India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News February 4, 2026
புதுவை: கோயில் வாயிலில் கொடூர கொலை
வில்லியனூர் திருக்காஞ்சி பகுதியில் உள்ள காசி விஸ்வநாதர் கோயில் வாசல் முன்பு அங்கு தங்கி பிச்சை எடுத்து வந்த அடையாளம் தெரியாத முதியவர் ஒருவர், மர்ம நபர்களால் தலையில் கல்லைப் போட்டு கொடூரமாகக் கொலை செய்யப்பட்டதாக தெரிகிறது. தகவலறிந்து சென்ற வில்லியனூர் போலீசார், வழக்குப்பதிவு செய்து, கொலையாளி யார்? எதற்காக இந்தக் கொலை நடந்தது? என்பது குறித்து தீவிர விசாரணை மேற்கொண்டு வருகின்றனர்.
News February 4, 2026
மதுரை மாநகராட்சி வரி முறைகேடு வழக்கில் ஜாமீன் மனு தள்ளுபடி
மதுரை மாநகராட்சியில் சொத்து வரி முறைகேடு நடந்ததாக எழுந்த புகாரின் பேரில் கைது செய்து சிறையில் உள்ள பழனிக்குமார், ஜெயப்பிரியா ஆகியோர் ஜாமீன் கேட்டு மதுரை மாவட்ட நீதிமன்றத்தில் மனு தாக்கல் செய்தனர். இந்த மனுக்கள் நீதிபதி சிவகடாட்சம் முன்பு விசாரணைக்கு வந்தது. அதில் மனுதாரர்களின் ஜாமீன் மனுக்களை தள்ளுபடி செய்து நீதிபதி உத்தரவிட்டார்.
News February 4, 2026
சிவகங்கை: இன்றைய மின் தடை பகுதிகள் அறிவிப்பு
மறவமங்கலம், இளையான்குடி துணை மின் நிலையங்களில் இன்று மாதாந்திர பராமரிப்பு பணிகள் நடக்கிறது. இதனால் மறவமங்கலம், VIP நகர், பால்குளம், குண்டாக்குடை, அஞ்சாம்பட்டி, வளையம்பட்டி, பளூர், இளையான்குடி, புதூர், தாயமங்கலம், கண்ணமங்கலம், திருவள்ளூர், சாத்தனி, காடனி, கலைக்குளம், நகரகுடி, அதி கரை, குமாரக்குறிச்சி மற்றும் அதன் சுற்று வட்டார பகுதிகளில் காலை 10 மணி முதல் மாலை 5 மணி வரை மின் விநியோகம் இருக்காது.
News February 4, 2026
குமரி அருகே கல்லூரி மாணவர் தற்கொலை
ஆரல்வாய்மொழி பகுதியைச் சேர்ந்தவர் முத்து கிஷோர்(19). இவர் கல்லூரி ஒன்றில் டிப்ளமோ இரண்டாம் ஆண்டு படித்து வந்த நிலையில் நேற்று கல்லூரிக்கு செல்லாமல் இருந்த நிலையில் தூக்கிட்டு தற்கொலை செய்து கொண்டதாக கூறப்படும் சம்பவம் அதிர்ச்சியை ஏற்படுத்தியுள்ளது. இதுகுறித்து தகவல் அறிந்த ஆரல்வாய்மொழி போலீசார் வழக்குப் பதிவு செய்து கல்லூரி மாணவரின் தற்கொலைக்கான காரணம் குறித்து விசாரணை நடத்தி வருகின்றனர்.
News February 4, 2026
நெல்லையில் போலீசார் தீவிர தேடுதல் வேட்டை..!
நெல்லை மேலப்பாளையம் அருகே கடந்த மாதம் ஒரு ஆண் சிசுவின் உடல் கண்டெடுக்கப்பட்டது. தெருநாய்கள் கவ்வி வந்த பையில் தொப்புள்கொடியுடன் இருந்த சிசுவைக் கண்டு பொதுமக்கள் அதிர்ச்சியடைந்தனர். இதுகுறித்து போலீசார் மற்றும் சுகாதாரத்துறையினர் சிசுவை வீசிச் சென்றவர்களைப் பிடிக்க கண்காணிப்பு கேமராக்கள் மூலம் விசாரணை செய்கின்றனர். இரண்டு வாரங்களாகியும் குற்றவாளிகள் சிக்காததால் போலீசார் தீவிரமாக தேடி வருகின்றனர்.
