India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News February 4, 2026
கடலூர்: விபத்தில் சம்பவ இடத்திலேயே பலி
பண்ருட்டி திருக்காமு தெருவை சேர்ந்தவர் யுவராஜ் (34). ‘சவுண்டு சர்வீஸ்’ கடை நடத்தி வரும் இவர் தனது பைக்கில் அரசூர் சாலை வழியாக சென்றபோது எதிரே வந்த ஆட்டோ, யுவராஜ் ஓட்டிச்சென்ற பைக் மீது மோதியது. இந்த விபத்தில் படுகாயமடைந்த யுவராஜ் சம்பவ இடத்திலேயே பரிதாபமாக உயிரிழந்தார். இதுகுறித்து பண்ருட்டி போலீசார் வழக்குப்பதிவு செய்து விசாரணை நடத்தி வருகிறார்கள்.
News February 4, 2026
வேலூர்: அடிதடியில் முடிந்த வீண் தகராறு!
கழிஞ்சூரை சேர்ந்தவர் தினேஷ் (29). இவர் பாலுநகர் பகுதியில் பெட்ரோல் வாங்குவதற்காக சாலையோரம் காலி பாட்டில் கிடக்கிறதா என பார்த்துக்கொண்டே பைக்கில் மெதுவாக சென்றார். அப்போது அவ்வழியாக வந்த விக்னேஷ் (32) ஓரமாக செல் அல்லது வேகமாக செல் என தினேஷை ஆபாசமாக திட்டியுள்ளார். இதில் ஏற்பட்ட தகராறில் தினேஷ் விக்னேஷை கட்டையால் சரமாரியாக தாக்கியுள்ளார். இதுகுறித்து போலீசார் விசாரணை நடத்தி வருகின்றனர்.
News February 4, 2026
தருமபுரி: கிணற்றில் மிதந்த சடலம்!
சூடனூர் கிராமத்தை சேர்ந்த விவசாயி மாதப்பன். இவரது கிணற்றில் நேற்று முன்தினம் (பிப்.2) பெண் பிணம் மிதந்தது. அதன்பேரில் போலீசார் சம்பவ இடத்திற்கு சென்று பெண்ணின் உடலை மீட்டு விசாரணை நடத்தினர். இதில் அவர் அதேபகுதியை சேர்ந்த பச்சியம்மாள் (86) என்பதும், கிணற்றில் தவறி விழுந்து இறந்ததும் தெரியவந்தது. இதையடுத்து உடல் பிரேத பரிசோதனைக்காக பாலக்கோடு அரசு ஆஸ்பத்திரிக்கு அனுப்பி வைக்கப்பட்டது.
News February 4, 2026
திருவாரூர்: சடலமாக கிடந்த சமையல் தொழிலாளி
திருத்துறைப்பூண்டி அடுத்த கீராந்தி வடிகால் வாய்க்கால் அருகே ஆண் சடலம் ஒன்று ரத்தக்காயங்களுடன் கிடப்பதாக போலீசாருக்கு தகவல் வந்தது. விரைந்து சென்ற கோட்டூர், ஆலிவலம் போலீசார் உடலை கைப்பற்றி விசாரணை மேற்கொண்டனர். அதில் சடலமாக கிடந்தவர் பொன்னிறையைச் சேர்ந்த சமையல் தொழிலாளியான சுப்ரமணியன் (45) என்பது தெரிய வந்தது. அதைத் தொடர்ந்து இச்சம்பவம் விபத்தா? அல்லது கொலையா? என விசாரணை மேற்கொண்டுள்ளனர்.
News February 4, 2026
கிருஷ்ணகிரியில் தூக்கி வீசப்பட்டு பலி!
சூளகிரி அடுத்த கல்லுகுறுக்கியை சேர்ந்தவர் ராஜம்மாள் (50). இவர் தனது உறவினர்கள் இருவருடன் நேற்று முன்தினம் (பிப்.2) இருசக்கர வாகனத்தில் கிருஷ்ணகிரி நோக்கி சென்று கொண்டிருந்தனர். அப்போது திடீரென பின்னே வந்த லாரி மோதி விபத்துக்குள்ளானது. இதில் ராஜம்மாள் சம்பவயிடத்திலே உயிரிழந்தார். மேலும் உடனிருந்த ரேணுகா, லட்மம்மா இருவரும் படுகாயமடைந்தனர். இதுகுறித்து போலீசார் விசாரணை நடத்தி வருகின்றனர்.
