India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 31, 2026
மதுரை அருகே கார் மோதி டூவீலரில் சென்ற வாலிபர் பலி
மேலூர் அருகே பெரிய சூரக்குண்டை சேர்ந்தவர் மூர்த்தி மகன் ரமேஷ்(23). இவர் மேலூர் திருப்பத்தூர் ரோட்டில் நேற்று பைக்கில் சென்று கொண்டிருந்த போது, ஒய். கொடிக்குளம் கணேசன் ஓட்டி வந்த கார் இவர் மீது மோதியது. இதில் தூக்கி வீசப்பட்ட ரமேஷ் பலமாக அடிபட்டார். மருத்துவமனைக்கு கொண்டு செல்லப்பட்டவர் சிகிச்சை பலனின்றி உயிரிழந்தார். கீழவளவு போலீசார் விசாரிக்கின்றனர்.
News January 31, 2026
கடலூர் மாவட்ட ஆட்சியர் தகவல்
கடலூர் மாவட்டத்தில் தற்போது யூரியா 6,900 மெட்ரிக் டன்னும், டி.ஏ.பி. உரம் 2,655 மெட்ரிக் டன்னும், பொட்டாஷ் 1,730 மெட்ரிக் டன்னும், காம்ப்லக்ஸ் உரம் 7,748 மெட்ரிக் டன்னும், சூப்பர் பாஸ்பேட் 1,541 மெட்ரிக் டன்னும் என மொத்தம் 20,653 மெட்ரிக் டன் உரம் இருப்பு உள்ளது. இந்த உரங்கள் விவசாயிகளுக்கு தட்டுப்பாடின்றி வழங்க ஏற்பாடு செய்யப்பட்டுள்ளது என மாவட்ட ஆட்சியர் சிபி ஆதித்யா செந்தில் குமார் தெரிவித்தார்.
News January 31, 2026
ஆவடியில் அதிரடி கைது!
திருவள்ளூர்: ஆவடி காவல் ஆணையரகம் மத்திய குற்றப் பிரிவு போலீசாரால் கால்நடைத் துறையில் வேலை வாங்கி தருவதாக கூறி போலி பணி ஆணையினை பெற்று கொடுத்து ரூ.14,49,000/- பண மோசடி செய்த வழக்கு நடைபெற்று வந்தது. இதில் தொடர்புடைய நாகராஜன் என்ற நபரை நேற்று(ஜன.30) போலீஸ் கைது செய்து நீதிமன்ற காவலுக்கு உட்படுத்தி நடவடிக்கை மேற்கொண்டனர்.
News January 31, 2026
கிருஷ்ணகிரியில் கொடூரத்தின் உச்சம்!
காவேரிப்பட்டிணத்தை சேர்ந்தவர் பசுபதி. இவர் அப்பகுதியில் கூலி தொழில் செய்து வந்தார். இந்நிலையில் நேற்று தென்பண்ணை ஆற்றின் அருகே இவர் தனது தாய் மங்கம்மாளுடன் சேர்ந்து பிறந்து சில மணி நேரமே ஆன ஆண் குழந்தையை ஆற்றில் மூழ்கடிக்க முயன்றுள்ளார். அப்பகுதி மக்கள் இருவரையும் தடுத்து குழந்தையை மீட்டு காவல் துறைக்கு தகவல் அளித்தனர். மேலும் இருவரையும் போலீசார் கைது செய்தனர்.
News January 31, 2026
தூத்துக்குடி: வியாபாரி சரமாரி வெட்டிக் கொலை
கோவில்பட்டி பகுதியை சேர்ந்தவர் கோலப்பொடி வியாபாரி மாரீஸ்வரன் (43). இவரும் அதே பகுதியை சேர்ந்த ராமசாமியும் (75) நேற்று (ஜன.31) மாலை வழக்கம்போல ஒன்றாக மது அருந்தியபோது அவர்களுக்கு இடையே தகராறு ஏற்பட்டது. இதனால் ராமசாமி அரிவாளால் மாரீஸ்வரனை சரமாரியாக வெட்டியுள்ளார். இதில் மாரீஸ்வரன் சம்பவ இடத்திலேயே பரிதாபமாக உயிரிழந்தார். இச்சம்பவத்தில் கோவில்பட்டி போலீசார் ராமசாமியை கைது செய்து விசாரிக்கின்றனர்.
