Tamilnadu

News February 8, 2026

மதுரை: சாலையில் சென்றவர் மயங்கி விழுந்து பலி.!

image

பழங்­கா­நத்­தம் வடக்குத் தெருவை சேர்ந்­த­வர் போட்டோகிராபர் சிவகு­மார்(48). சிறு வயது முதலே இளைப்பு நோய், வலிப்பு நோயால் பாதிக்­கப்­பட்­டிருந்­தார். கீழ­வெளி வீதியில் இவர் நேற்று நடந்து சென்று கொண்­டிருந்­த­ போது, திடீ­ரென்று தலை சுற்றி
கீழே விழுந்­தார். இதில் படுகாயமடைந்த அவர் சம்­பவ இடத்தி­லேயே உயிரி­ழந்­தார்.
சம்பவம் குறித்து விளக்குத்­தூண் போலீசார் விசா­ரிக்கின்றனர்.

News February 8, 2026

தூத்துக்குடி எஸ்பி எச்சரிக்கை

image

தூத்துக்குடியில் நீதிமன்றம் பிடிவாரண்டு பிறப்பிக்கப்பட்டு விசாரணைக்கு ஆஜராகாத 99 பேர் கைது செய்யப்பட்டுள்ளனர். கடந்த ஜனவரி மாதத்தில் மட்டும் 17 பேர் குண்டர் சட்டத்தின் கீழ் கைது செய்யப்பட்டுள்ளனர். 20 குற்றவாளிகள் மீது பிணைப்பத்திரம் பெறப்பட்டு நடவடிக்கை எடுக்கப்பட்டுள்ளது. மாவட்டத்தில் குற்ற செயல்களில் ஈடுபடுபவர்கள் மீது கடுமையான நடவடிக்கை எடுக்கப்படும் என எஸ்பி சிலம்பரசன் தெரிவித்துள்ளார்.

News February 8, 2026

நெல்லை: போலீஸ்காரருக்கு 20 ஆண்டுகள் சிறை

image

களக்காடு அருகே சிதம்பராபுரம் பகுதியைச் சேர்ந்த ஆனந்த கலைச்செல்வன்(34) நெல்லை மாநகரில் காவலராக பணிபுரிந்து வந்தார். இவர் 2024-ம் ஆண்டு வீட்டில் தனியாக இருந்த 17 வயது சிறுமியிடம் பாலியல் ரீதியான துன்புறுத்தலில் ஈடுபட்ட நிலையில் போக்சோ சட்டத்தில் கைது செய்யப்பட்டார். நேற்று விசாரணைக்கு வந்த இந்த வழக்கில் ஆனந்த கலைச்செல்வனுக்கு 20 ஆண்டுகள் சிறை தண்டனை விதித்து நீதிபதி தீர்ப்பளித்தார்.

News February 8, 2026

காஞ்சி: இளைஞர் துடிதுடித்து பலி

image

சுங்குவார்சத்திரம் அடுத்த செல்வழி மங்கலம் விநாயகர் கோவில் தெரு பகுதியை சேர்ந்தவர் அமர்ஜித் குமார். தனியார் கம்பெனியில் வேலை செய்து வந்தார். நேற்று செல்வழிமங்கலம் பகுதியில் சென்னை-பெங்களூரு தேசிய நெடுஞ்சாலையில் பஸ் நிறுத்ததில் நின்று கொண்டிருந்தார். அப்போது வேகமாக வந்த மோட்டார் சைக்கிள் அமர்ஜித் குமார் மீது பயங்கரமாக மோதி தூக்கி வீசப்பட்டார். மருத்துவமனையில் சிசிச்சை பலனின்றி உயிரிழந்தார்.

News February 8, 2026

நாகை: வயலில் இறங்கி விவசாயிகள் போராட்டம்

image

நாகை மாவட்டம் கீழையூர் ஒன்றிய பகுதிகளில் டிசம்பர் மாதம் பருவம் தவறி மழை பெய்த காரணத்தினால், தளாடி பயிர் சாகுபடி செய்வதில் காலதாமதம் ஏற்பட்டது. இதன்காரணமாக நடவு செய்து 50 நாட்களே ஆன நிலையில், இம்மாதம் இறுதி வரை மேட்டூர் அணையில் இருந்து தண்ணீர் திறக்க வேண்டுமென தமிழக கடைமடை விவசாய சங்கத்தினர் ஆர்பாட்டத்தில் ஈடுபட்டனர். அப்போது உடனடியாக ஆற்றை தூர்வாரி தண்ணீர் திறக்க வேண்டுமென கோரிக்கை வைத்துள்ளனர்.

