India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 30, 2026
திருவாரூர்: என் ஊர் என் கனவு திட்டத்திற்கு விண்ணப்பிக்கலாம்
தமிழ்நாடு முதலமைச்சர் அவர்களால் தொடங்கப்பட்ட “என் ஊர் என் கனவு” திட்டத்தின் கீழ், District Vision 2030 – Strategy & Action Plan தயாரிக்க பொதுமக்கள், மாணவர்கள், தொழில் முனைவோர் உள்ளிட்ட https://forms.gle/n73s9UkiDxpQdp7r5 மூலம் அல்லது மாவட்ட ஆட்சியரக புள்ளியியல் துறை அலுவலகத்தில் நேரடியாகவும் சமர்பிக்கலாம். இதற்கு விண்ணப்பிக்க கடைசி நாள் (04.02.2026) என்று ஆட்சியர் தெரிவித்துள்ளார்.
News January 30, 2026
சிவகங்கை: இளம்பெண் பாலியல் வழக்கில் வாலிபருக்கு தண்டனை
சாக்கோட்டை அருகே கடந்த 2022ம் ஆண்டு இளம்பெண் பாலியல் வன்கொடுமை செய்து கொலை செய்யப்பட்டார். இச்சம்பவம் குறித்து பெண்ணின் தாயார் அளித்த புகாரின் பேரில் சாக்கோட்டை போலீசார் தேவா (எ) மணிகண்டனை (25) கைது செய்தனர். இதுகுறித்த வழக்கை விசாரித்த சிவகங்கை மகளிர் விரைவு கோர்ட் தேவாவிற்கு பாலியல் குற்றத்திற்கு 7 ஆண்டுகள் சிறை தண்டனையும், கொலை செய்த குற்றத்திற்கு ஆயுள் தண்டனை வழங்கியும் நேற்று தீர்ப்பளித்தது.
News January 30, 2026
திருவாரூர்: மின்தடை அறிவிப்பு
திருவாரூர், வருகிற 31ஆம் தேதி அன்று மன்னார்குடி துணை மின் நிலையத்தில் மாதாந்திர பராமரிப்பு பணிகள் நடைபெறுவதால், அன்று காலை 9.00 மணி முதல் மாலை 5.00 மணி வரை மன்னார்குடி நகரம், அசேஷம், நெடுவாக்கோட்டை, காரிக்கோட்டை, செருமங்கலம் சுந்தரக்கோட்டை,மூவாநல்லூர், நாவல்பூண்டி,பாமணி. கர்ணாவூர்,சித்தேரி, கூத்தாநல்லூர், வடபாதிமங்கலம் ஆகிய பகுதிகளுக்கு மின் விநியோகம் இருக்காது. மின்சார வாரியம் அறிவித்துள்ளது.
News January 30, 2026
நெல்லை: ஜவுளி வியாபாரிக்கு அரிவாள் வெட்டு
வள்ளியூர் அருகே புதூரைச் சேர்ந்த அரவிந்தன்(28) ஜவுளி வியாபாரம் செய்து வருகிறார். இவரும், அவரது நண்பர்களான டேவிட்(20), பொன்ராஜ்(25) ஆகிய 3 பேரும் ஒன்றாக மது அருந்திய போது வாக்குவாதம் ஏற்பட்டுள்ளது. இதையடுத்து நேற்று மாலை புதூரில் அரவிந்தன் நின்று கொண்டிருந்த போது அங்கு வந்த டேவிட், பொன்ராஜ் ஆகியோர் அரவிந்தனை அரிவாளால் வெட்டியதில் அவர் பலத்த காயங்களுடன் மருத்துவமனையில் அனுமதிக்கப்பட்டார்.
News January 30, 2026
திண்டுக்கல் அருகே கொலை.. அதிரடி தீர்ப்பு
கடந்த 2019-ம் ஆண்டு வடமதுரை அடுத்த கொல்லப்பட்டி பகுதியில் நிலத் தகராறு காரணமாக மணிகண்டன் என்பவர் படுகொலை செய்யப்பட்டார். இதுகுறித்து வடமதுரை போலீசார் வழக்குப் பதிவு செய்து திருப்பதி, சவடமுத்து, முனீஸ்வரன் மற்றும் புகழேந்தி ஆகிய 4 பேரைக் கைது செய்தனர். இந்த வழக்கு திண்டுக்கல் மாவட்ட முதன்மை அமர்வு நீதிமன்றத்தில் நேற்று நடைபெற்றது. அதில், குற்றம் சாட்டப்பட்ட 4 பேருக்கு ஆயுள் தண்டனை விதிக்கப்பட்டது.