News January 31, 2026
பந்தலூர் அருகே புலி தாக்கி பசு பலி: நிவாரணம் வழங்கல்
நீலகிரி மாவட்டம் பந்தலூர் அருகே உள்ள பிதர்காடு வனச்சரக எல்லைக்கு உட்பட்ட நெலாகோட்டை பகுதியில் விஜய் கிருஷ்ணன் என்பவரது பசுவைப் புலி அடித்துக் கொன்றது. இதனால் கிராம மக்கள் அச்சமடைந்துள்ள நிலையில், வனச்சரகர் ரவி தலைமையிலான குழுவினர் நேரில் ஆய்வு செய்து பாதிக்கப்பட்டவருக்கு ₹30,000 நிவாரணத் தொகை வழங்கினர். தற்போது வனத்துறையினர் அப்பகுதியில் தீவிர கண்காணிப்பு மற்றும் தேடுதல் பணியில் ஈடுபட்டுள்ளனர்.
News January 31, 2026
தஞ்சை: சிறுமி பாலியல் வன்கொடுமை – 7 பேர் கைது
பாபநாசம் அருகே சூலமங்கலம் பகுதியைச் சேர்ந்த சுரேந்திர பாண்டியன் (21), சண்முகம் (21). புண்ணியநல்லூர் கிராமத்தைச் சேர்ந்த மணிமாறன் (21), அசோக் (21), பசுபதி கோவிலைச் சேர்ந்த சுதன் (21) மற்றும் 2 சிறுவர்கள் ஆகிய 7 பேர் 17 வயது சிறுமியை பல நாட்களாக பாலியல் வன்கொடுமை செய்ததாக கூறப்படுகிறது. இதுகுறித்து அந்த சிறுமி அளித்த புகாரின் பேரில் 7 பேரையும் போலீசார் போக்சோ சட்டத்தின் கீழ் கைது செய்தனர்.
News January 31, 2026
அரியலூர்: நாளை டாஸ்மாக் கடைகள் மூடல்!
அரியலூர் மாவட்டம் முழுவதும் நாளை (பிப்ரவரி 1) வள்ளலார் நினைவு தினம் அனுசரிக்கப்படுகிறது. இதனை முன்னிட்டு, அரியலூர் மாவட்டத்தில் இயங்கி வரும் அனைத்து மதுபான சில்லறை விற்பனை கடைகள், அவற்றுடன் இணைந்த மதுக்கூடங்கள் மற்றும் FL3 உரிமம் பெற்ற மதுபானக் கூடங்கள் ஆகியவை நாளை ஒரு நாள் மட்டும் இயங்காது என மாவட்ட ஆட்சித்தலைவர் இரத்தினசாமி தெரிவித்துள்ளார். இத்தகவலை SHARE பண்ணுங்க!
News January 31, 2026
புதுவை: சொத்து கணக்கு தாக்கல் செய்ய கால அவகாசம்
புதுச்சேரியில் பணிபுரியும் குரூப் A மற்றும் B அதிகாரிகள், 2025ஆம் ஆண்டுக்கான அசையா சொத்து கணக்கை, இன்றுக்குள் (ஜன.31) தாக்கல் செய்ய வேண்டும் என புதுவை அரசு எச்சரித்து இருந்தது. இந்த நிலையில் சொத்து கணக்கை தாக்கல் செய்வதற்கான கால அவகாசத்தை, பிப்.5-ஆம் தேதி வரை புதுவை அரசு நீட்டித்துள்ளது. இத்தகவலை மற்றவர்களுக்கும் SHARE பண்ணுங்க!
News January 31, 2026
புதுக்கோட்டை: இன்று இங்கெல்லாம் மின்தடை!
புதுக்கோட்டை மாவட்டத்தில் உள்ள அன்னப்பன்னை, அன்னவாசல், டி.நல்லூர், சிப்காட் ஆகிய துணை மின் நிலையங்களில் இன்று (ஜன.31) மாதந்திர பராமரிப்பு பணிகள் நடைபெறவுள்ளது. இதன் காரணமாக இங்கிருந்து மின் விநியோகம் பெரும் அனைத்து பகுதிகளிலும் இன்று காலை 9 மணி முதல் மாலை 4 மணி வரை மின் நிறுத்தம் செய்யப்படும் என அறிவிக்கப்பட்டுள்ளது. இத்தகவல் மற்றவர்களுக்கும் பயன்பெற SHARE பண்ணுங்க!
Featured News
Sorry, no posts matched your criteria.