News February 8, 2026

வேலூரில் துணிகர சம்பவம்!

image

வேலூர் அடுத்த பள்ள இடையம்பட்டி பகுதியை சேர்ந்தவர் ரமணி (47). இவர் இவர் நேற்று (பிப்.7) ஒசூரில் படிக்கும் தனது மகளை பார்ப்பதற்காக ஸ்கூட்டரில் சென்றார். அப்போது வேலூர் பெண்கள் சிறை அருகே வந்தபோது பின்னால் பைக்கில் வந்த 2 பேர் திடீரென ரமணியின் கழுத்தில் இருந்த தங்க செயினை பறித்து சென்றனர். இதுகுறித்த புகாரின் பேரில் பாகாயம் போலீசார் வழக்கு பதிந்து விசாரித்து வருகின்றனர்.

News February 8, 2026

ராணிப்பேட்டையில் செல்லும் வழியில் பிரசவம்!

image

வாலாஜாவை அடுத்த ஆயிலத்தை சேர்ந்த தம்பதி லாரன்ஸ்- இந்திராணி (22). நிறைமாத கர்ப்பிணியாக இருந்த இவருக்கு நேற்று அதிகாலை (பிப்.7) திடீரெனப் பிரசவ வலி ஏற்பட்டது. உடனே அவர் வாலாஜா அரசு மருத்துவமனைக்கு 108 ஆம்புலன்சில் அனுப்பி வைக்கப்பட்டார். ஆனால் செல்லும் வழியிலேயே 3: 30 மணிக்கு இந்திராணிக்கு ஆண் குழந்தை பிறந்தது. தாயும் குழந்தையும் தற்போது மருத்துவமனையில் சிகிச்சை பெற்று வருகின்றனர்.

News February 8, 2026

மயிலாடுதுறை: போலீசார் அதிரடி – இளைஞர் கைது

image

மயிலாடுதுறை மாவட்டம் பெரம்பூர் காவல் சரகத்தில் இன்று போலீசார் சோதனையில் ஈடுபட்டனர். அப்போது சட்டவிரோதமாக பாண்டி மதுபானங்களை விற்பனை செய்த, கருவாழக்கரை மேலையூரை சேர்ந்த சின்ராசு (எ) ராதாகிருஷ்ணன்(29) எனவரை கைது செய்தனர். மேலும் அவரிடம் இருந்து பைக் மற்றும் 200 எண்ணிக்கையிலான பாண்டி மதுபான பாட்டில்களையும் போலீசார் கைப்பற்றினர்.

News February 8, 2026

பெரம்பலூர்: நாளை இங்கெல்லாம் மின்தடை!

image

பெரம்பலூர் மாவட்டத்தில் உள்ள பேரளி, மங்கூன், ஈச்சங்காடு ஆகிய துணை மின் நிலையங்களில் நாளை (பிப்.09) மாதாந்திர பராமரிப்பு பணிகள் நடைபெறவுள்ளது. இதன் காரணமாக இங்கிருந்து பேரளி, கல்பாடி, அசூர், அடைக்கம்பட்டி, மேலப்புலியூர், மாத்தூர் உள்ளிட்ட சுற்றுவட்டார பகுதிகளில் நாளை காலை 9 மணி முதல் மதியம் 2 மணி வரை மின் விநியோகம் இருக்காது என தெரிவிக்கப்பட்டுள்ளது. இத்தகவலை ஷேர் செய்து தெரியப்படுத்துங்கள்!

News February 8, 2026

தஞ்சை மாவட்டத்தில் மின்தடை அறிவிப்பு!

image

தஞ்சை மாவட்டத்தில் உள்ள ஆடுதுறை, பேராவூரணி, மணிமண்டபம், மின்நகர் ஆகிய துணை மின் நிலையங்களில் வருகிற 10ம் தேதி மாதாந்திர பராமரிப்பு பணிகள் நடைபெறவுள்ளது. இதன் காரணமாக இங்கிருந்து மின் விநியோகம் பெறும் அனைத்து பகுதிகளிலும் அன்று காலை 9 மணி முதல் மாலை 3 மணி வரை மின் விநியோகம் இருக்காது என தெரிவிக்கப்பட்டுள்ளது. இத்தகவலை மற்றவர்களுக்கு ஷேர் செய்து தெரியப்படுத்துங்கள்!

error: Content is protected !!
↑