News February 4, 2026
திருச்சி: அரசு பஸ் மோதி சம்பவ இடத்திலேயே பலி
திருச்சி மாவட்டம் சமயபுரம் அடுத்த மணக்கால் கிராமத்தைச் சேர்ந்தவர் ராமர் (33). இவர் நேற்று மேலவாளாடியில் இருந்து இருசக்கர வாகனத்தில் லால்குடி நோக்கி சென்று கொண்டிருந்த போது, அரியலூரில் இருந்து திருச்சி நோக்கி சென்ற அரசு விரைவு பேருந்து மோதி சம்பவ இடத்திலேயே பரிதாபமாக உயிரிழந்தார். இதுகுறித்து சமயபுரம் போலீசார் வழக்குப்பதிவு செய்து விபத்தை ஏற்படுத்திய பஸ் டிரைவர் சேகர் (50) என்பவரை கைது செய்தனர்.
News February 4, 2026
அரியலூர்: பைக் சாகசத்தில் ஈடுபட்ட 4 இளைஞர்கள் கைது
அரியலூர் மாவட்டம் மீன்சுருட்டி போலீசார் பாப்பாக்குடி மேம்பாலத்தின் கீழே தேசிய நெடுஞ்சாலையில் வாகன சோதனையில் ஈடுபட்டனர். அப்போது அந்த வழியாக மோட்டார் சைக்கிள்களில் வந்த 4 வாலிபர்கள் பொதுமக்களுக்கு இடையூறு ஏற்படுத்தும் வகையில், சாகசகத்தில் ஈடுபட்டுள்ளனர். இதனை கண்ட போலீசார், நால்வரையும் பிடித்து விசாரணை மேற்கொண்டு கைது செய்தனர். அதனை தொடர்ந்து அவர்களது வாகனங்களையும் பறிமுதல் செய்தனர்.
News February 4, 2026
தூத்துக்குடியில் 2 பேர் மீது பாய்ந்த குண்டாஸ்
தூத்துக்குடி மாவட்டம் ஆறுமுகநேரி பகுதியில் கஞ்சா விற்ற வழக்கில் நெல்லை பேட்டையை சேர்ந்த கூடலிங்கம் (27), சுத்தமல்லியை சேர்ந்த சுரேஷ் ஆகியோர் கைதாகி பாளை மத்திய சிறையில் அடைக்கப்பட்டுள்ளனர். இவர்களை குண்டர் தடுப்பு சட்டத்தில் கைது செய்ய மாவட்ட எஸ்பி சிலம்பரசன் பரிந்துரை செய்ததன் பெயரில் கலெக்டர் இளம்பகவத் இவர்களை குண்டர் தடுப்பு சட்டத்தில் கைது செய்ய உத்தரவிட்டுள்ளார்.
News February 4, 2026
நாமக்கல்லில் அடுத்த ஜல்லிக்கட்டு! UPDATE
நாமக்கல் மாவட்டத்தில் சமீபத்தில் இரண்டு ஜல்லிக்கட்டு போட்டிகள் நடைபெற்றது. இந்நிலையில் அடுத்ததாக இராசிபுரம் அருகே மங்களபுரம் ஊராட்சிக்கு உட்பட்ட தாண்டகவுண்டன்பாளையம் பகுதியில் வரும் சனிக்கிழமை (07.02.2026) மாபெரும் ஜல்லிக்கட்டு போட்டி நடைபெற உள்ளது. இதனை முன்னிட்டு அரங்க அமைப்பு, பாதுகாப்பு உள்ளிட்ட ஏற்பாடுகள் தீவிரமாக நடைபெற்று வருகின்றன. ஜல்லிக்கட்டை காண மக்கள் ஆவலுடன் உள்ளார்கள். SHAREIT
News February 4, 2026
பெரம்பலூர்: இன்று இங்கெல்லாம் மின்தடை!
பெரம்பலூர் மாவட்டம், வேப்பந்தட்டை தாலூகா, அ.மேட்டூர் துணை மின் நிலையத்தில் இன்று (பிப்-4) மாதாந்திர பராமரிப்பு பணிகள் நடைபெற உள்ளது. இதன் காரணமாக இன்று காலை 9 மணி முதல் பராமரிப்பு பணிகள் முடியும் வரை அரும்பாவூர், அ.மேட்டூர், பூலாம்பாடி, கள்ளப்பட்டி, மலையாப்பட்டி மற்றும் அதன் சுற்றுவட்டார பகுதிகளில் மின் வினியோகம் இருக்காது. என துணை மின்நிலைய உதவி செயற்பொறியாளர் தெரிவித்துள்ளார். SHARE பண்ணுங்க!
Featured News
Sorry, no posts matched your criteria.