News February 2, 2026

திருச்சியில் குவிந்த 663 மனுக்கள்

திருச்சி மாவட்ட ஆட்சியரகத்தில் இன்று நடைபெற்ற மக்கள் குறை தீர்க்கும் நாள் கூட்டத்தில் இலவச வீட்டுமனை பட்டா, பட்டா மாறுதல், முதியோர் உதவித்தொகை, விதவை உதவித்தொகை, மாற்றுத்திறனாளிகள் உதவித்தொகை, தொகுப்பு வீடு உள்ளிட்ட கோரிக்கைகளை வலியுறுத்தி மொத்தம் 663 மனுக்கள் பெறப்பட்டுள்ளது. இந்த மனுக்கள் மீது உடனடி நடவடிக்கை எடுக்க அதிகாரிகளுக்கு மாவட்ட ஆட்சியர் உத்தரவிட்டார்.

News February 2, 2026

திருச்சி: மனைவியை கொன்ற கணவனுக்கு ஆயுள் தண்டனை

எடமலைப்பட்டி புதூர் ஜே.ஜே நகர் பகுதியைச்சேர்ந்த கோபால் என்பவர் குடும்ப பிரச்சனையில், தனது மனைவியை தாக்கி கொலை செய்த வழக்கில் கைது செய்யப்பட்டார். இவ்வழக்கின் விசாரணை திருச்சி மகிளா நீதிமன்றத்தில் நடைபெற்று வந்தது. இதில், கோபால் மீது குற்றம் உறுதி செய்யப்பட்ட நிலையில், குற்றவாளிக்கு ஆயுள் தண்டனையும், ஆயிரம் ரூபாய் அபராதமும் விதித்து நீதிபதி விஷ்ணு பிரியா உத்தரவிட்டார்.

News February 2, 2026

கடலூர்: கொலை வழக்கில் கைதான 2 பேருக்கு மாவு கட்டு

சோனஞ்சாவடியை சேர்ந்த பூமிநாதன் (50) என்பவர் கடந்த 30-ம் தேதி, தலையில் கல்லை போட்டு கொலை செய்யப்பட்டார். இதுகுறித்து விசாரணை மேற்கொண்ட முதுநகர் போலீசார் வைரங்குப்பத்தை சேர்ந்த சுதாகர் (21), முகில் (எ) முகேஷ்(21) ஆகியோரை கைது செய்தனர். அப்போது அவர்கள் தப்பி ஓட முயன்ற போது, தவறி இரண்டு பேருக்கும் எலும்பு முறிவு ஏற்பட்டு கடலூர் அரசு மருத்துவமனை சிகிச்சை பெற்று வருகின்றனர்.

News February 2, 2026

சேலம் சரக்கு போக்குவரத்து மூலம் ₹244 கோடி வருவாய்

சேலம் ரயில்வே கோட்டம் நடப்பு நிதியாண்டில் (ஏப்ரல்-ஜனவரி) 2.577 மில்லியன் டன் சரக்குகளைக் கையாண்டு ₹244.26 கோடி வருவாய் ஈட்டியுள்ளது. இது கடந்த ஆண்டை விட 10.3% அதிகமாகும். வருவாயை மேலும் அதிகரிக்கச் சேலம், கோவை, கரூர், ஈரோடு பகுதிகளில் ஆய்வுகள் மேற்கொள்ளப்பட உள்ளதாகக் கோட்ட மேலாளர் தெரிவித்துள்ளார். சரக்கு போக்குவரத்தில் சேலம் கோட்டம் தொடர்ந்து அபரிமிதமான வளர்ச்சி கண்டு வருகிறது.

News February 2, 2026

கிருஷ்ணகிரி ஆட்சியர் முக்கிய அறிவிப்பு!

கிருஷ்ணகிரியில் 2025–2026 ஆம் ஆண்டிற்கான தொழிற்பயிற்சியாளர் (Trade Apprentice) சேர்க்கை முகாம் பிப்.06 நடைபெறுகிறது. ஓசூர் அரசினர் தொழிற்பயிற்சி நிலைய வளாகத்தில் காலை 10 மணி முதல் மாலை 4 மணி வரை நடைபெறும் முகாமில் 50க்கும் மேற்பட்ட முன்னணி தொழில் நிறுவனங்கள் பங்கேற்கின்றன. 10, 12 ஆம் வகுப்பு மற்றும் ITI தேர்ச்சி பெற்ற இளைஞர்கள் பங்கேற்கலாம். மேலும் விபரங்களுக்கு இந்த எண்ணில் 978797022 அழைக்கவும்

News February 2, 2026

நாமக்கல்: உங்கள் பட்டா யார் பெயரில் இருக்கு?

