India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 31, 2026
தருமபுரி: தூக்கில் தொங்கி துடிதுடித்து பலி!
எர்ரப்பட்டியை சேர்ந்த டிராக்டர் டிரைவர் மணிகண்டன் (20). இவருக்கு வயிற்று வலி ஏற்பட்டு வந்த நிலையில் 28-ந் தேதி மாலை வெகு நேரமாகியும் இவரது வீட்டின் கதவை திறக்காமல் இருந்துள்ளது. உறவினர்கள் வந்து பார்த்த போது மின்விசிறியில் மணிகண்டன் தூக்கு போட்டு தற்கொலை செய்து கொண்டார். இதையடுத்து பெரும்பாலை போலீசார் உடலை கைப்பற்றி தர்மபுரி அரசு ஆஸ்பத்திரிக்கு பிரேத பரிசோதனைக்காக அனுப்பி வைத்தனர்.
News January 31, 2026
திருவாரூர்: பொய் புகார் கொடுத்த பெண் கைது
திருவாரூர் மாவட்டம், இரவாஞ்சேரியை சேர்ந்தவர் ஹமீதாபைரோஸ். இவர் கடந்த சில நாட்களுக்கு முன் தன்னிடம் இருந்து 25 பவுன் தங்க நகைகளை மர்ம நபர் ஒருவர் வழிப்பறி செய்ததாக இரவாஞ்சேரி காவல் நிலையத்தில் புகார் அளித்தார். அதுகுறித்து தீவிர விசாரணை மேற்கொண்ட போலீசார், உறவினர்களிடம் வாங்கிய பணத்தை திரும்ப கொடுக்க மனமில்லாமல் ஹமீதா பொய் புகார் அளித்ததை கண்டுபிடித்தனர். இதையடுத்து போலீசார் அவரை கைது செய்தனர்.
News January 31, 2026
பரமக்குடி: இன்று இங்கெல்லாம் பவர் கட்
பரமக்குடி துணைமின் நிலையத்தில் இன்று (ஜன.31) மாதாந்திர பராமரிப்பு பணிகள் நடைபெற உள்ளது. இதனால் இன்று காலை 10 மணி முதல் மாலை 5 மணி வரை பரமக்குடி நகர், நயினார்கோவில், சத்திரக் குடி, கமுதக்குடி, சிட்கோ பகுதி, எமனேசுவரம், மஞ்சூர் மற்றும் சுற்றுவட்டார பகுதிகளில் மின்தடை அறிவிக்கப்பட்டுள்ளது. இந்த தகவலை பரமக்குடி நகர் மின்வாரிய உதவி செயற்பொறியாளர் தெரிவித்தார்.
News January 31, 2026
சென்னை: பெண் உடை மாற்றுவதை வீடியோ எடுத்த நபர்
மதுரையை சேர்ந்த 29 வயது பெண், நேற்று சென்னைக்கு வந்தபோது, கோயம்பேட்டில் உள்ள விடுதியில் தங்கியுள்ளார். இந்த நிலையில், பக்கத்து அறையிலிருந்து ஒருவர் செல்போனில் அவர் உடை மாற்றுவதை வீடியோ எடுத்துள்ளார். இதையறிந்த பெண், சத்தம் போட்டதும், அந்த நபர் அங்கிருந்து தப்பினார். பாதிக்கப்பட்ட பெண் அளித்த புகாரின் பேரில் CMBT போலீசார் கடலூரைச் சேர்ந்த பெரியதுரையை (40) நேற்று செய்தனர்.
News January 31, 2026
கடலூர்: சைக்கிள் மீது லாரி மோதி ஒருவர் பலி
காட்டுமன்னார்கோவில் அடுத்த கோவில்பத்து பகுதியை சேர்ந்தவர் தொழிலாளி வெள்ளைச்சாமி (60). இவர் நேற்று கச்சேரி ரோடு வழியாக சைக்கிளில் சென்றபோது, பின்னால் வந்த லாரி, சைக்கிள் மீது மோதியது. இதில் வெள்ளைச்சாமி தூக்கி வீசப்பட்டு சம்பவ இடத்திலேயே பரிதாபமாக உயிரிழந்தார். இது குறித்து காட்டுமன்னார்கோவில் போலீசார் வழக்கு பதிவு செய்து விசாரணை செய்து வருகின்றனர்.