News January 30, 2026
அரியலூர்: குடும்ப அட்டைதாரர்களுக்கு முக்கிய அறிவிப்பு
அரியலூர் மாவட்டத்தில் முதல்வரின் தாயுமானவர் திட்டத்தின் கீழ், வயது முதிர்ந்தோர் மற்றும் மாற்றுத்திறனாளி குடும்ப அட்டைதாரர்களுக்கு வீடுதேடி ரேஷன் பொருட்கள் வழங்கப்படுகிறது. வரும் பிப்ரவரி 2026 மாதம் 2, 3 தேதிகளில் 481 ரேஷன் கடைகளுக்கு உட்பட்ட 23,288 பயனாளர்களின் இல்லங்களுக்கு சென்று அரிசி, சர்க்கரை உள்ளிட்ட குடிமைப்பொருட்கள் விநியோகம் செய்யப்படும் என மாவட்ட ஆட்சியர் இரத்தினசாமி தெரிவித்துள்ளார்.
News January 30, 2026
தஞ்சாவூர்: சாலை விபத்தில் திமுக பெண் நிர்வாகி உயிரிழப்பு
தஞ்சாவூர், கல்லூராணிக்காடு கிராமத்தை சேர்ந்தவர் லெட்சுமி(56). திமுக மகளிர் அணி துணை செயலாளரான இவர், பைக்கில் கனவருடன் செருவாவிடுதி சாலையில் சென்றுள்ளார். அப்போது நாய் ஒன்று குறுக்கே வந்ததால், தவறி விழுந்தவர் பலத்த காயமடைந்தார். பின்னர் பட்டுக்கோட்டை அரசு மருத்துவமனையில் அனுமத்திக்கப்பட்டு, பின் தஞ்சாவூர் மருத்துவமனையில் மேல் சிகிச்சைக்காக அனுதித்த நிலையில், சிகிச்சை பலனின்றி அவர் உயிரிழந்தார்.
News January 30, 2026
கரூரில் இங்கெல்லாம் மின்தடை!
கரூரில் இன்று (30.1.2026) மின் பராமரிப்புப் பணிகள் நடைபெறுவதால் காலை 9:00 முதல் மாலை 5:00 மணி வரை மின்தடை ஏற்படும். இதனால் கரூர் ஜவுளி பூங்கா, வையப்பம்பட்டி, ஆறு ரோடு, ஆட்டையாம்பரப்பு, எஸ்.ஜி.புதூர், கருப்பம்பாளையம், மணல்மேடு, தும்பிவாடி, காக்காவாடி, பள்ளப்பாளையம், குன்னம்பட்டி மற்றும் தாதம்பாளையம் ஆகிய பகுதிகளில் மின் விநியோகம் இருக்காது என மின்வாரியம் தெரிவித்துள்ளது. ஷேர் பண்ணுங்க
News January 30, 2026
BREAKING: ஆத்தூரில் தாய், மகள் தற்கொலை
ஆத்தூர் பகுதியைச் சேர்ந்தவர் லட்சுமி (57). இவரது கணவர் கிருஷ்ணமூர்த்தி 12 ஆண்டுக்கு முன் இறந்துவிட்டார். லட்சுமிக்கு 6 மகள்களும், 1 மகனும் உள்ளனர். இதில் 5 மகள்களுக்கு திருமணம் ஆகிவிட்ட நிலையில், 3-வது மகள் தீபவேணிக்கு திருமணம் ஆகாதது மற்றும் கடன் தொல்லை அதிகரித்தது மிகுந்த மனவேதனையை அளித்துள்ளது. இந்நிலையில், வீட்டில் யாரும் இல்லாத நேரத்தில் தாயும், மகளும் விஷம் குடித்து தற்கொலை செய்து கொண்டனர்.
News January 30, 2026
புதுக்கோட்டை: சிறுவன் மீது போக்சோ வழக்கு
புதுக்கோட்டை மாவட்டம், பொன்னமராவதி அருகே 3-ம் வகுப்பு படிக்கும் 8 வயது சிறுமிக்கு, அதே பகுதியை சேர்ந்த 13 வயது சிறுவன் சாக்லேட் வாங்கி தருவதாக கூறி சிறுமிக்கு பாலியல் ரீதியான துன்புறுத்தல் செய்து உள்ளான். அந்த சிறுமியின் பெற்றோர் அளித்த புகாரின் பேரில், பொன்னமராவதி போலீசார் சிறுவன் மீது போக்சோ சட்டத்தின் கீழ் வழக்கு பதிவு செய்து விசாரணை செய்து வருகின்றனர்.
Featured News
Sorry, no posts matched your criteria.