்கும் விடுமுறை என மாவட்ட ஆட்சியர் சிம்ரன் ஜீத் காலோன் தெரிவித்துள்ளார். இதனை மீறினால் தகுந்த நடவடிக்கை எடுக்கப்படும் என செய்தி தொகுப்பில் தெரிவிக்கப்பட்டுள்ளது.
News January 30, 2026
செங்கல்பட்டு விவசாயிகளே மிஸ் பண்ணிடாதீங்க!
செங்கல்பட்டு மாவட்டத்தில் விவசாயிகளின்” நலன் காக்கும் நாள் கூட்டம் ‘ஜனவரி 30 காலை 10.30 மணிக்கு செங்கல்பட்டு மாவட்ட ஆட்சியர் கூட்டரங்கில் நடைபெற உள்ளது. எனவே, மாவட்டத்தில் உள்ள அனைத்து விவசாயிகளும் இக்கூட்டத்தில் பங்கேற்று, தங்களது கோரிக்கைகளை மனுக்களாக அளித்து பயன்பெறலாம், என மாவட்ட ஆட்சியர் அலுவலகம் சார்பில் தெரிவித்துள்ளது.
News January 30, 2026
மதுரை: ஜல்லிக்கட்டு காளை நீரில் மூழ்கி பலி
அலங்காநல்லூர், கீழக்கரை கலைஞர் நூற்றாண்டு ஏறுதழுவுதல் அரங்கத்தில் முதல்வர் பிறந்த நாளை முன்னிட்டு ஜல்லிக்கட்டு போட்டி நடைபெற்றது. இதில் 1137 காளைகள், 505 வீரர்கள் பங்கேற்றனர். போட்டியின் போது, பாலமேட்டினை சேர்ந்தவரின் காளை தப்பி ஓடி பெரியாறு பாசன கால்வாய் கண் ஷட்டரில் விழுந்தது. நீரில் இழுத்துச் செல்லப்பட்ட காளை மூழ்கி உயிரிழந்தது. காளையை மீட்ட உரிமையாளர் அப்பகுதியில் அடக்கம் செய்தார்.
News January 30, 2026
அந்தியூர் அருகே சாக்கடையில் விழுந்து தொழிலாளி பலி.
அந்தியூர் கொல்லபாளையம் பகுதியைச் சேர்ந்தவர் மணிகண்டன் வயது 26. இவர் அந்தியூர் பகுதியில் உள்ள பெட்ரோல் பங்கில் தொழிலாளியாக பணிபுரிந்து வருகிறார். இந்நிலையில் நேற்று அந்தியூர் கொல்லபாளையம் சாலையில், இருசக்கர வாகனத்தில் செல்லும்போது வேகத்தடையில் ஏறி நிலை தடுமாறி அருகில் உள்ள சாக்கடையில் விழுந்து உயிரிழந்தார். இதுகுறித்து அந்தியூர் போலீசார் விசாரணை நடத்தி வருகின்றனர்.
News January 30, 2026
செஞ்சி: ஏரியில் எரிந்த நிலையில் கிடந்த சடலம்!
செஞ்சியை அடுத்த செம்மேடு ஏரியில், சோழந்தாங்கல் கிராமத்தைச் சேர்ந்த சண்முகம் (75) என்பவர் தீக்காயங்களுடன் சடலமாக மீட்கப்பட்டார். கடந்த 27-ம் தேதி வீட்டிலிருந்து மாயமான அவர், தற்போது ஏரியில் பிணமாகக் கண்டெடுக்கப்பட்டுள்ளது அப்பகுதியில் பரபரப்பை ஏற்படுத்தியுள்ளது. அவரது மகன் ரமேஷ் அளித்த புகாரின் பேரில், இது கொலையா அல்லது விபத்தா என்ற கோணத்தில் போலீசார் தீவிர விசாரணை செய்கின்றனர.
News January 30, 2026
கள்ளக்குறிச்சியை உலுக்கிய சம்பவம்!
கள்ளக்குறிச்சியைச் சேர்ந்த 17 வயது சிறுமிக்கும், அஜய்குமார் (24) என்பவருக்கும் கடந்த ஜூலை மாதம் குழந்தை திருமணம் நடைபெற்றது. இதுகுறித்த விசாரணையில், சிறுமி தற்போது 3 மாத கர்ப்பமாக இருப்பது உறுதி செய்யப்பட்டது. இதையடுத்து, சிறுமியின் கணவர் அஜய்குமார், அவரது பெற்றோர் மற்றும் சிறுமியின் பெற்றோர் என மொத்தம் 5 பேர் மீது கள்ளக்குறிச்சி அனைத்து மகளிர் போலீசார் வழக்குப்பதிவு செய்தனர்.
News January 30, 2026
செங்கை: கிரகப்பிரவேசம் செய்த வீடே எமனானது
திருக்கழுக்குன்றம் வகாப் நகரைச் சேர்ந்த மின் ஊழியர் பிரபு, நாவலூர் பகுதியில் புதிதாக வீடு கட்டி சமீபத்தில் குடியேறினார். இதற்காக வாங்கிய அதிகப்படியான கடனைத் திரும்பச் செலுத்த முடியாமல் மன உளைச்சலில் இருந்த அவர், ஜன-28 தனது வீட்டில் தூக்கிட்டுத் தற்கொலை செய்து கொண்டார். இது குறித்து அவரது மனைவி பவானி அளித்த புகாரின் பேரில், திருக்கழுக்குன்றம் போலீசார் விசாரணை நடத்தி வருகின்றனர்.
News January 30, 2026
தென்காசி மாவட்டத்திலும் நிலநடுக்கம்!
திருவேங்கடம் என்.ஜி.ஓ.காலனி, மகாதேவர்பட்டி, கலிங்கப் பட்டி, எஸ்.பி.எம்.தெரு, மேலமரத்தோணி பகுதியில் உள்ள மேலூர், கீழூர், சிவகாசியை சுற்றியுள்ள நாரணாபுரம், அனுப் பன்குளம், சித்துராஜபுரம், ரிசர்வ் லைன். தேவர்குளம், நாச்சியார்புரம், திருத்தங்கல் பகுதிகளிலும் நில அதிர்வை உணர்ந்ததாக அப்பகுதி மக்கள் தெரிவித்தனர். இதேபோல் ஸ்ரீவி, ராஜபாளையம், சாத்தூர் பகுதிகளிலும் நேற்று இரவு நில அதிர்வு உணரப்பட்டது.
News January 30, 2026
தி.மலை: தூக்கில் தொங்கிய பெண்
சேத்துப்பட்டு தாலுகா தேவிகாபுரத்தை சேர்ந்தவர் சிவகுமார், பானிபூரி கடை நடத்தி வருகிறார். இவரது மனைவி மோனிகா (27). கணவன்-மனைவிக்கு ஏற்பட்ட குடும்பத்தகராறு காரணமாக வீட்டில் யாரும் இல்லாத நேரத்தில் மோனிகா தூக்குப்போட்டு தற்கொலை செய்து கொண்டார். இதுகுறித்து மோனிகாவின் தம்பி மேகநாதன் சேத்துப்பட்டு போலீசில் புகார் அளித்த நிலையில் விசாரணை நடைபெற்று வருகிறது. *தற்கொலை எதற்கும் தீர்வல்ல*.
Featured News
Sorry, no posts matched your criteria.