News January 31, 2026
விருதுநகர் அருகே கஞ்சா வழக்கில் சிக்கிய 17 வயது சிறுவன்
ஸ்ரீவி.நகர் காவல் நிலைய எஸ்.ஐ மாணிக்கம் தலைமையிலான போலீஸார் ரோந்து பணியில் ஈடுபட்டிருந்தனர். அப்போது மங்காபுரம் பள்ளி விளையாட்டு மைதானம் அருகே சந்தேகத்திற்குரிய வகையில் நின்றிருந்த 17 வயது சிறுவனை பிடித்து விசாரித்த போது, விற்பனைக்காக கஞ்சா வைத்திருந்தது தெரியவந்தது. அவரிடம் இருந்து 1 கிலோ 100 கிராம் கஞ்சாவை பறிமுதல் செய்த போலீஸார், சிறுவனை கைது செய்து, கூர்நோக்கு இல்லத்தில் சேர்த்தனர்.
News January 31, 2026
தென்காசி: மின்சாரம் தாக்கி இளைஞர் பலி
ஆலங்குளம் சந்தன மாரியம்மன் கோவில் தெருவை சார்ந்தவர் வசந்த் (30). சவுண்ட் சர்வீஸ் வேலை செய்து வருகிறார். நேற்று இரவு எதிர்பாராத விதமாக அவர் வீட்டில் வைத்து மின்சாரம் தாக்கி உயிரிழந்தார். தகவல் அறிந்து வந்த ஆலங்குளம் காவல்துறையினர் உடலை பிரேத பரிசோதனைக்கு பாளையங்கோட்டை மருத்துவமனைக்கு அனுப்பி வைத்தனர். விபத்து குறித்து விசாரணை செய்து வருகின்றனர்.
News January 31, 2026
கும்மிடிப்பூண்டி அருகே துடிதுடித்து பலி!
ஆந்திர மாநிலம் சூளூர்பேட்டையைச் சேர்ந்தவர் மகாலட்சுமி(22). திருமணமாகி ஒரு ஆண்டில் கணவர் இறந்த நிலையில், கட்டட வேலை செய்து வந்தார். இந்நிலையில், நேற்று(ஜன.30) சக ஊழியர்களான அஜித்(22), மணிகண்டன்(37) ஆகியோருடன் பைக்கில் அல்லிபுகுளம் நோக்கிச் சென்றார். சாணப்புதூர் செல்லும் சாலையில் எதிரே வந்த கார் மோதியதில் தூக்கி வீசப்பட்ட மகாலட்சுமி படுகாயமடைந்து, சம்பவ இடத்திலேயே பரிதாபமாக உயிரிழந்தார்.
News January 31, 2026
ஸ்ரீபெரும்புதூர் அருகே 2 பேர் பலி!
காஞ்சிபுரம்: ஸ்ரீபெரும்புதூர் அருகே கச்சிப்பட்டு பகுதியைச் சேர்ந்தவர் சூர்யா. ஆடோ டிரைவரான இவர் நேற்று தனது பிறந்த நாளைக் கொண்டாட நண்பர்களுடன் நெடுஞ்சாலையில் சென்றார். சாலையைக் கடக்க முயன்ற போது லாரி மோதியதில் ஆடோவை ஓட்டி வந்த தனி(22), அகரமைச் சேர்ந்த தனபால்(42) ஆகியோர் சம்பவ இடத்திலேயே உயிரிழந்தனர். உடன் சென்ற மூன்று பேர் படுகாயமடைந்து, தீவிர சிகிச்சை பெற்று வருகின்றனர்.
News January 31, 2026
தூத்துக்குடியில் இன்று இங்கெல்லாம் மின்தடை
தூத்துக்குடி மாவட்டத்தில் இன்று (ஜன.31) பல்வேறு துணை மின் நிலையங்களில் பராமரிப்பு பணிகள் நடைபெற உள்ளது. இதன் காரணமாக காலை 9 – மாலை 4 மணி வரை பல்வேறு இடங்களில் மின்தடை அறிவிக்கப்பட்டுள்ளது. திருச்செந்தூர், கோவில்பட்டி, நாசரேத், எட்டையபுரம், கடலையூர், ஓட்டப்பிடாரம், விளாத்திகுளம், விஜயபுரி, செட்டிகுறிச்சி, நாகலாபுரம், வெம்பூர் ஆகிய ஊர்களின் சுற்றுவட்டார பகுதிகளில் இன்று மின்தடை அறிவிக்கப்பட்டுள்ளது.
Featured News
Sorry, no posts matched your criteria.