News February 4, 2026
அறிவித்தார் கரூர் கலெக்டர்!
சம்பா நெல் சாகுபடியையொட்டி,குளித்தலை, பணிக்கம்பட்டி, வளையப்பட்டி, இனுங்கூர், நச்சலுார், கல்லடை, கே.பேட்டை, நங்கவரம், சின்னபனையூர், கழுகூர், திருச்சாப்பூர், புகழூர் வட்டம் அஞ்சூர் ஆகிய, 11 இடங்களில் நெல் கொள்முதல் நிலையம் செயல்படுகிறது. இங்கு விவசாயிகள் நேரில் சென்று பயன் பெறலாம். மேலும் முறைகேடுகள் குறித்து 18005993540 என்ற எண்ணில் புகாரளிக்கலாம் என கரூர் கலெக்டர் தங்கவேல் அறிவிப்பு!
News February 4, 2026
செங்கல்பட்டு: கன்னத்தில் பளார் வாங்கி காலில் விழுந்த முதியவர்
தாம்பரம் பேருந்து நிலையம் அருகே ஜி.எஸ்.டி., சாலையில் நேற்று மதியம் பட்டபகலில் தனது தாயுடன் நடந்து சென்ற இளம்பெண்ணுக்கு முதியவர் ஒருவர் பாலியல் சீண்டலில் ஈடுபட்டுள்ளார். அப்போது அந்த முதியவர் போதையில் இருந்த நிலையில், இளம்பெண் அந்த நபரை கன்னத்தில் அறைந்து போலீசில் ஒப்படைத்தார். இதனையடுத்து போதை ஆசாமி பெண்ணின் காலில் விழுந்து கெஞ்சியுள்ளார். இச்சம்பவத்தால் பகுதியில் பெரும் பரபரப்பு ஏற்பட்டது.
News February 4, 2026
தி.மலை: பள்ளிக்கு சென்ற வேன் விபத்து- துடிதுடித்து பலி!
திருவண்ணாமலை அடுத்த திடீர் குப்பம் கிராமத்தில் நேற்று திருவண்ணாமலை நோக்கி சென்ற தனியார் பள்ளி வாகனம் மீது பின்னால் வந்த கார் மோதிய விபத்தில் ஒருவர் சம்பவ இடத்திலேயே உயிரிழந்தார். தகவல் அறிந்த போலீசார் சம்பவ இடத்துக்கு விரைந்து சென்று சடலத்தை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும், வழக்குப்பதிந்து விசாரணை மேற்கொண்டு வருகின்றனர்.
News February 4, 2026
தென்காசி மாவட்டத்தில் 499 பேர் கைது!
தென்காசி புதிய பேருந்து நிலையம் அருகே கோரிக்கைகளை வலியுறுத்தி அங்ஙன்வாடி மற்றும் சத்துணவு ஊழியர்கள் சாலை மறியலில் ஈடுபட்டனர். இதனால் ஒரு மணி நேரம் போக்குவரத்து பாதிக்கப்பட்டது. போராட்டத்தில் ஈடுபட்ட 488 பெண்கள் உட்பட 499 பேரை போலீசார் கைது செய்து தனியார் மண்டபத்தில் தங்க வைத்தனர். இதனால் அப்பகுதியில் பரபரப்பு நிலவியது.
News February 4, 2026
திண்டுக்கல்லில் அறிவித்தார் கலெக்டர்!
திண்டுக்கல் மாவட்டத்தில் கால்நடை பராமரிப்புத் துறை சார்பில் பிப்ரவரி 3 முதல் 14 வரை கோழிக்கழிச்சல் நோய் தடுப்பூசி இருவார சிறப்பு முகாம் நடைபெற உள்ளது. மாவட்ட ஆட்சியர் சரவணன் விடுத்துள்ள அறிவிப்பில், பொதுமக்கள் தங்கள் பகுதியில் உள்ள ஊராட்சி கால்நடை நிலையங்களை அணுகி, வளர்ப்பு கோழிகளுக்குத் தடுப்பூசி செலுத்தி பயனடையுமாறு கேட்டுக்கொண்டுள்ளார்.
Featured News
Sorry, no posts matched your criteria.