நாமக்கல் மக்களே, இனி நீங்கள் இருக்கும் இடத்தின் நிலப்பட்டா யார் பெயரில் இருக்கிறது? என Google Map வைத்தே ஈஸியா தெரிஞ்சுக்கலாம். ‘<>Tamil Nilam<<>>’ என்ற செயலியில் Location-ஐ On செய்து, நீங்கள் இருக்கும் இடம், நிலம் போன்றவை தேர்ந்தெடுத்து ‘பட்டா’ என்ற இடத்தை கிளிக் செய்தால், அந்த இடம் யார் பெயரில் உள்ளது என்பதை எளிதில் தெரிந்து கொள்ளலாம். மேலும் FMB மற்றும் EC போன்றவற்றையும் பார்க்க முடியும். SHARE IT

News February 2, 2026

திண்டுக்கல்: வங்கி மோசடி.. காவல்துறை எச்சரிக்கை!

திண்டுக்கல் மாவட்ட காவல்துறை பொதுமக்களுக்கு எச்சரிக்கை விடுத்துள்ளது. வங்கி கணக்கின் மூலம் சட்டவிரோதமாக பண பரிவர்த்தனை செய்துள்ளீர்கள் என உங்களது செல்போனிற்கு வரும் அழைப்புகள் மற்றும் மின்னஞ்சல்களை நம்ப வேண்டாம். அதன்மூலம் உங்களை மிரட்டி பணம் பறிக்க வாய்ப்புள்ளது. இதுபோன்ற மோசடிகளுக்கு உள்ளானால் 1930 என்ற எண்ணையோ, www.cybercrime.gov.in இணையதளத்தையோ தொடர்பு கொள்ளுமாறு அறிவுறுத்தப்பட்டுள்ளது. ஷேர்!

News February 2, 2026

நீலகிரி ஆட்சியர் அலுவலகத்தில் பரபரப்பு!

நீலகிரி: மசினகுடி அருகே மாயர் கிராமத்தை சேர்ந்த பாப்பம்மாள் என்பவருக்கு, அவர் இறந்துவிட்டதாக தவறாக பதிவானதால் கடந்த 6 மாதங்களாக ஓய்வூதியம் நிறுத்தப்பட்டுள்ளது. “நான் உயிருடன் தான் இருக்கிறேன், நான் இறக்கவில்லை” என தெரிவித்த அவர், ஆவணங்களில் தவறான விவரங்களை திருத்தி, நிறுத்தப்பட்ட ஓய்வூதியத்தை மீண்டும் வழங்க வேண்டும் என ஆட்சியர் அலுவலகத்தில் வலியுறுத்தியுள்ளார். இதனால் அங்கு பரபரப்பு ஏற்பட்டது.

News February 2, 2026

மீண்டும் சாதித்து காட்டிய சென்னை மருத்துவமனை!

சென்னை, மூளையில் ஏற்பட்ட ரத்த கசிவால் பாதிக்கப்பட்ட மருத்துவ கல்வி மாணவி ஒருவர், அதிநவீன நரம்பியல் சிகிச்சைக்காக கிண்டி கலைஞர் நூற்றாண்டு உயர் சிறப்பு மருத்துவமனையில் அனுமதிக்கப்பட்டிருந்தார். இவர் குணமடைந்த நிலையில், மருத்துவம் & மக்கள் நல்வாழ்வுத்துறை அமைச்சர் மா.சுப்பிரமணியன், உடல் நலம் குறித்து கேட்டறிந்தார். இதில் மருத்துவமனையின் முதல்வர் & மருத்துவர்கள் உடன் இருந்தனர்.

News February 2, 2026

குமரி: கூட்டு பட்டாவை மாற்ற புதிய வழி

உங்கள் இடம் அல்லது மனை கூட்டு பட்டாவில் இருந்து மாற்ற இங்கு <>க்ளி<<>>க் செய்து பட்டா மாறுதலுக்கு விண்ணப்பித்தல் தேர்ந்தெடுத்து தனி பட்டாவாக மாற்ற பின்வரும் ஆவணங்களை இணைக்க வேண்டும்.

1.கூட்டு பட்டா

2.விற்பனை சான்றிதழ்

3.நில வரைபடம்

4.சொத்து வரி ரசீது

மற்ற உரிமையாளர்களின் ஒப்புதல் கடிதத்துடன் விண்ணப்பித்தால் நிலத்தை அதிகாரிகள் ஆய்வு செய்து 30 – 60 நாள்களில் தனி பட்டா கிடைத்துவிடும். SHARE.